Noticias Política Sanitaria Novas sobre Política Sanitaria A CIG-Saúde pide xustificación ao Sergas polos gastos solicitados pola Axencia de Coñecemento en Saúde
 
 

A CIG-Saúde pide xustificación ao Sergas polos gastos solicitados pola Axencia de Coñecemento en Saúde

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
Pretende facer gastos de preto de 420.000€ para adaptar unhas dependencias que foron recentemente remodeladas
 
A CIG-Saúde tivo coñecemento de que a Axencia Galega en Saúde vén de solicitar un informe para “Gastos de acondicionamento dependencias ACIS e dotación de equipamento informático e mobiliario”. Considera que se trata dun gasto inxustificado xa que a súa actividade se desenvolve na sede do FEGAS, onde as dependencias están perfectamente acondicionadas e xa contan con equipamento informático e mobiliario.

Segundo soubo a CIG-Saúde a Axencia para a Xestión do Coñecemento en Saúde solicitou a apertura dun novo proxecto de gasto de 125.000 euros para a adquisición de equipamento para procesos de información; de 140.380 euros para adquisición de mobiliario e de 154.232,65 euros para acondicionamento de espazos.

Un gasto total de 419.612,65 euros para adaptar unhas dependencias que a CIG-Saúde lembra que recentemente xa foron remodeladas e que contan con mobiliario e equipos informáticos axeitados para desenvolver o traballo.

Por iso a CIG-Saúde demanda do Sergas que explique se vai permitir este gasto, se vai estar dentro da estabilidade orzamentaria e se esta é unha das prioridades ou obxectivos polo que se creou a Axencia do Coñecemento en Saúde.

“Salas de celebración de aniversarios”

A CIG-Saúde xa denunciou en marzo deste ano o gasto de 169.400 euros procedentes, nun 80%, de Fondos FEDER para a creación de sete espazos para innovación sanitaria -que está agora integrada na Axencia Galega do Coñecemento en Saúde- coñecidos entre o persoal como “salas de festas de aniversario” pola seu deseño e “nula” utilidade.

Diante disto, a CIG-Saúde denunciou o mal uso destes fondos por parte da consellaría de Sanidade e reclamou que os cartos públicos dedicados ao desenvolvemento da investigación e da innovación, se utilicen correctamente “e para o que están previstos, tendo en conta a opinión dos profesionais do sistema e as prioridades que estes marcan e non as iluminadas das persoas que a consellaría de Sanidade ten en postos de libre designación, que semellan máis interesados en favorecer negocios que na asistencia sanitaria e no seu desenvolvemento”.

A noticia en Avantar

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto