Prazas a concurso de traslado

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

573-78970-a-trasladosO SERGAS facilitounos o novo cadro de prazas para o concurso de traslados. 

 

Descargar novo cadro de prazas

 

Lembramos que esta nova oferta ten que conter, polo menos, a última oferta feita polo SERGAS na reunión sobre traslados do 26 de maio e que consistía no seguinte:

 

100% de prazas de:

  • Enfermeiras
  • Auxiliares Enfermaría
  • Médicos/as Familia
  • Celadores/as
  • Fisioterapeutas
  • Matronas
  • Pediatría Atención Primaria
  • PSX
  • TEL
  • TER

Para o resto de categorías(nas que se ofertan poucas prazas, categorías pequenas) manteñen a oferta anterior feita que consiste en ofertar o número de prazas que saíu para a oposición. 

 

Casos particulares:

  • Persoal oficios: non queren baixo ningún concepto crear ningunha praza a maiores por ese motivo non ofertan máis.
  • Pinches: poden ofertar o 100 x 100 coa excepción de Vigo onde baixo ningún concepto van ofertar máis que o número de ope, polas características concretas de Vigo, coa construción do novo hospital.
  • Celadores Atención Primaria: Non van a ofertar ningunha praza.
  • Auxiliares Administrativos: no anterior concurso viñeron 60 persoas de fora de Galicia e non están dispostos a ter que soportar ese incremento de vacantes.
  • Traballadoras Sociais: Non queren ofertar o 100 x 100 porque non saben como se vai comportar a categoría por mor de que non se ofertou no anterior concurso de traslados.

Se observades que falta algunha praza, non dubidedes en poñervos en contacto con nós.

Desigual seguimento na folga convocada no sector público, cunha incidencia que a CIG cifra no 50%

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

mani862010As federacións da área pública lamentan o papel xogado por CCOO e UGT, que non convocaron sequera asembleas para informar ao persoal

As federación da área pública da CIG cifran o seguimento da folga convocada para hoxe en preto dun 50%. A folga foi secundada de forma desigual dependendo dos centros de traballo. Na administración, a maior incidencia tívoa nos grandes concellos, cunha participación que superou o 80%, mentres que na Sanidade foi menor por mor duns servizos mínimos que a CIG-Saúde xa denunciou por seren abusivos. No ensino, a folga foi secundada nalgúns centros por practicamente o 100% do profesorado mentres que noutros a incidencia foi moito menor. Salienta a participación activa do persoal das universidades galegas, que se achegou ao 100%.

A respecto de empresas de servizos con persoal equiparado en retribucions ao persoal publico, a CIG denuncia os abusivos servizos minimos, malia os que cómpre salientar a elevada participación dos empregados e empregadas dos servizos de limpeza equiparada ao persoal público nos hospitais.

 

Desde a CIG-Saúde denunciamos que os servizos mínimos decretados pola administración foron abusivos e que foron deseñados coa intención de minimizar a participación das traballadoras e traballadores deste sector no paro que, en todo caso, apoiaban a convocatoria.

Ler máis

Resumo da Mesa da Función Pública do 7 de xuño de 2010

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

 Documento de máximo interese para os traballadores xa que trata dos recortes salariais que lle toca aplicar á Xunta de Galiza

 

O día anterior á convocatoria de folga a Administración galega convoca a Mesa Xeral de Función Pública para presentar o proxecto de Lei que fai efectivo en Galiza o recorte salarial aprobado polo goberno de Madrid.

 

A CIG rexeitou o documento presentado por ser totalmente demagóxico xa que non vai servir en absoluto para reducir o gasto público, ao manter a Xunta intacta toda a súa Administración paralela.

Para o persoal funcionario e laboral a reunión foi una farsa,  na que a Administración só pretende cubrir o tramite de negociación.

Para o persoal estatutario  a reunión foi indignante e una falla de respecto absoluto, xa que tanto o Director Xeral de Función Pública como o Director de Orzamentos non saben nada de persoal estatutario; e a Directora de RR.HH do SERGAS, que estivo presente, non abriu a boca.

 

Descarga, imprime e reparte no teu centro de traballo

 

Ler máis

Unha vez máis, a Xunta decreta uns mínimos abusivos para a xornada de folga

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

 

Hoxe saen publicados no DOG os servizos mínimos para a folga do día 8 contra os recortes salariais, a favor do emprego e en defensa dos servizos públicos.  

 

CIG-SAÚDE solicita que os mínimos sexan igual as presenzas que hai nos centros un domingo ou festivo, xa que cos isto está garantizado a atención permanente e continuada durante as 24hs.

 

CIG-SAÚDE rexeita os mínimos impostos pola Administración por ser abusivos. Este mínimos decrétanse coa intención de minimizar a paticipación das traballadoras e traballadores na folga.

 

 

8 de Xuño, folga na administración Pública



En defensa dos salarios,


do emprego


e dos servizos públicos



MOBILÍZATE


 

XÓGASTE MOITO, XOGÁMONOS MOITO


 

 

Inscrición nos cursos da FEGAS do segundo semestre

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

A partir de mañá, sábado dia 5 de xuño, iníciase o 2º prazo para as inscricións nas actividades formativas organizadas pola  FEGAS a celebrar no segundo semestre deste ano e que están dirixidas a todo persoal do Servizo Galego de Saúde.

 

O prazo de inscrición é do 5 ao 20 de xuño. As inscricións serán só vía web, contades con toda a información no enderezo web www.fegas.es

Mesa Sectorial 2.6.2010: Drogodependencias

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Na información sobre a mesa sectorial do día 2 quedounos pendente o punto sobre o tema das Drogodependencias. Facilitámosvos agora esa información:

 

A petición de CIG-Saúde tratouse este tema na Mesa Sectorial, xa que reiteradamente viñamos demandando información sobre este tema. Por parte da Administración facilitounos a información Fernanda López Crecente, que é unha Subdirectora de Asistencia Sanitaria. A información facilitada non foi nin cuantitativa, nin cualitativa, non sabia moito do que se ía a facer. A súa información foi a seguinte:

  • As subvencións terán un recorte do 5%
  • Na próxima semana asinarán os acordos coas asociacións privadas
  • Están a rematar o convenio que asinaran coa FEGAMP, que será quen reparta a subvencións correspondentes aos Concellos. Solicitamos este texto.
  • Ase mesmo solicitamos o texto do novo Plano de Drogas

Manifestación contra a represión sindical en POVISA

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Mani-povisa-3-06-10

Centos de persoas participaron o xoves 3 de xuño ás 11h nunha manifestación contra a represión sindical en POVISA e o despedimento da sindicalista da CIG Consuelo Martínez. A manifestación partiu da praza dos cabalos e tras dar un par de voltas ao  redor  do hospital de POVISA continuou ata a Praza da Independencia onde se leo un comunicado por parte do Secretario Xeral da CIG Suso Seixo.

 

Berros contra a represión sindical e pola readmisión de Consuelo Martínez, delegada da CIG en POVISA e portavoz do Comité de folga durante a mobilización que tivo lugar en maio do 2009 pola negociación do convenio colectivo.

 

A delegada da CIG fora  portavoz do Comité de folga, protagonista dun novo caso claro de represión sindical en Vigo por parte de POVISA.

 
 
 
 
 
 
  • Ferramentas

  • Contratacións

  • Expedient-e

  • Lexislación

  • Ligazóns

  • Boletíns Oficiais

  • TOP ARTIGOS

  • App Móbil

  • Afíliate

           

Se tés un móbil ou tableta con Android, agora tés outro xeito de estares ao día nas noticias da CIG-SAÚDE.

Só tés que entrar no Google Play, poñer no buscador “cig-saude” e instalar a aplicación gratuíta que recolle as novas publicadas.

Recibirás un aviso na barra de alertas do teu aparello cada vez que se publique unha nova información nas webs da CIG-SAÚDE.


Podes ver a descrición da app e descargala premendo aquí.


Desde a CIG-Saúde queremos agradecer a Miguel Carrillo o desenvolvemento e distribución desta aplicación gratuíta.

     

ImaxeCampanhaAfiliacionCIG.preview

A CIG vén de poñer en marcha unha campaña de afiliación nunha nova aposta coa que respostar a todos os ataques que sofre a clase traballadora galega e o desmantelamento de Galiza. Con esta iniciativa preténdese consolidar e ampliar a nosa capacidade de resposta. Nos tempos que corren é vital afortalar a nosa organización sindical, que ten unha traxectoria histórica de firmeza, coherencia, insubornábel, de confronto co sistema, e constitúe unha alternativa ao sindicalismo español do pacto social e de colaboración co poder. 

afiliate

 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto