Noticias Outras novas Lingua
 
 

Concentración contra a discriminación lingüística no SERGAS

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

xustizaDesde a CIG-Saúde sumámonos á convocatoria feita pola Mesa pola Normalización Lingüística dunha concentración de apoio a unha persoa, paciente do SERGAS, que viu atrasada a súa intervención cirúrxica máis dun ano por solicitar a documentación en galego. A concentración terá lugar este martes día 21, ás 9:30h diante dos Xulgados de Fontiñas, en Santiago de Compostela, coincidindo coa vista na que se verá a denuncia presentada por este doente ante a grave discriminación lingüística da que foi obxecto.

Discriminación lingüística no SERGAS? Si, desde CIG-Saúde son numerosos os casos detectados e denunciados de discriminación, desprezo, desleixo e absoluta falta de respecto pola nosa lingua. Este non é un caso illado. Este paciente foi adiante, ata o xulgado, coa súa denuncia. Mais sabemos que todos os días se producen casos que non chegan a denunciarse no xulgado porque moitas persoas, nunha situación de problemas de saúde, optan por desistir dos seus dereitos lingüísticos antes de ver agravada a súa doenza ou atrasado o seu tratamento. E iso, en si, xa é unha grave discriminación.

Que a día de hoxe non estea garantida a atención en galego no SERGAS é un grave atentado non só contra a lingua e contra as persoas galegofalantes, é un agravio mesmo contra o dereito á saúde.

Actualmente, xullo de 2015, o programa Ianus segue sen estar en galego na súa totalidade, a documentación que se ofrece desde os distintos programas informáticos de asistencia sanitaria segue a estar maioritariamente en español, sen opción de galego, e calquera profesional do SERGAS que queira facer o seu traballo na nosa lingua só atopa atrancos e pexas que implican unha grande perda de tempo.

Apoiamos e animamos a todo o mundo a participar nesta concentración en apoio a este paciente, o vindeiro martes ás 9:30h, e exiximos da Conselleira de Sanidade que dunha vez por todas poña as medidas necesarias para rematar coa discriminación do galego e das persoas galegofalantes no SERGAS.

Máis información aquí.

CONCENTRACIÓN, martes 21 de xullo, 9:30h, Xulgados de Santiago de Compostela

 

8F Queremos Galego (tamén na sanidade)

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CartazManiQGO galego é unha lingua cuxa orixe se perde nos tempos, que sobreviviu durante séculos, que chegou sendo maioritaria ao novo milenio e que neste momento debe superar as dificultades e pexas que se lle poñen, posto que é, a todos os efectos, unha lingua máis na sociedade da información e do coñecemento.

Desde hai un tempo vimos detectando que na documentación xerada e remitida desde a Consellería de Sanidade e o SERGAS (comunicacións internas, actas, información colgada na intranet corporativa no espazo dedicado ao seguimento do ébola, formularios…) vense utilizando de maneira sistemática o monolingüismo castelán.

Así mesmo temos constancia de que en diferentes aplicativos informáticos de xestión de citas en atención especializada ou no propio Ianus, os menús e os campos están ao 100% en castelán sendo esa lingua a opción predeterminada a hora de realizar a impresión de informes e ademais a que figura de maneira predeterminada como opción sociolingüística para as interfaces e impresións desde os aplicativos SERGAS.

  • O artigo 5 do estatuto de Galiza dispón que “a lingua propia de Galicia é o galego
  • O artigo 4.1 da lei de normalización lingüística dispón que “o galego, como lingua propia de Galicia, é lingua oficial das institucións da Comunidade Autónoma, ...
  • A Circular nº 5/97 da Secretaría Xeral Técnica da Consellería de Sanidade, recolle a seguinte instrución: “Deberá empregarse o idioma galego en toda comunicación escrita, orixinal ou normalizada, que cause efectos no territorio da Comunidade Autónoma de Galicia
  • O acordo parlamentario por unanimidade sobre o Plan Xeral de normalización da Lingua Galega no ámbito da sanidade sentencia que “O Parlamento de Galicia insta a Xunta de Galicia para que adopte no ámbito das súas competencias as medidas tendentes a que os seus cargos públicos e os dos organismos e entes autonómicos, sociedades públicas e institucións dela dependentes fagan uso público tanto oral como escrito de xeito sistemático da lingua galega no desempeño da súa responsabilidade pública; así mesmo as medidas conducentes ao mesmo nos concellos e deputacións de Galicia.”

Entre as medidas aprobadas no mencionado plan de normalización lingüística no ámbito da sanidade están:

5.3.1. Redactar en galego toda a documentación xerada pola Administración en calquera soporte e para calquera tipo de actividade , e revisar a existente.

5.3.2. Editar en galego todos os programas e manuais de uso dos equipos informáticos e de comunicación que sexan subministrados ou utilizados pola Administración sanitaria.

5.3.3. Establecer unha liña de axudas públicas destinadas a potenciar a presenza do galego nas publicacións científicas e de divulgación editadas en Galicia.

Desde a CIG-Saúde exiximos o cumprimento destas normas e disposicións e que deixen de darse pasos atrás na normalidade da nosa lingua na sanidade galega.

Tamén queremos sumarnos e animar a todas as persoas con sensibilidade cara a nosa lingua a que se sumen á grande manifestación que a Plataforma Queremos Galego, da que a CIG forma parte, ten convocada para o vindeiro día 8 de febreiro, con saída ás 12h desde a Alameda de Santiago.

QGpng

Por unha sanidade pública de calidade, digna e na nosa lingua.

Polas fillas dos nosos fillos. Queremos Galego!

Convocatoria de cursos de lingua galega

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Publicada convocatoria de cursos de lingua galega:

  • Cursos lingua galega. ORDE do 20 de agosto de 2014 pola que se convocan, con carácter gratuíto, cursos de linguaxe administrativa galega e cursos preparatorios para os certificados de lingua galega, Celga, que se realizarán en distintos períodos e en varias escolas oficiais de idiomas de Galicia. Descargar PDF

#17Mqueremosgalego

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Convocatoria Cursos CELGA

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Publícase hoxe no DOG a convocatoria de cursos CELGA:

  • Cursos CELGA: ORDE do 14 de febreiro de 2014 pola que se convocan, con carácter gratuíto, cursos preparatorios para os certificados de lingua galega (Celga) que se realizarán nos períodos e nas escolas oficiais de idiomas de Galicia que se indican. Descargar PDF

Convocatoria Cursos CELGA

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Publícase hoxe en DOG a convocatoria de cursos gratuítos de linguaxe administrativa galega e cursos preparatorios para os certificados de lingua galega, Celga, a celebrar en distintas Escolas Oficiais de Idiomas:

  • ORDE do 26 de agosto de 2013 pola que se convocan, con carácter gratuíto, cursos de linguaxe administrativa galega e cursos preparatorios para os certificados de lingua galega, Celga, que se realizarán nos períodos e nas escolas oficiais de idiomas de Galicia que se indican. Descargar PDF

NON QUEREMOS SER ESTRANXEIRAS NA PROPIA PATRIA! QUEREMOS GALEGO!

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Este vindeiro venres, día 17 de maio, é o día grande das nosas letras. Mais, desde a CIG, atopamos ademais dun motivo de celebración, varios motivos de mobilización. A nosa lingua está a ser castigada por políticas lingüicidas que se aplican desde o goberno de Núñez Feijóo na Xunta e que teñen eco tamén desde o goberno do Estado. O Decreto que na Xunta chaman do “Plurilingüismo”, un decretazo que deixa a nosa lingua baixo mínimos no ensino, é un exemplo claro diso. Mais, desgrazadamente non é o único. O ministro Wert coa súa proposta de LOMCE quere axudar á eliminación do galego das escolas e institutos. Tamén podemos ver os retrocesos, non só lingüísticos, mais tamén, en eidos tan salientábeis como a sanidade, a xustiza ou a Administración Pública. Vivir normalmente en galego está a resultar a cada paso menos posíbel, por mor dos atrancos que se lle poñen á nosa lingua, e, con ela, ao noso pobo.

17m

A Plataforma Queremos Galego! convoca para este venres 17 de maio unha MANIFESTACIÓN que percorrerá as rúas de Santiago de Compostela celebrando a existencia e fermosura da nosa lingua, e o 150 aniversario da publicación do libro Cantares Gallegos de Rosalía de Castro, mais tamén esixindo medidas que viren o actual rumbo que está a provocar graves retrocesos na nosa lingua propia, o galego.

A CIG, como parte integrante da Plataforma Queremos Galego!, convida a todas as galegas e galegos, como ven facendo combativamente desde sempre, a defenderse das agresións, tamén das agresións á nosa lingua. Pois, como di o texto difundido por Queremos Galego! :

O noso idioma, o galego, é a base fundamental sobre a que nos sustentamos como pobo. Se deixamos que esa base se estrague, todo canto se apoia nela, a nosa esencia como galegos e galegas, abaneará como a terra nun sismo devastador.

Porque non queremos ser estranxeiras na propia patria, atopamos motivos abondo para nos mobilizar este 17M.

Venres 17 de maio, 12 h

Alameda de Compostela.


Participa, mobilízate pola túa lingua!

Non queremos ser estranxeiras na propia patria!

Queremos Galego!

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto