Noticias Sanidade Privada
 
 

Convenio colectivo sanidade privada de A Coruña

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informa

Hoxe vén de publicarse no Boletín Oficial da Provincia de A Coruña o convenio colectivo do sector de  "Establecementos sanitarios de hospitalización, asistencia, consulta e laboratorios de análises clínicos" da provincia de A Coruña.

Descarga PDF

Rexeitan a entrega do 'Vigueses distinguidos' ao dono de Povisa por despedir 80 persoas e precarizar as condicións laborais

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Na CIG-Saúde pregúntanse cales son os méritos de José Silveira Cañizares que o fan merecedor desta distinción

A CIG-Saúde de Vigo vén de amosar o seu rexeitamento á entrega do título de 'Vigués dinstinguido' a José Silveira Cañizares, propietario do hospital privado Povisa. Dende a federación lembran que o empresario despediu máis de 80 traballadores/as dende 2009 e precarizou as condicións laborais no hospital viguésm, polo que din non entender cales son os méritos que xustifican esta distinción.

Dende a CIG-Saúde din non entender como é posíbel que se lle faga esta distinción a unha persoa que ten despedido máis de 80 traballadoras/es desde o ano 2009, ademais de reducirlle a xornada a 35 horas a todo o colectivo de auxiliares de hospitalización, limpadoras/es, celadores/as e administrativos/as.

Ademais, lembran que en os salarios do persoal do centro médico permanecen conxelados dende o 2011, ao tempo que ten aumentado a carga de traballo e fixado quendas penosas especialmente no colectivo de auxiliares (TECAES). Tamén subcontratou o servizo de limpeza tras despedimento de 27 limpadoras/es. “En definitiva, esta persoa é responsábel do empeoramento das condicións de traballo, incrementando a precariedade laboral na empresa”.

Ao mesmo tempo, dende a central denuncian que todo isto sucede mentres o consello de administración de Povisa subiuse o salario un 74.91% no ano 2010, un 13.02% en 2012, un 0.37% en 2013 e un 10.75% en 2015, segundo datos do Rexistro Mercantil.

Diante disto, dende a CIG-Saúde pregúntanse que é o que lle debe a veciñanza de Vigo para que se lle conceda tal distinción e consideran que “hipotecar o desenvolvemento da sanidade pública da área sanitaria precarizando as condicións de traballo do seu persoal non debera ser obxecto de ningunha distinción”.

A noticia en Avantar

O persoal da sanidade privada concéntrase diante da Rosaleda en demanda dun convenio digno

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
Teñen previstas novas mobilizacións o día 3 de outubro no Hospital Modelo, na Coruña e o 17 no Juan Cardona de Ferrol
Persoal da sanidade privada concentrouse este mércores diante do hospital da Rosaleda, en Compostela, en demanda de que a patronal sente a negociar “un convenio xusto”. As traballadoras e traballadores desprazáronse desde alí en manifestación até o Parlamento de Galiza onde deron por finalizada a xornada de mobilización.

IMG-20160921-WA0003A patronal da sanidade privada sentouse a negociar un convenio colectivo, pero segundo denuncian, a súa proposta inicial “xa descartaba calquera modificación ou mellora das condicións laborais reguladas polo mesmo”.

A isto engaden que xunto a isto, a patronal demandaba unha vixencia do convenio de tres anos, “hipotecando as condicións laborais dos traballadores  e traballadoras durante este tempo”.

Aseguran que transcorridos “meses e meses” a patronal segue a rexeitar calquera iniciativa que supoña un avance nas condicións de traballo, pretendendo manter ás traballadoras  e traballadores “sen ningunha mellora nin laboral nin salarial durante o máximo tempo posíbel”.

Denuncian ademais que a patronal”obstaculiza a negociación” do convenio colectivo, “ao negarse unha e outra vez a mover as súas posicións, falseando o proceso e converténdoo nun paripé”.

Por iso anuncian que continuarán coas mobilizacións até conseguir un cambio de actitude da patronal e que haxa unha negociación real.

As próximas concentracións serán:

-    Día 3 de outubro, ás 12 horas, concentración no Hospital Modelo da Coruña.

-    Día 17 de outubro, ás 12 horas, concentración no Hospital Juan Cardona de Ferrol.

De igual xeito, as centrais sindicais entenden que a Consellería de Sanidade tamén debería comprometerse neste proceso “instando a patronal a unha negociación real, posto que cando a Consellería concerta servizos sanitarios públicos cos centros sanitarios privados, tamén asume  as responsabilidades políticas que deriven das condicións laborais ás que se somete ao persoal destes centros”.

A noticia en Avantar

CIG, UGT e CCOO iniciarán mobilizacións se a patronal da sanidade privada segue a obstaculizar a negociación do convenio

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
O convenio regula as condicións das traballadoras e traballadores do sector na provincia da Coruña
Dende primeiros de ano estase a negociar o Convenio da Sanidade Privada da provincia da Coruña. Durante o curso da negociación, explican dende CIG-Saúde, CCOO e UGT, a parte sindical foi modificando a súa proposta inicial, “facendo importantes concesións en aras de conseguir avances e acordos. Non obstante, en ningún momento observamos esta mesma disposición por parte da patronal".
Protesta Sanidade privada en A Coruña

De feito, engaden, a patronal sentou a negociar un convenio colectivo, pero a súa proposta inicial “xa descartaba calquera modificación e/ou mellora das condicións laborais reguladas polo mesmo”. Só ofertaba “a esmola” dun incremento salarial dun 0,625% “e iso si, demandaba  unha vixencia do convenio de tres anos, hipotecando así as condicións laborais dos traballadores/as durante este tempo”.

A representación sindical de CIG-Saúde, UGT e CCOO acudirá a reunión coa patronal prevista para este martes “co mesmo espírito de diálogo” co que acudiu a  todas as reunións previas. “Pero despois de meses e meses sen que se producira ningún avance por parte da patronal, que mesmo obstaculizan a negociación, se nesta reunión continúa sen mover a súa proposta inicial, conducindo a situación a un punto insostíbel, as organizacións sindicais que forman parte da Mesa Negociadora teñen acordado realizar mobilizacións coa fin de impulsar este proceso negociador”, aseguran.

As organizacións sindicais consideran que a Consellería de Sanidade debería comprometerse neste proceso “instando a patronal a unha negociación real, posto que cando a Consellería concerta servizos sanitarios públicos cos centros sanitarios privados, tamén asume  as responsabilidades políticas que deriven das condicións laborais ás que se somete ao persoal destes centros”.

De non producírense avances, o calendario de mobilizacións acordado comezaría o próximo mércores, 21 de setembro.

A noticia en Avantar

A CIG volve ser a forza máis votada nas eleccións sindicais celebradas no hospital Povisa de Vigo

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
A central nacionalista logrou seis delegados/as no comité de empresa
 
A CIG volveu gañar as eleccións sindicais celebradas no hospital Povisa de Vigo, sendo a forza máis votada cun total de 275 votos. Deste xeito, a central nacionalista contará con seis representantes no comité de empresa do centro médico privado.

As eleccións sindicais celebradas onte no hospital vigués Povisa volveron rexistrar unha vitoria da CIG, que con 275 votos foi a forza máis votada, por diante do sindicato médico Omega, con 213 apoios. Así, a central contará con seis representantes no comité de empresa, por cinco de Omega.

A continuación situouse CCOO con 193 sufraxios e catro delegados/as, os mesmos que o sindicato de enfermeiros/as Unenf, aínda que con 176 votos. A coalición entre a CGT e o SGPS sumou 147 apoios e tres representantes, mentres que a USO logrou 54 votos e un delegado/a. A UGT, con 23 sufraxios, fica sen representación.

Por colexios, a CIG logrou tres delegados/as en cada un deles (técnicos/as e administrativos/as e especialistas e non cualificados/as), mentres que tanto Omega como Unenf conseguiron os seus representantes unicamente no colexio de técnicos/as e administrativos/as.

CCOO tamén repartiu a súa representación con dous delegados/as en cada colexio e a coalición CGT-SGPS logou un en técnicos/as e dous en especialistas. Deste último colexio tamén saíu o representante da USO.

Finalmente, dende a CIG agradeceron o apoio recibido por parte dos empregados/as do hospital e reiteraron que seguirán a opoñerse a que se negocie un convenio colectivo distinto para o persoal fixo e para o eventual. “A nosa aposta é por un convenio digno único para todos os traballadores/as”, rematan.

Convenio Colectivo Sanidade Privada (Lugo) 2008-2016

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Convenio Colectivo da Sanidade Privada da provincia de Lugo, publicado o pasado 14 de abril.

Concentración solidaria folga de fame Povisa

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

FOLGA FAME POVISA

O vindeiro mércores día 25 ás 11h diante do Parlamento de Galiza terá lugar unha concentración en solidariedade coa loita que están levando a cabo @s compañeir@s de POVISA cunha folga de fame, exixindo a readmisión das 13 persoas despedidas pola empresa, nunha campaña de represión e de merma das condicións laborais que dura xa varios anos.

Desde CIG-Saúde queremos salientar que se POVISA é culpábel, a Consellaría de Sanidade é responsábel de que este conflito chegara a esta situación, e das consecuencias que poida ter de futuro. Mais desde a Consellaría de Sanidade despois de 12 días de folga de fame dest@s compañeir@s, non fan absolutamente nada, non moven un dedo, porque consideran que as condicións laborais que agora se están a impoñer en POVISA son as que debería ter todo o persoal do SERGAS. Para esta Consellaría a situación que hoxe viven as traballadoras e traballadores de POVISA, é a folla de ruta para o futuro do persoal do SERGAS.

Non consintamos a represión de POVISA! Non consintamos os despedimentos! Non consintamos o endurecemento das condicións laborais! POVISA solución!!!

APOIA AS TRABALLADORAS E TRABALLADORES DE POVISA EN FOLGA DE FAME

CONCENTRACIÓN MÉRCORES DÍA 25 DE MARZO - 11H - PARLAMENTO DE GALIZA

María Xosé Abuín: “Á Consellaría de Sanidade non lle importa a vida das persoas”

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

povisa

A CIG-Saúde exixe a inmediata intervención do SERGAS no conflito de Povisa para garantir unha sanidade de calidade e o dereito a unhas condicións de traballo dignas

A CIG-Saúde denuncia que a intransixencia de Povisa no conflito que está a manter polos despedimentos de 13 traballadores/as está avalada pola consellaría de Sanidade. María Xosé Abuín, secretaria nacional, asegura que “nin obriga á empresa a dar unha solución a este conflito, nin lle exixe que deixe de despedir persoal para manter unha ratio traballador doente que garanta unha boa calidade na asistencia”. Abuín acusa ao SERGAS de culpar á poboación e aos traballadores/as desta situación.

A secretaria nacional de CIG-Saúde denuncia que para a consellaría de Sanidade a única responsabilidade que ten o director de Povisa é aumentar os beneficios empresariais a cargo do concerto económico financiado con diñeiro público. “Todo isto pon de maAhv ZK2HnTXNc3YFyHMS 0WxAIDvOvnxJdJGxCdzdoiMnifesto que a única preocupación do PP en Galiza é seguir destruíndo emprego e mentirnos dicindo que se están a crear postos de traballo cando non son quen sequera de manter os actuais”.

No que se refire á asistencia sanitaria que se presta en Povisa “dálles igual a calidade porque avalan as políticas que a empresa exerce sobre os traballadores malia estas ser denunciadas polo comité de empresa con sentenzas xudiciais e actas da inspección de traballo ao seu favor”, explica.

A CIG-Saúde demanda, máis unha vez, a boa utilización dos cartos públicos, que se garanta o dereito de toda a poboación a unha sanidade de calidade e o dereito do persoal de Povisa a unhas condicións de traballo dignas, “todo o contrario do que entende a consellaría de Sanidade que se debe dar nun centro sanitario”.

Ante esta situación, a CIG-Saúde exixe da consellaría de Sanidade a súa inmediata intervención neste conflito porque “de non facelo o que está é posicionándose do lado dos intereses económicos de Povisa e non dos intereses sanitarios da poboación e dos laborais do persoal”.

María Xosé Abuín lembra que o persoal leva máis de unha semana en folga de fame sen que até o de agora “tivera unha mínima sensibilidade con isto. Pola contra aplican técnicas de tortura moi experimentadas para destruír o ser humano”.

A secretaria nacional da CIG-Saúde sinala ademais que logo de catro días intentando falar con algún responsábel da consellaría, no día de onte mantivo unha conversa co Secretario Xeral que se comprometeu a preguntarlle á delegada territorial en Vigo que estaba pasando. “Reiterou que este é un conflito laboral e comprometeuse a devolver a chamada na mañá de onte pero a día de hoxe seguimos agardando. Isto é o que lle importa a vida das persoas á consellaría de Sanidade”.

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto