Noticias Política Sanitaria Novas sobre Política Sanitaria Conferencia de Presidentes, o que vai pedir Feijóo "con toda a humildade"
 
 

Conferencia de Presidentes, o que vai pedir Feijóo "con toda a humildade"

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

 DSC0220O vindeiro 17 de xaneiro está convada unha Conferencia de Presidentes, ese "ente" onde se reunen as persoas presidentas das distintas "comunidades autónomas" do estado español xunto co Presidente do Goberno e o rei. Algo así como unha festa que pagamos todas e todos.

O caso é que desde o goberno da Xunta, o Presidente Feijóo e algúns dos seus Conselleiros levan uns días anunciando o que van pedir nesa Conferencia de Presidentes ("con toda a humildade" como expresou o Conselleiro de Política Social). Entre esas peticións anuncian que proporán un pacto sobre demografía, para facer acorde o financiamento para políticas de dependencia e sanidade. Todo moi bonito sobre o papel e de cara á galería, mais... que fai este goberno por mellorar a calidade de vida das persoas dependentes e das súas coidadoras? Que fixo este goberno con respecto á Sanidade Pública senón desmantelala? Piden cambios para mellorar o financiamento da sanidade e depois dedícano a concertos e privatizacións?

Señor Feijóo, se de verdade busca unha Sanidade Pública de calidade, empece por coidar o persoal que presta o servizo e por recuperar todos os postos de traballos perdidos. Só co número de persoal axeitado se pode ofrecer un servizo público de calidade. Así que, ademais de "pedir con toda a humildade" un acordo sobre demografía para mellorar o financiamento para dependencia e sanidade, debería vostede reclamar "con toda a contundencia" a eliminación da taxa de reposición e do seu cómputo desde 2009, para que dunha vez por todas se poidan recuperar as perto de 3000 prazas de persoal público que deixaron de prestar servizos e, polo tanto, afectaron gravemente á asistencia sanitaria que se presta desde a Sanidade Pública.

 

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto