Atención Primaria: A porta de entrada ao sistema sanitario, sen persoal para atendela

A CIG-SAÚDE esixe do SERGAS que tome en consideración os datos publicados nos Plans de Ordenación de Recursos Humanos, mediante as Ordes de 8 de maio de 2012 e de 5 de decembro de 2013, para adaptar as Prazas ...

CIG-Saúde exíxelle ao SERGAS que contabilice como tempo de traballo o tempo dedicado a dar o relevo

Tempo de traballo é todo o tempo que o/a traballador/a permanece no posto de traballo. No SERGAS, un número importante de traballadoras/es permanecen no seu posto de traballo en cada quenda máis de 20 minutos a...

Permisos e licenzas SERGAS: Negociación XA!!!

Mentres as Mesas Sectoriais de Función Pública e Educación negocian e acordan o réxime de permisos e licenzas para o seu persoal, o SERGAS négase rotundamente a falar dos permisos e licenzas de traballadores e ...

A CIG-Saúde exixe a correcta clasificación do persoal conforme ao EBEP

O pasado 31 de outubro de 2015 publicouse no BOE o Real Decreto Lexislativo 5/2015, de 30 de outubro, polo que se aproba o texto refundido da Lei do Estatuto Básico do/a Empregada/o Público. O devandito texto p...

  • Atención Primaria: A porta de entrada ao sistema sanitario, sen persoal para atendela

    Luns, 22 Maio 2017
  • CIG-Saúde exíxelle ao SERGAS que contabilice como tempo de traballo o tempo dedicado a dar o relevo

    Venres, 10 Xuño 2016
  • Permisos e licenzas SERGAS: Negociación XA!!!

    Xoves, 31 Marzo 2016
  • A CIG-Saúde exixe a correcta clasificación do persoal conforme ao EBEP

    Mércores, 25 Novembro 2015
 
 
 
 
 
 

OPE 2014: Ábrese o prazo de toma de posesión

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

INFO OPEPublícase hoxe no DOG a resolución que dá publicidade á lista definitiva de persoas adxudicatarias de destino na OPE 2014 (categorías de Enfermeira/o Especialista en Obstetricia e Xinecoloxía, Fisioterapeuta, Logopeda, TCAE, Técnica/o Superior en Anatomía Patolóxica (TEAP), Técnica/o Superior en Imaxe para o Diagnóstico (TER), Técnica/o Superior en Hixiente Bucodental, Técnica/o Superior en Laboratorio (TEL), Técnica/o Superior en Radioterapia, Terapeuta Ocupacional e Técnica/o de Farmacia), e ábrese prazo para a toma de posesión a partir de mañá día 3 de maio.

  • OPE 2014. Toma de posesión. RESOLUCIÓN do 18 de abril de 2017, da Dirección Xeral de Recursos Humanos, pola que se procede ao nomeamento como persoal estatutario fixo do Servizo Galego de Saúde e á adxudicación de destino definitivo aos/ás aspirantes seleccionados/as no concurso-oposición para o ingreso en diversas categorías de persoal estatutario, convocado pola Resolución do 17 de xuño de 2015. Descargar PDF

A toma de posesión realizarase conforme a estas instrucións.

Información na páxina do SERGAS.  Para a OPE de Técnica/o de Farmacia, nesta ligazón.

OPE AGASOT (antigo CTG)

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

INFO OPE pequeno 150pxHoxe publícase no DOG a revisión da composición dos tribunais da OPE do CTG. Parece que por fin se puxeron as pilas con esta OPE, a información que nos chega é que o exame está previsto para finais de xuño-primeiros de xullo, e que será en Santiago (están buscando o lugar onde se fará).

 

  • Agasot (OPE CTG). RESOLUCIÓN do 7 de abril de 2017 pola que se actualizan os membros dos tribunais do proceso selectivo para cubrir postos de traballo mediante contratación laboral fixa, convocado pola Resolución do 20 de xaneiro de 2015. Descargar PDF

 

Publicada baremación provisional de listas de contratación de PSX e categorías de oficios

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

info listas contrataciónPublícase hoxe no DOG a resolución que dá publicidade á baremación provisional de listas das categorías de calefactor/a, condutor/a, electricista, fontaneiro/a, mecánico/a e persoal de servizos xerais:

  • Baremación provisional listas de contratación varias categorías. RESOLUCIÓN do 17 de abril de 2017, da Dirección Xeral de Recursos Humanos, pola que se publica a relación provisional de admitidos/as e excluídos/as e os resultados provisionais de baremación no proceso de actualización das listas de selección temporal de diversas categorías de persoal estatutario. Descargar PDF

Ábrese un prazo de dez días hábiles contados a partir de mañá para presentar reclamación tanto ás listas de admitidas/os e excluídas/os coma á propia baremación provisional.

Podes ver as listas no teu Expedient-e e na páxina do SERGAS.

Reclaman a incorporación no SERGAS das especialidades de enfermería

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

O decreto de creación foi aprobado en 2016 e transcorrido un ano aínda non se desenvolveu

CIG-Saúde, CCOO, UGT, CSIF e Asociación Galega de Enfermería Familiar e Comunitaria compareceron este mércores en rolda de prensa para denunciar a pasividade da consellaría de Sanidade e o SERGAS no relativo á incorporación no Servizo Galego de Saúde de enfermeiros/as especialistas.

A secretaria nacional da CIG-Saúde, María Xosé Abuín, explicou que en xullo de 2016 se publicou no DOG o decreto de creación da categoría de enfermeiro/a especialista no ámbito do SERGAS. Un decreto que, segundo lembrou, “levou tempo negociar ante a súa negativa a recoñecer o nivel 23, que é o de enfermeiro/a especialista” porque “pretendía crear esa categoría pero con nivel 22, isto é, que a especialidade lle saíra gratis, xa que ao non recoñecer a categoría non se tiña que retribuír como tal”.

Finalmente conseguiuse que se negociara e aprobara o decreto co nivel correspondente aínda que Abuín asegurou que “para nós é un nivel baixo dentro do sistema da administración pública e dentro dos intervalos de niveis existentes para as especificidades e responsabilidade que ten un posto destas características”.

Transcorrido máis dun ano, este decreto está, segundo denunciaron as organizacións sindicais e máis a asociación científica, sen desenvolver e a comisión técnica constituída a tal efecto aínda que chegou a ser constituída non está operativa.

A este respecto, a secretaria nacional da CIG-Saúde, denunciou que “nin sequera se abordou a reclasificación do persoal fixo, con máis de 20 anos de experiencia profesional e co título de especialista”.

A modo de exemplo, sinalou que a categoría de enfermeiro/a especialista en Saúde mental, creado no 2009, só conta a día de hoxe con 9 prazas en toda Galiza e afirmou que “isto constata a falta de recoñecemento que, por parte do SERGAS se lle dá a estas e estes profesionais”.

Diante desta situación as organizacións sindicais presentes na rolda de prensa lembraron que o pasado día 11 enviaron un escrito á consellaría e o SERGAS exixindo que na reunión da Comisión Central de Seguimento do Pacto de Contratacións, que se ten que convocar neste trimestre, se inclúa na Orde do día, a apertura de listas de selección temporal dos enfermeiros/as especialistas que habilita o decreto de creación desta categoría, co obxectivo de que estas listas estean operativas en outubro de 2017, que é cando se xeran o conxunto de listas.

A noticia en Avantar

Selección temporal de FEAs: o SERGAS propón unha entrevista que puntúa máis que experiencia profesional e investigación

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIG INFORMACIG-SAÚDE non pode apoiar un baremo de selección temporal de persoal facultativo no que o maior peso do baremo sexa a entrevista persoal.

O primeiro acordo de negociar un procedemento de selección temporal regrado e con criterios obxectivos para o persoal facultativo de atención especializada data do 13 de febreiro de 2007.

No pacto de contratacións do ano 2011, o SERGAS volveu a comprometerse a negociar o pacto de selección temporal de FEAS, sen que nunca tivera lugar durante a vixencia do mesmo.

Agora, no ano 2017, o SERGAS abriu a mesa de negociación.

Para CIG-Saúde, co baremo de selección temporal para o persoal facultativo que propón o SERGAS, é discutible que o procedemento de selección se realice con criterios obxectivos.

O Plano de Estabilidade aprobado na mesa sectorial do SERGAS o día 17 de marzo, co voto en contra da CIG-SAÚDE, por non ter un censo de profesionais que nos permitise coñecer a realidade da precariedade laboral e por non converter en prazas vacantes todas as prazas xeradas desde o 2010 que levan cubertas con contratos precarios de forma continuada, non pretende rematar en serio coa precariedade laboral.

O Plano de Estabilidade fala da creación de 400 prazas, pero non sabemos a que colectivos corresponde, a que áreas sanitarias, nin cales van ser as especialidades médicas obxecto deste plano.

O que si sabemos é que o baremo de selección de FEAS vai conter:

-          12 puntos de formación.

-          2 puntos por coñecemento de lingua galega.

-          22 puntos de experiencia profesional.

-          4 puntos por investigación e innovación sanitaria.

Non se sabe cantos puntos pretende outorgar o SERGAS á fase de oposición.

Pero o que si di o Plano de Estabilidade é que as convocatorias axustaranse ao previsto no artigo 67 do decreto 206/2005, de selección e provisión:

E isto que quere dicir? que neste baremo incluirase a realización dunha entrevista persoal, á que se lle poderá conceder un máximo de 30 puntos que sería superior á suma da experiencia profesional e toda a produción científica que teña o persoal facultativo.

Desde CIG-SAÚDE non podemos aceptar ese baremo e propoñemos un baremo obxectivo, coma o utilizado para o resto de persoal facultativo: médicas/os de familia, pediatras de atención primaria, odontólogas/os... persoal seleccionado mediante un baremo de méritos, sen entrevista persoal.

Publicadas listas de admitidas/os da OPE 2015-16

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

INFO OPE pequeno 150pxPublícanse hoxe no DOG as resolucións que dan publicidade ás listas de admitidas/os e excluídas/os da OPE 2015-16 e ás persoas exentas de realizar o exercicio de lingua galega:

  • Admitidas/os OPE 2015-16. RESOLUCIÓN do 31 de marzo de 2017, da Dirección Xeral de Recursos Humanos, pola que se declaran, con carácter provisional, os aspirantes admitidos e excluídos, así como os exentos e non exentos do exercicio de lingua galega, no concurso-oposición para o ingreso na categoría de técnico/a superior en prevención de riscos laborais convocado pola Resolución do 22 de decembro de 2016. Descargar PDF
  • Admitidas/os OPE 2015-16. RESOLUCIÓN do 31 de marzo de 2017, da Dirección Xeral de Recursos Humanos, pola que se declaran, con carácter provisional, os aspirantes admitidos e excluídos, así como os exentos e non exentos do exercicio de lingua galega, no concurso-oposición para o ingreso nas categorías de odontólogo/a de atención primaria e pediatra de atención primaria convocado pola Resolución do 22 de decembro de 2016. Descargar PDF
  • Admitidas/os OPE 2015-16. RESOLUCIÓN do 31 de marzo de 2017, da Dirección Xeral de Recursos Humanos, pola que se declaran, con carácter provisional, os aspirantes admitidos e excluídos, así como os exentos e non exentos do exercicio de lingua galega, no concurso-oposición para o ingreso nas categorías de médico/a asistencial do 061, médico/a coordinador/a do 061 e médico/a de urxencias hospitalarias, convocado pola Resolución do 22 de decembro de 2016. Descargar PDF
  • Admitidas/os OPE 2015-16. RESOLUCIÓN do 31 de marzo de 2017, da Dirección Xeral de Recursos Humanos, pola que se declaran, con carácter provisional, os aspirantes admitidos e excluídos, así como os exentos e non exentos do exercicio de lingua galega, no concurso-oposición para o ingreso en diversas especialidades da categoría de facultativo/a especialista de área convocado pola Resolución do 22 de decembro de 2016. Descargar PDF
  • Admitidas/os OPE 2015-16. RESOLUCIÓN do 31 de marzo de 2017, da Dirección Xeral de Recursos Humanos, pola que se declaran, con carácter provisional, os aspirantes admitidos e excluidos, así como os exentos e non exentos do exercicio de lingua galega, no concurso-oposición para o ingreso na categoría de médico/a de admisión e documentación clínica convocado pola Resolución do 22 de decembro de 2016. Descargar PDF
  • Admitidas/os OPE 2015-16. RESOLUCIÓN do 31 de marzo de 2017, da Dirección Xeral de Recursos Humanos, pola que se declaran, con carácter provisional, os aspirantes admitidos e excluídos, así como os exentos e non exentos do exercicio de lingua galega, no concurso-oposición para o ingreso nas categorías de técnico/a especialista de sistemas e tecnoloxías da información, técnico/a de xestión de sistemas e tecnoloxías da información e traballador/a social convocado pola Resolución do 22 de decembro de 2016. Descargar PDF

Ábrese un prazo de dez días hábiles contados a partir de mañá para realizar reclamacións ao respecto destas publicacións.

Publicadas listas definitivas de contratación das categorías da Lei 17

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cartaz cig informaPublícase hoxe no DOG a resolución que dá publicidade ás listas definitivas da Lei 17:

1. Clase de inspector/a médico/a.
2. Clase de inspector/a farmacéutico/a.
3. Clase de farmacéutico/a inspector/a de saúde pública.
4. Lista xeral de licenciado/a sanitario/a: licenciado/a en Medicina e Cirurxía, licenciado/a en Farmacia, licenciado/a en Ciencias Químicas, licenciado/a en Ciencias Biolóxicas, licenciado/a en Psicoloxía.
5. Clase de subinspector/a sanitario/a.
6. Clase de ATS/DUE

  • Listas definitivas Lei 17. RESOLUCIÓN do 31 de marzo de 2017, da Dirección Xeral de Recursos Humanos, pola que publica a orde de prelación e a puntuación definitiva obtidas polas persoas aspirantes admitidas no proceso de inscrición para a formalización de nomeamentos temporais en postos de traballo de persoal funcionario sanitario da escala de saúde pública e Administración sanitaria (Lei 17/1989, do 23 de outubro). Descargar PDF

As listas entrarán en vigor para os efectos de chamamentos o martes día 11 de abril de 2017

 
 
 
 
 
 
  • Ferramentas

  • Contratacións

  • Expedient-e

  • Lexislación

  • Ligazóns

  • Boletíns Oficiais

  • TOP ARTIGOS

  • App Móbil

  • Afíliate

           

Se tés un móbil ou tableta con Android, agora tés outro xeito de estares ao día nas noticias da CIG-SAÚDE.

Só tés que entrar no Google Play, poñer no buscador “cig-saude” e instalar a aplicación gratuíta que recolle as novas publicadas.

Recibirás un aviso na barra de alertas do teu aparello cada vez que se publique unha nova información nas webs da CIG-SAÚDE.


Podes ver a descrición da app e descargala premendo aquí.


Desde a CIG-Saúde queremos agradecer a Miguel Carrillo o desenvolvemento e distribución desta aplicación gratuíta.

     

ImaxeCampanhaAfiliacionCIG.preview

A CIG vén de poñer en marcha unha campaña de afiliación nunha nova aposta coa que respostar a todos os ataques que sofre a clase traballadora galega e o desmantelamento de Galiza. Con esta iniciativa preténdese consolidar e ampliar a nosa capacidade de resposta. Nos tempos que corren é vital afortalar a nosa organización sindical, que ten unha traxectoria histórica de firmeza, coherencia, insubornábel, de confronto co sistema, e constitúe unha alternativa ao sindicalismo español do pacto social e de colaboración co poder. 

afiliate

 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto