Noticias Persoal Outras novas
 
 

A CARREIRA DO SERGAS UNHA TOMADURA DE PELO

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

FOLGA XERAL

2 E 3 DE NOVEMBRO

O SERGAS convoca ao comité de folga da plataforma sindical CIG-SAÚDE, CCOO, CSIF, SAE, SATSE e UGT para tomarnos o pelo, e pretende que as organizacións sindicais sexamos cómplices do roubo dos salarios do persoal do SERGAS.

Na reunión celebrada o xoves 19 de outubro de 2017, a directora de RRHH do SERGAS ofreceu negociar coas organizacións sindicais temas que non comporten incrementos retributivos, tales como a negociación de permisos e licencias, agora si poden negociar; iso si, se non reclamamos que os días 24 e 31 de decembro teñan a consideración de festivo como no resto da Xunta de Galicia.

Da recuperación dos acordos retributivos non queren falar, non hai partida orzamentaria no ano 2018, e nos sucesivos xa veremos

Só queren falar das bases de Carreira ordinaria, están en disposición de iniciar esta negociación, mais as súas condicións son:

  • Negociar a carreira ordinaria sen saber cando se vai a cobrar. No ano 2018 non se cobraría.
  • As contías dos graos desta carreira non se sabe canto van ser, igual as que se perciben no réxime extraordinario NON. É dicir, non sabemos canto se vai cobrar por cada grao de carreira.
  • Cantos anos de permanencia nun grao para pasar ao seguinte van a esixir? disto non toca falar agora. Nin tampouco da antigüidade que se vai solicitar para acceder a cada grao.
  • Vai afectar a carreira a todo o persoal? ao fixo si , e aos interinos? Non toca falar disto.

Só ofrecen negociar as bases e con posterioridade, se procede, facer un recoñecemento administrativo do grao de carreira; SEN RECOÑECEMENTO ECONÓMICO!!

Debe pensar o SERGAS que este documento de recoñecemento administrativo, sen recoñecemento económico, vai servir de papel de pago cando vaimos ao supermercado, ou a pagar os medicamentos que deixaron de financiar. A inventores non hai quen lles gañe, nova fórmula SERGAS: RETRIBUCIÓNS SEN SALARIOS!!

Non deixes que sigan a roubar o teu salario!!

OOSS ccoo cig csif sae satse ugt - todas agás cesmomega

FOLGA XERAL 2 e 3 DE NOVEMBRO

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

20171017 Cartaces concentracións e folga Página 2

 

 

 

Comeza a campaña da gripe sen as/os enfermeiras/os saber se poden subministrar a vacina

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Vacinación CIG

CIG-Saúde solicita de Sanidade que demande do Ministerio a retirada inmediata do R. D. 954/2015

A CIG-Saúde demandou xa no mes de setembro da consellaría de Sanidade que se aclarara a situación xurídica das enfermeiras/os para poder administrar a vacina da gripe. A piques de comezar a campaña segue sen haber unha resposta por parte da administración o que “está xerando unha situación de indefensión xurídica e, en consecuencia de malestar e incertidume entre as/os profesionais”, denuncia a secretaria nacional de CIG-Saúde, María Xosé Abuín.

Lembra que desde outubro de 2015, cando entrou en vigor o Real Decreto polo que se regula a indicación e autorización de dispensación de medicamentos e produtos sanitarios de uso humano por parte das/os enfermeiras/os, “se provocou no ámbito sanitario un conflito inxustificado e innecesario porque se retrotraía a prestación de servizos por parte deste colectivo a tempos pasados baleirando de contido as súas competencias profesionais”.

Desde aquela a CIG-Saúde vén reclamando da Consellaría de Sanidade e do SERGAS que se esixa ao Ministerio de Sanidade a retirada dese R/D, ao igual que o están a facer o resto de servizos de saúde das comunidades autónomas. Porén, María Xosé Abuín asegura que “non temos coñecemento de que Consellaría ou SERGAS fixeran  algo a este respecto, máis alá de publicar unha nota informativa asinada polo Conselleiro de Sanidade en marzo do ano pasado”.

A secretaria nacional de CIG-Saúde sinala que sen a retirada dese Real Decreto as enfermeiras e enfermeiros non poden administrar ningún medicamento sen prescrición médica, aínda que a vacina da gripe estea regulada como unha campaña de cobertura xeral da poboación, tal e como recoñeceu, entre outras, unha sentenza emitida o pasado mes de xullo polo Tribunal Superior de Xustiza do Pais Vasco que anula a instrución emitida polo Servizo Vasco de Saúde.

O alto tribunal matiza ademais que “o interese publico non é autoorganización da demanda, senón o subministro das vacinas a quen as necesita, subministro  que deberá prescribir e pautar  polas/os  profesionais aos que habilita o R/D” e afirma que unha instrución non pode anular o contido dun Real Decreto.

Por iso Abuín denuncia que a comunicación da Consellaría de Sanidade “é so unha nota informativa, nin sequera ten rango de instrución” e que iso é o que xera inseguridade xurídica no labor deste colectivo.

Distorsións na prestación do servizo

Ante a gravidade destes feitos, e a distorsión na prestacións de servizo que vai ter esta sentenza, non só na próxima campaña de vacinación da gripe, senón na prestacións de servizo diario das enfermeiras/os, diversas/os Conselleiras/os de Sanidade veñen de dirixirse á Ministra de Sanidade para que de xeito urxente se convoque unha reunión do Consello interterritorial do Sistema Nacional de Saúde.

Convocada folga no Sergas para os días 2 e 3 de novembro en demanda da recuperación dos acordos

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

20171011 rolda convocatoria folga

CIG-Saúde, UGT, CCOO, CSIF, SAE e SATSE desenvolverán concentracións os días 19 e 25 de outubro.

 

As organizacións sindicais CIG-Saúde, UGT, CCOO, CSIF, SAE e SATSE anunciaron esta mañá en rolda de prensa a convocatoria de folga no Sergas para os días 2 (o inicio efectivo será ás 22:00 horas do día 1, cando comeza a quenda de noite) e 3 de novembro e concentracións previas os días 19 e 25 de outubro. Segundo explicou a secretaria nacional de CIG-Saúde, María Xosé Abuín, a convocatoria responde á negativa da consellaría de Sanidade e da propia Xunta de Galiza “a sentar sequera a negociar un calendario para recuperar os acordos retributivos e a carreira profesional”.

Abuín denunciou que con esta negativa “o sr. Feijóo condena o persoal do Sergas, non só a ter peores salarios que o resto de servizos de saúde do Estado, senón tamén do conxunto de empregados/as da Xunta de Galiza”. Por iso, sinalou, “non nos queda máis remedio que convocar folga para reclamar uns salarios que realmente retribúan as nosas condicións de traballo”. 

"Núñez Feijóo condena o persoal do Sergas a ter peores salarios que no resto do Estado"

A secretaria nacional de CIG-Saúde Abuín lembrou que no ano 2008 –durante o goberno bipartito- as organizacións sindicais asinaron un acordo de equiparación salarial que permitía situar os seus complementos retributivos de atención continuada, polos que se pagan as noites, os festivos e as gardas, na media dos servizos de saúde do Estado español. Ese acordo contemplaba ademais un incremento salarial, en cinco anos, para igualar –case- o complemento específico do persoal do SERGAS co resto de traballadoras e traballadores da Xunta de Galiza.

Porén eses acordos foron suspendidos tras da chegada ao goberno do PP e a día de hoxe, malia o propio Feijóo asegurar que xa se superou a crise, non hai intención algunha de recuperalos. A consecuencia é que, segundo sinalou Abuín, mentres todo o persoal da administración pública ten, xunto co salario base, os trienios, o complemento de destino -que se articula en niveis- e o complemento específico -que se paga en función dese nivel atendendo ás condicións particulares do posto de traballo: dificultade técnica, responsabilidade, dedicación e penosidade- “a maioría do persoal do Sergas teña unha retribución equivalente ao nivel 10 que cobra o persoal da Xunta de Galiza, independentemente do nivel que teñamos”.

A modo de exemplo, Abuín asegurou que, “sexas enfermeiro/a especialista ou de coidados xerais, que teñen nivel 23 ou 21, o seu nivel de complemento específico é de nivel 16, igual que un auxiliar administrativo da Xunta de Galiza”.

Igual no resto das categorías

O mesmo ocorre co resto de categorías: técnicas/os superiores de radioloxía ou laboratorio, traballadoras/es sociais ou auxiliares de enfermería que, segundo a secretaria nacional de CIG-Saúde, teñen un nivel de complemento específico de grupo E “igual que un ordenanza da Xunta de Galiza”.

Ao seu entender “é moito máis grave no caso das/os médicas/os”, que teñen un nivel 24 de complemento específico, mentres que “un/ha administrativo/a da Xunta que teña unha Xefatura, ao que se lle pide como requisito de acceso o Bacharelato, pode ter nivel 25”. Xunto a isto subliñou a peor situación na que se atopa o persoal de atención primaria porque “só cobra o 80% do valor dun festivo ou dunha noite respecto do que cobramos o resto”.

A secretaria nacional de CIG-Saúde tamén reclamou a recuperación da carreira profesional, recollida no Estatuto Marco desde o ano 2003 e tamén suspendida, e asegurou que estes datos poden ser comprobados na orde de confección de nóminas que publica cada ano a consellaría de facenda. “Estas son as retribucións que nos merecemos os excelentes profesionais que di Feijoo que ten o Servizo Galego de Saúde”, concluíu.

Reunión de CIG-Área Pública co Conselleiro de Facenda

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

 

Captura 1

O conselleiro de Facenda, Valeriano Martínez, convocounos onte á Área Pública de CIG a unha xuntanza para presentarnos as propostas da Xunta de Galiza relativas aos seguintes temas.

Plan de Estabilidade

Teñen a intención de aprobar un acordo marco que atinxa os anos 2018-2020, para ratificar a oferta de emprego que anunciou Feijoo de 14.000 prazas e trasladar a Galiza o acordo que se asine en Madrid cos sindicatos españois.

Non se recuperan os postos de traballo amortizados en aplicación da taxa de reposición, só as prazas vacantes producidas no ano anterior.

Propostas de CIG- SAÚDE para o acordo marco:

 

  • Eliminación da Lei de Orzamentos 2018 do artigo que recolle que a Admón poderá acumular a oferta de emprego nas categorías que así o considere.
  • Convocaranse todas as categorías. Lembrámoslle que teñen pendente de crear, entre outras, a categoría de persoal investigador, e a posterior convocatoria de OPE.
  • Recuperación do 100% das prazas vacantes na sanidade pública.
  • Censo de prazas para poder comprobar cales se convocan e cales amortizaron.
  • Respecto absoluto aos criterios de cese recollidos no decreto 206/2005. É dicir, cesarase por orde de puntuación nas listaxes de contratacións.
  • Todo o proceso debe ser negociado na mesa sectorial do SERGAS sen inxerencias externas: convocatorias, bases, baremos...
  • Neste plano de emprego queremos falar do nº de prazas que se convocan para o persoal en formación MIR, EIR, PIR e outras categorías, así como do persoal das fundacións e axencias.

 Lei de orzamentos 2018

A suba salarial para o ano 2018 que nos propuxeron é do 0% ata que se aproben os orzamentos do estado.

Acordos SERGAS. Segundo o Conselleiro de non van a negociar ningún calendario de recuperación dos acordos, nin da carreira profesional, nin negociar un novo acordo retributivo.

            Isto quere dicir, que nun período de 10 anos (2010/2020) de goberno do Partido Popular e do Sr Feijoo non vai haber ningún acordo salarial para o persoal, se llo permitimos van seguir roubando os nosos salarios.

Lei de medidas temporais.

            Van a incluír o permiso de maternidade de 22 semanas, as 2 semanas previas ao parto que xa hai, e 20 semanas con posterioridade ao mesmo. E o permiso de paternidade pasará a ser de 5 semanas.

 

 

Feijoo despreza ao persoal da Sanidade

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

20170929 Nin recoñecemento dos acordos nin alternativas

Convocatoria de Mesa Sectorial

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

O SERGAS vese obrigado a convocar a Mesa Sectorial  extraordinaria a instancia das organizacións sindicais CIG-SAÚDE, CCOO, UGT, CSIF, SATSE e SAE, para abordar a recuperación dos acordos salariais  suspendidos o vindeiro venres 29 de setembro de 2017.

Nestas datas xa está elaborado o borrador dos Orzamentos 2018.

Que nos van a contar?

Vai haber unha partida orzamentaria para a recuperación dos acordos?

Agardamos que realmente sexa o inicio da recuperación dos acordos suspendidos.

Convocatoria

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto