Noticias Persoal Outras novas Concentración no Sergas demandando a convocatoria da Mesa Sectorial
 
 

Concentración no Sergas demandando a convocatoria da Mesa Sectorial

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

2018-05-22 CIG-Saude recuperacion 001

Demandan do SERGAS a convocatoria da mesa sectorial para recuperar os dereitos suspendidos

Delegados/as da CIG-Saúde concentráronse diante do Servizo Galego de Saúde

Delegados e delegadas de CIG-Saúde concentráronse esta mañá diante do edificio do SERGAS, en San Lázaro, para demandar a inmediata convocatoria da mesa sectorial e o inicio dun proceso de negociación que permita ao persoal da sanidade pública galega recuperar os dereitos laborais e o poder adquisitivo perdido.

No decurso da mobilización fixeron entrega dun escrito, no rexistro da consellaría, dirixido tanto ao conselleiro como á directora de Recursos Humanos para facerlle chegar, novamente, esta demanda que até o de agora non foi atendida.

Nese sentido, a secretaria nacional da CIG-Saúde, María Xosé Abuín, lembrou que desde o pasado mes de abril non tiveron tampouco ningunha xuntanza da comisión técnica de carreira profesional e demandou que “de inmediato se convoque esta comisión para debater as alegacións presentadas e coñecer cales foron aceptadas polo SERGAS”.

Abuín considerou que non sería procedente que o Servizo Galego de Saúde “dese unilateralmente por pechada a negociación da carreira, presentando nunha próxima reunión da mesa sectorial o texto definitivo da carreira presentando nunha próxima reunión da mesa sectorial o texto definitivo da carreira profesional cun ultimato ás organizacións sindicais para que asinen o acordo ou non”.

Asegurou que desde a CIG-Saúde non se entendería unha negociación de costas ás traballadoras e traballadores e sen a súa participación e afirmou que “calquera documento de negociación que afecte ás condicións laborais e retributivas do persoal do SERGAS ten que ser coñecido por todos/as antes da súa aprobación”.

Por iso, a CIG-Saúde sinala, no escrito entregado esta mañá no rexistro, que “agardamos recibir á maior brevidade, a convocatoria de reunión da mesa sectorial” para a negociación do calendario de recuperación dos acordos suspendidos en 2010.

Solicita ademais que antes desa xuntanza, se convoque a comisión técnica da carreira profesional, cun documento previo sobre o que debater na mesa sectorial, no que se recolla, cando menos, o valor retributivo do grao.

Ver nova en Avantar.

Escrito presentado para o Conselleiro de Sanidade e a Directora de RRHH do Sergas.

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto