O Goberno de Feijoo e a Consellería de Sanidade menospreza ao persoal do SERGAS

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIGSAUDElogo

Vimos de remitir ao Conselleiro de Sanidade e á Dirección de Recursos Humanos do Sergas, o seguinte escrito, solicitando que se convoque a Mesa Sectorial de Sanidade á maior brevidade posible para iniciar dunha vez por todas a negociación da recuperación económica do persoal do SERGAS.

 

Jesús Vázquez Almuíña

Conselleiro de sanidade.

Margarita Prado Vaamonde.

Directora de RRHH SERGAS.

No día de hoxe, 16 de maio de 2018, a Consellaría de Educación vén de convocar reunión da súa mesa sectorial para iniciar a negociación da recuperación económica do persoal docente. Cunha proposta de incremento retributivo que situaría a   estas/es profesionais na parte alta das retribucións que perciben o resto de persoal docente dos sistemas educativos das CCAA, estase a falar de situalos no posto nº 6 dos sistemas educativos.

Cabe subliñar  que o persoal docente, na mesa sectorial do ensino da Xunta de Galiza, asinou un acordo retributivo no ano 2006 que se cumpriu na súa integridade.

Fronte isto está a política de persoal que se aplica no SERGAS. O persoal do SERGAS ten suspendidos os seguintes acordos:

  • Acordo retributivo 2008/12. Suspendido no ano 2010 e que sitúa as retribucións do persoal do SERGAS no furgón de cola dos sistemas de saúde das CCAA.
  • Acordo retributivo do persoal dos Puntos de Atención Continuada (PACs). Acordo que castiga ao persoal médico e de enfermaría a percibir o 80% da contía retributiva de noites e días festivos.
  • Carreira profesional. A proposta que o SERGAS presentou na mesa sectorial é discriminatoria e restrictiva.

Por todo isto, CIG-SAÚDE esixe a convocatoria inmediata da mesa sectorial do SERGAS para abordar a recuperación dos acordos asinados e suspendidos, e a negociación dunha carreira profesional sen discriminación e cun sistema de encadre que sitúe a cada profesional no grao que lle corresponde.

Non ten ningunha xustificación que o goberno do Sr Feijoo e a Consellaría de Sanidade sigan a discriminar ao persoal do SERGAS, condenándoos a ter as retribucións máis baixas en comparación co resto dos servizos de saúde, e tamén co resto das/os traballadoras/es da Función Pública Galega.

Agardamos recibir a devandita convocatoria á maior brevidade posible.

 

Atentamente.

Compostela, 16 de maio de 2018.

Asdo: Mª Xosé Abuín Álvarez

Secretaria Nacional de CIG-SAÚDE.

CIG-SAÚDE ESIXE UNHA NEGOCIACIÓN DE CARREIRA PROFESIONAL SEN DISCRIMINACIÓN

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Captura carreira3

A Carreira Profesional é o recoñecemento expreso e de forma individualizada do desenvolvemento acadado polxs profesionais en canto a coñecementos, experiencia nas tarefas asistenciais, docencia e investigación, o cumprimento dos obxectivos e o compromiso coa organización na que presten os seus servizos. Estruturada en 4 graos en función da antigüidade de cada profesional. A avaliación positiva xera o dereito á percepción dun complemento retributivo.

A Carreira Profesional non é un recoñecemento do vínculo laboral: é igual para o persoal fixo ou temporal.

A Carreira é un recoñecemento individual por iso defendemos que ten que situar a cada unha/un no grao que lle corresponde mediante un sistema de encadre.

Captura carreira4

CIG-SAÚDE seguirá a defender unha carreira profesional sen discriminación e con sistema de encadre no grao que corresponda.

CIG-SAÚDE esixe que o valor retributivo do grao sexa o mesmo valor que no réxime extraordinario. A Consellaría de Sanidade ten que incluír nos orzamentos do ano 2019 a contía da Carreira Profesional de todo o persoal do SERGAS.

Descarga aquí o noso panfleto.

CIG-Saúde demanda no Parlamento a recuperación dos acordos retributivos e da carreira profesional

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Entregou máis de 7.000 sinaturas de traballadores/as do Sergas

2018-05-08 CIG-Saude Parlamento 0001 1

A CIG-Saúde entregou este mércores, no rexistro do Parlamento de Galiza, máis de 7.000 sinaturas de traballadores e traballadoras en demanda de que se negocie na mesa sectorial do Sergas un plan para recuperar os acordos retributivos e de condicións laborais suspendidos desde o ano 2010. Canda isto celebrouse, ao longo da mañá, unha concentración no exterior do Pazo do Hórreo mentres os membros da Executiva da federación se reunían con representantes dos grupos parlamentarios.

A secretaria nacional de CIG-Saúde, María Xosé Abuín, lembrou que os acordos retributivos teñen carácter de norma, porque foron acordados na mesa sectorial do SERGAS e publicados no DOG. “Contemplaban incrementos progresivos das nosas retribucións para que estivesen na media da que teñen as traballadoras e traballadores dos servizos de saúde do Estado español”.

Neste sentido, denunciou que “somos a última comunidade canto as retribucións que percibimos por penosidade -traballo en domingos, festivos e noites- ou por gardas e o noso complemento específico, desde a época de Feijóo como secretario xeral da consellaría de Sanidade, ten unha contía retributiva menor que a do resto de traballadores/as da administración autonómica malia requirírsenos unha titulación específica para exercer a nosa profesión”.

Por iso considerou que se hai unha recuperación económica, tal e como repiten desde o goberno da Xunta, “cremos que nós tamén temos que recuperar esas retribucións suspendidas desde o ano 2010”.

Abuín sinalou que a consellaría esta a negociar a carreira profesional. Porén, denunciou que “discrimina aínda máis entre o persoal fixo e o temporal”. Subliñou que a carreira profesional “non retribúe vínculo, nin por ser temporal ou fixo senón polo desempeño profesional e isto, xunto co cumprimento de obxectivos, a formación, a innovación e o desempeño asistencial é igual, sexas fixo ou temporal”.

Por iso considerou que “non ten ningún sentido” que na mesa sectorial se sigan a presentar documentos que o único que fan é agrandar a fenda salarial entre persoal fixo e temporal.

2018-05-08 CIG-Saude Parlamento 0006

Xuntanzas coas forzas políticas

A secretaria nacional de CIG-Saúde valorou positivamente a receptividade dos grupos parlamentarios de en Marea, BNG e PSOE. “Comparten as nosas reivindicacións e comprometéronse a seguir presentando iniciativas no Parlamento para que a Consellería de Sanidade negocia na mesa sectorial un calendario de recuperación dos nosos acordos e a negociación dunha carreira profesional sen discriminación”.

Porén o PP limitouse a recoller as demandas e “agardamos que así llas transmita ao goberno e á consellaría de Sanidade”, sinalou.

Podes ver a nova en Avantar.

Maioría absoluta da CIG-Saúde nos institutos de investigación sanitaria

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIGSAUDElogo

Obtivo catorce delegadas/os dun total de vinte e tres

Rematado o proceso de eleccións sindicais nos institutos de investigación biomédica de Galiza, a CIG-Saúde acadou a maioría absoluta, obtendo unha representación de 14 delegados/as dun total de 23. Iníciase agora un proceso de negociación para o recoñecemento laboral e retributivo deste colectivo de profesionais de alto nivel que traballa para mellorar a sanidade pública. Por iso a central sindical pretende, entre outras cuestións, crear un marco normativo, na forma de convenio laboral específico, que permita “dignificar o traballo que se leva a cabo no día a día nas tres grandes Fundación Sanitarias de Galiza”.

As Fundacións de Investigación Sanitaria dos Hospitais xurdiron para axudar a xestionar, organizar e promovera  investigación realizada desde o entorno hospitalario. Non teñen o percorrido nin a tradición doutros centros que contribúen á tarefa investigadora, como as universidades ou que constitúena  esencia mesma do seu ser, como o Consello Superior de Investigacións Científicas.

Porén, debido ao interese e ao traballo de múltiples actores –principalmente as persoas que traballan nelas- crecen de ano a ano e reclaman un papel e unha importancia no ámbito investigador que aínda se lles nega.

A CIG entende que estas fundacións deben dar moito máis de si en Galiza, para ofrecer e rendibilizar todo o potencial que atesouran. Defende que o capital máis prezado é o humano , un valor que no caso da investigación se acrecenta. Por iso entende que é imprescindíbel configurar unj marco laboral definido e uniforme, flexible, pero seguro, que determine claramete os deberes do seu persoal, mais tamén que permita e promova a súa carreira profesional; un entorno que asegure a dignidade da investigación biomédica en todas as súas facetas, desde as máis experimentais e próximas ás/aos doentes, até as máis innovadoras e transformadoras, pasando polas de xestión e promoción.

Contratación e selección do persoal

Por iso a CIG-Saúde defende o establecemento de categorías profesionais para todos e cada un dos perfís actuais, tanto para o persoal investigador como para o de xestión e que se definan os procedementos de acceso aos distintos postos de traballo, na procura dun sistema de selección e contratación igualitario e transparente.

Estabilización

Xunto a isto aposta por negociar os procedementos adecuados para conseguir a correcta estabilización laboral do persoal das Fundacións e traballará na procura do recoñecemento da antigüidade laboral coa implantación do sistema de trienios ademais de defendera  acreditación da experiencia laboral adquirida nas fundacións, para oposicións/promocións do sistema público de saúde.

Sistema retributivo

Respecto do sistema retributivo a CIG loitará por que se recolla cada especialidade dos distintos postos de traballo e que permita a equiparación salarial co SERGAS; pola creación de táboas salariais acordes cos postos de traballo existentes e por que se negocie unha carreira profesional que recoñeza e retribúa a traxectoria profesional e o compromiso coa organización.

Ademais negociará a correcta regulación de permisos e licencias tomando como referencia as normativas afíns do nos territorio e definirá de maneira máis clara a xornada laboral, o cómputo de horas laborais ou as distintas quendas de traballo.

Podes ver a nova completa en Avantar.

Publicación do pacto de contratación do persoal laboral temporal de Galaria

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

logo cigsaude informa pequeno

Hoxe publicouse no DOG o ANUNCIO do 30 de abril de 2018 polo que se procede a darlle publicidade á Resolución do 17 de de abril de 2018 pola que se regula o pacto sobre selección de persoal laboral temporal da Unidade de Radiofármacos PET Galicia, situada en Santiago de Compostela, subscrito coa representación do persoal laboral da devandita unidade.

Podes descargar aquí o Pacto de contratacións do persoal laboral da Unidade de Radiofármacos PET Galicia.

Para máis información podes acceder á páxina do Sergas a través do seguinte enlace

Categorías:

  • Técnico/a laboratorio non sanitario
  • Técnico/a de mantemento
  • Facultativo/a especialista en radiofarmacia

Prazo de inscrición: un mes dende a data de publicación no DOG

A inscrición farase a través do FIDES. 

 

A CIG-Saúde denuncia a falta de rigor das informacións relativas á folga no Hospital de Monforte

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Lembra que coa mobilización preténdese evitar o desmantelamento do centro hospitalario

 

2018-05-03 concentracion Hospital Monforte 001

Persoal do Hospital de Monforte iniciou unha folga parcial, de dous días á semana, o pasado 24 de abril, contra o desmantelamento do centro sanitario e das consecuencias que isto vai ter na atención ás/aos doentes da comarca. Por iso esta folga non só é secundada polo persoal, senón que conta co apoio masivo da poboación, que será quen sufra este grave recorte.

 

A secretaria nacional da CIG-Saúde, María Xosé Abuín explica que “cantos máis servizos se pechen e menos persoal haxa neste hospital, con máis frecuencia terá a poboación que desprazarse ao HULA para recibir asistencia”.

Explica ademais que se chegou a esta convocatoria de folga ante a negativa da dirección do centro hospitalario e da Xerencia de Lugo a establecer un diálogo coa representación sindical. “Puxéronse, de forma reiterada, en coñecemento da Xerencia os problemas que se estaban dando derivados da falta de persoal e do cambio nas súas condicións de traballo, ademais das repercusións que isto tiña para as usuarias e usuarios da sanidade pública na zona de influencia do Hospital de Monforte”, di.

 

 

A isto engade que “non só non fixeron caso, senón que consentiron e apoiaron as políticas de persoal que está a levar a cabo a subdirectora de enfermería, que provocaron que no canto de crearse un clima laboral normalizado, este se enrarecera cada vez máis por mor dos continuos cambios de quendas ou de unidades sen xustificación algunha”.

Medidas que, segundo a secretaria nacional de CIG-Saúde, “tiñan como único obxectivo reafirmar o seu poder e non xestionar os recursos humanos con intelixencia e respecto absoluto ás/aos profesionais”. Nese sentido lembra que fronte a unha concentración de traballadores/as diante da Xerencia en demanda de diálogo “chegou a saír a bailar diante deles”.

 

 

Por iso, a CIG-Saúde desmente as informacións que se están publicar en medios da Ribeira Sacra, nos que se afirma que hai presións sobre quen non secundan a folga ou para dotar de medios a caixa de resistencia, que é xestionada polos propios traballadores/as dos centros. “Eses medios esqueceron contrastar a información co comité de folga ou cos traballadores e traballadoras que a secundan. Preferiron dar unha única versión, para beneficio exclusivo da consellaría de Sanidade poñendo así en cuestión a súa credibilidade diante do persoal e da poboación que sabe que é o que está ocorrendo”.

Abuín lembra ademais que “a CIG e o resto de organizacións sindicais do comité de folga foron os primeiros en dirixirse á dirección do centro para que se iniciara unha investigación seria e rigorosa sobre o acontecido cunha lata de cervexa aparecida nunha caixa de material cirúrxico”, así como demandaron que se adoptaran medidas de seguridade “para evitar que se volvera a producir un incidente destas características”.

Ver nova completa en Avantar

 

 
 
 
 
 
 
  • Ferramentas

  • Contratacións

  • Expedient-e

  • Lexislación

  • Ligazóns

  • Boletíns Oficiais

  • TOP ARTIGOS

  • App Móbil

  • Afíliate

           

Se tés un móbil ou tableta con Android, agora tés outro xeito de estares ao día nas noticias da CIG-SAÚDE.

Só tés que entrar no Google Play, poñer no buscador “cig-saude” e instalar a aplicación gratuíta que recolle as novas publicadas.

Recibirás un aviso na barra de alertas do teu aparello cada vez que se publique unha nova información nas webs da CIG-SAÚDE.


Podes ver a descrición da app e descargala premendo aquí.


Desde a CIG-Saúde queremos agradecer a Miguel Carrillo o desenvolvemento e distribución desta aplicación gratuíta.

     

ImaxeCampanhaAfiliacionCIG.preview

A CIG vén de poñer en marcha unha campaña de afiliación nunha nova aposta coa que respostar a todos os ataques que sofre a clase traballadora galega e o desmantelamento de Galiza. Con esta iniciativa preténdese consolidar e ampliar a nosa capacidade de resposta. Nos tempos que corren é vital afortalar a nosa organización sindical, que ten unha traxectoria histórica de firmeza, coherencia, insubornábel, de confronto co sistema, e constitúe unha alternativa ao sindicalismo español do pacto social e de colaboración co poder. 

afiliate

 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto