Noticias Persoal Contratacións
 
 

Concentración Pacto de Contratacións

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

O próximo día 15 de marzo celebrarase unha reunión de negociación do Pacto de Contratacións, que será, seguramente, das últimas reunións para tratar este aspecto. En CIG-Saúde sempre nos pareceu importante que as persoas aspirantes das listas de contratación estiveran informadas tando da negociación do pacto como de cómo lles afectan as modificacións que se producen e cales son os nosos posicionamentos, tanto propostas nosas, como posturas ante as propostas da Administración. Por este motivo elaboramos un folleto explicativo , que vos deixamos aqui para que descarguedes e difundades. Como veredes, hai certos puntos que a CIG-Saúde lle parecen de suma importancia, que pensamos que deberían ser reflexados no pacto, e de momento non están, o cal nos preocupa e nos fará plantexar, no seu momento, se asinamos ou non o texto do novo pacto de contratacións.

 

Mais desde CIG-Saúde tamén vemos con preocupación cómo cada día se contrata menos. Desde a chegada ao goberno do PP e a súa "austeridade" mal entendida, as ofertas de contratación diminuiron nunha boa porcentaxe, ademais de ver como se conxelaron cadros de persoal e non se dotan presupostariamente vacantes que son totalmente necesarias. Actualmente apenas se cubren ausencias, e se se fai é a través de persoal dos propios servizos, moitas veces baixo presión. Ademais, estase abusando dos contratos de acúmulo de tarefas, posto que lles son máis "manexables",  para cubrir ausencias longas, ou ben, encadéanse contratos de Pool en lugar de facer contratos máis longos.

As persoas aspirantes nas listas de contratacións ven como, inda levando moito tempo anotadas nas listas, éstas apenas se moven.

 

Non podemos quedar de brazos cruzados mirando. Temos que actuar.

 

Por estes motivos, CIG-Saúde convoca unha concentración diante do edifico do SERGAS, en San Lázaro (Santiago de Compostela) o próximo día 15 de marzo ás 11 hs coincidindo coa reunión de negociación de pacto, para denunciar a política rácana de contratacións desta consellería e para esixir un pacto de contratacións para tod@s e que sirva para algo.

 

Lembra:

Martes 15 de marzo.

Ás 11 hs.

Diante do Edificio do SERGAS (San Lázaro - Santiago)

 

 

Descarga e difunde:

 

Folleto explicativo da negociación de Pacto de Contratacións.

 

Cartaz anuncio da Concentración día 15.

 

 

pacto


Apertura listas automáticas

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Ábrese o prazo para presentación de solicitudes nas listas de contratación do SERGAS para as categorías de ATS/DUE, Cocineiros/as, matronas, médicos de familia, médicos de urxencias hospitalarias e pediatras.

Lembrar  que estas listas automáticas só se abren para estas categorias, tres veces ao ano, marzo, xullo e outubro.  O motivo é pola escaseza de persoal para estas categorías.

 

O prazo de presentación de solicitudes empeza o martes 1 de marzo e remata o martes 15 de marzo.

 

Descarga a solicitude.

 

Borrador do Novo Pacto de Contratacións

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

O SERGAS ven de remitirnos o borrador completo do Novo Pacto de Contratacións, que contén algunhas modificacións con respecto ao último documento tratado na mesa (en cor amarela).

Este borrador será tratado na reunión que o SERGAS convocou para o próximo día 17 de febreiro.

Listas definitivas de Matrona

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Recibida a seguinte mensaxe do SERGAS:

 

Mañá martes, 28 de decembro, terá lugar a publicación nos taboleiros de anuncios das direccións provinciais e centros asistenciais dependentes delas, así como na páxina web do Servizo Galego de Saúde, as listaxes definitivas de aspirantes a vinculacións temporais na categoría de Matrona e Matrón, tras o rexistro e baremación das solicitudes achegadas ao abeiro da convocatoria extraordinaria  do 22 de novembro de 2010 (Anuncio das Direccións Provinciais do Servizo Galego de Saúde do 26 de novembro).

Pacto de Contratacións: negociación

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
Deixamos aqui o último borrador do novo Pacto de Contratacións, que o SERGAS pretende que sexa o último, posto que na seguinte reunión pretenden xa traer un documento pechado para a sinatura.

 

Neste borrador aparecen algúns cambios con respecto ao último, posto que integran algunhas das alegacións das OOSS, Nestes cambios recollen, nalgúns casos parcialmente, algunhas das nosas alegacións, como en Promoción Interna, valoración do Galego, cambios de área por conciliación, prelación de áreas limítrofes, listaxes de tempo parcial, categorías compatibles ou orde de prelación da subsidiariedade de listas.

 

Na última reunión, na rolda de intervencións das OOSS, desde CIG-Saúde manifestamos de entrada que seguimos mantendo as alegacións que enviamos, nomeadamente esiximos unha redacción clarificadora sobre cal vai ser a situación das categorías reclasificadas por privatizacións. Mantemos a esixencia de que figure un descanso obrigatorio despois de 360 días traballados, e preguntamos a qué se refiren con órganos competentes e qué quere dicir o que se engade na valoración da capacidade funcional. Tamén pedimos que se recolla a nosa alegación sobre Pool, en canto á duración dos contratos e ao máximo de días por mes, así como a puntuación adicional e que se redacte dalgún xeito que non se poden encadear contratos de Pool para cubrir ausencias longas. Falamos tamén do requisito de formación para as áreas especiais, 40 horas de formación sen máis séguenos parecendo insuficiente.

 

A Administración contestou ás alegacións e despois do debate, o máis salientable é:

* Reclasificacións. Prodúcese un intenso debate sobre se debe figurar ou non no pacto. A Administración mantén que non é tema de pacto, senón de mesa sectorial. Insistimos en que a xente que está nesas listas tén que saber a qué aterse e que debe figurar no pacto recollida unha mínima regulación.

* Descanso obrigatorio. Non están dispostos a recollelo, explican que debe traballar sempre a persoa con máis méritos e non obrigala a permanecer na casa para que traballe xente con menos méritos. Explicamos a nosa postura e a nosa argumentación a favor da rotación nas listas. Só unha organización mais apoia que se manteña o descanso obrigatorio. As demais OOSS apoian a Administración en suprimilo, polo que esta é a postura que finalmente se adoptará no texto definitivo.

* Valoración da capacidade funcional. Pedimos que se clarifique a redacción, quén son os órganos competentes e en qué medida vai afectar a valoración ás persoas aspirantes.

* Suspensión de chamamentos sen causa. Ven como moi problemático recoller este punto, pode dar lugar a que nun momento dado haxa indispoñibilidade. Remitiranse estes casos á causa j), que será valorada polas Comisións de Área. Explícase que nestes órganos normalmente non se aceptan causas á parte das recollidas expresamente, mais a Administración apela ao sentido común (?).

* Supresión de Pool. Algunhas OOSS seguen a solicitar a súa eliminación. A Administración ve necesario o Pool, mais non acepta que teña puntuación adicional nos baremos, alegan que xa é xente que traballa máis que o resto e ai ten a súa compensación pola dispoñibilidade. Tampouco se moven da súa postura de 4 días máximo por contrato e 15 días máximo por mes. Valorarán aceptar unha puntuación adicional na primeira xeración de listas a modo de transición.

* FEAS. Non queren contemplalos neste pacto, mais aceptan tratalo para ver de facer unha regulación da contratación destas categorías.

. En caso de indispoñibilidade nalgunha categoría poderase xerar unha nova lista para introducir aspirantes que non figuraban. Prodúcese un debate sobre se debe ser unha lista subsidiaria ou realizar unha xeración de lista xeral. Finalmente óptase por facer unha nova xeración de lista xeral, introducindo nov@s aspirantes.

* Requisitos para Áreas Especiais. Insistimos en que 40 horas de formación non son suficientes, e que é necesario, cando menos, unha formación práctica. Outras OOSS están de acordo en que se necesita formación práctica no servizo. Desde a Administración valorarán articular prácticas tuteladas, inda que non ven claro como facelo.

* Revogación de nomeamento por IT. Plantexanse dúbidas de se isto é legal. A Administración insiste en que entra dentro da legalidade.

 

Cos cambios efectuados e os recollidos do debate, prepararán un documento definitivo que remitirán antes da próxima reunión (na segunda quincena de xaneiro), con idea de que sexa xa o documento para a sinatura.

Listaxes provisionais Matronas

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
Mañá mércores, 15 de decembro, terá lugar a publicación nos taboleiros de anuncios das direccións provinciais e centros asistenciais dependentes delas, así como na páxina web do Servizo Galego de Saúde, as listaxes provisionais de aspirantes a vinculacións temporais na categoría de Matrona e Matrón, tras o rexistro e baremación das solicitudes achegadas ao abeiro da convocatoria extraordinaria  do 22 de novembro de 2010 (DOG do 26 de novembro).

Publicación listas de contratación automáticas

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Recibimos a seguinte información do SERGAS:

 

O venres, 26 de novembro, terá lugar a publicación nos taboleiros de anuncios das direccións provinciais e centros asistenciais dependentes delas, así como na páxina web do Servizo Galego de Saúde, as listaxes definitivas de aspirantes a vinculacións temporais en diversas categorías sanitarias e de xestión e servizos, tras a resolución das reclamacións interpostas contra as listas provisionais, correspondentes á convocatoria automática do 1 de outubro de 2010.

As categorías obxecto desta publicación son as de:

 

  • Persoal Médico de Familia;
  • Pediatra;
  • Persoal Médico de Urxencias Hospitalarias;
  • Matrona e Matrón;
  • Persoal de Enfermería (DUE);
  • Cociñeira e Cociñeiro.

Convocatoria extraordinaria para a categoría de matrona/matrón

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Recibimos a seguinte mensaxe do SERGAS:

 

O vindeiro venres 26 de novembro terá lugar a publicación nos taboleiros de anuncios das direccións provinciais e centros asistenciais dependentes delas, así como na páxina web do Servizo Galego de Saúde, a resolución do 22 de novembro, desta Dirección de Recursos Humanos, pola que se formaliza unha convocatoria extraordinaria (Norma 6.3.2) para aspirantes a vinculacións temporais de persoal estatutario para vinculacións temporais nas institucións sanitarias do Servizo Galego de Saúde na categoría de matrona e matrón.

 

Faise constar que:

 

1.- Por tratarse dunha convocatoria extraordinaria, a baremación das persoas aspirantes se referirá única e exclusivamente á súa formación académica.

 

2.- As listaxes resultantes se confeccionarán por ámbito de área sanitaria e comprenderán, de ser o caso, a quenda normal e a quenda de promoción interna temporal.

 

3.- O prazo de presentación de solicitudes será o comprendido entre as datas do 27 de novembro e o 7 de decembro (ambas incluídas).

 

4.- Os modelos de solicitude se facilitarán nas Direccións Provinciais do Servizo Galego de Saúde, nos centros hospitalarios, nas Xerencias de Atención Primaria e na páxina web www.sergas.es.

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto