LISTAS CONTRATACIONS SERGAS

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Según nos informa hoxe o Sergas:

A publicación das listaxes de contratación para vinculacións temporais nas institucións sanitarias do Servizo Galego de Saúde das categorías de:

  • Medico de familia
  • Pediatra
  • Médico urxencias hospitalarias
  • Odontólogo
  • Persoal de enfermaría - DUE
  • Matrona
  • Auxiliar de enfermaría
  • Cociñeiro

está prevista para mañan venres día 18 de decembro de 2009. O prazo de reclamación ás citadas listaxes incrementase a 20 días hábiles por mor das datas coincidentes co Nadal.

Valoración da folga

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIG-SAÚDE valora positivamente a participación das/os traballadoras/es na folga convocada no día 16 de decembro de 2009.  A  participación nesta folga pódese cifrar en que foi secundada por máis do 80% do persoal do SERGAS; asemade, os motivos que levaron á convocatoria de FOLGA son compartidos polo 100% das/os traballadoras/es.

           

Non imos entrar nunha guerra de cifras cos datos que facilita a Admón, pero si queremos subliñar que o SERGAS tentou minimizar a participación na folga declarando uns servizos mínimos abusivos; nalgún caso  os servizos mínimos decretados foron superiores ao número de traballadoras/es que compoñen o cadro de persoal; é curioso que se reforcen os cadros de persoal  un día de folga, ou que se contabilicen as peonadas como actividade ordinaria. Os servizos mínimos foron do 100% ou superiores.

 

Para a CIG-Saúde están atinxidos os obxectivos de denuncia que motivaron a convocatoria de folga;  as/os traballadoras/es rexeitaron a política de desprestixio que esta Admón pretende facer da sanidade pública e dos seus profesionais. Reiteramos da Admón o cumprimento íntegro dos acordos asinados.

           

Desde a CIG-Saúde non nos conformamos con que o SERGAS diga que vai  publicar un novo calendario de aplicación dos acordos retributivos; que vai suceder co resto de temas pendentes?:

  1.       Quen nos vai devolver as retribucións, que por dereito nos pertencen e que deixamos de percibir ?
  2.       Que pasa co Plano Mellora e co Plano de Saúde Mental: Solicitamos a cobertura total das prazas  de nova creación que contiñan os devanditos planos ?
  3.       Que pasa coas melloras  asistencias que conteñen os ditos planos e que agora esta Admón pretende facer desaparecer como se nunca existiran ?
  4.       Que pasa co recorte orzamentario e coa privatización da sanidade publica?

 

Desde CIG-SAÚDE, co apoio das/os traballadoras/e e o apoio da poboación, seguiremos loitando para recuperar o que esta Admón pretende facer desaparecer, non pararemos  até conseguir manter a sanidade pública que por dereito nos corresponde.

 

Desde CIG-SAÚDE darlle as grazas a todos e a todas as traballadoras que secundaron esta xornada de folga. Lamentamos enormemento o incidente acaecido en Ferrol onde unha traballadora que se estaba a manifestar foi atropelada intencionadamente por un conductor. Estánse a tomar todas as medidas legais pertinentes.

 

RESPECTO AOS ACORDOS ASINADOS

TEMOS DIGNIDADE

 

Mércores 16, folga na sanidade

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
 
 
MÉRCORES 16, FOLGA NA SANIDADE
 

 

PARTICIPA
XÓGASTE MOITO, XOGÁMONOS MOITO
 

 

OS ACORDOS HAI QUE RESPECTALOS
TEMOS DIGNIDADE
 



 



Martes 15, concentracións nos centros de traballo

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Seguindo coas mobilizacións para amosar o noso rexeitamento ante as decisións do Partido Popular de suprimir os acordos retributivos asinados co anterior goberno da Xunta, así como da decisión de suprimir o Plan Mellora de Atención Primaria, os acordos de PAC´s, etc. mañá martes día 15, a Plataforma Sindical Unitaria convoca concentracións nos centro de traballo.

 

NON FALTES!   XÓGASTE MOITO!   XOGÁMONOS MOITO!

 

POLO CUMPRIMENTO DOS ACORDOS ASINADOS

RESPECTO AOS ÓRGANOS DE NEGOCIACIÓN


Mércores 16 de decembro, folga na sanidade

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Folga16Como xa saberedes o próximo mércores 16 de decembro, CIG-Saúde xunto co SAE temos convocada unha xornada de folga. Esta decisión non a tomamos á lixeira posto que sabemos que a folga é un arma preciosa que somente debemos utilizar cando se esgotan o resto de recursos. Foron moitas as horas que adicamos a debatir esta posibilidade analizando pros e contras, pero ó final chegamos á conclusión de que se esta afrenta da administración non xustificaba unha folga nada a xustificaría, hai organizaciois que noutras comunidades teñen convocadas folgas polo tema de carreira profesional no mes de xaneiro, se ese tema por sí solo xustifica as folgas noutros lares, como non se vai xustificar no SERGAS pola suspensión de acordos que non solo afectan á carreira profesional senon tamém ós acordos asinados durante estes anos e que nos deixan co cu ó aire nun ataque ó persoal do SERGAS sen precedentes.

A FOLGA do dia 16 non é ó final das mobilizacións, é o inicio dunha campaña sen límite de tempo na que polo menos dende CIG-Saúde non regatearemos forzas para que se nos devolva o que se nos quitou e era noso, estamos dispostos a seguir adiante coa a loita se fai falta o resto da lexislatura, nós non empezamos esta guerra, senon os piratas que nos malgobernan, pero unha vez dentro dela estamos dispostos a queimar as naves.


Queremos que os acordos asinados servan para algo e non para que o primeiro politiquiño que chegue os rache como se non pasara nada; esta é unha FOLGA pola dignidade, porque é mellor morrer de pé, que vivir sempre de xeonllos.

 

 

Folla informativa boton

 

 

OS ACORDOS HAI QUE RESPECTALOS

 

TEMOS DIGNIDADE!

 

16 DE DECEMBRO

 

FOLGA NA SANIDADE

 

 

 

 

 
FOLGA O DÍA 16; POR QUÉ?



POLO RESPECTO DOS ACORDOS ASINADOS

Desde o 14 de outubro a CIG-SAÚDE ven demandando do SERGAS o cumprimento íntegro dos acordos asinados. A Admón non tiña ningunha intención, dende o principio de chegar a acordos coas organizacións sindicais, só pretendía someternos á súa chantaxe.

POR COHERENCIA

A CIG-SAÚDE fíxolle chegar á Admón unha proposta de acta que garantizaba o cumprimento dos acordos, o Sergas sen embargo pretendía que asinásemos unha acta de compromiso (matrimonial, civil, relixioso..), que nos convertéramos en NOTARIAS/OS da Admón. O que pretende a Admón que fagamos as organizacións sindicais é:

- Que enganásemos ás/aos traballadoras/es, convencéndoos de que teñen que renunciar ás súas retribucións.
- Que lle garantíramos que esta Admón vai cumprir o seu calendario. Se agora xa non cumpre o publicado no DOG.!
- Que as organizacións sindicais sexamos dóciles, converténdonos na voz da Admón e non nos representantes das/os traballadoras/es.

POR DIGNIDADE

Porque non podemos consentir que a Admón sanitaria difunda perante a opinión pública unhas mensaxes co único obxectivo de desprestixiar as/os traballadores como preludio das medidas que van tomar na nosa contra.

Non sexas cómplice na
campaña de despretixio que pretenden facer da sanidade pública e das/os seus traballadoras/es.

 

CONCENTRACIÓN DE DELEGADOS

Ademáis o mesmo mércores 16 haberá unha concentración de delegados e delegadas en Santiago de Compostela, e máis concretamente, diante do Parlamento de Galiza para protestar precisamente polas decisións en materia retributiva do Partido Popular, para amosar o noso rexeitamento ás políticas restrictivas deste goberno, para solicitar o cumprimento dos acordos asinados e rexeitar a perda do poder adquisitivo.

 

CIG-ACORDOS

PSOE e PP votan a favor do mantemento dos privilexios dos funcionarios que desempeñen altos cargos

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
seixoA CIG demanda ademais a modificación da lexislación sobre o exercicio da ILP
Suso Seixo, secretario xeral da CIG, foi o encargado de defender no pleno do Parlamento, como portavoz da comisión promotora, a Iniciativa Lexislativa Popular a través da que máis de 19.000 galegos e galegas demandaban a derrogación do chamado plus de altos cargos. Xunto a el tamén asistiron ao pleno membros da executiva Confederal, os secretarios nacionais das federacións de Administración Pública, Saúde e Ensino e membros das súas executivas.

O obxectivo desta ILP non era outro que “corrixir unha deriva gravemente errónea, inxusta, discriminatoria e, aparentemente pouco meditada, na regulación legal das retribucións dos funcionarios que desempeñaron postos de altos cargos”, segundo explicou Seixo na súa intervención, ou o que é o mesmo, a derrogación da disposición adicional 17ª da lei de Función Pública de Galiza, que foi votada a favor polos grupos parlamentarios o 27 de xullo de 2007, logo de que o PP a introducira como emenda.

Seixo lembrou que esta decisión lexislativa “foi obxecto dunha enorme contestación social, reveladora do distanciamento que nesta materia existe entre a sociedade galega e moitos dos seus representantes políticos” e que subverte “o principio de que o desempeño de cargos públicos ou de designación política non pode converterse nun atranco, pero tampouco nunha vantaxe, para a carreira profesional dos funcionarios”.

O secretario xeral da CIG explicou que do que se trata, xa que logo, é de reintegrar “os servidores públicos que desempeñaron postos de confianza política no réxime ordinario da carreira profesional aplicábel a todo o funcionariado” e non como ocorre desde a aprobación da Lei de Función Pública, onde se recoñece o dereito a cobrar ese plus para aqueles funcionarios que se teñan reincorporado ou se reincorporen, en diante, ao servizo activo logo de ter desempeñado postos coa consideración de altos cargos na Administración galega durante dous anos continuados ou tres con interrupción.

Ler máis

Éxito na concentración de hoxe á tarde

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Arredor dun milleiro de traballadoras e traballadores do SERGAS concentráronse hoxe á tarde para rexeitar a decisión do Partido Popular de suprimir, entre outros,  os acordos retributivos. Ao mesmo tempo, dentro do parlamento, o Partido Popular dáballe para diante as súas propostas orzamentarias restrictivas para o ano 2010. Lembramos que con estas medidas:

  • Se suprimen os acordos retributivos asinados e publicados en DOG
  • Se suprime o Plan Mellora
  • Se suprimen os acordos de PAC

En definitiva, se suprimen todas aquelas novas contías asignadas orzamentariamente para o ano 2010.

 

POLO CUMPRIMENTO DOS ACORDOS ASINADOS

RESPECTO AOS ÓRGANOS DE NEGOCIACIÓN

 

Noticia da concentración en Avantar

 
 
 
 
 
 
  • Ferramentas

  • Contratacións

  • Expedient-e

  • Lexislación

  • Ligazóns

  • Boletíns Oficiais

  • TOP ARTIGOS

  • App Móbil

  • Afíliate

           

Se tés un móbil ou tableta con Android, agora tés outro xeito de estares ao día nas noticias da CIG-SAÚDE.

Só tés que entrar no Google Play, poñer no buscador “cig-saude” e instalar a aplicación gratuíta que recolle as novas publicadas.

Recibirás un aviso na barra de alertas do teu aparello cada vez que se publique unha nova información nas webs da CIG-SAÚDE.


Podes ver a descrición da app e descargala premendo aquí.


Desde a CIG-Saúde queremos agradecer a Miguel Carrillo o desenvolvemento e distribución desta aplicación gratuíta.

     

ImaxeCampanhaAfiliacionCIG.preview

A CIG vén de poñer en marcha unha campaña de afiliación nunha nova aposta coa que respostar a todos os ataques que sofre a clase traballadora galega e o desmantelamento de Galiza. Con esta iniciativa preténdese consolidar e ampliar a nosa capacidade de resposta. Nos tempos que corren é vital afortalar a nosa organización sindical, que ten unha traxectoria histórica de firmeza, coherencia, insubornábel, de confronto co sistema, e constitúe unha alternativa ao sindicalismo español do pacto social e de colaboración co poder. 

afiliate

 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto