Noticias Sanidade Pública Outras novas
 
 

A CIG-Saúde traslada o seu apoio á loita en defensa dos servizos públicos no hospital de Verín

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIGSAUDElogo

Amosa o seu rexeitamento ás políticas sanitarias do PP “que vulneran os dereitos sexuais e reprodutivos das mulleres”

A federación de Saúde da CIG trasladou hoxe publicamente o seu apoio ás mulleres que están a defender os servizos públicos do hospital de Verín “para ter dereito a unha asistencia sanitaria pública de calidade e de proximidade”. Dende a central rexeitan o peche do servizo de maternidade hospitalaria e denuncian as políticas sanitarias do PP “que vulneran os dereitos sexuais e reprodutivos das mulleres”.

Na CIG-Saúde entenden que ningunha persoa pode ser penalizada no acceso á sanidade pública polo seu lugar de residencia, ao tempo que esixen que os orzamentos sanitarios vaian dirixidos a dar cobertura integral ao programa da muller. Neste senso, inciden en que a falta de profesionais non pode ser unha escusa para desmantelar a sanidade pública. “Se non hai profesionais é responsabilidade dos xestores sanitarios, nomeadamente do actual xerente da área sanitaria de Ourense, que durante a súa etapa de director xeral de Asistencia Sanitaria dedicouse a amortizar prazas de profesionais”.

Por todo isto, dende a CIG-Saúde fan un chamamento a todas as mulleres a participar nas mobilizacións convocadas para este mércores día 4 de decembro. “Os recortes sanitarios nas prestacións que afectan ás mulleres son unha agresión a todas, e todas debemos respostar contundentemente contra elas”.

Compostela, 4 de decembro de 2019.

Asdo: Mª Xosé Abuín Álvarez.

Secretaria nacional de CIG-SAÚDE.

MATRONA, A CATEGORÍA OLVIDADA NA ATENCIÓN PRIMARIA

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informa

Esiximos a inmediata negociación do réxime xurídico e do sistema retributivo de Matronas de Atención Primaria.

No ano 1993 publicouse o Decreto, do 29 de xullo, de Ordenación da Atención primaria en Galiza, que regula as retribucións de todo o persoal de Atención Primaria, EXCEPTO as Matronas. Recolle na disposición transitoria cuarta que “O consello da Xunta de Galiza regulará o réxime xurídico e retributivo das prazas de enfermeira obstétrico-xinecolóxicas”.

 

26 ANOS DESPOIS a Consellaría de Sanidade non tivo tempo de presentar ningunha proposta de réxime xurídico e retributivo para este colectivo.

Por que será?

Será por que todo o relacionado coa saúde da muller ocupa un papel secundario?

 

 

QUE CONLEVA ESTA SITUACIÓN?

Un sistema retributivo baseado nun mapa sanitario do ano 1989 que non recolle a poboación actual dos concellos.

Un sistema retributivo que condena ás matronas a perdas retributivas de mais de 100€ mensuais cando cambian de concello, aínda que teñan mais tarxetas sanitarias.

Un sistema retributivo que non recoñece os conceptos que se pagan a outros colectivos: número de tarxetas sanitarias, dispersión, illamento... A prestación de servizo en diferentes concellos con importante distancia entre si.

Un sistema retributivo inxusto, que non recoñece a carteira de servizo actual que realizan, é dicir as prestacións sanitarias que prestan.

Unha disfuncionalidade entre a prestación de servizo e as retribucións, xa que a poboación dos concellos mudou moito dende o ano 1989, e que se agrava ao non ter desenvolvido o pago de TIS.

Que non teñen un ratio de mulleres a atender por Matrona.

Pero ADEMAIS

As necesidades de material das consultas de Matronas quedaron fóra do plano de dotación que se está a facer na Atención Primaria.

Algunhas das padiolas de exploracións son tan arcaicas que parecen de museo, e dificultan enormemente o traballo a realizar nas exploracións ás mulleres.

Lamentamos que dos 8 millóns de euros que a Consellaría de Sanidade di que está a destinar á dotación de material, ninguén se lembrase de recoller as peticións das matronas.

A CONSELLARÍA DE SANIDADE ten obriga de rematar con estes 26 anos de penalización.

CIG-Saúde esixe á Consellaría de Sanidade que aposte de verdade pola Atención Primaria

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIGSAUDElogo

O SERGAS non pode desprezar o traballo de máis de 250 profesionais da sanidade publica nin seguir a dar voltas sen tomar medidas concretas que melloren a situación crítica da Atención Primaria.

Na actualidade máis de 250 profesionais da sanidade publica están a traballar en diferentes comisión creadas desde o Consello Técnico de Atención Primaria, persoas que de forma desinteresada están a por o seu tempo e coñecemento ao servizo da sanidade pública.

O único interese é a súa aposta por un novo modelo de atención primaria que de resposta ás necesidades de saúde da poboación de Galiza. E remate coa  situación laboral que soportan.

Por iso, desde CIG-SAÚDE non entendemos as presas da Consellaría de Sanidade en publicar o traballo encomendado a un “GRUPO DE EXPERTOS EN ATENCIÓN PRIMARIA”, denominados así pola consellaría, como se as/os profesionais da sanidade pública non merecesen con maiúscula ser cualificados como EXPERTAS/OS.

Como afirma a Consellaría de Sanidade, o grupo de expertos creouse por acordo entre a Consellaría, os Colexios Profesionais e as sociedades científicas. CIG-SAÚDE agarda que estes amosen o mesmo respecto e interese polo traballo que están a facer os expertos da sanidade pública nas comisión de traballo.

No referente ás conclusións do “GRUPO DE EXPERTOS EN ATENCIÓN PRIMARIA” CIG-Saúde quere manifestar que é posible que se a Consellería de Sanidade escoitara máis non necesitaría grupos de expertos:

O GRUPO DE EXPERTOS

Denuncias CIG-SAÚDE

A primaria ten pouca autonomía de xestión.

O modelo organizativo das EOXIs acabou coa capacidade de decisión da atención primaria.

Xestionar a relación co hospital.

A atención primaria ten que deixar de ser a subordinada da atención hospitalaria.

Unha dirección executiva con orzamento propio.

Creación da xerencia de atención primaria, para que esta poida desenvolver a súa capacidade asistencial, con orzamento propio.

Ampliar o traballo en equipo. O traballo en equipo sempre funciona.

Desenvolver a carteira de servizos de todos os colectivos, recuperar o traballo en equipo e incorporar as categorías profesionais que faltan.

Cubrir máis do 100% das prazas.

Eliminar a taxa de reposición, cobertura do 100% das prazas. Negociar na mesa sectorial un plano de Ordenación de RRHH para identificar as necesidades e por solucións.

 

Algunhas das conclusións que se recollen no traballo do grupo de expertos son as mesmas que, dende o ano 2010, vimos denunciando desde a CIG-SAÚDE e desde outras organizacións.

Hai outras conclusións, como a eliminación dos Puntos de Atención Continuada (PACs), que cuestionan o modelo de Atención Primaria que defendemos e que suporían un importante paso atrás tanto para as e os profesionais como para o servizo que se presta á cidadanía.

Reiteradamente, vimos denunciando o desmantelamento da atención primaria, a falta de orzamento, a súa subordinación aos obxectivos hospitalarios. E o mais grave, a eliminación de postos de traballo coa amortización de prazas nos últimos anos.

Tamén vimos denunciando que no ano 2020 vanse producir un número importante de xubilacións de persoal facultativo, das/os que na actualidade están a prorrogar a súa vida laboral e que no próximo ano cumpriran 70 anos, disto ninguén fala, pensan que ocultando o dato vaise solucionar por si só.

A Consellería de Sanidade, se quere demostrar que aposta pola Atención Primaria, ten que:

  • Modificar os orzamentos presentados e incrementar a cantidade dedicada á Atención Primaria para dar cumprimento ás propostas dos grupos de traballo.
  • Modificar o Decreto que regula as Areas Sanitarias e os Distritos Sanitarios para crear unha verdadeira estrutura de xestión da Atención Primaria.
  • Negociar un verdadeiro plano de Ordenación de RRHH que de resposta ás necesidades actuais e futuras de tódalas categorías da nosa Atención Primaria.
  • Crear prazas novas nos Centros de Saúde que viven situacións máis críticas, en cantidade suficiente para que repercuta no tempo da atención e na calidade asistencial.

Se a Consellería de Sanidade non toma estas medidas de xeito inmediato, CIG-Saúde continuará denunciando a situación e presionando para que o faga.

CIG-Saúde esixe a recuperación salarial e a clasificación profesional, para todas as categorías, segundo o artigo 76 do Estatuto Básico da/o Empregado Público.

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

 

cig informa

Orzamentos Xerais do Estado 2020.

CIG-Saúde esixe a recuperación salarial e a clasificación profesional, para todas as categorías, segundo o artigo 76 do Estatuto Básico da/o Empregado Público.

Todos os grupos políticos do estado afirman ser os defensores da sanidade pública e das/os súas/seus traballadoras/es, máis ningún ten un proxecto para devolvernos os nosos salarios e os postos de traballo amortizados desde o ano 2010.

Seguemos a estar sen proposta salarial para recuperar os recortes do ano 2010, sen plano de emprego que anule a taxa de reposición, e sen a reclasificación profesional pendente desde o ano 2007.

Desde CIG-SAÚDE, un ano máis, cando haxa “novo goberno” e “ministra/o das Administracións Públicas”, imos presentar na mesa xeral de empregadas/os públicos do estado as seguintes propostas:

Eliminación da taxa de reposición:

O goberno do estado ten que por fin aos límites nas ofertas de emprego público.

 

Recuperación, para todos os colectivos, do 5% recortado no ano 2010.

 

Recuperación do 100% do soldo base e dos trienios nas pagas extras:

A1. Ten que recuperar o 46.3%

A2. ten que recuperar o 32.8%

C1. Ten que recuperar o 17%

C2 .Ten que recuperar o 1.3%

 

Clasificación profesional e pago das retribucións correspondentes. (Pendente desde o ano 2007)

Estatuto Básico da/o Empregada/o Público: Artigo 76. Grupos de Clasificación profesional

Clasificación profesional

Retribución que corresponde

Grupo A.

Dividido en dous Subgrupos:

 A1 e A2

Adaptar o soldo base e os trienios á nova clasificación.

Negociación do resto de complementos.

Grupo B.

Técnico Superior de Formación Profesional

Soldo base: 889.68 €

Trienios: 32.41 €

Grupo C1.

TCAES.

Técnicos F.P. Grao Medio.

Soldo base: 764.19 €

Trienios: 27.95 €

Grupo C2.

Graduado en Educación Secundaria Obrigatoria.

Agrupacións Profesionais.

Soldo base: 636.01 €

Trienios : 19.02 €

       

A estas cantidades seranlle de aplicación os incrementos salariais que se produzan no ano 2020.

CIG-SAÚDE  vai esixir que todas as categorías de persoal do SERGAS se inclúan na clasificación profesional do  Artg.  76 do EBEP.

Non podemos ter grupos profesionais fora desta clasificación.

Reivindicacións de CIG-Saúde para os orzamentos 2020

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIG-Saúde vén de remitir a todos os grupos políticos do Parlamento galego as súas reivindicacións para os orzamentos da Xunta de Galiza para o ano 2020.

 

Á/A dos grupos políticos do parlamento.

Desde a CIG-SAÚDE dirixímonos a Vdes. para trasladarlles as nosas inquedanzas sobre os orzamentos da Xunta de Galiza para o ano 2020. E solicitar que as nosas propostas sexan recollidas nas  emendas que a súa organización presente ao texto dos orzamentos. Quedamos á súa disposición para poder ampliar a información sobre os temas que presentamos.

Atención primaria:

.- Solicitamos a recuperación da estrutura directiva de atención primaria, unha xerencia de atención primaria que dea resposta ás demandas asistenciais deste nivel de asistencia.

.- A dotación dun orzamento específico para atención primaria.

.- Incorporación da categoría de Psicólogas/os Clínicos, Terapeutas ocupacionais, Logopedias e Podólogos neste nivel de asistencia.

Cadro de persoal.

.- A incorporación dun sistema identificativo de prazas, que permita coñecer, con exactitude e por EOXIs, o cadro de persoal do SERGAS: persoal fixo, interino, persoal eventual, prazas vacantes, prazas amortizadas...

Retribucións do Persoal Estatutario.

.- Os orzamentos do ano 2020 teñen que permitir a recuperación dos acordos do persoal estatutario do SERGAS suspendidas desde o ano 2009.

A suspensión destes acordos colocan ao persoal do SERGAS á cola das retribucións do persoal da Xunta de Galiza, equiparando as nosas retribucións co persoal da Administración autonómica que traballa en quenda de maña e en horario de luns a venres, e sen ter en conta a nosa prestación os 365 días do ano, as 24 hs do día.

Creación da Categoría de:

.- Persoal facultativo de HADO.

.- Persoal investigador estatutario. Este persoal leva pendente da creación da súa categoría desde o ano 2007.

Creación da Subdirección xeral de Enfermaría na estrutura da Dirección Xeral de Asistencia Sanitaria.

A xestión excelente ha de promover estratexias para o exercicio profesional desde a calidade técnica, científica e humana. Todo isto e outros aspectos relacionados coa profesión enfermeira é o que se denomina “Xestión Enfermeira” que é a aplicación da xestión aos coidados e á organización dos mesmos, xestionados desde diversos ámbitos e niveis, en áreas de maior amplitude, como a que se debería levar a cabo nos postos de direccións do Servizo Galego de Saúde.

Por todo isto, desde a CIG-SAÚDE propoñemos un cambio na estrutura directiva da Dirección Xeral de Asistencia sanitaria. Solicitamos que se cree a Subdirección Xeral de Enfermaría.

Eliminación da taxa de reposición e plano de emprego. 

A taxa de reposición creada no ano 2010 e vixente na actualidade, está a consolidar a precariedade laboral no SERGAS, mais de 5.000 prazas estruturais cubertas con persoal eventual.

Solicitamos a desaparición da taxa de reposición e a negociación dun plano de emprego que posibilite a recuperación dos postos de traballo e remate coa precariedade laboral.

Carreira profesional.

Nos orzamentos do ano 2020 incluirase o acceso, ao grao I retribuído, do persoal interino e do persoal  fixo con posterioridade ao 1 de xullo de 2018.

Compostela, 28 de outubro de 2019.

Asdo: Mª Xosé Abuín Álvarez.

Secretaria Nacional de CIG-SAÚDE

A CIG-Saúde denuncia que as 407 prazas anunciadas polo SERGAS non son de nova creación

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

SERGAS con bandeiras CIG

Considera que é un anuncio unicamente propagandístico

Compostela 21 de outubro de 2019.

A CIG-Saúde vén de denunciar que o anuncio do SERGAS é puramente propagandístico, xa que as 407 prazas que contemplan os orzamentos para 2020 non son de nova creación. “Son prazas que na actualidade xa existen vacantes amortizadas coa taxa de reposición e que agora estaban cubertas con contratos eventuais e o que fan é recuperalas para que computen no cadro de persoal”.

Así o afirma a secretaria nacional de CIG-Saúde, María Xosé Abuín que lembra que no sistema sanitario público galego hai máis de 5.000 prazas cubertas por persoal con contratos eventuais e precarios que deberían ser as que estes orzamentos recollesen como persoal interino para rematar coa precariedade laboral existente.

Para Abuín esta consolidación de prazas que fai SERGAS “segue a condenar ás/aos profesionais á precariedade laboral, obrigando a presentarse ás distintas ofertas de emprego por non poder acceder a un posto de traballo de carácter fixo”.

Neste sentido explica que destas 407 prazas, 133 son, segundo se anuncia, para persoal facultativo. “Se dividimos o número de prazas entre as diversas especialidades estamos falando de 3 prazas por especialidade médica para todo o sistema sanitario público de Galiza”.

A secretaria nacional de CIG-Saúde indica ademais que as 274 prazas restantes “se as dividimos entre o número de categorías profesionais, todas elas con persoal contratado en precario, non chegan nin a 5 en todo o SERGAS”.

Por iso non entende “de que está presumindo o SERGAS” e “cal é o anuncio novidoso destes orzamentos” e asegura, por iso, que se trata unicamente de “máis propaganda da Xunta de Galiza”.

Abuín lamenta ademais que esta información chegue a través dos medios de comunicación e non se dea conta dela nin na mesa sectorial do SERGAS, nin na mesa xeral de empregadas e empregados públicos “onde deberían darnos os datos xerais destas 407 prazas e os datos desagregados por categorías profesionais”.

Por iso a CIG-Saúde segue a exixir que na mesa sectorial do SERGAS se negocie un sistema identificativo de prazas, tal e como recolle a lexislación, para coñecer a situación real do cadro de persoal identificando claramente cal é persoal fixo, cal é interino, eventual e cantas prazas vacantes hai cubertas con contratos temporais que se renovan cada mes, dous, seis…

Neste sentido Abuín subliña que ten que ser un plan de recursos humanos que identifique necesidades para achegar solucións, que nos permita coñecer o número de vacantes por xubilacións que se van producir nos próximos anos”.

Xunto a isto exixe a eliminación inmediata da taxa de reposición e un plan de emprego que permita recuperar os máis de 5.000 postos de traballo amortizados nestes anos. “En síntese, un cambio nas políticas de persoal do SERGAS, afastado da propaganda que permita rematar coa precariedade e garantir unha asistencia sanitaria pública e de calidade”.

CIG-SAÚDE reúnese coa Plataforma de Técnicos sanitarios pola reclasificación profesional conforme ao EBEP

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Foto con plataforma técnicos

A federación de Saúde de CIG, vén de reunirse en Santiago de Compostela no día de onte coa Plataforma estatal de técnicos. Puxéronse en común as reivindicacións no referente ao desenvolvemento da disposición transitoria do EBEP, co obxectivo de que nos orzamentos do Estado do ano 2020 se inclúa a reclasificación profesional do persoal técnico sanitario no grupo de clasificación que lle correspondería polo súa cualificación profesional.

Dende CIG-Saúde vímolo demandando dende o ano 2008 e reiteramos o noso compromiso de seguilo facendo ata que o Goberno do Estado o desenvolva.

As Fundacións de Investigación Biomédica néganse a negociar un convenio digno para o seu persoal

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Nin sequera aceptan a demanda de retribucións equiparadas a un Grupo E da Xunta

Nacional - 09 Out 2019

 

As e os presidentes dos comités de empresa das Fundacións Biomédicas de Investigación Sanitaria de Galiza, Paula Cerezo Álvarez, da Fundación Biomédica Galicia Sur; Alejandro Lamelo Alfonsín, da Fundación Prof. Novoa Santos e Ezequiel Álvarez Castro, da Fundación IDIS compareceron esta mañá en rolda de prensa para denunciar a negativa destas fundacións a negociar un convenio digno que permita que o persoal investigador -440 traballadores/as- teña, cando menos, unhas retribucións equiparadas ás que percibe un Grupo E (nivel formación ESO) da Xunta de Galiza, que equivalería a uns 16.000 €.

Os Comités de Empresa das tres Fundacións Sanitarias de Galiza, que engloban a gran parte do colectivo investigador a nivel hospitalario en Galiza, representan ás traballadoras e traballadores de investigación sanitaria, constituídos en plataforma (PLAGTIS). O seu obxectivo era a negociación do convenio laboral específico que, segundo denunciaron, está nun punto morto “pola negativa de patronal a incluír ao persoal que consegue financiación en convocatorias externas para o seu contrato”.

Ao seu entender, deixar a este persoal investigador, ao que se lle exixe ser licenciado, ter un mestrado e estar matriculado nos cursos de doutoramento, sen definición dunha categoría profesional dentro das fundacións, e sen o amparo dunha retribución mínima de acordo coa súa categoría, “é inasumíbel”.

Subliñan que a definición dunha categoría profesional, a súa retribución mínima e a estabilidade contractual “é a forma de visibilizar a dignidade do persoal traballador en calquera entidade”. Lembran ademais que estas tres condicións están protexidas polas leis ou os convenios laborais. Por iso entenden que o convenio laboral de organismos da relevancia das Fundacións de Investigación Sanitaria Galegas “non pode renunciar a ningunha delas”. Máis cando, tal e como explicaron, son millóns de euros os que se conseguen para os proxectos e a compensación económica para que as compañeiras e compañeiros completara os seus salarios, até chegar ao mínimo do convenio non suporía, atendendo aos seus cálculos, nin o 1%.

Neste sentido, o portavoz da PLAGTIS e presidente da Fundación IDIS, Ezequiel Álvarez Castro, considerou que a negativa a asumir esta demanda é consciente e ten como obxectivo inviabilizar a sinatura do convenio porque “eles saben que para nós é inadmisíbel e queren que rompamos as negociacións”.

Ademais Álvarez Castro denunciou a responsabilidade da consellaría de Sanidade e da propia Xunta de Galiza xa que, como indicou, “transmitíronos que a decisión vén de arriba”.

En punto morto

O portavoz da plataforma denunciou as precarias condicións de traballo deste colectivo, tanto pola alta temporalidade dos contratos como as carencias en seguridade e hixiene laboral. Para eles/as a inexistencia dunha carreira investigadora que garanta unha continuidade na investigación é unha demanda que “a nivel global que non foi escoitada até a data”. A isto engadiu os recortes en investimento para investigación, o que “fai que a situación sexa xa insostible”. Por iso Álvarez Castro asegurou que así “é imposible reter o talento e ser competitivos”.

A negociación do convenio comezou o 28 de maio de 2019 coa constitución dunha “Mesa de contidos” a través da apertura dun expediente no Consello Galego de Relación Laborais impulsado polos/as traballadores/as das fundacións sanitarias. Desde aquela celebráronse cinco xuntanzas, a última o pasado venres 4 de outubro, salpicadas de “atrancos, falta de ritmo e de fluidez no aporte de información”, o que provocou que os avances foran “escasos”.

De feito, o portavoz da plataforma asegurou que os poucos avances que se produciron foron “grazas á nosa vontade” porque mesmo aceptaron que se recollera en convenio unha xornada laboral flexíbel na que estarían dispoñíbeis de 7:00 da mañá a 19:00 horas todos os días da semana, incluídos os fins de semana e sen ningunha compensación.

Sobre a mesa de negociación deixaron claras as súas demandas, que se resumen en que se garanta a “igualdade”. Para acadala defenden que se recoñeza que o persoal que gaña convocatorias externas forma parte das fundacións “en igualdade de dereitos que o resto dos/as traballadores/as. O noso convenio debe acoller ao cen por cen dos/as traballadores/as contratados”.

Xunto a isto, rexeitan calquera caste de “discriminación”, partindo de que a participación nunha convocatoria externa e a consecución de financiamento “non pode supor un detrimento para o/a traballador/a que a consiga. Se a axuda conseguida é inferior á retribución mínima proposta, debemos suplementala por convenio”.

Tamén reclaman “autonomía” entendendo que a definición das categorías profesionais e as súas retribucións compete ás fundacións a través do convenio coa parte sindical, con independencia das condicións propostas polas convocatorias de financiación externas. “Non podemos supeditalas á caprichosa variabilidade da oferta externa: debemos ser autónomos”, sinalan.

Con todo, consideran que as fundacións “nunca tiveron interese real en negociar o convenio” porque se limitaron a traer a unha persoa dunha consultoría de Madrid, para imporlles un convenio idéntico ao que teñen alí e denuncian que a negativa da patronal “non se fundamenta nun estudio económico de viabilidade”.

Por iso demandan da patronal “que reflexione sobre a nosa proposta: igualitaria, inclusiva, coherente e viábel”, de cara a conseguir un convenio laboral “único” para todo o persoal das Fundacións de Investigación Sanitaria galegas, non condicionado ás múltiples variedades de convocatorias de financiamento que “defina, dignifique e unifique as nosas condicións laborais”.

En diante, teñen previsto recorrer á Valedora do Pobo e aos grupos parlamentarios para que se force desde estas institucións á Xunta a garantir condicións dignas ao persoal investigador “porque isto beneficia a Galiza”. En todo caso advirten de que “se a súa resposta non chega, valoraremos mobilizacións”.

Xestión integral da investigación e innovación

As Fundacións Sanitarias, que naceron nos anos 90-2000, teñen encomendada pola consellaría de Sanidade da Xunta, a xestión integral da investigación e innovación que as e os profesionais de Galiza desenvolven, así como a promoción dos resultados que a actividade investigadora xera. Desde a Plataforma lembran que a misión de todas elas é impulsar a investigación, a docencia, a innovación e o desenvolvemento científico-tecnolóxico no ámbito sanitario galego.

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto