Noticias Sanidade Pública
 
 

CIG-SAÚDE manifesta a súa desconformidade coa aplicación que o SERGAS está a facer dos acordos recollidos na ACTA DE FIN DE FOLGA DOS PACs, de data 17/07/2019.

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informa

Entendemos que a Administración, coas prazas que vai dotar no orzamento do ano 2020, non está a cumprir o recollido nos puntos 4 e 5 da ACTA do devandito acordo.

ACTA DE ACORDOS:

Punto 4.- Dotación de Persoal
A administración, previa revisión dos plan funcionais, atendendo a diferentes parámetros crearaá as prazas necesarias para poder realizar unha adecuada asistencia de calidade nos PACs.

Punto 5.- Equipos Completos
Estudo no ano en curso para solventar o déficit de persoal de enfermaría, priorizando inicialmente aqueles PACs onde exista un único efectivo de enfermeira.

Este é o incremento de persoal que vai facer o SERGAS en aplicación dos dous puntos anteriores. Que nalgunha área sanitaria non cubre as necesidades de persoal recoñecidas polas propias xerencias.
Estas prazas están incluídas nos orzamentos 2020, polo que a autorización de cobertura producirase a partires do 1 de xaneiro de 2020.

Creación de novas prazas nos PACs:   7 médicos/as, 16 enfermeiros/as

Xerencia

Médicos/as

Enfermeiros/as

Coruña

2

2

Santiago

1

1

Lugo

1

2

Ourense

1

3

Vigo

1

2

Pontevedra

1

3

Ferrol

 

3

Indemnización por manutención.

Desde CIG-SAÚDE tamén esiximos o cumprimento deste punto, na acta de acordos recóllese abonar dúas dietas de manutención na contía do acordo 2008/12. Acordo incumprido polo SERGAS, nomeadamente na xerencia de Ourense. O SERGAS quedou en volver pensalo e darnos unha resposta.

Uniformidade.

O SERGAS vai facer entrega no mes de xaneiro de dous equipos de protección individual a cada traballador/a de PACs, cunha ficha técnica que recolle as características do equipo.

Unha vez clarificado no debate a diferencia entre un uniforme e un equipo de protección individual, e tendo manifestado o persoal de PACs que o uniforme non se adapta ás condicións da prestación de traballo que realizan, desde CIG-SAÚDE solicitamos que desde a dirección xeral de asistencia sanitaria se faga un estudo para a correcta dotación dos uniformes nos PACs.

CIG-SAÚDE demanda que as acordos son para cumprilos co compromiso co que foron acadados, e non para facer interpretacións restritivas na súa aplicación.

UNHA VEZ MAIS O SERGAS VENDENDO FUME

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informa

O pasado venres 13 de decembro, o SERGAS anunciou en todos os medios que se aprobara na Mesa Sectorial de Sanidade unha oferta de emprego para a incorporación de 1057 novas prazas.

Que non te enganen, esas prazas son as prazas vacantes que xa se ofertaron nas ofertas de emprego dos anos 2018 e 2019.

O que se aprobou na Mesa Sectorial do día 13 de decembro foi a convocatoria do proceso selectivo das prazas do seguinte cadro.

CATEGORÍAS

PRAZAS QUE SE VAN CONVOCAR

OFERTAS DE EMPREGO

2018

2019

FEAS (39 especialidades)

416 prazas

331

85

MUH

69 prazas

65

4

MÉDICO/A ASISTENCIAL 061

3 prazas

3

 

MÉDICO/A ADMISIÓN

2 prazas

2

 

LOGOPEDA

4 prazas

4

 

TERAPEUTA OCUPACIONAL

5 prazas

5

 

TER

63 prazas

38

25

TEL

104 prazas

79

25

TEAP

41 prazas

25

16

TÉCNICO/A RADIOTERAPIA

11 prazas

8

3

HIXIENISTA DENTAL

10 prazas

10

 

TÉCNICO/A FARMACIA

76 prazas

51

25

COCIÑEIRO/A

24 prazas

 

16

PINCHE

229 prazas

159

70

Non é unha nova oferta de emprego

Que non te vendan esas prazas tres veces

Hai que eliminar a taxa de reposición

Hai que consolidar as prazas cubertas durante anos con contratos precarios

Pola creación de emprego estable e de calidade

Non á precariedade laboral

A CIG-Saúde traslada o seu apoio á loita en defensa dos servizos públicos no hospital de Verín

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIGSAUDElogo

Amosa o seu rexeitamento ás políticas sanitarias do PP “que vulneran os dereitos sexuais e reprodutivos das mulleres”

A federación de Saúde da CIG trasladou hoxe publicamente o seu apoio ás mulleres que están a defender os servizos públicos do hospital de Verín “para ter dereito a unha asistencia sanitaria pública de calidade e de proximidade”. Dende a central rexeitan o peche do servizo de maternidade hospitalaria e denuncian as políticas sanitarias do PP “que vulneran os dereitos sexuais e reprodutivos das mulleres”.

Na CIG-Saúde entenden que ningunha persoa pode ser penalizada no acceso á sanidade pública polo seu lugar de residencia, ao tempo que esixen que os orzamentos sanitarios vaian dirixidos a dar cobertura integral ao programa da muller. Neste senso, inciden en que a falta de profesionais non pode ser unha escusa para desmantelar a sanidade pública. “Se non hai profesionais é responsabilidade dos xestores sanitarios, nomeadamente do actual xerente da área sanitaria de Ourense, que durante a súa etapa de director xeral de Asistencia Sanitaria dedicouse a amortizar prazas de profesionais”.

Por todo isto, dende a CIG-Saúde fan un chamamento a todas as mulleres a participar nas mobilizacións convocadas para este mércores día 4 de decembro. “Os recortes sanitarios nas prestacións que afectan ás mulleres son unha agresión a todas, e todas debemos respostar contundentemente contra elas”.

Compostela, 4 de decembro de 2019.

Asdo: Mª Xosé Abuín Álvarez.

Secretaria nacional de CIG-SAÚDE.

MATRONA, A CATEGORÍA OLVIDADA NA ATENCIÓN PRIMARIA

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informa

Esiximos a inmediata negociación do réxime xurídico e do sistema retributivo de Matronas de Atención Primaria.

No ano 1993 publicouse o Decreto, do 29 de xullo, de Ordenación da Atención primaria en Galiza, que regula as retribucións de todo o persoal de Atención Primaria, EXCEPTO as Matronas. Recolle na disposición transitoria cuarta que “O consello da Xunta de Galiza regulará o réxime xurídico e retributivo das prazas de enfermeira obstétrico-xinecolóxicas”.

 

26 ANOS DESPOIS a Consellaría de Sanidade non tivo tempo de presentar ningunha proposta de réxime xurídico e retributivo para este colectivo.

Por que será?

Será por que todo o relacionado coa saúde da muller ocupa un papel secundario?

 

 

QUE CONLEVA ESTA SITUACIÓN?

Un sistema retributivo baseado nun mapa sanitario do ano 1989 que non recolle a poboación actual dos concellos.

Un sistema retributivo que condena ás matronas a perdas retributivas de mais de 100€ mensuais cando cambian de concello, aínda que teñan mais tarxetas sanitarias.

Un sistema retributivo que non recoñece os conceptos que se pagan a outros colectivos: número de tarxetas sanitarias, dispersión, illamento... A prestación de servizo en diferentes concellos con importante distancia entre si.

Un sistema retributivo inxusto, que non recoñece a carteira de servizo actual que realizan, é dicir as prestacións sanitarias que prestan.

Unha disfuncionalidade entre a prestación de servizo e as retribucións, xa que a poboación dos concellos mudou moito dende o ano 1989, e que se agrava ao non ter desenvolvido o pago de TIS.

Que non teñen un ratio de mulleres a atender por Matrona.

Pero ADEMAIS

As necesidades de material das consultas de Matronas quedaron fóra do plano de dotación que se está a facer na Atención Primaria.

Algunhas das padiolas de exploracións son tan arcaicas que parecen de museo, e dificultan enormemente o traballo a realizar nas exploracións ás mulleres.

Lamentamos que dos 8 millóns de euros que a Consellaría de Sanidade di que está a destinar á dotación de material, ninguén se lembrase de recoller as peticións das matronas.

A CONSELLARÍA DE SANIDADE ten obriga de rematar con estes 26 anos de penalización.

CIG-Saúde esixe á Consellaría de Sanidade que aposte de verdade pola Atención Primaria

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIGSAUDElogo

O SERGAS non pode desprezar o traballo de máis de 250 profesionais da sanidade publica nin seguir a dar voltas sen tomar medidas concretas que melloren a situación crítica da Atención Primaria.

Na actualidade máis de 250 profesionais da sanidade publica están a traballar en diferentes comisión creadas desde o Consello Técnico de Atención Primaria, persoas que de forma desinteresada están a por o seu tempo e coñecemento ao servizo da sanidade pública.

O único interese é a súa aposta por un novo modelo de atención primaria que de resposta ás necesidades de saúde da poboación de Galiza. E remate coa  situación laboral que soportan.

Por iso, desde CIG-SAÚDE non entendemos as presas da Consellaría de Sanidade en publicar o traballo encomendado a un “GRUPO DE EXPERTOS EN ATENCIÓN PRIMARIA”, denominados así pola consellaría, como se as/os profesionais da sanidade pública non merecesen con maiúscula ser cualificados como EXPERTAS/OS.

Como afirma a Consellaría de Sanidade, o grupo de expertos creouse por acordo entre a Consellaría, os Colexios Profesionais e as sociedades científicas. CIG-SAÚDE agarda que estes amosen o mesmo respecto e interese polo traballo que están a facer os expertos da sanidade pública nas comisión de traballo.

No referente ás conclusións do “GRUPO DE EXPERTOS EN ATENCIÓN PRIMARIA” CIG-Saúde quere manifestar que é posible que se a Consellería de Sanidade escoitara máis non necesitaría grupos de expertos:

O GRUPO DE EXPERTOS

Denuncias CIG-SAÚDE

A primaria ten pouca autonomía de xestión.

O modelo organizativo das EOXIs acabou coa capacidade de decisión da atención primaria.

Xestionar a relación co hospital.

A atención primaria ten que deixar de ser a subordinada da atención hospitalaria.

Unha dirección executiva con orzamento propio.

Creación da xerencia de atención primaria, para que esta poida desenvolver a súa capacidade asistencial, con orzamento propio.

Ampliar o traballo en equipo. O traballo en equipo sempre funciona.

Desenvolver a carteira de servizos de todos os colectivos, recuperar o traballo en equipo e incorporar as categorías profesionais que faltan.

Cubrir máis do 100% das prazas.

Eliminar a taxa de reposición, cobertura do 100% das prazas. Negociar na mesa sectorial un plano de Ordenación de RRHH para identificar as necesidades e por solucións.

 

Algunhas das conclusións que se recollen no traballo do grupo de expertos son as mesmas que, dende o ano 2010, vimos denunciando desde a CIG-SAÚDE e desde outras organizacións.

Hai outras conclusións, como a eliminación dos Puntos de Atención Continuada (PACs), que cuestionan o modelo de Atención Primaria que defendemos e que suporían un importante paso atrás tanto para as e os profesionais como para o servizo que se presta á cidadanía.

Reiteradamente, vimos denunciando o desmantelamento da atención primaria, a falta de orzamento, a súa subordinación aos obxectivos hospitalarios. E o mais grave, a eliminación de postos de traballo coa amortización de prazas nos últimos anos.

Tamén vimos denunciando que no ano 2020 vanse producir un número importante de xubilacións de persoal facultativo, das/os que na actualidade están a prorrogar a súa vida laboral e que no próximo ano cumpriran 70 anos, disto ninguén fala, pensan que ocultando o dato vaise solucionar por si só.

A Consellería de Sanidade, se quere demostrar que aposta pola Atención Primaria, ten que:

  • Modificar os orzamentos presentados e incrementar a cantidade dedicada á Atención Primaria para dar cumprimento ás propostas dos grupos de traballo.
  • Modificar o Decreto que regula as Areas Sanitarias e os Distritos Sanitarios para crear unha verdadeira estrutura de xestión da Atención Primaria.
  • Negociar un verdadeiro plano de Ordenación de RRHH que de resposta ás necesidades actuais e futuras de tódalas categorías da nosa Atención Primaria.
  • Crear prazas novas nos Centros de Saúde que viven situacións máis críticas, en cantidade suficiente para que repercuta no tempo da atención e na calidade asistencial.

Se a Consellería de Sanidade non toma estas medidas de xeito inmediato, CIG-Saúde continuará denunciando a situación e presionando para que o faga.

CIG-Saúde esixe a recuperación salarial e a clasificación profesional, para todas as categorías, segundo o artigo 76 do Estatuto Básico da/o Empregado Público.

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

 

cig informa

Orzamentos Xerais do Estado 2020.

CIG-Saúde esixe a recuperación salarial e a clasificación profesional, para todas as categorías, segundo o artigo 76 do Estatuto Básico da/o Empregado Público.

Todos os grupos políticos do estado afirman ser os defensores da sanidade pública e das/os súas/seus traballadoras/es, máis ningún ten un proxecto para devolvernos os nosos salarios e os postos de traballo amortizados desde o ano 2010.

Seguemos a estar sen proposta salarial para recuperar os recortes do ano 2010, sen plano de emprego que anule a taxa de reposición, e sen a reclasificación profesional pendente desde o ano 2007.

Desde CIG-SAÚDE, un ano máis, cando haxa “novo goberno” e “ministra/o das Administracións Públicas”, imos presentar na mesa xeral de empregadas/os públicos do estado as seguintes propostas:

Eliminación da taxa de reposición:

O goberno do estado ten que por fin aos límites nas ofertas de emprego público.

 

Recuperación, para todos os colectivos, do 5% recortado no ano 2010.

 

Recuperación do 100% do soldo base e dos trienios nas pagas extras:

A1. Ten que recuperar o 46.3%

A2. ten que recuperar o 32.8%

C1. Ten que recuperar o 17%

C2 .Ten que recuperar o 1.3%

 

Clasificación profesional e pago das retribucións correspondentes. (Pendente desde o ano 2007)

Estatuto Básico da/o Empregada/o Público: Artigo 76. Grupos de Clasificación profesional

Clasificación profesional

Retribución que corresponde

Grupo A.

Dividido en dous Subgrupos:

 A1 e A2

Adaptar o soldo base e os trienios á nova clasificación.

Negociación do resto de complementos.

Grupo B.

Técnico Superior de Formación Profesional

Soldo base: 889.68 €

Trienios: 32.41 €

Grupo C1.

TCAES.

Técnicos F.P. Grao Medio.

Soldo base: 764.19 €

Trienios: 27.95 €

Grupo C2.

Graduado en Educación Secundaria Obrigatoria.

Agrupacións Profesionais.

Soldo base: 636.01 €

Trienios : 19.02 €

       

A estas cantidades seranlle de aplicación os incrementos salariais que se produzan no ano 2020.

CIG-SAÚDE  vai esixir que todas as categorías de persoal do SERGAS se inclúan na clasificación profesional do  Artg.  76 do EBEP.

Non podemos ter grupos profesionais fora desta clasificación.

Reivindicacións de CIG-Saúde para os orzamentos 2020

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIG-Saúde vén de remitir a todos os grupos políticos do Parlamento galego as súas reivindicacións para os orzamentos da Xunta de Galiza para o ano 2020.

 

Á/A dos grupos políticos do parlamento.

Desde a CIG-SAÚDE dirixímonos a Vdes. para trasladarlles as nosas inquedanzas sobre os orzamentos da Xunta de Galiza para o ano 2020. E solicitar que as nosas propostas sexan recollidas nas  emendas que a súa organización presente ao texto dos orzamentos. Quedamos á súa disposición para poder ampliar a información sobre os temas que presentamos.

Atención primaria:

.- Solicitamos a recuperación da estrutura directiva de atención primaria, unha xerencia de atención primaria que dea resposta ás demandas asistenciais deste nivel de asistencia.

.- A dotación dun orzamento específico para atención primaria.

.- Incorporación da categoría de Psicólogas/os Clínicos, Terapeutas ocupacionais, Logopedias e Podólogos neste nivel de asistencia.

Cadro de persoal.

.- A incorporación dun sistema identificativo de prazas, que permita coñecer, con exactitude e por EOXIs, o cadro de persoal do SERGAS: persoal fixo, interino, persoal eventual, prazas vacantes, prazas amortizadas...

Retribucións do Persoal Estatutario.

.- Os orzamentos do ano 2020 teñen que permitir a recuperación dos acordos do persoal estatutario do SERGAS suspendidas desde o ano 2009.

A suspensión destes acordos colocan ao persoal do SERGAS á cola das retribucións do persoal da Xunta de Galiza, equiparando as nosas retribucións co persoal da Administración autonómica que traballa en quenda de maña e en horario de luns a venres, e sen ter en conta a nosa prestación os 365 días do ano, as 24 hs do día.

Creación da Categoría de:

.- Persoal facultativo de HADO.

.- Persoal investigador estatutario. Este persoal leva pendente da creación da súa categoría desde o ano 2007.

Creación da Subdirección xeral de Enfermaría na estrutura da Dirección Xeral de Asistencia Sanitaria.

A xestión excelente ha de promover estratexias para o exercicio profesional desde a calidade técnica, científica e humana. Todo isto e outros aspectos relacionados coa profesión enfermeira é o que se denomina “Xestión Enfermeira” que é a aplicación da xestión aos coidados e á organización dos mesmos, xestionados desde diversos ámbitos e niveis, en áreas de maior amplitude, como a que se debería levar a cabo nos postos de direccións do Servizo Galego de Saúde.

Por todo isto, desde a CIG-SAÚDE propoñemos un cambio na estrutura directiva da Dirección Xeral de Asistencia sanitaria. Solicitamos que se cree a Subdirección Xeral de Enfermaría.

Eliminación da taxa de reposición e plano de emprego. 

A taxa de reposición creada no ano 2010 e vixente na actualidade, está a consolidar a precariedade laboral no SERGAS, mais de 5.000 prazas estruturais cubertas con persoal eventual.

Solicitamos a desaparición da taxa de reposición e a negociación dun plano de emprego que posibilite a recuperación dos postos de traballo e remate coa precariedade laboral.

Carreira profesional.

Nos orzamentos do ano 2020 incluirase o acceso, ao grao I retribuído, do persoal interino e do persoal  fixo con posterioridade ao 1 de xullo de 2018.

Compostela, 28 de outubro de 2019.

Asdo: Mª Xosé Abuín Álvarez.

Secretaria Nacional de CIG-SAÚDE

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto