Noticias Outras novas Mobilizacións
 
 

O PP pecha novamente as portas do Parlamento ás empregadas e empregados públicos de Galiza

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
A Plataforma Galega en Defensa dos Servizos Públicos denuncia que os orzamentos da Xunta para 2015 consolidan os recortes dos servizos públicos
 
Máis unha vez as portas do Parlamento pecharon para as centos de empregadas e empregados públicos que se concentraban este martes diante do Pazo do Hórreo coincidindo coa celebración do pleno no que o PP, en solitario, aprobou uns orzamentos para 2015 que “consolidan os recortes dos servizos públicos e dos dereitos laborais e salariais do persoal da Xunta de Galiza”. A mobilización, convocada pola Plataforma Galega en Defensa dos Servizos Públicos, converteuse nunha improvisada manifestación que rodeou o Pazo do Hórreo.

“Estamos aquí para manifestar a nosa oposición á aprobación dos orzamentos 2015 que, no que atinxe a retribucións de servizos públicos en xeral, supoñen un recorte aínda máis profundo do que viñan realizando todos estes anos”. Así explicaba a portavoz da Área Pública da CIG, María Carme López Santamariña, as razóns que levaron á Plataforma Galega en Defensa dos Servizos Públicos a mobilizarse nesta xornada.

E é que segundo López Santamariña, estes orzamentos non contemplan a máis mínima posibilidade de que as empregadas e empregados públicos recuperen o seu poder adquisitivo. “Non falan sequera do cobro, para 2015 das pagas extra completas, nin falan tampouco da obriga que a través dos orzamentos do estado teñen da devolución da paga extra de 2012”.

Neste sentido, a portavoz da Área Pública da CIG subliñou que o que se fai é unha proposta na que se contempla efectuar o pagamento do 25% desa extra en dúas anualidades. A isto engadiu que os orzamentos o que fan é “por unha banda, afondar na desaparición dos servizos públicos e, pola outra, destruílos a pasos axigantados imposibilitando ademais que se recuperen aqueles que estaban desaparecidos a día de hoxe”.

Taxa de reposición do 100%

A Área Pública da CIG considera ademais que a taxa de reposición tiña que ser, a día de hoxe, do 100%, non dun 50% e só para servizos esenciais como saúde educación e servizos básicos. A isto engade a necesidade de facer unha programación para recuperar todo o emprego perdido desde o ano 2012. “Igualmente é obrigatorio facer un plan de recuperación dos recortes dos nosos salarios. Estamos en 2015 a un 30% dos salarios de 2010, é inadmisíbel”, denunciou López Santamariña, quen considerou “insultante que se fagan declaracións públicas nas que se afirma que hai unha recuperación dos nosos salarios”.

Ante isto, a portavoz da Área Pública da CIG denunciou a manipulación á que o PP, desde o goberno da Xunta, está sometendo á opinión pública galega vendendo unhas políticas de defensa dos servizos públicos que “son mentira”. Manipulación coa que, afirmou, “xa non tragamos as empregadas e empregados públicos”.

A nova en Avantar

Berro unánime nas rúas de Vigo a prol dunha sanidade pública universal, gratuíta e de calidade

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
Milleiros de persoas participaron na manifestación convocada pola Xunta de Persoal 
1Milleiros de persoas participaron onte á tarde na manifestación convocada pola Xunta de Persoal do Complexo Hospitalario Universitario de Vigo (Chuvi) para reclamar unha sanidade pública universal, gratuíta e de calidade. A marcha, celebrada baixo o lema 'Hospital 100 x 100 público. Privatización = corrupción', tardou preto de hora e media en percorrer a distancia entre o Xeral e a Porta do Sol, onde se deu lectura a un manifesto antes de interpretar o himno galego.
A manifestación arrincou do hospital Xeral pasadas as 20.00 horas e rematou hora e media despois na Porta do Sol. Durante o traxecto berráronse consignas como “Privatización é corrupción', 'Novo hospital, público e gratuíto', 'Sergas atende a sanidade non se vende' ou 'A culpa de quen é? do PSOE e do PP'.
 

Arredor das 21.30 horas a mobilización rematou na Porta do Sol coa interpretación do himno galego. Antes, o presidente da Xunta de Persoal, Manuel G. Moreira, da CIG, deu lectura ao seguinte manifesto:

A sanidade pública universal, gratuíta e de calidade que todas e todos defendemos está a sufrir continuas agresións tanto do Goberno do Estado como da Xunta de Galiza.

Rematan co principio da sanidade pública universal, deixando sen dereito á asistencia sanitaria ás mulleres e homes que non teñan a condición de asegurado. Poñen un imposto á enfermidade con copagos e repagos, e fan que algúns pensionistas e enfermos/as crónicos/as teñan que elixir entre comer e tomar os medicamentos.

Privatizan a sanidade pública, e lla entregan as empresas “amigas” para que fagan negocio coa enfermidade e o sufrimento das persoas, convertendo os nosos dereitos no seu negocio.

Á área sanitaria de Vigo, non só non é allea a esta situación, senón que a padece con especial virulencia. Desde sempre, a Área sanitaria de Vigo padeceu un déficit de infraestruturas sanitarias e de persoal que fixo imposible unha axeitada atención. Por isto somos a Área sanitaria de Galicia con maior lista de espera.

A incapacidade para dar resposta as necesidades asistenciais da poboación da Área de Vigo foi utilizada para xustificar que unha parte dela pasara a mans da sanidade privada: Povisa, ou a creación de determinados experimentos de xestión, como Medtec, agora reconvertido en Galaria da que non se poñen de acordo se se integra ou non no Chuvi.

O novo hospital de Vigo, supuña unha oportunidade para reverter esta situación, proxectouse un hospital ben dimensionado, que por primeira vez puidera solventar todas esas carencias, un hospital de futuro para as próximas xeracións.

Pero a Consellería de Sanidade mudou a situación e adxudica un contrato de 1.300 millóns de euros á Sociedade Concesionaria Novo Hospital de Vigo S.A. para proxectar, construír e explotar os servizos do novo hospital de Vigo. O proxecto Público custaba 400 millóns de euros.

Para realizar esta adxudicación contou coa axuda (previo pago de 220.000 euros) da consultora PwC, consultora con fortes vínculos co poder e na que traballou o ministro De Guindos.4

A Sociedade Concesionaria Novo Hospital de Vigo S.A. está formada por Acciona (39%), Puentes y Calzadas (21%); Altair (15%); Concessia (15%), unha financeira integrada por bancos arruinados (entre eles Bankia e CAM, entidades rescatadas con cartos públicos; OCASA (Obras, Caminos y Asfaltos S.A.) (10%) hoxe en quebra, o que obrigou ao resto das empresas a asumir a súa parte no capital, nela tivo un alto cargo o conselleiro Agustín Hernández, esta empresa subcontratou parte da obra a Hierros Santa Cruz, propiedade de Telmo Martín, membro relevante do PP, concelleiro en Pontevedra e deputado (o máis rico do Congreso).

Por se isto non fora suficiente, o cambio de modelo acompañouse dun drástico recorte do proxecto inicial, reduciuse o número de camas, a unidade de investigación pasou a ser algo meramente testemuñal, e agora, a piques de rematar a obra, resulta que tampouco hai espazo para ao laboratorio central e queren facer un Hospital para o futuro sen laboratorio Central.

A eliminación do Laboratorio do novo hospital, xa confirmado, foi denunciado en reiteradas ocasións polos/as profesionais e suporá un grave atentado contra a saúde da poboación de Vigo, encarecendo o servizo, xa que haberá que ter un medio de transporte para as mostras, e non garantirá que as mesmas cheguen en condicións óptimas. Todo isto coa intención de privatizar os laboratorios descapitalizando á sanidade Pública para encher os petos das empresas amigas.

Nesta folla de ruta de privatización dos servizos públicos enmárcanse, tamén, outras medidas adoptadas polo goberno da Xunta, tales como o intento de privatización de Esterilización ou o decreto de xestión clínica.

No que a privatización da Esterilización se refire, é preciso recordar que, ademais dunha descapitalización do coñecemento na Sanidade Publica, suporía a destrución duns 167 postos de traballo públicos e unha menor garantía na calidade da prestación.

Por outra banda, o Decreto de Xestión Clínica, supuxo un golpe máis á sanidade publica, coa súa pretensión de que sexan precisamente as/os profesionais os que asuman a responsabilidade dos recortes nas prestacións dos/as usuarios/as, constituíndo micro empresas que a medio prazo poidan ser privatizadas, para facer, unha vez mais, negocio coa saúde de todas e todos.

A cambio dun Novo Hospital privatizado e recortado en tamaño e servizos, pechan o H. Xeral, o Cíes, o Rebullón, os Centros de Especialidades de Coia e a da Doblada. E manteñen o concerto con Povisa.

Como consecuencia teremos menos sanidade pública e máis negocio para os seus amigos. Farán negocio con todo o que poidan, até o aparcamento será de pago.

Coa privatización corren o risco de desaparecer ou precarizar as súas condicións moitos postos de traballo, o que dará un peor servizo á cidadanía.

Neste momento moitos centos de compañeiras e compañeiros dos servizos de Cociña, Lavandería, Lencería, Costura, Mantemento, Reprografía e imprenta, ven como periga o seu futuro laboral.

A administración o que pretende é eliminar postos de traballo públicos e favorecer ás concesionarias privadas, e intentan que a Mesa Sectorial se converta nunha mesa de traballo para facilitar esta destrución de emprego. E diante da resposta das organizacións sindicais que formamos a Xunta de Persoal de non colaborar na destrución de emprego público, nin de consentir que se precaricen as condicións laborais do persoal, a resposta é mandar á policía ao interior dos centros sanitarios, nunha actitude autoritaria que nos recorda tempos que críamos pasados.

Non podemos permitilo

A sanidade pública é hoxe máis necesaria que nunca e non podemos deixar que a destrúan, polo noso futuro, polo futuro das nosas fillas e fillos.

Por iso precisamos do apoio de todas e todos para reclamar o remate dos recortes e privatizacións da sanidade pública e que se recuperen os seus valoras fundamentais: a universalidade, a equidade e a gratuidade na prestación.

A noticia en Avantar

Solidariedade do persoal da Sanidade Pública co persoal que pretenden privatizar en Vigo

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Persoal de varias áreas concentrouse hoxe en solidariedade co persoal de Vigo que o SERGAS pretende privatizar. Houbo varias concentracións, en Pontevedra, A Coruña, Ferrol, e Burela, entre outras.

Porque empezaron en Vigo co persoal non sanitario, pero mañá poden decidir continuar noutra área calquera con persoal de calquera categoría. Cando privatizan a un, privatízannos a tod@s!

NON ÁS PRIVATIZACIÓNS!

DEFENDAMOS A SANIDADE PÚBLICA E OS POSTOS DE TRABALLO!

BURELA3IMG-20141211-WA0000IMG-20141211-WA0015IMG 20141211 113643

Dereito á folga? O SERGAS mete os antidisturbios no hospital!

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

2014 12 11 CartazManifestacionSanidadePublicaVigo.previewDurante a xornada de folga de onte nos centros sanitarios de Vigo contra a privatización, as forzas públicas de seguridade (policía nacional e autonómica) tomaron o hospital Xeral a instancias do Xerente da EOXI de Vigo, Mario González. Especial intervención policial na entrada da cociña do hospital Xeral, impedindo a entrada ao comité de folga e identificando ao persoal de cociña que entraba na mesma. Chegou a tal punto a represión, que nun momento dado, mentres os antidisturbios "acompañaban" ao comité de folga impedindo a libre información, unha boa parte d@s pacientes que agardaban nas salas de espera das consultas increparon ás forzas de seguridade instándoas a que foran deter a gobernantes corrupt@s e deixaran en paz ao persoal que defende a Sanidade Pública.

O Xerente da EOXI de Vigo parece resucitado dos tempos de branco e negro cando o réxime utilizaba á policía para reprimir as liberdades cidadás, e aproveita calquera ocasión para solicitar a súa presenza, inda que sexa no marco dunha folga convocada legalmente, coartando o dereito á folga e a liberdade sindical. Xa non se lembraba a intervención da policía nun recinto sanitario en tempos democráticos pero este xerente parece ser que sufre dunha grave regresión a outros tempos pasados. E non nos levemos a engano, esta é a liña a seguir por este goberno, non hai máis que lembrar a acusación por "desordes" que está pendente de xuizo a dous usuarios da sanidade en Ferrol que protestaron ante a visita da Conselleira. E no mesmo camiño, ou mellor dito, afondando nesta liña represora e antidemocrática vai ser imposta tamén a Lei Mordaza, contra a que desde a CIG e a Alianza Social Galega se están promovendo mobilizacións. Se xa viviamos nunha dictadura encuberta, imaxinade como vai ser a partir de que se aprobe esa lei.

Ademais da presenza policial, o comité de folga tivo coñecemento de que algunha persoa viu coartado o seu dereito á folga, ao pretender impedírselle sair do seu posto de traballo cando comezaron as dúas horas de paro, malia non estar de servizos mínimos.

Se o xerente da EOXI de Vigo pensa que coa presenza policial, coa represión ou coa coartación de dereitos e liberdades vai amedrentar ao persoal, que saiba que lle espera un mandato moi quente.

Desde a CIG-Saúde de Vigo, declarámolo xerente non grato e consecuentemente pedimos a súa dimisión xunto coa da Conselleira de Sanidade Rocío Mosquera pola súa incompetencia reiterada e a súa incapacidade para manter e reforzar a Sanidade Pública. Imos emprender cantas accións estean ao noso alcance para denunciar esta situación, tanto de privatización e desmantelamento dun patrimonio público como é a Sanidade, como de represión e conculcación de dereitos e liberdades que están a vivir tanto persoal como usuari@s da Sanidade Pública.

CONTRA A REPRESIÓN, CONTESTACIÓN...

NON Á REPRESIÓN DICTATORIAL

EN DEFENSA DA SANIDADE PUBLICA E CONTRA AS PRIVATIZACIÓNS

PARTICIPA NAS MOBILIZACIÓNS E NA FOLGA

MANIFESTACIÓN HOXE ÁS 20H DESDE O HOSPITAL XERAL. NON FALTES!

Manifestación por un hospital '100 x 100 público' este xoves en Vigo porque 'privatización = corrupción'

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
A Xunta de Persoal anima a cidadanía a participar na marcha que sae do Xeral ás 20.00 horas
 
A Xunta de Persoal da Área Sanitaria de Vigo anima a toda a cidadanía da comarca a participar este xoves na manifestación convocada para reclamar que o novo hospital da cidade sexa “100 x 100” público. A marcha, que pon o punto final a varias semanas de mobilizacións que inclúen paros parciais, sairá do Xeral ás 20.00 horas e rematará na Porta do Sol.
2014 12 11 CartazManifestacionSanidadePublicaVigoA mobilización foi presentada esta mañá en rolda de prensa pola representación sindical dos traballadores/as, que explicaron que a manifestación celébrase baixo o lema 'Hospital Vigo 100 x 100 público. Privatización = corrupción' e arrincará do hospital Xeral ás 20.00 horas.

O presidente da Xunta de Persoal, Manuel G. Moreira, da CIG, indicou que o persoal da sanidade pública viguesa fai un chamamento á cidadanía da comarca a saír á rúa en defensa da calidade da asistencia sanitaria.

“A xente ten que ser consciente de que a Xunta lle cedeu a construción e a xestión do centro a unha empresa privada e que o orzamento pasou de 400 a 1300 millóns de euros, o que non impide que o novo hospital nacerá privatizada e con menos servizos”, criticou.

Neste senso, Moreira lembrou que aínda que a Administración pública anunciou que a instalación terá 800 camas, o certo é que a Área Sanitaria vaise ver moi prexudicada porque ao mesmo tempo van pechar cinco centros médicos, o Xeral-Cíes, o Rebullón e os centros de especialidades de Coia e da Doblada. “Ademais, van manter o convenio con Povisa”, lamentou.

Segundo denunciou, con este tipo de política sanitaria o PP pretende manter o negocio das empresas amigas “coa corrupción como pano de fondo”. Tamén censurou a situación na que queda o persoal dos servizos non sanitarios despois de que a Consellería lles dese a opción de integrase nas concesionarias privadas “sen ningunha garantía laboral”.

A manifestación pon o punto final a varias semanas de mobilizacións que incluíron concentracións do persoal e paros parciais como os convocados hoxe, mañá e o mesmo día da marcha tanto en horario de mañá como de tarde.

A noticia en Avantar

25 de Novembro: a CIG convoca concentracións “pola erradicación da cultura da violencia machista”

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

As protestas realizaranse o martes pola mañá en todas as cidades, agás en Vigo, onde é o luns 24 de novembro

 
A Secretaría da Muller da CIG ten convocada gallo do 25 de novembro, Día Internacional para a eliminación da violencia contra as mulleres, unha xornada nacional de loita con concentracións nas sete cidades. As mobilizacións realizaranse o propio martes 25, agás no caso de Vigo que está convocada para hoxe luns 24, ás 19 horas no Marco, coincidindo co peche do curso de Empoderamento.
Faixa 25-Novembro 2014
 

Horarios e lugares das concentracións:

- A Coruña: ás 12 horas diante da Confederación de Empresarios/as, en Monelos.

- Ferrol: ás 12 horas diante do Edificio Administrativo da Xunta de Galiza.

- Compostela: ás 12 horas diante do Gadis da Rúa Nova de Abaixo (ao carón da praza de Vigo), en resposta ao acoso laboral contra unha traballadora logo de exercer o seu dereito á reducir á súa xornada de traballo por garda legal dun fillo con diversidade funcional.

- Pontevedra: ás 12 horas na Praza 8 de Marzo.

- Ourense: ás 12 horas diante do local sindical.

- Lugo: ás 11:30 horas diante do edificio administrativo da Xunta, na Ronda da Muralla.

- Vigo: ás 19 horas no Marco o día 24 de novembro, coincidindo co peche do curso de Empoderamento.

Este ano, a campaña da CIG con motivo do 25 de novembro desenvólvese baixo o lema “Erradiquemos a cultura da violencia machista” e ten por obxectivo visibilizar publicamente este feminicidio, identificando comportamentos, actitudes e ideas discriminatorias, que forman parte da cultura da violencia contra as mulleres, entendendo que “para erradicar a violencia machista é preciso detectar o machismo, crear conciencia e mudar condutas”, en palabras da Secretaria da Muller da CIG, Margarida Corral.

A pretensión da central sindical é que cada quen, mulleres e homes, fagan unha auto avaliación, identificando actitudes habituais que agochan un claro ou sutil machismo, “xeitos non evidentes de reproducir roles sexistas”, tendo presente que o machismo non é só a agresión física a unha muller. “A violencia non só implica golpes, tamén inclúe as ameazas, a arrogancia, as descualificacións, a discriminación, o abuso verbal, o abuso emocional, o acoso...”, afirma.

Ademais, con esta campaña quérese lembrar as 7 mulleres galegas asasinadas a mans das súas parellas e exparellas. “Na súa honra, durante todo o mes de novembro nos locais sindicais da CIG das 7 cabeceiras de comarca temos colocado 7 siluetas dun metro sesenta de altura, identificadas co seu nome e o nome de quen as asasinou, en lembranza e homenaxe ás 7 vítimas do machismo”, explica Corral.

Por iso, nas concentracións tamén se portarán as 7 siluetas das 7 galegas mortas por mor da violencia machista.

Chamada a participar nas mobilizacións convocadas polo movemento feminista

Así mesmo, a Secretaría da Muller da CIG chama a participar tamén nas accións/mobilizacións convocadas polo movemento feminista na Galiza para este 25 de novembro e que terán lugar en:

- Vigo: martes 25, ás 20h manifestación dende a Farola de Urzaiz.

- Ourense: martes 25, ás 20.30h na Praza do Ferro.

- Ferrolterra: martes 25, ás 20h na Praza da Escola de Fene.

- Compostela: martes 25, ás 20h na Praza 8 de Marzo.

- Pontevedra: martes 25, ás 20h na Praza 8 de Marzo.

- A Coruña: martes 25, ás 19 h no Obelisco.

Nova sobre a presentación da campaña da CIG para o 25-N

A noticia en Avantar

Documentos
INFORME VIOL 2014.pdf
diptico25 nov 2014.pdf

A Alianza Social Galega chama a mobilizarse en todas as cidades galegas contra a reforma da Lei de Seguridade Cidadá

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
Denuncia que o obxectivo do PP, con esta reforma, é reprimir a mobilización social contra as súas políticas de recorte de dereitos sociais e laborais
A Alianza Social Galega ten convocadas manifestacións en todas as cidades galegas, o vindeiro domingo día 23 de novembro, contra a reforma da Lei de Seguridade Cidadá. Considera que deste xeito, o goberno español pretende converter o conflito social nun problema de orde pública, “camiñando cara un Estado de carácter policial” coa finalidade de impor un sistema económico, laboral e social “totalmente negativo para as clases populares e os países periféricos”.
14-11-07 ASOGA Lei de Seguriadde Cidadá

A ASOGA denuncia que esta reforma “é un paso atrás nos dereitos máis básicos” porque criminaliza a protesta social, as liberdades públicas e as vías de participación democrática “retrotraéndonos ao franquismo”. Engade que “o PP e o Goberno de Rajoy actúan con dureza contra os movementos sociais, a clase traballadora e a realidade plurinacional do estado, pero mantén una actitude de moita permisividade respecto aos delitos económicos que cometen os seus amigos e o capital financeiro”.

Para a ASOGA do que se trata, con esta reforma, é de reprimir a contestación social fronte ás actuacións inxustas do goberno do PP, entre as que salienta as reformas laborais e sociais, as súas políticas económicas, os constantes recortes de dereitos e unha crecente precariedade das condicións de traballo alén da privatización e redución dos servizos e prestacións públicas e a imposición dunha fiscalidade regresiva.

Alerta de que pasan a tipificarse como delitos toda una serie de acción sociais que até o de agora non tiñan esa consideración atacando frontalmente dereitos fundamentais como o de reunión, manifestación e folga.

Xunto a isto as medidas que se introducen con esta reforma recortan o dereito á titela xudicial ao que só se poderá acudir una vez se teña imposto a sanción, gravándose ao ter que afrontar os gastos de ir ao xulgado. Substitúese a infracción penal pola administrativa, á marxe das garantías xurisdicionais, eliminando a da presunción de inocencia e permítese a discrecionalidade e arbitrariedade dándolle presunción de veracidade á actuación policial.

Ademais aumentan as infraccións, pasando de 30 a 57, e as contías das sancións, que se fixarán sen considerar o patrimonio das persoas afectadas, desde 1.000 euros polas leves até os 600.000 € polas moi graves, pasando polos 30.000€ das consideradas graves. Sancións que serán inmediatamente executivas.

Censura informativa previa

E se isto non fora abondo, a reforma introduce una censura informativa previa, que é contraria á Constitución, limitándose a captación, difusión de sons e imaxes dos axentes da policía nas súas actuacións públicas, socavando o dereito a recibir una información veraz e plural co que se “imposibilita e amedrenta o traballo xornalístico, promove a impunidade no abuso policial ao impedir posíbeis probas gráficas de intervención desproporcionada das forzas de seguridade”.

Por isto a ASOGA fai un chamamento a participar nas diferentes mobilizacións convocadas para manifestar o rexeitamento a esta reforma e demandar a súa retirada.

Manifestacións:

- A Coruña: 12:00 horas, Praza de Pontevedra

-Ferrol: 12:00 horas, Praza de España

-Santiago: 12:00 horas, Alameda

-Lugo: 12:00 horas, edificio sindical

-Ourense: 12:00 horas, Praza Maior

-Pontevedra: 12:00 horas, Praza da Ferrería

-Vigo: 11:30 horas, Vía Norte

-Arousa: 12:00 horas, concentración na Praza Ravella

-Monforte:12:00 horas, Praza de España

-Cangas:12:30 horas, concentración na Praza do Concello.

A noticia en Avantar

A Alianza Social Galega convoca hoxe concentracións silenciosas diante das sedes do PP contra a Lei de Seguridade Cidadá

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
A Alianza Social Galega (ASOGA) convoca, para hoxe día 13 de novembro, concentracións silenciosas diante das sedes do PP de cidades e vilas galegas para manifestar a súa oposición á reforma da Lei de Seguridade Cidadá. Previo a isto mantivo unha xuntanza no Parlamento Galego cos grupos da oposición o pasado luns día 10 de novembro, ás 10:00 horas, para presentarlles o manifesto e as liñas de resposta social aprobadas polo seu Plenario Nacional e solicitar o seu apoio tanto para estas concentracións como para as manifestacións comarcais previstas para o día 23 de novembro.
14-11-07 ASOGA Lei de Seguriadde Cidadá

A delegación da ASOGA tamén solicitou dos grupos parlamentarios a súa implicación para que chegue ao ámbito institucional e do Parlamento Galego a contestación a esta “brutal e antidemocrática reforma”.

A Alianza Social Galega lembra que está en plena tramitación no Congreso dos Deputados a reforma da Lei de Seguridade Cidadá, que pretende a implantación dun Estado Policial e reprimir con dureza a contestación social. Por iso considera imprescindíbel que se promovan accións en todos os ámbitos, nomeadamente o institucional, que permitan que esta lei non vaia adiante.

Neste sentido a ASOGA solicitou dos grupos parlamentarios que, ao igual que se fixo no seu momento coa LOMCE, se comprometan para que esta Lei, de ser finalmente reformada, sexa derrogada en canto o Partido Popular deixe de ter maioría absoluta.

Xunto a isto demandaron que se promova desde o Parlamento Galego unha proposición a través da que se inste ao Congreso dos deputados a presentar un recurso de inconstitucionalidade contra a mesma.

A ASOGA pediu tamén o seu apoio ás mobilizacións acordadas, as primeiras o día 13, como concentracións silenciosas diante das sedes do Partido Popular e, posteriormente, ás manifestacións comarcais que se desenvolverán en toda Galiza.

Concentracións do día 13 diante das sedes do PP

- A Coruña:Ás 20:00 horas

- Burela:Ás 18:30 horas

- Ferrol:Ás 19:00 horas

- Lugo:Ás 20:00 horas

- Ourense:Ás 20:00 horas

- Pontevedra:Ás 19:30 horas

- Ribeira:Ás 19:30 horas

- Santiago:Ás 19:30 horas

- Vilagarcía:20:00 horas

- Vigo:Ás 20:00 horas

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto