2017 banner esiximosarecuperaciondosnososdereitos

 
 

Convocatoria do concurso específico para ingreso na categoría de enfermeiro/a especialista de enfermaría do traballo e de saúde mental.

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

agrup enferm positivo cor

Hoxe publícase no DOG a RESOLUCIÓN do 23 de abril de 2018, da Dirección Xeral de Recursos Humanos, pola que se convoca concurso específico para o ingreso na categoría estatutaria de persoal enfermeiro especialista nas especialidades de traballo e de saúde mental.

Convócase o concurso específico para o ingreso na categoría e praza de persoal enfermeiro/a especialista do Servizo Galego de Saúde, na especialidade de enfermaría do traballo e na especialidade de saúde mental.

concurso especifico

REQUISITOS:

  • Ser persoal estatutario fixo diplomado ou graduado universitario de enfermaría con vínculo de fixeza con destino definitivo no centro en que se oferta a praza.
  • Desempeñar ou ter desempeñado as funcións propias da especialidade.
  • Estar en servizo activo como persoal estatutario fixo durante, polo menos, dous anos na categoría de procedencia.
  • Titulación de enfermeira especialista correspondente.

PRAZO:

  • Un mes contado desde o día seguinte ao da publicación desta Resolución.

PROCEDEMENTO:

  • Farase a través do FIDES/expedient-e/Sección de Procesos.
  • Cubrirase unha única solicitude de participación por especialidade.
  • A solicitude presentarase por rexistro electrónico (necesario DNI-e ou certificado dixital).
  • Dirixirase á unidade de validación na cal a/o aspirante ten o seu destino definitivo.

MÉRITOS:

  • Valoraranse os causados ata o día inmediatamente anterior á data de publicación desta Resolución.
  • Estarán rexistrados  no FIDES e acreditados documentalmente dentro do prazo de presentación de solicitudes.
  • Non será necesario acreditar:
    • A experiencia profesional como persoal estatutario do SERGAS.
    • A formación impartida polo ACIS (FEGAS).
  • Puntuación polo coñecemento da lingua galega, necesario estar en posesión do Celga 4, curso de perfeccionamento de galego ou equivalente.

NOMEAMENTO:

  • Nomeamento como persoal estatutario fixo na categoría de enfermeira/o especialista da especialidade correspondente.
  • As/os profesionais nomeadas que viñan prestando servizos nas unidades correspondentes, permanecerán no mesmo destino.
  • O persoal nomeado poderá solicitar o pase á situación de excedencia por prestación de servizos no sector público na categoría de orixe.
  • Non poderán ser nomeado o persoal que se atope en situación de incapacidade permanente total, absoluta ou grande invalidez.

Descarga aquí as Bases do procedemento do concurso específico para o ingreso na categoría estatutaria de persoal enfermeiro especialista (DOG do 02/04/2018).

A publicación deste concurso é o recoñecemento, impulsado pola CIG-SAÚDE, ás/ós enfermeiras/os especialistas que non tiñan recoñecida esta situación.

Levan anos traballando como especialistas para o SERGAS, formando as/os novas/os enfermeiras/os especialistas sen ningún recoñecemento.

Agora o SERGAS vai a situar a estas/es profesionais no lugar que lles corresponde. Agardamos que en breve saian os concursos para o resto de enfermeiras/os doutras especialidades de enfermaría.  

O SERGAS négase a dar solucións as demandas do persoal dos PACs

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

A CIG-Saúde denuncia que a administración só busca dilatar no tempo as negociacións

18-04-27 ConcentracionPAC Santiago 006

Traballadores e traballadoras dos Puntos de Atención Continuada de Galiza concentráronse este venres na Consellaría de Sanidade coincidindo coa xuntanza da comisión técnica creada para dar solución as reivindicación deste colectivo. A xuntanza, que dende a CIG-Saúde cualifican de "desastre", serviu para comprobar a escasa vontade da administración para resolver as demandas do persoal dos PACs.

A CIG-Saúde denuncia que a adminsitración "tratou de silenciar as nosas opinións para impedir centrar o debate e saír da reunión cun compromiso de solución para o cómputo da xornada, así como diferenciar a xornada ordinaria e a complementaria".

Así resumía o contido da reunión a secretaria nacional da CIG-Saúde, María Xosé Abuín, quen acusou ao SERGAS de pretender seguir dilatando no tempo a busca de solucións para este colectivo, xa que a súa única proposta foi atrasar o tema "até unha próxima reunión na que traer un informe no que estudaría as nosas propostas, sen falar do que aconteceu até o de agora". Abuín lembra que na xuntanza deste venres só estaba previsto abordar un dos once puntos da plataforma reivindicativa: o relativo á xornada laboral.

"Desde a CIG-Saúde solicitamos valorar o pasado para construír o futuro, e de persistir a súa proposta de informe este tería que ser presentado nunha nova reunión nun prazo non superior a 15 días, pois despois de 10 anos (en referencia aos acordos pactados en 2008 e suspendidos pola Xunta do PP) deben saber como funciona a xornada", engade.

Porén a administración, co apoio doutras organizacións sindicais presentes na mesa, propuxo que na próxima reunión -que terá lugar a finais de maio- se convocara unha nova reunión "para falar só dos equipos completos nos PACs, polo que da xornada laboral non se volverá falar até o de xuño, se procede". Unha dinámica claramente dirixida a prolongar no tempo as negociacións, mais sen chegar a solucións.

Publicación listas provisionais contratacións

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

 

listas sergas

Hoxe publícase no DOG a RESOLUCIÓN do 19 de abril de 2018, da Dirección Xeral de Recursos Humanos, pola que se publica a relación provisional de admitidos/as e excluídos/as e os resultados provisionais de baremación no proceso de actualización das listas de selección temporal de diversas categorías de persoal estatutario.

Categorías de:

  • calefactor/a
  • condutor/a
  • electricista
  • fontaneiro/a
  • mecánico/a 
  • persoal de servizos xerais

Prazo de reclamacións: dez días hábiles (do 27 de abril ao 11 de maio de 2018)

Dirixidas ás direccións das estruturas organizativas de xestión integrada e as direccións con competencias na xestión de persoal das entidades adscritas á Consellería de Sanidade.

CIG-Saúde gaña as eleccións sindicais na Fundación Biomédica Galicia Sur

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIGSAUDElogo

Hoxe, mércores 25 de abril de 2018 celébraronse as primeiras eleccións sindicais na Fundación Biomédica Galicia Sur promovidas por CIG-Saúde.

Nestas eleccións están incluidas as áreas de Ourense, Pontevedra e Vigo.

Obtivemos máis do 63% dos votos das traballadoras. Houbo unha alta participación, o que dí moito sobre a necesidade destas eleccións.

Como consecuencia a CIG-Saúde ten 3 das 5 delegadas elixidas.

O pasado 20 de abril, nas eleccións da Fundación de Santiago de compostela a CIG-Saúde tivo 7 de 9 delegadas.

As Fundacións de Investigación Sanitaria dos hospitais xurdiron para axudar a xestionar, organizar e promover a investigación realizada desde o entorno hospitalario. Non teñen o percorrido nin a tradición doutros centros que contribúen á tarefa investigadora, como as universidades, ou que constitúen a esencia mesma do seu ser, como o Consello Superior de Investigacións Científicas.

Porén, debido ao interese e ao traballo de múltiples actores (principalmente as persoas que traballan nelas), crecen de ano en ano e reclaman un papel e unha importancia no ámbito investigador que aínda se lles nega. Entendemos que estas fundacións teñen e deben dar moito máis de si en Galicia, para ofrecer e rendibilizar todo o potencial que atesouran. Non é un camiño que deban percorrer soas, pero é verdade que a súa identidade debe definirse tamén desde dentro mesmo do seu ser.

IMG 20180410 144607 Vigo

A nosa candidatura defende que o capital máis prezado de calquera organización é o humano, e no caso da investigación este valor acrecéntase. É por iso que nos comprometemos a traballar por configurar un marco laboral definido e uniforme, flexible pero seguro, que determine claramente os deberes do seu persoal, pero que tamén permita e promova a súa carreira profesional; un entorno que asegure a dignidade da investigación biomédica en todas as súas facetas, desde as máis experimentais e próximas aos doentes, até as máis innovadoras e transformadoras, pasando polas de xestión e promoción.

Non buscamos unha serie de medidas puntuais que melloren as condicións laborais. Imos máis alá porque buscamos unha estratexia global, elaborada entre todos os axentes implicados, que defina as categorías profesionais, a promoción dentro delas e a conexión co seu entorno hospitalario, universitario e social, a fin de que a investigación sanitaria asegure o longo percorrido que necesita. É por iso que queremos representar a todo o persoal traballador e dialogar con todas as partes, para, entre todos, chegar a un resultado do que todos poidamos sentirnos orgullosos.

 

Manuel González Moreira

Secretario Comarcal de CIG-Saúde Vigo

Inicio de folga indefinida no Hospital de Monforte

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informa

No día de hoxe, o persoal do Hospital Comarcal de Monforte comeza unha folga indefinida que se fará efectiva os martes e xoves de cada semana.

Teñen máis motivos ca nunca para facerse escoitar, tanto pola defensa dos seus dereitos laborais, como pola defensa da Sanidade Pública para unha atención de calidade aos seus usuarios/as.

IMG-20180424-WA0016

No decálogo de motivos para levar adiante esta folga recóllense as cuestións máis candentes, pero aínda quedan máis:

  • Pola aprobación no parlamento da nova lei de saúde, que deixa a área de Monforte como distrito sanitario
  • Pola supresión de prazas dalgunha categoría
  • Pola nula capacidade de negociación da Directora de Enfermaría, polo que se solicita o seu cese
  • Pola falta de persoal no hospital dende hai máis de 10 anos en tódalas categorías
  • Polo peche de plantas
  • Polas derivacións de probas e tratamentos á sanidade privada
  • Polas longas listas de espera
  • Pola modificación unilateral de carteleiras de traballo
  • Pola mobilización do persoal por todas as unidades para evitar contratar
  • Pola falta de cobertura das ausencias do persoal do centro
  • Pola presión asistencial que está a sufrir o persoal
  • Polos problemas provocados pola dirección do centro á hora de conceder permisos

Non podemos facer outra cousa que enviar o apoio da CIG ás compañeiras/os de Monforte, agradecerlles o exemplo que dan na loita dos intereses da poboación e dos seus propios.

Por outra banda manifestar a satisfacción da CIG polo seguimento da folga, a pesares dos abusivos servizos mínimos (xa denunciados). As/os compañeiras/os foron quen de parar a actividade cirúrxica (excepto as prioridades 1), o servizo de Radioloxía, varias consultas e a ralentización doutras unidades como o laboratorio....

Esperemos que dende a cúpula da EOXI baixen á terra e atendan ao clamor dun persoal que leva anos sufrindo penosas condicións e que agora están dispostas a facerse oír.

CIG-Saúde obtivo maioría absoluta nas eleccións sindicais do Instituto de Investigación Sanitaria de Santiago

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Hospital Clinico 002

Logrou sete dos nove delegados/as que integran o comité de empresa

A CIG-Saúde obtivo a maioría absoluta nas eleccións sindicais celebradas este venres no Instituto de Investigación sanitaria conseguindo 7 delegados/as fronte aos 2 que obtivo a UGT. A central sindical pretende, entre outras cuestións, crear un marco normativo, na forma de convenio laboral específico, que permita “dignificar o traballo que se leva a cabo no día a día nas tres grandes Fundación Sanitarias de Galiza”.

As Fundacións de Investigación Sanitaria dos Hospitais xurdiron para axudar a xestionar, organizar e promover a  investigación realizada desde o entorno hospitalario. Non teñen o percorrido nin a tradición doutros centros que contribúen á tarefa investigadora, como as universidades ou que constitúen a  esencia mesma do seu ser, como o Consello Superior de Investigacións Científicas.

Porén, debido ao interese e ao traballo de múltiples actores –principalmente as persoas que traballan nelas- crecen de ano a ano e reclaman un papel e unha importancia no ámbito investigador que aínda se lles nega.

A CIG entende que estas fundacións deben dar moito máis de si en Galiza, para ofrecer e rendibilizar todo o potencial que atesouran. Defende que o capital máis prezado é o humano, un valor que no caso da investigación se acrecenta. Por iso entende que é imprescindíbel configurar un marco laboral definido e uniforme, flexible, pero seguro, que determine claramente os deberes do seu persoal, mais tamén que permita e promova a súa carreira profesional; un entorno que asegure a dignidade da investigación biomédica en todas as súas facetas, desde as máis experimentais e próximas ás/aos doentes, até as máis innovadoras e transformadoras, pasando polas de xestión e promoción.

Contratación e selección do persoal

Por iso a CIG-Saúde defende o establecemento de categorías profesionais para todos e cada un dos perfís actuais, tanto para o persoal investigador como para o de xestión e que se definan os procedementos de acceso aos distintos postos de traballo, na procura dun sistema de selección e contratación igualitario e transparente.

Estabilización

Xunto a isto aposta por negociar os procedementos adecuados para conseguir a correcta estabilización laboral do persoal das Fundacións e traballará na procura do recoñecemento da antigüidade laboral coa implantación do sistema de trienios ademais de defender a  acreditación da experiencia laboral adquirida nas fundacións, para oposicións/promocións do sistema público de saúde.

Sistema retributivo

Respecto do sistema retributivo a CIG loitará por que se recolla cada especialidade dos distintos postos de traballo e que permita a equiparación salarial co SERGAS; pola creación de táboas salariais acordes cos postos de traballo existentes e por que se negocie unha carreira profesional que recoñeza e retribúa a traxectoria profesional e o compromiso coa organización.

Ademais negociará a correcta regulación de permisos e licencias tomando como referencia as normativas afíns do nos territorio e definirá de maneira máis clara a xornada laboral, o cómputo de horas laborais ou as distintas quendas de traballo.

Non á carreira que consolida a discriminación salarial no Sergas

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Encabezado carreira

No último trimestre do ano 2017 as Organizacións Sindicais da Mesa Sectorial acordamos constituír unha plataforma sindical para demandar do SERGAS o cumprimento dos acordos asinados na mesa sectorial e suspendidos desde o ano 2010:

Ü  Acordo retributivo 2008/2012. Que contempla unha suba salarial para todas as categorías, e un incremento da atención continuada: noites, festivos, gardas…

Ü  Carreira profesional.

Ü  Acordo retributivo de PACs.

Como medidas de presión, e ante a negativa do SERGAS a negociar nada, as Organizacións Sindicais da Mesa Sectorial acordamos facer FOLGA os días 2 e 3 de novembro. Uns días antes á devandita convocatoria e coa intención de desmobilizar, o SERGAS convoca unha reunión na que oferta falar só de carreira profesional.

E como chantaxe, ofrece a sinatura dunha acta que simplemente era un cheque en branco para a Administración. Acta que CIG-Saúde non asinou, e mantivo a convocatoria de folga.

E agora o SERGAS, con este cheque en branco, mantén unha postura de forza na Mesa Sectorial que impide a negociación da carreira profesional, mantendo unha postura intransixente, e non acepta negociar ningunha das propostas que presenta a CIG-SAÚDE.

Que carreira se está a negociar na mesa sectorial? “A CARREIRA DA DISCRIMINACIÓN”

  • Unha carreira que non recoñece a antigüidade das/os profesionais. Impide acceder ao grao que te corresponde en función da túa antigüidade.
  • Unha carreira que deixa fóra a todo o persoal temporal: interinas/os, contratadas/os de longa duración…
  • Unha carreira que non permite acceder ao grao que lle corresponde ao persoal de promoción interna, polo simple feito de ter aprobada máis dunha OPE no SERGAS.
  • Unha carreira negociada no contexto da taxa de reposición, taxa pactada cos sindicatos estatais e co voto en contra da CIG, que impide a consolidación do persoal como persoal fixo.
    • Desde o ano 2008 non se convocaron prazas das categorías dos Grupos C1 e E, e estes/as interinos/as agora quedan fóra do Réxime transitorio e excepcional de encadramento: persoal de hostalaría, mantemento…
    • Tampouco entrarán as categorías que xa teñen OPE en curso ou que aínda non tomaron posesión: FEAs, Traballador/a social, TCAES, PSX, celadoras/es, auxiliar Administrativo…
    • Estes colectivos van ser dobremente penalizados. Son os colectivos que teñen suspendidos o IV grao de carreira e, agora, son os colectivos que maioritariamente quedarán fóra do Réxime transitorio e excepcional de encadramento da carreira profesional.

CIG-SAÚDE non acepta esta carreira profesional!

As Organizacións Sindicais non podemos aceptar unha carreira profesional que incrementa a discriminación salarial e, que ten os mesmos efectos que a crise: castiga aos colectivos con menor retribución e con maior precariedade laboral no SERGAS.

 
 
 
 
 
 
  • Ferramentas

  • Contratacións

  • Expedient-e

  • Lexislación

  • Ligazóns

  • Boletíns Oficiais

  • TOP ARTIGOS

  • App Móbil

  • Afíliate

           

Se tés un móbil ou tableta con Android, agora tés outro xeito de estares ao día nas noticias da CIG-SAÚDE.

Só tés que entrar no Google Play, poñer no buscador “cig-saude” e instalar a aplicación gratuíta que recolle as novas publicadas.

Recibirás un aviso na barra de alertas do teu aparello cada vez que se publique unha nova información nas webs da CIG-SAÚDE.


Podes ver a descrición da app e descargala premendo aquí.


Desde a CIG-Saúde queremos agradecer a Miguel Carrillo o desenvolvemento e distribución desta aplicación gratuíta.

     

ImaxeCampanhaAfiliacionCIG.preview

A CIG vén de poñer en marcha unha campaña de afiliación nunha nova aposta coa que respostar a todos os ataques que sofre a clase traballadora galega e o desmantelamento de Galiza. Con esta iniciativa preténdese consolidar e ampliar a nosa capacidade de resposta. Nos tempos que corren é vital afortalar a nosa organización sindical, que ten unha traxectoria histórica de firmeza, coherencia, insubornábel, de confronto co sistema, e constitúe unha alternativa ao sindicalismo español do pacto social e de colaboración co poder. 

afiliate

 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto