Noticias Persoal Outras novas A CIG-Saúde entrega no rexistro do SERGAS máis de 3.000 sinaturas en demanda de que se impulse a xubilación parcial anticipada
 
 

A CIG-Saúde entrega no rexistro do SERGAS máis de 3.000 sinaturas en demanda de que se impulse a xubilación parcial anticipada

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
Lembra que a lei prevé contemplar a realidade específica do persoal dos diferentes colectivos
A CIG-Saúde presentou esta mañá, no rexistro do SERGAS,  máis de 3.000 sinaturas de persoal da sanidade pública galega en demanda de que se impulse o desenvolvemento da adicional sétima da Lei 40/2007, do 4 de decembro, na que se contempla a aplicación dos mecanismos de xubilación anticipada e parcial das/os empregadas/os públicos.
15-04-15 rexistro SERGAS xubilación anticipada

A CIG-Saúde explica que esa lei recolle que se contemplará a realidade específica dos diferentes colectivos afectados, incluída a do persoal ao que lle é de aplicación a Lei 55/2003, de 16 de decembro, do Estatuto Marco do persoal estatutario dos servizos de saúde.

Tal como admite a propia disposición adicional sétima da Lei 40/2007, do 4 de decembro, o persoal estatutario ten singularidades que o distinguen do resto do funcionariado, pola propia natureza do servizo público sanitario.

En concreto subliña a prestación continuada as 24hs do día e os 365 días do ano; o traballo en contacto coa enfermidade e a toma de decisións sobre a vida doutras persoas.

Xunto a isto sinala que os plans de ordenación de RRHH que publica a Administración enuncian problemas como unha pirámide de poboación envellecida, que incrementa o número de Incapacidades Temporais; a imposibilidade da Administración de asumir políticas de persoal que facilite deixar de traballar en horario nocturno ao cumprir 55 ou 60 anos ou de adaptar postos a persoas con problemas de saúde laboral.

A noticia en Avantar

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto