Noticias Sanidade Pública
 
 

O Goberno de Feijoo e a Consellería de Sanidade menospreza ao persoal do SERGAS

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIGSAUDElogo

Vimos de remitir ao Conselleiro de Sanidade e á Dirección de Recursos Humanos do Sergas, o seguinte escrito, solicitando que se convoque a Mesa Sectorial de Sanidade á maior brevidade posible para iniciar dunha vez por todas a negociación da recuperación económica do persoal do SERGAS.

 

Jesús Vázquez Almuíña

Conselleiro de sanidade.

Margarita Prado Vaamonde.

Directora de RRHH SERGAS.

No día de hoxe, 16 de maio de 2018, a Consellaría de Educación vén de convocar reunión da súa mesa sectorial para iniciar a negociación da recuperación económica do persoal docente. Cunha proposta de incremento retributivo que situaría a   estas/es profesionais na parte alta das retribucións que perciben o resto de persoal docente dos sistemas educativos das CCAA, estase a falar de situalos no posto nº 6 dos sistemas educativos.

Cabe subliñar  que o persoal docente, na mesa sectorial do ensino da Xunta de Galiza, asinou un acordo retributivo no ano 2006 que se cumpriu na súa integridade.

Fronte isto está a política de persoal que se aplica no SERGAS. O persoal do SERGAS ten suspendidos os seguintes acordos:

  • Acordo retributivo 2008/12. Suspendido no ano 2010 e que sitúa as retribucións do persoal do SERGAS no furgón de cola dos sistemas de saúde das CCAA.
  • Acordo retributivo do persoal dos Puntos de Atención Continuada (PACs). Acordo que castiga ao persoal médico e de enfermaría a percibir o 80% da contía retributiva de noites e días festivos.
  • Carreira profesional. A proposta que o SERGAS presentou na mesa sectorial é discriminatoria e restrictiva.

Por todo isto, CIG-SAÚDE esixe a convocatoria inmediata da mesa sectorial do SERGAS para abordar a recuperación dos acordos asinados e suspendidos, e a negociación dunha carreira profesional sen discriminación e cun sistema de encadre que sitúe a cada profesional no grao que lle corresponde.

Non ten ningunha xustificación que o goberno do Sr Feijoo e a Consellaría de Sanidade sigan a discriminar ao persoal do SERGAS, condenándoos a ter as retribucións máis baixas en comparación co resto dos servizos de saúde, e tamén co resto das/os traballadoras/es da Función Pública Galega.

Agardamos recibir a devandita convocatoria á maior brevidade posible.

 

Atentamente.

Compostela, 16 de maio de 2018.

Asdo: Mª Xosé Abuín Álvarez

Secretaria Nacional de CIG-SAÚDE.

Miles de persoas toman Compostela en defensa da sanidade pública

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

 

imaxe 5

imaxe

 

Exixen a retirada do proxecto de modificación da Lei Galega de Saúde e o desenvolvemento da Lei de 2008

 

mani 4 febreiro

Miles de persoas percorreron as rúas da capital de Galiza para manifestar o seu rexeitamento ao proxecto de modificación da Lei Galega de Saúde e en demanda de que se desenvolva a existente desde 2008. Na mobilización, convocada pola Plataforma SOS Sanidade Pública, exixiuse ademais que se poñan os medios para cumprir os prazos que estipula o Decreto Lei de Garantías das prestacións sanitarias e a apertura dun proceso de negociación para abordar as consecuencias do deterioro do sistema sanitario público galego, polos recortes e privatizacións.

imaxe 6

Persoal sanitario, doentes, plataformas das áreas sanitarias afectadas polo desmantelamento dos hospitais comarcais e miles e miles de usuarios e usuarias da sanidade pública galega desprazáronse este domingo a Compostela para defender o sistema sanitario público e universal.

En nome da plataforma Isabel Risco, que foi a encargada de ler o manifesto, e posteriormente o seu portavoz, Manuel Martín, agradeceron ao persoal sanitario o seu labor por garantir, malia os recortes, unha asistencia sanitaria de calidade.

Ver Galería de fotos en Avantar.

Reproducimos, de seguido, o manifesto.

Ler máis

SOS Sanidade Pública. Concentración nas comarcas o 24 de xaneiro.

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Están convocadas polas plataformas de SOS Sanidade Pública en todas as comarcas concentracións para o 24 de xaneiro de 2018.

Non a esta lei de saúde.

 

CIG-SAUDE-Mani-4Febreiro-v3

 

 

 

 

Aquí estamos e con vós seguiremos na loita

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

2017-11-03 folga concentracion SERGAS 015

Persoal do Sergas concéntrase diante da Consellaría de Sanidade en demanda da recuperación dos acordos suspendidos 

Dende a CIG-Saúde exixen que se negocie un calendario na mesa sectorial

Persoal do Sergas concentrouse esta mañá, coincidindo coa segunda xornada de folga, diante da consellaría de Sanidade para exixir a recuperación dos seus dereitos laborais e salariais, suspendidos desde o ano 2010. Ao remate da mobilización a CIG-Saúde, convocante da folga, fixo entrega dun escrito no que se resumen todas as súas demandas.

ENLACE Á PÁXINA DA CIG COA NOVA COMPLETA

 

A CIG-Saúde prevé o peche dunhas 1.200 camas durante o verán nos hospitais galegos

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

No Meixoeiro o número de camas pechadas superará o das abertas.

A CIG-Saúde denuncia que as xerencias das Áreas Sanitarias comezaron xa a comunicar o número de camas que teñen previsto pechar durante os meses de verán que, como en anos anteriores, chega nalgúns casos a estenderse até o mes de outubro.

Con todo, para a secretaria nacional de CIG-Saúde, María Xosé Abuín, é especialmente rechamante que na área sanitaria de Vigo, “unha das que ten as máis longas listas de agarda, se manteña o Hospital do Meixoeiro case desmantelado, con unidades pechadas permanentemente e que agora se incrementa co peche das unidades que están en activo”.

De feito neste centro hospitalario, que ten un total de 343 camas, o número das pechadas vai ser maior que o das que van permanecer abertas, que serán só 163 (o 47,52%). “Coa demanda asistencial desta área sanitaria é unha irresponsabilidade tomar esta decisión, como xa o foi a de non volver a abrir 60 camas de cirurxía desde a posta en funcionamento do Álvaro Cunqueiro”.

Para a CIG-Saúde estamos diante dun “peche patronal no que o conselleiro, que actúa como Xerente desta empresa, só utiliza o argumento de que isto vén motivado polas vacacións do persoal”. Fronte a isto, Abuín lembra que “as traballadoras e traballadores só gozamos dun mes de vacacións, non catro, e que só ten que mirar o número de persoas que están inscritas nas listaxes de contratación para comprobar que hai relevo abondo para contratar en ausencia do persoal que marcha de vacacións”.

Para a CIG-Saúde, se no se pecharan camas e se contratara a este persoal estariamos mellorando, aínda que sexa temporalmente, os datos de desemprego, facilitando que, cando menos, este persoal puidera ter un contrato de catro meses. “Deste xeito garantiríase ademais que as e os doentes reciben a atención adecuada no prazo prescrito en función da súa patoloxía”.

A secretaria nacional de CIG-Saúde asegura que “non hai razóns técnicas nin asistencias que xustifiquen este peche dado que nin o propio conselleiro non é capaz nin de esgrimilas”. Porén, denuncia que “ao final do verán asistiremos a unha nova publicación dos datos das listas de agarda o suficientemente maquilladas como que pareza que malia este peche melloran”.

A noticia en Avantar

Información da reunión da Mesa Sectorial extraordinaria celebrada o día 30 de marzo de 2017

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informaÚnico punto da orde do día: Plan de Estabilidade de emprego no SERGAS.

Nesta reunión produciuse un debate interesante entre o contido do plan de estabilidade que presenta o SERGAS e o acordo asinado onte na mesa de función pública do estado (acordo que a CIG non asinou):

A directora de RRHH explicou, que o Plan de Estabilidade do SERGAS xa contiña moitas das materias recollidas no acordo de Madrid, tales como:

  • O acordo de Madrid ao igual ca o do SERGAS só fala das vacantes producidas desde o ano 2012, as producidas desde o 2010 fixéronas desaparecer.
  • O acordo de Madrid recolle unha taxa de reposición do 100% das vacantes producidas no ano anterior, como recolle a lei de orzamentos desde o ano 2016. Tamén recolle, que se a lei de orzamentos o permite esta taxa se podería incrementar. O plan do SERGAS recolle que as convocatorias de OPE se realizarán coa máxima taxa que permita a lexislación estatal.
  • A directora de RRHH do SERGAS nega a existencia de 7.660 prazas vacantes no SERGAS (que era o que se recollía no borrador inicial do acordo de Madrid), di que nestas prazas están computadas toda a media anual das acumulacións de tarefas do SERGAS, incluídas as acumulacións de tarefas que se fan para a cobertura de vacacións, reforzos, e outras ausencias do persoal. O acordo asinado onte en Madrid xa non engade ningún anexo de persoal, o que se presentou xunto co borrador tamén desapareceu.
  • Con respecto ao que recolle o acordo de Madrid, páxina 3 do documento de acordo, referente a que as prazas que se oferten á promoción interna non computarán aos efectos da taxa de reposición, isto ten trampa: Na normativa do SERGAS, Decreto 206/2005 de provisión e selección, recóllese que as prazas ofertadas na OPE pola quenda de promoción interna e non cubertas, sumaranse ás prazas convocadas pola quenda de acceso libre. Mais no total as prazas ofertadas nas dúas quendas non pode superar o 100% da taxa de reposición. Normativa básica do estado. Se o SERGAS aplicase o criterio do acordo de Madrid, e as prazas da promoción interna no computasen para a taxa de reposición, as prazas de OPE que non se cubriran por esta quenda, non se poderían sumar ás prazas convocadas pola quenda libre. Unha enleada.

No referente ao Plan de Estabilidade, non aceptaron ningunha das nosas alegacións.

  • O Plan só fala das vacantes producidas desde o ano 2013, as producidas nos anos 210/11/12 desapareceron.
  • Séguense negando a entregarnos os censos de persoal que lle reclamamos en todas as reunións:
    • Censo de persoal interino por área sanitaria, categoría e especialidade.
    • Censo de acumulacións de tarefas, de duración superior a un ano, por área sanitaria, categoría profesional e especialidade.
  • No referente as 400 prazas de acumulación de tarefas que recolle o plano para converter en vacantes no ano 2017, a directora de RRHH nun arrebato de sinceridade, comentou que maioritariamente serán de FEAS, tamén algunha de enfermeira.
  • No referente á comisión de seguimento que recolle o Plan de Estabilidade, coa única función de facer un seguimento de que o SERGAS cumpre o seu calendario, manifestamos que para a CIG-SAÚDE esta é unha comisión sen sentido ningún, xa que a competencia de negociar selección e provisión de prazas é da Mesa Sectorial.

O Plan vai ser aprobado por algunhas centrais sindicais. Quedaron en enviarnos a acta de fin de negociación.
Desde CIG-SAÚDE seguimos a reclamar

  • Que se elimine a fórmula de computo da taxa de reposición, para que o SERGAS poida convocar todas as prazas vacantes des o ano 2010. Como mínimo 2.652 prazas, máis as 805 prazas vacantes producidas por xubilación no ano 2016.
  • Que o SERGAS negocie de boa fe, facendo entrega na Mesa Sectorial dos anexos de persoal con todas as prazas vacantes, cubertas por persoal interino, servizos determinados e acumulacións de tarefas de máis dun ano de duración.

Isto si que sería un verdadeiro Plan de Estabilidade que permitise rematar coa precariedade laboral, e coa destrución de emprego na Sanidade Pública.

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto