Noticias Sanidade Pública
 
 

Máis de 10 anos denunciando a taxa de reposición

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informa

Despois de 10 anos de denuncias continuadas, realizadas pola CIG-SAÚDE, o PP agora vai solicitar do goberno do estado que elimine a taxa de reposición.

Non o fixo durante os anos no que o PP gobernou en Madrid, non lle importou o dano que estaba a facer á sanidade pública e as/os profesionais que nela traballan.

Ao contrario, durante estes 10 anos aproveitou a situación para eliminar postos de traballo. A Consellaría de Sanidade nos ano 2012/13 publicou dous Planos de Ordenación de RRHH con un único obxectivo: xubilar a todo o persoal que cumpría 65 anos.

No caso do persoal facultativo esta medida ía acompañada dunha diminución das prazas MIR que se convocaron durante estes anos. De aí a falta de pediatras e outras/os profesionais.

Taxa 2020

Máis o PP e a Consellaría de Sanidade seguen instaurados na súa mentira e na súa falta de transparencia, negándose a:

  • Negociar na Mesa Sectorial un Plano de Ordenación de Recursos Humanos que permita identificar as necesidades de persoal nos próximos anos, atendendo ao nº de xubilacións que se van producir.
  • Negociar un sistema identificativo de Prazas que permita coñecer con exactitude o cadro de persoal do SERGAS: persoal fixo, interino ,eventual. Así como a situación das prazas: nº de prazas estruturais cubertas con persoal eventual, necesidade de novas dotacións de prazas.

 

O Conselleiro de Sanidade anuncia que, se o goberno suprime a taxa de reposición, vai convocar no ano 2020 a maior Oferta Pública de Emprego no SERGAS: 3.500 prazas.

https://extranet.sergas.es/OPEWB/OPE/ListadoCategorias.aspx?Edicion=08/09&seccion=0&IdPaxina=60100&idioma=ga

Fállalle a memoria, a maior oferta foi no ano 2008/09. Nesta convocáronse 3.939 prazas, entre outras 602 prazas de médica/o de familia. Unha recomendación, mire a web do SERGAS antes de falar:

Taxa 2020 2

Que non nos mintan!

 

Manifestación SOS Sanidade Pública o 9 de febreiro

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIG-SAÚDE fai un chamamento ao persoal do SERGAS e ao conxunto da cidadanía a participar na manifestación convocada por SOS Sanidade Pública o domingo 9 de febreiro, ás 12 desde a Alameda de Santiago de Compostela.

Temos que lembrarlle ao Partido Popular, unha ano máis, que non poden facer negocio coa  nosa saúde. Que o acceso á sanidade pública é un dereito de todas as persoas, independentemente de onde residan, da súa condición social e da patoloxía que presenten.

 

Esiximos o compromiso político de rematar coa taxa de reposición!

Desde CIG-SAÚDE queremos lembrarlle aos partidos políticos, aos que van participar nesta manifestación e ao Partido Popular, que non hai recuperación da sanidade pública se non se remata coa taxa de reposición e coa precariedade laboral.

A taxa de reposición, ademais de impedir cubrir os postos que fican vacantes, impide incorporar novos profesionais para  a cobertura  das novas necesidades asistenciais. Non vai haber recuperación dunha sanidade pública de calidade se a taxa de reposición mantén a precariedade laboral e os recortes nos cadros de persoal.

 

Esiximos o compromiso político de rematar coa precariedade laboral!

 

Ademais de eliminar a taxa de reposición, tamén hai que rematar, de inmediato, coa precariedade laboral do persoal eventual. O persoal ten que ser contratado polo motivo que provoca a súa contratación, respectando todos os dereitos: computo de xornada, libranzas, permisos e resto de dereitos.

 

A directiva europea recolle que o persoal contratado non pode ter menos dereitos que o persoal fixo, que isto non se pode regular en función da duración do contrato, xa que as súas obrigas de prestación de servizo son as mesmas: fixos, interinos e con contratos temporais.

 

Contra o deterioro da Atención Primaria e o desmantelamento e peche de servizos nos Hospitais Públicos.

 

Contra as listas de espera inaceptables e a precariedade do persoal da sanidade pública.

 

Contra a privatización da Sanidade Pública Galega.

CONVOCA:

sos

 

 

Para non ser cómplices do Partido Popular no seu obxectivo de privatizar a sanidade e repartir beneficios a costa da nosa saúde:

Todas e todos debemos acudir á manifestación do 9 de febreiro!

 

 

CIG-SAÚDE REXEITA O “PIN INFORMATIVO” QUE QUERE IMPOR O PP NA SANIDADE PÚBLICA.

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informa

A Consellaría de Sanidade inicia a campaña electoral do Partido Popular remitindo aos centros sanitarios unha instrución que limita o dereito á información sobre o que acontece na sanidade pública.

É lamentable que a maior preocupación da Consellaría de Sanidade sexa, como recolle a instrución emitida, que os carteis que se publiquen informando da situación da sanidade poidan favorecer a determinadas formacións políticas que non sexan o Partido Popular.

Da censura que pretenden impor nos centros públicos quedan excluídas todas as organizacións que fagan campaña a favor do Partido Popular e da súa ideoloxía. Así como toda a publicidade que defenda os beneficios da sanidade privada.

Desde CIG-SAÚDE lembrámoslle á Consellaría de Sanidade, que como Administración Pública o seu traballo é ofrecer unha sanidade pública de calidade, que iguale e protexa a todas as persoas fronte a enfermidade. Que permita que as/os profesionais poidan exercer o seu traballo en condicións dignas e que remate dunha vez coa precariedade laboral.

Desde CIG-SAÚDE seguiremos informando e denunciando a política sanitaria do PP que só provoca un incremento do sufrimento das persoas. Isto non é denigrar nin ao noso sistema sanitario nin as/os profesionais que o poñen en valor todos os días co seu traballo.

O Partido Popular, intencionadamente, utiliza as denuncias contra a súa política sanitaria, como se as devanditas denuncias foran contra as/os profesionais, cando o único que desprestixia o traballo destas/es, son as medidas que implementan.

Reiteramos, Srs do PARTIDO POPULAR e da CONSELLARÍA DE SANIDADE, non nos van a amordazar, non imos deixar de informar, denunciar e reclamar os dereitos das persoas a ter unha sanidade pública, de calidade e universal, sen precariedade laboral.

SOALLES ISTO?

cara de sustoJoseph Goebbels, tomou o control de todas as formas de comunicación. Os puntos de vista que dalgún modo ameazaban as crenzas nazis ou ao seu réxime eran censurados ou eliminados de todos os medios.

CIG-SAÚDE manifesta a súa desconformidade coa aplicación que o SERGAS está a facer dos acordos recollidos na ACTA DE FIN DE FOLGA DOS PACs, de data 17/07/2019.

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informa

Entendemos que a Administración, coas prazas que vai dotar no orzamento do ano 2020, non está a cumprir o recollido nos puntos 4 e 5 da ACTA do devandito acordo.

ACTA DE ACORDOS:

Punto 4.- Dotación de Persoal
A administración, previa revisión dos plan funcionais, atendendo a diferentes parámetros crearaá as prazas necesarias para poder realizar unha adecuada asistencia de calidade nos PACs.

Punto 5.- Equipos Completos
Estudo no ano en curso para solventar o déficit de persoal de enfermaría, priorizando inicialmente aqueles PACs onde exista un único efectivo de enfermeira.

Este é o incremento de persoal que vai facer o SERGAS en aplicación dos dous puntos anteriores. Que nalgunha área sanitaria non cubre as necesidades de persoal recoñecidas polas propias xerencias.
Estas prazas están incluídas nos orzamentos 2020, polo que a autorización de cobertura producirase a partires do 1 de xaneiro de 2020.

Creación de novas prazas nos PACs:   7 médicos/as, 16 enfermeiros/as

Xerencia

Médicos/as

Enfermeiros/as

Coruña

2

2

Santiago

1

1

Lugo

1

2

Ourense

1

3

Vigo

1

2

Pontevedra

1

3

Ferrol

 

3

Indemnización por manutención.

Desde CIG-SAÚDE tamén esiximos o cumprimento deste punto, na acta de acordos recóllese abonar dúas dietas de manutención na contía do acordo 2008/12. Acordo incumprido polo SERGAS, nomeadamente na xerencia de Ourense. O SERGAS quedou en volver pensalo e darnos unha resposta.

Uniformidade.

O SERGAS vai facer entrega no mes de xaneiro de dous equipos de protección individual a cada traballador/a de PACs, cunha ficha técnica que recolle as características do equipo.

Unha vez clarificado no debate a diferencia entre un uniforme e un equipo de protección individual, e tendo manifestado o persoal de PACs que o uniforme non se adapta ás condicións da prestación de traballo que realizan, desde CIG-SAÚDE solicitamos que desde a dirección xeral de asistencia sanitaria se faga un estudo para a correcta dotación dos uniformes nos PACs.

CIG-SAÚDE demanda que as acordos son para cumprilos co compromiso co que foron acadados, e non para facer interpretacións restritivas na súa aplicación.

UNHA VEZ MAIS O SERGAS VENDENDO FUME

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informa

O pasado venres 13 de decembro, o SERGAS anunciou en todos os medios que se aprobara na Mesa Sectorial de Sanidade unha oferta de emprego para a incorporación de 1057 novas prazas.

Que non te enganen, esas prazas son as prazas vacantes que xa se ofertaron nas ofertas de emprego dos anos 2018 e 2019.

O que se aprobou na Mesa Sectorial do día 13 de decembro foi a convocatoria do proceso selectivo das prazas do seguinte cadro.

CATEGORÍAS

PRAZAS QUE SE VAN CONVOCAR

OFERTAS DE EMPREGO

2018

2019

FEAS (39 especialidades)

416 prazas

331

85

MUH

69 prazas

65

4

MÉDICO/A ASISTENCIAL 061

3 prazas

3

 

MÉDICO/A ADMISIÓN

2 prazas

2

 

LOGOPEDA

4 prazas

4

 

TERAPEUTA OCUPACIONAL

5 prazas

5

 

TER

63 prazas

38

25

TEL

104 prazas

79

25

TEAP

41 prazas

25

16

TÉCNICO/A RADIOTERAPIA

11 prazas

8

3

HIXIENISTA DENTAL

10 prazas

10

 

TÉCNICO/A FARMACIA

76 prazas

51

25

COCIÑEIRO/A

24 prazas

 

16

PINCHE

229 prazas

159

70

Non é unha nova oferta de emprego

Que non te vendan esas prazas tres veces

Hai que eliminar a taxa de reposición

Hai que consolidar as prazas cubertas durante anos con contratos precarios

Pola creación de emprego estable e de calidade

Non á precariedade laboral

A CIG-Saúde traslada o seu apoio á loita en defensa dos servizos públicos no hospital de Verín

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

CIGSAUDElogo

Amosa o seu rexeitamento ás políticas sanitarias do PP “que vulneran os dereitos sexuais e reprodutivos das mulleres”

A federación de Saúde da CIG trasladou hoxe publicamente o seu apoio ás mulleres que están a defender os servizos públicos do hospital de Verín “para ter dereito a unha asistencia sanitaria pública de calidade e de proximidade”. Dende a central rexeitan o peche do servizo de maternidade hospitalaria e denuncian as políticas sanitarias do PP “que vulneran os dereitos sexuais e reprodutivos das mulleres”.

Na CIG-Saúde entenden que ningunha persoa pode ser penalizada no acceso á sanidade pública polo seu lugar de residencia, ao tempo que esixen que os orzamentos sanitarios vaian dirixidos a dar cobertura integral ao programa da muller. Neste senso, inciden en que a falta de profesionais non pode ser unha escusa para desmantelar a sanidade pública. “Se non hai profesionais é responsabilidade dos xestores sanitarios, nomeadamente do actual xerente da área sanitaria de Ourense, que durante a súa etapa de director xeral de Asistencia Sanitaria dedicouse a amortizar prazas de profesionais”.

Por todo isto, dende a CIG-Saúde fan un chamamento a todas as mulleres a participar nas mobilizacións convocadas para este mércores día 4 de decembro. “Os recortes sanitarios nas prestacións que afectan ás mulleres son unha agresión a todas, e todas debemos respostar contundentemente contra elas”.

Compostela, 4 de decembro de 2019.

Asdo: Mª Xosé Abuín Álvarez.

Secretaria nacional de CIG-SAÚDE.

MATRONA, A CATEGORÍA OLVIDADA NA ATENCIÓN PRIMARIA

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informa

Esiximos a inmediata negociación do réxime xurídico e do sistema retributivo de Matronas de Atención Primaria.

No ano 1993 publicouse o Decreto, do 29 de xullo, de Ordenación da Atención primaria en Galiza, que regula as retribucións de todo o persoal de Atención Primaria, EXCEPTO as Matronas. Recolle na disposición transitoria cuarta que “O consello da Xunta de Galiza regulará o réxime xurídico e retributivo das prazas de enfermeira obstétrico-xinecolóxicas”.

 

26 ANOS DESPOIS a Consellaría de Sanidade non tivo tempo de presentar ningunha proposta de réxime xurídico e retributivo para este colectivo.

Por que será?

Será por que todo o relacionado coa saúde da muller ocupa un papel secundario?

 

 

QUE CONLEVA ESTA SITUACIÓN?

Un sistema retributivo baseado nun mapa sanitario do ano 1989 que non recolle a poboación actual dos concellos.

Un sistema retributivo que condena ás matronas a perdas retributivas de mais de 100€ mensuais cando cambian de concello, aínda que teñan mais tarxetas sanitarias.

Un sistema retributivo que non recoñece os conceptos que se pagan a outros colectivos: número de tarxetas sanitarias, dispersión, illamento... A prestación de servizo en diferentes concellos con importante distancia entre si.

Un sistema retributivo inxusto, que non recoñece a carteira de servizo actual que realizan, é dicir as prestacións sanitarias que prestan.

Unha disfuncionalidade entre a prestación de servizo e as retribucións, xa que a poboación dos concellos mudou moito dende o ano 1989, e que se agrava ao non ter desenvolvido o pago de TIS.

Que non teñen un ratio de mulleres a atender por Matrona.

Pero ADEMAIS

As necesidades de material das consultas de Matronas quedaron fóra do plano de dotación que se está a facer na Atención Primaria.

Algunhas das padiolas de exploracións son tan arcaicas que parecen de museo, e dificultan enormemente o traballo a realizar nas exploracións ás mulleres.

Lamentamos que dos 8 millóns de euros que a Consellaría de Sanidade di que está a destinar á dotación de material, ninguén se lembrase de recoller as peticións das matronas.

A CONSELLARÍA DE SANIDADE ten obriga de rematar con estes 26 anos de penalización.

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto