Atención Primaria: A porta de entrada ao sistema sanitario, sen persoal para atendela

A CIG-SAÚDE esixe do SERGAS que tome en consideración os datos publicados nos Plans de Ordenación de Recursos Humanos, mediante as Ordes de 8 de maio de 2012 e de 5 de decembro de 2013, para adaptar as Prazas ...

CIG-Saúde exíxelle ao SERGAS que contabilice como tempo de traballo o tempo dedicado a dar o relevo

Tempo de traballo é todo o tempo que o/a traballador/a permanece no posto de traballo. No SERGAS, un número importante de traballadoras/es permanecen no seu posto de traballo en cada quenda máis de 20 minutos a...

Permisos e licenzas SERGAS: Negociación XA!!!

Mentres as Mesas Sectoriais de Función Pública e Educación negocian e acordan o réxime de permisos e licenzas para o seu persoal, o SERGAS négase rotundamente a falar dos permisos e licenzas de traballadores e ...

A CIG-Saúde exixe a correcta clasificación do persoal conforme ao EBEP

O pasado 31 de outubro de 2015 publicouse no BOE o Real Decreto Lexislativo 5/2015, de 30 de outubro, polo que se aproba o texto refundido da Lei do Estatuto Básico do/a Empregada/o Público. O devandito texto p...

  • Atención Primaria: A porta de entrada ao sistema sanitario, sen persoal para atendela

    Luns, 22 Maio 2017
  • CIG-Saúde exíxelle ao SERGAS que contabilice como tempo de traballo o tempo dedicado a dar o relevo

    Venres, 10 Xuño 2016
  • Permisos e licenzas SERGAS: Negociación XA!!!

    Xoves, 31 Marzo 2016
  • A CIG-Saúde exixe a correcta clasificación do persoal conforme ao EBEP

    Mércores, 25 Novembro 2015
 
 
 
 
 
 

Publicadas listas definitivas de contratación de categorías de Técnicos/as

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

info listas contrataciónPublícase hoxe no DOG a resolución que dá publicidade ás listas definitivas das categorías de técnico/a superior en anatomía patolóxica e citoloxía, técnico/a superior en dietética e nutrición, técnico/a superior en documentación sanitaria, técnico/a superior en hixiene bucodental, técnico/a superior en imaxe para o diagnóstico, técnico/a superior en laboratorio de diagnóstico clínico, técnico/a superior en radioterapia, técnico/a en farmacia e técnico/a en coidados auxiliares de enfermaría:

  • RESOLUCIÓN do 6 de marzo de 2017, da Dirección Xeral de Recursos Humanos, pola que se publica a orde de prelación e a puntuación definitiva obtidas polas persoas aspirantes admitidas no proceso de actualización das listas de selección temporal de diversas categorías de persoal estatutario. Descargar PDF

As listas entran en vigor mañá día 16 de marzo.

Contra esta resolución, que pon fin á vía administrativa, as persoas interesadas poderán interpoñer recurso contencioso-administrativo no prazo de dous meses, contados a partir do día seguinte á súa publicación, ante o xulgado do contencioso-administrativo competente. Potestativamente, e con carácter previo, poderase interpoñer recurso de reposición ante a Dirección Xeral de Recursos Humanos, no prazo dun mes contado a partir do día seguinte á súa publicación.

A CIG-Saúde exixe a Sanidade que incorpore o pago da atención continuada e gardas ás mulleres xestantes en risco ou permiso por maternidade

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Des20170313 escrito conselleiro atención continuada embarazadasde a CIG-Saúde vimos de remitir este escrito (preme sobre a imaxe para agrandar) tanto ao Conselleiro de Sanidade como á Dirección de Recursos Humanos para que, após a sentenza do Tribunal Supremo do 24 de xaneiro de 2017 (RCUD 1902/2015), que unificou a doutrina xurisprudencial en relación co dereito do persoal estatutario a percibir a retribución das gardas, a pesar de non realizalas materialmente por encontrarse o posto adaptado por risco durante a gravidez ou a lactación, proceda a incorporar de inmediato ese criterio e ao pago da atención continuada e gardas ás mulleres xestantes en situación de risco no embarazo ou lactación, ou de descanso maternal, así como calquera outro permiso ou situación derivada da maternidade.

 

A CIG chama a mobilizarse, este 10 de Marzo, para derrotar as reformas e recuperar os dereitos

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

A central convoca protestas en todas as comarcas do país para conmemorar o Día da Clase Obreira Galega

Con mobilizacións en Vigo, Ferrol, Lugo, Ourense, Vilagarcía, Pontevedra, Compostela e Cee conmemorará a CIG o 10 de marzo, Día da Clase Obreira Galega. Unha data reivindicativa na que a central sindical dá continuidade á campaña posta en marcha xa no mes de decembro e que se desenvolverá baixo o lema “2017, un ano de loita. Recuperemos os nosos dereitos”.

Mobilizacións do 10 de Marzo, Día da Clase Obreira Galega

A Confederación Intersindical Galega (CIG) convoca mobilizacións en todas as comarcas este 10 de marzo para conmemorar o Día da Clase Obreira Galega.

-Vigo: manifestación dende o cruce da Dobrada ás 20.00 horas.

-Ferrol: ofrenda floral no monumento 10 de Marzo ás 12.00 horas e manifestación dende o local da CIG (Avenida de Esteiro) ás 20.00 horas.

-Lugo: manifestación dende o local da CIG (Ronda da Muralla) ás 20.00 horas.

-Ourense: manifestación dende a Subdelegación do Goberno ás 19.30 horas até a Praza Maior.

-Vilagarcía: concentración na Praza de Galiza ás 20.00 horas.

-Pontevedra: concentración na Praza da Peregrina ás 20.00 horas.

-Santiago: manifestación dende a Praza Roxa ás 20.00 horas.

-A Coruña: manifestación dende a fábrica de Brens (Cee) ás 19.30 horas até a Praza do Concello.

Nestes últimos anos, os efectos das reformas laborais dos diferentes gobernos do PSOE, e máis destacadamente do PP, afectaron enormemente ás nosas condicións de vida e de traballo. A pobreza hoxe está relacionada co traballo en precariedade.

Principalmente, a reforma laboral do ano 2012 do PP está causando estragos nos dereitos laborais conquistados en tantos anos de loita. A precariedade hoxe significa as facilidades no despedimento, a contratación temporal, parcial, as ETT... Todo isto permite que as empresas obriguen a traballar máis horas sen pagar e baixen ilegalmente os salarios dos convenios. En definitiva para nós, traballarmos máis e cobrarmos menos. Esta era o obxectivo da reforma laboral do PP.

Hoxe sabemos que o Estado español é o único caso no que a suma dos salarios da clase traballadora descendeu nestes 6 últimos anos preto dun 11%. Contrariamente, no resto da UE os salarios subiron por encima do 9% nos casos de Alemaña e Francia e do 4,45% en Portugal. Os salarios que perdemos, que “nos roubaron” en tan pouco tempo, pasaron a mans dos ricos (o capital), que incrementaron a súa riqueza neste mesmo período en máis do 18%.

A explotación da clase traballadora é máis brutal na actualidade con estas leis, con estas reformas, e xa non lles abonda con roubarnos os dereitos no traballo, senón que tamén queren roubarnos as nosas pensións.

Hoxe o PP non ten maioría no Parlamento; por tanto, a continuidade destas leis que atacan os nosos dereitos dependen daqueles que permiten que gobernen. O resultado final dependerá da resposta social da clase traballadora, da mobilización na rúa. Sempre na historia, gañamos os nosos dereitos coa loita.

Así foi tamén en marzo do 72, en que a clase obreira galega nunha situación represiva con centos de persoas detidas e dous traballadores mortos, Amador e Daniel, se enfrontou para gañar un futuro digno, que hoxe volve estar seriamente ameazado.

A noticia en Avantar

8 de marzo, defendemos a igualdade laboral das mulleres, tamén na sanidade

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

mncig2pO vindeiro 8 de marzo conmemoramos o Día Internacional da Muller Traballadora. Neste 8 marzo de 2017, e en contra deses discursos falaces da igualdade xa conseguida, os estudos e datos socioeconómicos, como os recollidos no informe presentado a semana pasada pola Secretaría da Muller da CIG, continúan a demostrar que son as mulleres as que sofren en maior medida situacións de precariedade laboral, que, ademais, se viron agravadas coa crise. Hoxe en día, a consecuencia da crise, atopámonos con que tamén o colectivo masculino está a sufrir estas condicións laborais, feito que se utiliza para pretender convencernos dunha mellora na igualdade entre homes e mulleres que non é real, nin unha conquista social, nin un triunfo das poucas políticas de igualdade existentes, senón o resultado das nefastas consecuencias das reformas laborais e do resto das políticas postas en marcha para saír da crise. Esta non é a igualdade que queríamos as mulleres, a de igualarnos en precariedade.

Tamén no emprego público observamos graves discriminacións para as mulleres. Desde a CIG-Saúde vimos denunciando algunhas delas, que afectan a traballadoras da Sanidade Pública e que poñen de manifesto que en pleno século XXI, e por máis que se nos queira vender o contrario, a igualdade fica inda moi lonxe, cando nin sequera as Administracións Públicas garanten a igualdade no traballo das mulleres con respecto aos homes.

Algúns dos casos de discriminación de mulleres traballadoras que denunciamos nos últimos tempos desde a CIG-Saúde, foron:

  • Caso dunha bolseira que durante a duración da súa bolsa fixo uso do seu permiso maternal. Non foi substituída, e non puido recuperar as horas do permiso porque a bolsa tiña unha data de finalización. Por este motivo, non cumpriu os obxectivos da bolsa.
  • Aspirantes do pacto de contratacións: ademais dos numerosos casos que vimos denunciando nos que polo feito de estar embarazadas a varias mulleres non se lles ofertaron os contratos que lles correspondían polo seu número de orde na lista, cando se produce unha IT por razón de embarazo non se lles reservan os contratos de longa duración, polo que estas mulleres perden a posibilidade dun contrato estábel polo feito de seren nais, e, xa que logo, polo feito de seren mulleres.
  • Mulleres residentes MIR, EIR, PIR, FIR. A formación en residencia ten un número de horas que hai que cumprir para acadar a titulación correspondente. Cando unha muller residente goza do permiso maternal non cumpre esas horas, polo que se retrasa a data na que se formaliza o seu título porque ten que recuperar as horas que non fixo durante o permiso. Obtén o título máis tarde que o resto das persoas que empezan a residencia con ela, polo feito de ser nai.
  • O SERGAS ocultou a existencia dun novo permiso recollido no Texto refundido do EBEP para as mulleres a partir da 37 semana de embarazo. Cando despois da denuncia pública da CIG, as mulleres afectadas piden ese permiso, o SERGAS non paga a Atención Continuada durante a súa duración, polo que durante o descanso maternal, que sucede inmediatamente despois do permiso, tamén se rebaixa o salario que paga o INSS durante o permiso maternal, ao calcularse en base ao salario do mes anterior ao descanso.

Seguiremos denunciando calquera discriminación que sufra a muller polo feito de selo, tamén na Administración sanitaria. Animamos a todas as mulleres a participar nas mobilizacións previstas e nomeadamente na manifestación convocada pola CIG para o día 8 de marzo para as 10:45 horas con saída do estadio de San Lázaro, e que rematará nunha concentración ás 11h, diante da Secretaría xeral de Igualdade, en Compostela, en solidariedade con Nélida Pisco, condutora de Autobuses de Calo, que representa a meirande parte das discriminacións que sufrimos as mulleres no mundo do traballo, tras padecer durante 8 anos acoso e terrorismo patronal, coa complicidade e inacción da Xunta de Galiza, ao ser Autos de Calo unha empresa concesionaria do servizo público de transporte.

Información Comisión Técnica Concurso de Traslados para categorías de licenciadas/os sanitarias/os

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Nesta reunión a Admón. fíxonos entrega do borrador da resolución do concurso de traslados de FEAS, e o anexo de prazas da convocatoria. Ábrese un prazo ata o 13 de marzo para enviar alegacións.

Prazas a convocar 599.

Convócanse 599 prazas para as categorías de Facultativas/os de Hospital, Médicas/os de Urxencias, Médicas/os Coordinadoras/es e Asistenciais do 061 e Médicas/os de Documentación e Admisión.

Infórmannos de que neste concurso deixaron fora da convocatoria 3 prazas de alta tecnoloxía no hospital da Coruña: 1 de oftalmoloxía, 1 de ciruxía cardiaca e outra de radiodiagnóstico.

→Bases da convocatoria.

  As bases son coma nas convocatorias anteriores.

  • Persoal con reingreso provisional. Está obrigado a participar e solicitar todas as prazas da área onde está reingresado provisionalmente. De non participar quedaría en excedencia por interese particular.
  • Renuncias e modificacións da solicitude presentada. Durante o prazo de presentación de solicitudes, e por escrito con rexistro de entrada, a/o solicitante poderá presentar a renuncia á solicitude presentada, ou poderá presentar modificacións á mesma. Finalizado o prazo de presentación de solicitudes non caben nin modificacións nin renuncias.
  • Persoal en situación de excedencia por incompatibilidade no sector público. O persoal que participe desde esta situación deberá presentar por escrito copia da resolución de excedencia.
  • Persoal que concursa desde fóra do SERGAS. Coma en anteriores concursos debe presentar por escrito os méritos rexistrados no FIDES.
  • No baremo puntúase a ser titora/or ou colaboradora/or docente. Páxina 15 do documento.

Fóra deste TRASLADOS SERGASpunto coma CIG-SAÚDE solicitamos que se convocase de inmediato un concurso de traslados para todas as categorías, sanitarias e non sanitarias.

A subdirectora comentou que o plano de estabilidade que van presentar xa contempla o concurso de traslados para o persoal sanitario. Esta plano de estabilidade levámolo agardando desde o mes de decembro.

Para o persoal non sanitario van experimentar co concurso aberto e permanente, isto tamén o levamos escoitando desde fai un ano. Ademais, o concurso de traslados aberto e permanente é unha desas cousas que di o conselleiro que imos ter, e que por iso non podemos recuperar os acordos retributivos. Reiteramos a nosa petición de que neste ano ten que haber unha convocatoria de concurso de traslados para todas as categorías.

ITINERARIOS PROFESIONAIS

Pendente de publicar o decreto. O devandito decreto ten que volver pasar por Mesa Sectorial por unha cuestión do baremo. Nesta reunión fixemos entrega dunha copia da acta da reunión celebrada no 061 coa participación do xerente do SERGAS, onde este se comprometeu ante a representación sindical a que o itinerario profesional ía a estar publicado antes do concurso de traslados. A cumprir, Sr xerente.

Publicación baremación provisional listas Lei 17 (Saúde Pública e Administración Sanitaria)

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

dogPublícase hoxe no DOG a resolución que dá publicidade ás listas provisionais de admitidas/os e excluídas/os e a baremación provisional das categorías da Lei 17 (Saúde Pública e Administración Sanitaria)

  • RESOLUCIÓN do 16 de febrero de 2017, da Dirección Xeral de Recursos Humanos, pola que se publica a relación provisional de admitidos/as e excluídos/as e os resultados provisionais de baremación no proceso de inscrición de aspirantes a nomeamentos temporais en postos de traballo de persoal funcionario sanitario da escala de saúde pública e administración sanitaria (Lei 17/1989, do 23 de outubro). Descargar PDF

Contra a relación provisional de admitidos/as e excluídos/as e os resultados provisionais de baremación as persoas interesadas poderán presentar reclamación ante a Dirección Xeral de Recursos Humanos do Servizo Galego de Saúde no prazo de dez días hábiles contados a partir do seguinte desta publicación.

Máis info na páxina do SERGAS.

OPE 2013, publicación dos nomeamentos e adxudicación de destinos

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informaPublícanse hoxe no DOG as resolucións polas que se nomea persoal estatutario das categorías de Enfermeira/o e Médica/o de Familia e se enumeran os destinos definitivos das persoas nomeadas:

  • Nomeamentos OPE 2013, enfermeiras/os. RESOLUCIÓN do 10 de febreiro de 2017, da Dirección Xeral de Recursos Humanos, pola que se procede ao nomeamento como persoal estatutario fixo e á adxudicación de destino definitivo aos/ás aspirantes seleccionados/as no concurso-oposición para o ingreso na categoría de enfermeiro/a, convocado pola Resolución do 10 de decembro de 2014, modificada pola Resolución do 24 de abril de 2015. Descargar PDF
  • Nomeamentos OPE 2013, médicas/os de familia. RESOLUCIÓN do 10 de febreiro de 2017, da Dirección Xeral de Recursos Humanos, pola que se procede ao nomeamento como persoal estatutario fixo e á adxudicación de destino definitivo aos/ás aspirantes seleccionados/as no concurso-oposición para o ingreso na categoría de médico/a de familia de atención primaria, convocado pola Resolución do 10 de decembro de 2014, modificada pola Resolución do 24 de abril de 2015. Descargar PDF

Os/as aspirantes nomeados/as disporán do prazo dun mes, a contar desde mañá 2 de marzo, para incorporarse á praza adxudicada. A toma de posesión da praza efectuarase no centro de xestión a que pertenza esta. A falta de incorporación no prazo referido, cando sexa imputable ao/á interesado/a e non responda a causas xustificadas, producirá o decaemento do seu dereito a obter a condición de persoal estatutario fixo como consecuencia do concreto proceso selectivo. No entanto, en casos de forza maior e por instancia do/da interesado/a, a Dirección Xeral de Recursos Humanos do Servizo Galego de Saúde poderá prorrogar o prazo de toma de posesión.

Contra esta resolución, que pon fin á vía administrativa, poderase interpor recurso potestativo de reposición ante esta dirección, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou poderase impugnar directamente na xurisdición contencioso-administrativa nos termos da Lei 29/1998, do 13 de xullo.

 
 
 
 
 
 
  • Ferramentas

  • Contratacións

  • Expedient-e

  • Lexislación

  • Ligazóns

  • Boletíns Oficiais

  • TOP ARTIGOS

  • App Móbil

  • Afíliate

           

Se tés un móbil ou tableta con Android, agora tés outro xeito de estares ao día nas noticias da CIG-SAÚDE.

Só tés que entrar no Google Play, poñer no buscador “cig-saude” e instalar a aplicación gratuíta que recolle as novas publicadas.

Recibirás un aviso na barra de alertas do teu aparello cada vez que se publique unha nova información nas webs da CIG-SAÚDE.


Podes ver a descrición da app e descargala premendo aquí.


Desde a CIG-Saúde queremos agradecer a Miguel Carrillo o desenvolvemento e distribución desta aplicación gratuíta.

     

ImaxeCampanhaAfiliacionCIG.preview

A CIG vén de poñer en marcha unha campaña de afiliación nunha nova aposta coa que respostar a todos os ataques que sofre a clase traballadora galega e o desmantelamento de Galiza. Con esta iniciativa preténdese consolidar e ampliar a nosa capacidade de resposta. Nos tempos que corren é vital afortalar a nosa organización sindical, que ten unha traxectoria histórica de firmeza, coherencia, insubornábel, de confronto co sistema, e constitúe unha alternativa ao sindicalismo español do pacto social e de colaboración co poder. 

afiliate

 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto