Noticias Outras novas Mobilizacións
 
 

Os re-pagamentos matan: manifestación domingo 17 de novembro

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

1456085_172250649641471_1935658039_n

 

Representantes da Iniciativa Galega pola Gratuidade da Sanidade Pública péchanse na Xunta exixindo ser recibidos por Feijóo

Chaman a participar na manifestación que terá lugar o vindeiro domingo, día 17 de novembro, con saída ás 12:00 horas da Alameda compostelá
.
Representantes da Iniciativa Galega Pola Gratuidade da Sanidade Pública permaneceron pechados durante varias horas, na mañá deste xoves en San Caetano, á porta do despacho do presidente da Xunta, en demanda dunha entrevista para exixirlle que non entre en vigor o repago de medicamentos de farmacia hospitalaria para doentes afectados por patoloxías graves e/ou crónicas.

A súa intención era ficar pechados nas dependencias do edificio administrativo da Xunta de Galiza até seren recibidos, pero deron por rematado o peche ao confirmarlles que recibirían unha resposta á súa solicitude entre o xoves e o venres. Resposta pola que aínda agardan.

Para os representantes da Iniciativa Galega pola Gratuidade da Sanidade Pública a decisión de aplicar o repago de medicamentos e gravísima. Por iso reiteran o seu chamamento a participar na manifestación en defensa da sanidade publica convocada o domingo día 17 de novembro, con saída ás 12:00 horas da Alameda compostelá.

Desde a Iniciativa Galega pola Gratuidade da Sanidade Pública –na que está integrada a CIG- considérase que a decisión de aplicar o repago de medicamentos supón o traspaso dunha liña vermella, onde a Sanidade deixa de ser pública, universal e gratuíta, discriminando aos usuarios/as do sistema en función dos seus recursos, gravando aínda máis aos doentes crónicos e rompendo coa equidade do sistema.

Denuncia que tanto o Goberno do Estado, como o Goberno da Xunta están implantando esta e outras normativas co obxectivo de desmantelar a Sanidade Pública, reducindo a carteira de Servizos gratuítos e incorporando medidas de repago, como as recollidas no Real Decreto Lei 16/2012, onde xa se contempla o copago dos medicamentos de pensionistas, o do transporte sanitario non urxente ou o das próteses.

Por iso está ademais a promover un manifesto apoiado por numerosas organizacións políticas, sindicais, colexios profesionais e colectivos sociais para denunciar esta situación e promover mobilizacións en toda Galiza para instar ao Goberno do Estado a que derrogue esta Resolución e ao Goberno galego para que paralice a entrada en vigor deste novo repagamento  na Sanidade Pública do noso país.

Xa se celebraron concentracións diante dos principias hospitais de Galiza e a primeira grande movilización é a convocada para este domingo.

A nova en Avantar.

Manifestacións en todas as comarcas, hoxe xoves, contra a reforma das pensións

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
Agás en Ferrol, onde a saída está prevista para as 19:30 horas e en Ribeira, onde comezará ás 19:00 horas, o resto das mobilizacións serán ás 20:00 horas
.
A CIG convoca para este xoves, día 14 de novembro, manifestacións en todas as comarcas contra a reforma das pensións. As mobilizacións insírense na campaña que a central sindical vén desenvolvendo para denunciar que esta reforma provocará unha redución das pensións actuais e futuras e pretende abocar á poboación á subscrición masiva de plans de pensións privados para alimentar o negocio da banca e das aseguradoras.

Durante estas semanas desenvolvéronse en toda Galiza asembleas de delegadas/os, actos de protesta, concentracións e repartos de material informativo nas empresas e nos polígonos industriais para explicar a posición da CIG respecto da reforma das pensións. Unha campaña que culminará na tarde deste xoves con manifestacións simultáneas en todas as comarcas e que terá continuidade con novas respostas de contestación social.

Para a CIG esta reforma ten un fondo calado político e ideolóxico e graves consecuencias para as pensións actuais mais tamén para as futuras. A central sindical considera que non ten xustificación algunha “porque nin no informe dos expertos -9 dos 12 vinculados á banca e ás compañías aseguradoras-  se di que o sistema non sexa sostíbel”.

Horas e lugares das manifestacións

Ourense: Ás 20:00 horas do pavillón dos Remedios.

Pontevedra: Ás 20:00 horas da Praza da Ferrería

Vilagarcía: 20:00 horas da Casa do Mar

Vigo: Ás 20:00 h da Vía Norte

Compostela: Ás 20:00 horas da Praza Roxa

Lugo: 20:00 h da Ronda da Muralla

Ferrol: 19:30 horas con saída do local do sindicato. Avda. de Esteiro

A Coruña: 20:00h praza de Vigo

Ribeira: ás 19:00 horas da Praza do Concello

 

A nova en Avantar.

Concentración polos Servizos Públicos

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CONCENTRACIONCORUABANDERAGALEGA_1

Salvemos Galiza! Calendario e itinerarios das marchas polo emprego da CIG

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
A CIG, dentro da campaña polo emprego que está a desenvolver, ten programadas marchas a pé por todas as comarcas durante a semana do 14 ao 19 de outubro, para dar a coñecer a iniciativa da central sindical e pór no centro do debate social e institucional o grave problema do desemprego e as medidas que se deberían adoptar para afrontalo. Ademais, nesta semana previa estanse a realizar repartos na rúa, nos centros de traballo e nas oficinas do Inem, así como outro tipo de accións polos barrios, para informar das propostas e mobilizacións da CIG. A primeira fase da campaña concluirá o sábado 19 de outubro cunha manifestación nacional, que sairá ás 12:00 horas da Alameda compostelá.
SalvemosGaliza

Calendario das marchas por comarcas:

  • A Coruña:

- Martes 15 de outubro: ás 16:00 horas marcha dende o local sindical (Avda. Alfonso Molina) até o Concello de Arteixo. Ás 19:30 horas haberá un acto público na Praza do Balneario.

- Mércores 16 de outubro: ás 16:00 horas marcha dende a Praza do Concello da Laracha até a Praza do Concello de Carballo, onde haberá un acto público ás 19:30 horas.

-Xoves 17 de outubro: ás 16:00 horas marcha dende a Glorieta do Polígono do Espírito Santo até a Praza Hermanos García de Betanzos, onde haberá un acto público ás 19:30 horas.

- Venres 18 de outubro: ás 16:00 horas marcha dende o Campo da Feira de Cerceda até a Praza do Concello de Ordes. Acto público ás 19:30 horas.

  • Compostela:

- Mércores 16 de outubro: ás 10:00 horas marchas a pé desde os polígonos industriais do Tambre e do Milladoiro até a Praza de Vigo.

- Xoves 17 outubro: ás 10:00 horas marcha a pé que chegará o día 19 a Compostela. A primeira etapa será dende de Ribeira até Rianxo.

- Venres 18 outubro : ás 10:00 saída de Rianxo até O Milladoiro.

- Sábado 19 de outubro : marcha dende O Milladoiro até Compostela para confluír na Alameda coa saída da manifestación nacional.

  • Ferrol:

- Luns 14 de outubro: ás 10:00 horas marcha dende San Valentín (fronte a antiga Astano) até a rotonda de Freixeiro (Narón), pasando por Fene e Neda.

- Mércores 16 de outubro: ás 10:00 horas marcha dende o Polígono de Río do Pozo até a o Concello de Ferrol, pasando pola estrada de Cedeira e a estrada de Castela até a praza de Armas.

  • Lugo:

- Martes 15 de outubro: ás 09:30 horas marcha dende a Factoría de Alimentos Lácteos en Outeiro de Rei. Ás 10:30 horas marcha dende o HULA. Ambas marchas confluirán para rematar conxuntamente diante do edificio Multiusos da Xunta en Lugo.

- Mércores 16 de outubro: ás 10:30 horas marcha dende o Pazo de Sober (Sober) até o Hospital comarcal de Monforte.

- Xoves 17 de outubro: ás 10:00 horas, marcha dende a fábrica de Muebles Hermida no Polígono Industrial de Lourenza até a Praza do Concello de Mondoñedo. 

  • Ourense:

-Martes 15 de outubro: ás 17:30 horas marcha dende Polígono Industrial da Raña, no Barco de Valdeorras, até o Edificio Administrativo da Xunta, na Praza de Otero Pedraio.

-  Mércores 16 de outubro: ás 10:00 horas saída dende a Avenida de Castela (PK 165 da N- 525), pasando polo núcleo urbano de Verín, o Polígono Industrial de Pazo, e rematando no Concello de Monterrei, a altura do PK 173 da N-525.

- Xoves 17 de outubro: ás 09:00 horas concentración e saída da marcha na Rotonda do Parque Tecnolóxico de Galiza até o Edificio da Xunta, na Avda. da Habana, onde haberá outra concentración.

  • Pontevedra:

- Martes 15 de outubro: ás 10:00 horas marcha rodeando Pontevedra con saída no Pazo de Cultura até a Subdelegación do Goberno, pasando pola Avda.. de Marín, a estación de autobuses e a rotonda da Ponte dos Tirantes.

- Mércores 16 de outubro: ás 09:30 horas marcha con saída do Concello de Cambados até a Praza de Ravella, diante do Concello de Vilagarcía, pasando pola rotonda do cruce da Illa, do Rial e a de baixada ao porto.

  • Vigo:

- Martes 15 de outubro: ás 09:30 horas saída dende a casa sindical no Porriño (Avenida Antonio Palacios) até o edificio administrativo da Xunta de Galiza en Vigo, pasando pola Avda. de Sanguiñeira, a vía de servizos de Puxeiros, Cabral, as rúas Urzáiz, Colón e Concepción Arenal.

- Martes 15 de outubro: ás 18:30 horas marcha dende a Praza de Abastos de Moaña até a Casa do Concello de Cangas.

- Martes 15 de outubro: ás 18:30 horas saída da Praza do Concello de Bueu até a Casa do Concello de Cangas.

Repartos masivos e asembleas nos barrios

Paralelamente, ao longo desta semana estase desenvolvendo unha intensa campaña de axitación polas distintas comarcas con repartos nos centros de traballo, nas oficinas de emprego e polas rúas das cidades e vilas, co obxectivo de dar a coñecer a campaña e chamar a  participar na manifestación do 19 de outubro en Compostela. No caso da Coruña tamén se están a realizar todas as tardes asembleas polos barrios, coa participación de membros da asemblea de desempregados/as. 

Mobilizacións necesarias, a túa participación é importante

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Esta fin de semana a CIG convoca ou participa en varias mobilizacións, todas elas por causas xustas, ás que vos animamos a acudir.

Sábado 28 de setembro 10:30h Marcha contra a LOMCE-Santiago de Compostela. A CIG-Ensino participa na plataforma convocante. Sairán autobuses desde as diferentes comarcas que chegarán, en Compostela, a catro puntos diferentes: Rúa de Boisaca (polígono do Tambre), Monte do Gozo, diante do CEIP Lamas de Abade e Ponte da Rocha. Desde eses lugares sairán, ás 10:30 horas, catro marchas a pé que confluirán nun acto reivindicativo en Praterías ás doce horas. Máis información aquí.
 
 
Sábado 28 de setembro 17:30h Manifestación polo dereito ao aborto-Santiago de Compostela. A CIG tamén participa na plataforma convocante. A manifestación sairá as 17:30h deste sábado 28 de setembro da Estación dos Camiños de Ferro de Compostela. A plataforma solicita ás persoas que vaian asistir que leven prendas lilas e potas ou cazos. Máis información aquí.
 
 
Domingo 29 de setembro 12:00h Manifestación nacional en demanda dunha nova política forestal e a profesionalización dos servizos de extinción-Santiago de Compostela. A manifestación saíra ás 12:00 horas do domingo 29 de setembro da Estación do Tren de Compostela. Máis información aquí.     
.

12 de xuño: xornada de loita

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Mañá cuarta feira (mércores) día 12 de xuño a CIG leva a cabo unha xornada de loita en todo o país, na defensa do emprego e a exixencia de medidas que garantan a supervivencia e recuperación dos nosos sectores produtivos.

A CIG ten convocadas este mércores, 12 de xuño, mobilizacións en Vigo, Compostela, Pontevedra e Ribeira para denunciar a grave situación de desemprego que padecen estas comarcas e as nefastas políticas que está a impor o Partido Popular e a Xunta de Galiza. Para alén diso, tamén en Ferrol se celebrarán mobilizacións, no marco da folga xeral comarcal convocada por varias centrais sindicais, entre as que figura a CIG.
En Vigo, a manifestación terá lugar ás 20:00 horas, con saída da Vía Norte, baixo o lema “Contra o saqueo e o empobrecemento. Polo emprego na nosa comarca. Por unha industria con futuro”. Tanto a cidade como a súa comarca padecen un desemprego galopante e de feito, nos últimos catro anos o número de persoas desempregadas medou un 24,1%, pasando de 38.750 en novembro de 2009 a 49.741 na actualidade. Unhas cifras que superarían as 80.000 persoas se se lle suman os mozos e mozas que tiveron que emigrar ou os parados e paradas que desenvolven accións formativas.

En Compostela está convocada para as 20:00 horas, con saída da Praza Roxa. Nesta comarca a CIG tamén convoca manifestación en Ribeira, con saída ás 20:30 horas da Praza do Peixe. O desemprego tamén é a principal preocupación e é que a cidade de Santiago sitúase tan só por detrás de Ferrol en taxa de paro, cun 27% segundo os últimos datos da EPA. O mesmo ocorre en Ribeira, onde está en xogo a industria da conserva, motor económico da zona.

En Pontevedra, haberá unha mobilización de delegados/as ás 12:00 horas na Praza da Ferrería e as súas demandas tamén se centran na exixencia á Xunta de Galiza, de medidas que permitan a recuperación económica e a creación de emprego.

En Ferrol: Folga Xeral na comarca. Ás 12:00 horas, baixo o lema “Ferrolterra esixe solucións” sairá a manifestación dende o Inferniño. Logo de semanas de intenso traballo, ducias de asembleas en empresas, reunións con colectivos sociais diversos, encontros con representantes de todos os sectores (autónomos, comerciantes, empresarios, hostaleiros,...) e repartos masivos de octavillas nas rúas, na véspera da Folga Xeral Comarcal deste 12 de xuño, os voceiros da CIG de Ferrol avanzaron un éxito rotundo da convocatoria e animan a toda a clase obreira e ao conxunto da cidadanía a participar na manifestación que sairá ás 12:00 horas dende o Inferniño. Ver a nova en Avantar.

Malia o triunfalismo co que se avanzaron os datos de paro rexistrado do mes de maio, a CIG considera que lonxe de ser bos evidencian a grave situación de desemprego que hai en Galiza. 

A CIG leva tempo esixindo unha resposta real por parte das Administracións públicas “para frear a demolición da nosa base produtiva” e reclamando “unha mudanza radical das políticas para garantir o noso dereito a producir e a vivir dignamente do noso traballo”. Aposta tamén por unha intervención pública decidida que sexa quen de sacar o máximo partido ás nosas capacidades produtivas.

Mobilizacións dos vindeiros días: día da Muller, día da Clase Obreira

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

8 DE MARZO DE 2013, DÍA DA MULLER TRABALLADORA, concentracións

- A Coruña, 12h, diante da empresa EUROCEN,

- Compostela, 12h, diante da oficina da Fundación para a Calidade Industrial e o Desenvolvemento Tecnolóxico de Galiza, en Área Central

- Lugo, 12h , diante do Gran Hotel de Lugo

- Ourense, 12h, en resposta ao convenio do téxtil, diante da Confederación de empresari@s

- Pontevedra, 12h, na chamada praza 8 de marzo, logo dunha asemblea de delegadas

- Vigo e Ferrol, 12h, en resposta ás duras condicións laborais impostas no convenio das grandes superficies comerciais (en Vigo diante do Corte Inglés, e en Ferrol diante do Centro Comercial Odeón)

 

9 DE MARZO DE 2013, manifestación nacional

Mobilización nacional en Santiago de Compostela "Mulleres Galegas en loita polos nosos dereitos" con saída ás 12:30 horas da Estación de Tren (Santiago de Compostela). Convocan entidades feministas e de loita pola igualdade, entre as que se atopa a Secretaría da Muller da CIG.

 

10 DE MARZO DE 2013, DÍA DA CLASE OBREIRA GALEGA

"Contra a pobreza e a explotación. Salvemos os nosos convenios"

-Ferrol: 12:30 horas, Avenida do Esteiro (local da CIG). 

-Vigo: 11:30 horas, Cruce de Lepanto con Gran Vía. 

-A Coruña: 12:00 horas, Praza de Vigo.

-Compostela: 12:30 horas, Praza Roxa.

-Lugo: 11:30 horas, Ronda da Muralla (local da CIG).

-Ourense: 12:00 horas, Pavillón dos Remedios

-Pontevedra: 12:00 horas, Praza da Ferrería.


 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto