Noticias Política Sanitaria
 
 

O SERGAS modifica o calendario de vacinación infantil dobregándose á chantaxe das multinacionais farmacéuticas

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

A CIG-Saúde denuncia o desabastecemento de medicamentos e a falta de resposta do goberno diante dun problema de saúde pública

A CIG-Saúde denuncia a modificación do calendario de vacinación infantil que se vén de comunicar vía circular aos centros de saúde, diante do desabastecemento provocado polas multinacionais farmacéuticas. María Xosé Abuín, secretaria nacional, considera que no canto de denunciar a actitude dos laboratorios, a consellaría “dobrégase á súa tiranía” priorizando os seus intereses aos das e dos doentes.
15-05-22 RP CIG-Saúde desabastecemento medicamentos
 

Segundo explicou Abuín en rolda de prensa a modificación do calendario de vacinación vén provocado polo desabastecemento a nivel mundial por parte dos dous laboratorios que elaboran a vacina pentavalente (Difteria, Tétanos, Tos Ferina, Polio, Haemophilus e Meningococo) e a trivalente (difteria, Tétanos, tosferina). Con este cambio a consellaría substitúe  a pentavalente, que se administra aos 4 e 18 meses, pola hexavalente que inclue a Hepatite B, e retrasa a trivalente, que se administra aos 6 anos, ata que se dispoña de  existencias.

Ante isto, Abuín lembrou que ”o calendario de vacinas está deseñado por profesionais da sanidade pública” e denunciou que o que se está facendo é mudalo por outro “que impón a industria farmacéutica”.

A este respecto, a pediatra Marian Rodríguez, sinalou que o desabastecemento con algún medicamento sempre foi algo puntual pero “nos últimos tempos é algo habitual”, até o punto de que onte, na páxina do Ministerio, informábase de 188 medicamentos desabastecidos.

Ao desabastecemento de vacinas engadiu o desabastecemento que, de xeito recorrente, hai de antibióticos en suspensión que se utilizan para o tratamento habitual de infeccións de nenos e nenas pequenas. Unha situación que, segundo explicou, provocou que a Asociación Española de Pediatría tivera que publicar protocolos alternativos porque os tratamentos de elección non estaban no mercado. “O segundo tamén chegou a desaparecer e houbo que recorrer a un terceiro moito máis caro. Non pode ser que dependamos de que as farmacéuticas nos dispendesen os medicamentos que precisamos ou non”, afirmou.

Vacinas para adultos

Respecto das vacinas para adultos sinalou que hai situacións nas que é precisa a súa administración, sobre todo cando teñen outra enfermidade que vai supor unha inmuno supresión, por exemplo en caso de doentes con enfermidades crónicas que precisan tratamentos biolóxicos. “Sábese que van provocar un problema de inmunidade e previo á súa administración póñenselles as vacinas porque se sabe que van ter alto risco de contraer certas enfermidades”.

Segundo Rodríguez por mor deste desabastecemento hai que atrasar o tratamento para a enfermidade crónica, até que cheguen as vacinas e en función de cantas cheguen, coas consecuencias que ten para a calidade de vida do/a doente.

Problemas coa tuberculina

Xunto a isto, na rolda de prensa denunciáronse tamén os problemas de abastecemento, desde hai aproximadamente un ano, de tuberculina, necesaria para facer as probas diagnósticas da tuberculose.

Segundo explicou Miriam Rodríguez, esta proba podía realizarse antes en atención primaria ou nos hospitais pero agora está tan controlada a cantidade que, para non desperdiciar nin unha pinga, tivo que centralizarse o seu uso obrigando ás/aos doentes a desprazarse ás UTBs ou hospitais comarcais.

Investigación e fabricación de medicamentos no sistema público

Para a secretaria nacional da CIG-Saúde, con esta decisión a consellaría sitúa os intereses das farmacéuticas por enriba dos intereses dos doentes. “O que queren as farmacéuticas é ter un control absoluto sobre as enfermidades e os tratamentos poñendo no mercado os medicamentos que queren e ao prezo que queren. O que din os gobernos sobre a insostibilidade do sistema sanitario público vén provocado polo incremento do prezo dos medicamentos e non por outras razóns”, asegurou.

Por iso, para a CIG-Saúde o goberno galego ten que instar ao goberno central e se este non ten competencia, á propia Unión Europea, para “saltarse as patentes e comezar desde xa a fabricar os medicamentos que necesita a poboación e non o que marca a farmaindustria”.

Para isto a CIG-Saúde demandou que se incremente a investigación pública para que se poidan fabricar os medicamentos con patentes públicas superando así o somentemento aos ditames destas empresas multinacionais.

Ademais, preguntada polas xornalistas respecto da vacina do meningoco B, María Xosé Abuín declarou que “a solución non pode ser a súa dispensación en farmacias. Ten que formar parte do calendario de vacinación infantil e dispensarse nos centros de saúde. O contrario é limitar o seu acceso a quen poida pagala”.

Que xestión clínica queres? A que privatiza e recorta, ou a que che dá voz?

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

QUE XESTIÓN CLINICA QUERES? A QUE PRIVATIZA E RECORTA, OU A QUE CHE DÁ VOZ?

Na literatura científica enténdese a Xestión Clínica coma a ferramenta que permite xestionar a sanidade coma unha empresa do coñecemento, coa participación activa das e dos profesionais, para acadar os mellores resultados baseándose na evidencia científica.

Na Consellaría de Sanidade do PP enténdese a Xestión clínica coma a oportunidade perfecta para diminuír prestacións sanitarias, transferindo ao persoal a responsabilidade da política de recortes, a cambio de melloras nas súas retribucións.

Esas retribucións deberían ser acordes coa responsabilidade que se asume, coa entrega e dedicación, coa posta a disposición do sistema dos coñecementos técnicos científicos, que en verdade é o que engade valor á Sanidade Pública.

Desde a CIG-SAÚDE apoiamos a Xestión Clínica coma esa ferramenta, indispensable no Sistema Sanitario Público, onde as/os traballadoras/es teñan unha participación real na toma de decisións, e non unha decisión baseada na chantaxe e nos intereses do goberno que xa sabemos que son:

  • Dar participación ao capital privado para xestionar a sanidade pública, creando empresas mixtas, nas que as xefaturas serán nomeadas a dedo.
  • Modificar a lexislación laboral para que o persoal perda a condición de estatutario. Creando vínculos de persoal laboral que poden ser despedidos, segundo a reforma laboral do PP. regulada no Real Decreto 1483/2012, do 29 de outubro, polo que se aproba o Regulamento dos procedementos de despedimento colectivo e de suspensión de contratos e redución de xornada:

            CAPÍTULO I Normativa aplicable

Artigo 34. Normativa aplicable aos procedementos de despedimento colectivo por causas económicas, técnicas, organizativas ou de produción no sector público.

 

A CIG-SAÚDE seguirá apostando nunha xestión clínica participativa, sen privatizacións nin recortes. Tal e como veu defendendo todo este tempo.

banner EESS membrete

CIG-Saúde exixe a retirada dos borradores da Axencia Galega do Coñecemento en Saúde e de Sangue, Tecidos e Órganos

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Denuncia que entre o borrador presentado en outubro e o debatido este xoves na Mesa Sectorial, o SERGAS aínda empeorou máis o seu articulado

A CIG-Saúde exixiu ao SERGAS a retirada dos borradores da Axencia Galega para a xestión do Coñecemento en Saúde e da Axencia Galega de Sangue, Tecidos e Órganos na Mesa sectorial celebrada este xoves. Unha demanda que reiterou esta mañá na rolda de prensa convocada para denunciar a intención do SERGAS de “perverter” o coñecemento e a investigación en saúde co obxectivo de “crear postos fóra de cadro, baixo o epígrafe de libre designación”, mentres se deixa ao persoal investigador nunha situación de inestabilidade e a expensas do que recolla cada ano a Lei de Orzamentos. 
15-01-30 CIG-Saude 001
 

A secretaria nacional de CIG-Saúde, María Xosé Abuín, denunciou ademais que o borrador presentado na mesa sectorial celebrada este xoves empeora o contido do documento presentado no mes de outubro e que o SERGAS non tivo a ben incorporar ningunha das modificacións propostas nas alegacións presentadas.

Para Abuín é de especial gravidade que no texto non se especifiquen, tal e como se recolle na Lei de Ciencia, os requisitos necesarios para acceder a postos de dirección. Requisitos que entende que deberían ser imprescindíbeis para exercer como persoal directivo como “solvencia académica, profesional, técnica ou científica”.

Xunto a isto denunciou que o SERGAS utiliza estas axencias para colocar a cargos “nomeados a dedo”. Entende que así se desprende do feito de que se prevea facer nomeamentos administrativos no caso de que a persoa a designar sexa profesional de carreira ou estatutaria fixa, con licenciatura universitaria ou de grao, e contratos de alta dirección a quen non cumpra estes requisitos. “Isto coa particularidade de que nin sequera se especifica se –estes últimos- deben ou non ter relación co sistema sanitario”, matizou.

A este respecto sinalou que na propia Mesa Sectorial o SERGAS xa anunciou a súa intención de contratar baixo a modalidade de “alta dirección” a dúas persoas. Unha sería, segundo Abuín, a Directora do ente e a outra “sospeitamos que é unha persoa que xa aparece no directorio do SERGAS como Xefe de Servizo cando a súa vinculación é como auxiliar administrativo”.

Para a secretaria nacional de CIG-Saúde deste xeito a consellaría de Sanidade, aproveitando a LOFAXGA crea dous novos entes, que definiu como “chiringuitos”, para saltarse a normativa vixente que si regula a natureza das prazas e cales son os requisitos para poder nomear o persoal directivo.

Segundo a CIG-Saúde o propio proxecto, no seu articulado, xustifica que non se vai potenciar o I+D+i porque a situación de crise impide o seu desenvolvemento. A este respecto Abuín lembrou que os expertos na materia inciden en que é un fracaso político que as/os investigadores non poidan desenvolver a súa actividade aquí.

Atendendo a isto, para a CIG-Saúde a creación desta Axencia tería sentido se o seu obxectivo fora garantir a estabilidade laboral do persoal investigador contratado polo programa Miguel Servet. Profesionais que tiveron que superar un proceso de acceso “altamente competitivo” no que obtiveron as máximas cualificacións e que contan con demostrado prestixio no labor que desenvolven.

Por iso considera inadmisíbel que sexa precisamente a renovación dos contratos deste persoal, que é o que dota de contido á Axencia do Coñecemento en Saúde, o que queda a expensas do que se contemple nas sucesivas leis de orzamentos que se aproben nos vindeiros anos.

Diante desta situación a proposta da CIG é que primeiro se paralicen os decretos, que ademais non foron apoiados por ningunha das organizacións presentes na Mesa sectorial; que se reinicie o proceso “cunha negociación co mundo técnico científico e non nun despacho”, convocando unha xuntanza para a primeira quincena de febreiro na que se  estableza como acordo previo que se fixe a continuidade do persoal investigador “que é o que aporta valor e coñecemento a unha Axencia destas características porque os altos cargos non aportan nada á sociedade” e que os procesos de selección do persoal se cinxan á normativa estabelecida pola Lei de Ciencia.

Ao abeiro dos laboratorios

Manuel González Moreira, membro da Executiva da CIG-Saúde, lamentou a oportunidade perdida que representan estes decretos “para potenciar e desenvolverá  investigación na sanidade pública”.

Moreira denunciou que se está deixando en mans de empresas privadas a investigación biomédica e que isto deixa os profesionais nunha delicada situación á hora de tomar decisións porque ao final “as únicas fontes que temos son as que chegan da industria farmacéutica e custa moito discernir se se basean en información científica ou atenden aos intereses dos laboratorios”.

A este respecto Moreira alertou do risco que isto supón para a calidade da asistencia sanitaria e denunciou que “se se crea esta axencia tal e como está concibida, en lugar de estar avanzando estaremos dando paso atrás”.

A noticia en Avantar

Privatizacións Vigo: CIG-Saúde exixe a anulación da Resolución de Integración publicada no DOG de xeito alevoso

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

COMISIÓN TECNICA DO NOVO HOSPITAL DE VIGO

CELEBRADA O VENRES DÍA 5 DE DECEMBRO

Este pasado venres celebrouse a reunión do grupo de traballo da comisión técnica do novo hospital de Vigo. A orde do día era abordar o Plan de Ordenación de Recursos Humanos de Vigo, que resumindo pretendían que consistira en que o grupo de traballo apoiase as propostas da Administración. Estas propostas foron publicadas o día anterior no DOG, mediante unha resolución da Xerencia da EOXI de Vigo, con premeditación e aleivosía, como unha provocación desta Administración. Qué pretenden que digamos se xa está todo publicado en DOG?

cig cartazNa quenda de intervención da CIG manifestamos o seguinte:

  • Supoñemos que neste momento os responsabeis de Recursos Humanos do SERGAS están en situación de excedencia, pois o papel que están a representar é o de portavoces das empresas privadas que van explotar o novo hospital (na reunión estivo presente o director de RRHH de Vigo).
  • Pretenden que a Mesa Sectorial apoie os intereses da concesionaria e que respaldemos a destrución de emprego público. A CIG por aí non pasa.
  • Esta Administración, e concretamanete esta Dirección de RRHH, perderon toda a decencia institucional que se lles supón. Publican no DOG a resolución da privatización e ao día seguinte pretenden que a apoiemos, e para isto preséntannos un Plan de Ordenación de RRHH para que ratifiquemos a privatización. Se tivesen un mínimo respecto polas/os traballadoras/es e por nós, como representantes delas/es, non publicarían unha norma o día anterior a esta reunión.
  • Se queren que nos poñamos a falar seriamente sobre este tema, teñen que retirar a resolución publicada no DOG. Desde CIG-SAÚDE exiximos que a Administración, tal como se recolle no contrato coa empresa, faga valer a súa potestade de recuperar os servizos privatizados, e que a prestación sexa asumida directamente polo SERGAS.
  • Se a Consellaría de Sanidade tivese unha mínima preocupación polas/os traballadoras/es adoptaría medidas de estabilidade laboral e non de precarización. Se queren estabilizar ao persoal o que ten que facer a Administración é convocar todas as prazas no concurso de traslados. Así solucionaria a problemática do persoal en comisión de servizo.
  • Se lles preocupase o persoal contratado, a resolución publicada recollería a obrigatoriedade da empresa en manter este persoal durante toda a vixencia da concesión.
  • Alén disto, publican unha resolución que só favorece á privada. Nesa resolución obrigan ao persoal contratado das categorías de: restauración, lavandaría e lenzaría, limpeza, mantemento xeral, transporte interno e conservación de vías e xardins, a que no prazo de 15 días naturais, contados desde o venres, soliciten a súa integración na empresa privada e senón serán cesados de inmediato. No Plan de Ordenación que agora presentan, ademais de consolidar o anterior, recollen a adscrición a outras prazas da área limítrofe ou outras prazas do Servizo Galego de Saúde; como continúen ampliando chegamos a Marrocos.
  • Como medidas adicionais propoñen unha modificación do Pacto de Contratacións, permitindo que o persoal se anote nas categorías reclasificadas, arrastrando a súa baremación; ou facendo compatibeis a inscrición nas listaxes destas áreas coa inscrición en listaxes das área limítrofes e noutras categorías. A CIG-SAÚDE denunciou o pacto de contratacións para iniciar unha nova negociación, que inda non se produciu, pero xa temos modificacións do pacto vixente.

Que non conten connosco, non imos mandar ningunha alegación ao Plan de Ordenación de RRHH, para que despois da próxima reunión da Mesa Sectorial digan que este Plan foi aprobado pola Mesa tras recoller as nosas alegacións, cando, como moito, o que aceptarán delas será cambiar unha coma de sitio.

Reiteramos a nosa exixencia de publicar no DOG a anulación da Resolución de Integración publicada de xeito alevoso.           

Sanidade oferta a persoal público pasarse ás concesionarias privadas do novo hospital de Vigo “sen ningunha garantía laboral"

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
A CIG-Saúde acusa á consellaría de “traizón”por publicar este “despropósito” cando está convocada para este venres a xuntanza do grupo técnico que analizaría esta cuestión
 
A CIG-Saúde considera unha “traizón”, un “despropósito” e un “insulto” publicar este xoves no DOG unha resolución da Área de Xestión Integrada de Vigo pola que se “oferta aos empregados públicos de determinadas categorías de servizos non clínicos da dita estrutura organizativa a opción de pasaren a prestar servizos, de forma voluntaria, como persoal laboral na entidade concesionaria da explotación dos ditos servizos”. Denuncia que está convocada para mañá venres a xuntanza dun grupo técnico da mesa sectorial na que se avaliaría esta cuestión que será “unha inutilidade” e asegura que “non imos colaborar na destrución de emprego público”.
a saude non e negocioA CIG-Saúde non aforra críticas a respecto desta publicación no DOG. Por boca da súa secretaria nacional, María Xosé Abuín, cualifica a oferta de “despropósito” e asegura que no SERGAS “non teñen vergonza”.

De forma taxativa afirma que a administración o que pretende é “eliminar postos de traballo públicos, favorecer as concesionarias privadas e intentar que a Mesa Sectorial se converta nunha mesa de traballo para facilitar esta destrución de emprego”. Ante isto adianta que a CIG-Saúde “nin vai colaborar na destrución de emprego público, nin vai consentir que se precaricen as condicións laborais do seu persoal”.

Denuncia que a consellaría de Sanidade foi a administración que dixo que “se buscaría coas organizacións sindicais unha saída para que en Vigo no se perderan os 400 postos de traballo” e asegura que “é absolutamente mentira porque o que fan é -antes de xuntar sequera o grupo técnico- sacar esta orde para que a xente se vaia a traballar á empresa privada sen ningunha garantía”.

Chantaxe ao persoal contratado

Para a secretaria nacional da CIG-Saúde é especialmente grave que o persoal contratado pase a rexerse polas normas do mercado laboral e que transcorrido un tempo poida ser despedido aplicándoselle a reforma laboral, cunha indemnización mísera de 20 días por ano traballado.

Se este persoal non acepta a oferta de integración na empresa privada será cesado do seu vínculo de persoal estatutario. “A chantaxe do SERGAS é despedimento agora polo SERGAS ou en breve pola empresa privada”, denuncia Abuín.

O persoal afectado por esta oferta é o de lavandaría e lenzaría, restauración-cociña, limpeza, mantemento xeral e conservación de vías e xardíns. Ou sexa, e segundo se especifica na propia oferta, o de “determinadas categorías de servizos non clínicos”.

A CIG-Saúde xa alertara no seu día das consecuencias que tería este proceso. Unha situación que entenden que hoxe se confirma con este anuncio. Deste xeito, especifica que para o persoal interino o que se ofrece é que quede integrado no cadro de persoal da SCNHV (empresa concesionaria) con dependencia exclusiva da empresa. A normativa de aplicación sería entón a reforma laboral vixente: despido procedente con 20 días de indemnización por ano traballado, mobilidade xeográfica, modificación da xornada laboral.... “Se o interese da Administración fose o de garantir os postos de traballo deste persoal, esixiría da empresa unha cláusula de permanencia destas/es traballadoras/es, polo menos durante os anos que vai durar a explotación do servizo”.

Para o persoal fixo ofrecen unha excedencia cando menos irregular. A este respecto subliñan que “a excedencia do artigo 65 do Estatuto Marco é para prestar servizos baixo outro réxime xurídico, nun servizo creado ou participado cun mínimo do seu capital propio polo servizo de saúde. A SCNHV é unha explotación estritamente privada”. Ademais, matizan que “o que non lle din a este persoal é, que neste caso, esta excedencia ten os mesmos efectos que unha excedencia por interese particular, é dicir, non poderán retornar na súa categoría a un posto na área de Vigo, porque os servizos desaparecen da prestación pública e pasan a ser privados”.

Canto ao persoal en Comisión de servizos, a Administración quere que “crean que están a negociar coas organizacións sindicais a súa permanencia na área de Vigo de maneira indefinida, outra das súas mentiras. Este persoal en principio vai quedar na área de Vigo, e será reclasificado a outro posto de persoal de xestión e servizos”.

A este respecto Abuín asegura que se quixeran garantir a súa estabilidade o que tiñan que facer era convocar estas prazas e estabilizalas definitivamente en Vigo.

A CIG-Saúde esixe a retirada inmediata da resolución publicada hoxe no DOG e que na reunión da mesa sectorial convocada para mañá se aborde a defensa dos traballadores e traballadoras da sanidade pública “e non da empresa privada que bastante lucro vai tirar xa dos cartos públicos”.

A noticia en Avantar

 

CIG-Saúde denuncia as irregularidades do Proxecto de Creación da Axencia Galega do Coñecemento en Saúde

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Exixe que se regule, de xeito prioritario, a estabilidade laboral do persoal investigador do programa Miguel Servet e que se conte coa súa opinión para a súa creación

A CIG-Saúde vén de solicitar a retirada do proxecto de Decreto de Creación da Axencia Galega do Coñecemento en Saúde. Denuncia que mantén en situación de “inestabilidade” laboral o persoal investigador, cuxa continuidade estará condicionada cada ano pola Lei de Orzamentos; que permitirá a contratación a dedo do persoal directivo, que terá consideración de alto cargo da Administración, e que porén non se estabelecen “os requisitos de acceso, solvencia académica, profesional, técnica ou científica” para exercer eses labores de dirección.
 
14-11-28 Axencia galega do Conhecemento

Así o denunciou, en rolda de prensa, a secretaria nacional de CIG-Saúde, María Xosé Abuín, quen entende que garantir a estabilidade laboral do persoal investigador contratado polo programa Miguel Servet -24 profesionais neste intre, aos que se sumará un máis no mes de xaneiro- debería ser o principal obxectivo da creación desta Axencia “para seguir gañando en I+D+I”.

Neste sentido, Abuín salientou que para formar parte deste programa estes/as profesionais tiveron que superar un proceso de acceso “altamente competitivo” no que participou -na avaliación final- a consellaría de Sanidade e no que a meirande parte acadaron o nivel A, que é o máis elevado. Ao seu entender “isto pon de manifesto o grande nivel que teñen, que non debe ser abondo para o SERGAS, que pretende deixar no limbo normativo e na precariedade laboral a estes profesionais que nalgún dos casos  levan  catorce anos de traxectoria  investigadora no programa”.

De feito denunciou que a esta altura xa remataron o período de contrato de acceso 11 investigadoras/os que están actualmente en fase de ser estabilizadas/os e que porén, esa estabilidade non virá coa creación da Axencia Galega para a Xestión do Coñecemento en Saúde, que no seu borrador deixa a renovación dos seus contratos a expensas da partida presupostaria que cada ano se recolla, para este fin, na Lei de Orzamentos.

Esta nova Axencia, aínda pendente de aprobación definitiva, nace ao abeiro da Lei 16/2010, do 17 de decembro, de Organización e Funcionamento da Administración Xeral do Sector Autonómico “sen debate previo na mesa sectorial da sanidade e repetindo a situación xerada coas fundacións sanitarias”.

Libre designación

Para Abuín, o feito de que “non responda ás necesidades reais das áreas e do persoal que engloba” e que do seu articulado se desprenda como única preocupación regular a designación de cargos directivos polo método de “libre designación”, con contratos de alta dirección ou similares, sen especificar cal vai ser a súa remuneración, nin se esas xefaturas son de persoal sanitario ou non, agocha outras intencións. “O que pon isto de manifesto é que a súa pretensión é dar cobertura legal a quen estaba en situación irregular na consellaría de Sanidade”, denunciou.

A modo de exemplo lembrou unha denuncia recente da CIG-Saúde dunha persoa –auxiliar administrativa- que figuraba no organigrama da consellaría como Xefe do Servizo de Innovación Sanitaria, cando para ese cargo é preciso ser do grupo A. Explicou que logo, esa e outras persoas en situación semellante desapareceron do organigrama e que desde Sanidade a explicación foi que se tratara dun erro. “Moito nos tememos que logo se convoquen as prazas para esta Axencia cun perfil adaptado a estas persoas”, denunciou.

De feito o decreto regula que o director da Axencia vai ter a consideración de alto cargo da Administración con rango de director xeral, pero non a consideración que terán as/os responsábeis das  áreas e das unidades de xestión, como tampouco especifica se terá que ser persoal sanitario ou non sanitario, nin os requisitos de titulación, solvencia académica, técnica ou científica. “Todo isto queda para un posterior desenvolvemento que a/o responsábel da Axencia, conxuntamente coa Consellaría de Sanidade, desenvolverá por decreto atendendo a necesidades que nada teñen que ver co coñecemento en saúde”.

Por iso a CIG-Saúde denuncia que a creación desta axencia “non pretende dar resposta á situación laboral de irregularidade crónica na que presta servizo o colectivo de profesionais que máis achega ao coñecemento en saúde” e que ademais deixa o seu futuro “ligado ás decisións do director da axencia”.

Eivas do proxecto

Outro aspecto importante que omite este decreto, segundo a CIG-Saúde, é a selección de persoal na forma adecuada que recolle a Lei da Ciencia de xuño de 2011, que establece no seu artigo 16 que os procesos de selección do persoal investigador  respectarán os principios de publicidade das convocatorias e as súas bases; transparencia; imparcialidade e profesionalidade dos membros nos procesos de selección; independencia  e discrecionalidade  técnica na actuación dos órganos de selección e adecuación entre o contido dos procesos selectivos e as funcións e as tarefas a desenvolver.

Outra das eivas que sinala é que a actividade especializada con alto nivel de complexidade, a xestión da investigación biomédica, debe contar coa opinión de expertos. “Chama a atención que no Decreto da Axencia non se inclúa  a participación de ningunha/un experta/o. É difícil atopar unha institución de prestixio no ámbito científico no que no seu comité non estea recollida esta figura” explicou Abuín para quen a participación deste experto/a é “unha garantía das liñas prioritarias, dos obxectivos, e demais decisións relacionadas coa investigación sanitaria”.

A secretaria nacional de CIG-Saúde considera ademais que o texto do decreto deixa no aire infinidade de preguntas como por que non se inclúe na Axencia a Consultaría de Galaria, cando ten competencias similares.

Ante isto a CIG-Saúde entende que a pretensión da administración “non pode ser a de crear una negociación ficticia sobre a negociación das axencias para dar a imaxe pública de que se está a negociar coas organizacións sindicais, reclama a retirada do decreto e adianta que a súa posición na mesa sectorial será contraria á creación desta axencia.

A nova en Avantar

No Día Mundial da Saúde Mental o Movemento Galego realiza unha proposta ao Parlamento

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
datos-sobre-el-cerebroO MGSM promove cos Grupos Parlamentares no Parlamento Galego unha declaración institucional para o Día Mundial da Saúde Mental. Preténdese que a cuestión ocupe o lugar que lle corresponde nas prioridades das institucións de Goberno de Galicia.
Con tal motivo, realizaron entrevistas con representacións de todos os grupos, aos que se fixo entrega dun texto no que se fai unha análise da grave situación na que se atopa a atención sanitaria, social e legal ás persoas que en Galicia sofren Trastorno Mental Grave, finalizando con propostas para respostar ás necesidades existentes. Finalmente apoiaron o texto todos os grupos agás o PP.
 
PROPOSTA DO MOVEMENTO GALEGO DA SAÚDE MENTAL AOS GRUPOS PARLAMENTARIOS DO PARLAMENTO DE GALICIA
Petición de aprobación dunha resolución na que o Parlamento de Galicia acorde unha declaración institucional o día 10 de outubro, con motivo do Día Mundial da Saúde Mental
RESOLUCIÓN:
Neste Día Mundial da Saúde Mental, e seguindo o chamado da OMS co seu lema “Vivindo con esquizofrenia”, este Parlamento quere facer visíbel a difícil situación na que se atopan unha boa parte dos cidadáns que padecen esquizofrenia ou outro trastorno mental grave -un colectivo estimado nuns 75.000 galegos-, co obxectivo de alertar aos poderes públicos responsabeis, e encetar un cambio real nas súas condicións de vida. Lamentabelmente os datos estatísticos obrigan a unha detida reflexión: unha esperanza de vida 20 anos inferior á poboación xeral; a máis alta taxa de suicidios do estado español; sete veces máis risco de sufrir desemprego; e os máis altos índices de exclusión social.
A crise económica veu actuar dramaticamente nun duplo fronte. Por unha banda, a política de recortes nos servizos públicos, nomeadamente sociais e sanitarios, conlevou un deterioramento na atención especializada e da cobertura das necesidades sociais básicas destos doentes, o que condicionou unha maior morbi-mortalidade. Por outra, o aumento da desigualdade e dos niveis de pobreza, tanto en intensidade –máis pobreza-, como en extensión –máis pobres, chegando a sectores cada vez máis amplos-, fixo agromar trastornos psíquicos, como expresión dos elevados niveis de sufrimento que moitas persoas están a soportar. Factores como o desemprego, a redución da protección social e sanitaria públicas, o incremento da emigración, a perda da vivenda, máis a xeneralizada sensación de inseguridade ante o futuro, son factores que agravan unha situación, xa moi preocupante mesmo antes do comenzo da crise. As persoas con trastorno mental grave, máis as que enferman nunha reacción ao empobrecemento, atópanse nun círculo de difícil saída: maior dano á saúde, e menos recursos para seren atendidos.
Ler máis

Contudente manifestación contra a privatización en Vigo

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

20141009 vigo

Vigo bótase á rúa de novo en defensa dunha sanidade pública “gravemente enferma”

Milleiros de persoas claman contra os recortes e as privatizacións que está a aplicar o PP
Varios milleiros de persoas botáronse á rúa este xoves en Vigo convocados pola Xunta de Persoal do Chuvi en defensa dunha sanidade pública que se atopa “gravemente enferma” debido á política de recortes e privatizacións que está a aplicar o Goberno do PP. Denuncian que arredor de 400 profesionais quedarán sen emprego ao deixar en mans de empresas a xestión dos servizos sanitarios e non sanitarios do cuarto hospital da cidade.
2014 10 09 ManiSanidadePublicaVigo01

(Galería de imaxes)

O diagnóstico dos/as profesionais é moi claro: “A sanidade pública da Área de Vigo atópase na UCI, está gravemente enferma”. Así o denunciaron ao remate da manifestación convocada pola Xunta de Persoal do Chuvi e que este xoves percorreu as rúas da cidade para rexeitar as políticas de privatización que está a aplicar o Goberno do PP.

Durante a marcha, que partiu pasadas as 20.00 horas do hospital Xeral para rematar unha hora despois na Porta do Sol, as consignas máis coreadas foron “A privatización é corrupción”, “Feijóo escoita Vigo está en loita”, ou “Servizos públicos e de calidade”. As alusións de apoio á auxiliar de enfermería infectada de Ébola tamén foron constantes durante o percorrido.

A secretaria nacional da CIG-Saúde, María Xosé Abuín, lembrou que agora comézanse a ver as consecuencias de construír o novo hospital baixo un modelo de xestión público-privado. “Primeiro privatizan os servizos non sanitarios (mantemento, lavandería, cociña), o que suporá que arredor de 400 persoas perdan o seu emprego, e despois irán a polos sanitarios, como o laboratorio central”.

Neste senso, criticou que o Sergas vaia investir máis no cun centro médico privado como é Povisa que na construción do novo hospital, proxecto que multiplicou os seus custes ao pasar de 400 a 1200 millóns de euros.

Dende a Xunta de Persoal do Chuvi indicaron que os principais motivos da protesta son denunciar a falta de datos sobre o proxecto do cuarto hospital e reclamar información sobre os plans do Sergas con respecto ao persoal dos servizos non sanitarios que van ser privatizados -xa que a concesionaria non contem

pla a subrogación. “Comezan por privatizar estes servizos, entregándolle 50 millóns anuais a unha empresa, pero de

trás vén o resto”.

Denuncian que a Área Sanitaria de Vigo está a servir como experimento da Xunta á hora de aplicar os recortes en materia de saúde. “Reduciron o cadro de persoal nun 14%, o que provocou que a lista de espera supere xa as 20.000 persoas”. Finalmente, anunciaron que o vindeiro luns realizarán concentracións ás portas do Meixoeiro a partir das 11.00 horas en solidariedade coa traballadora sa sanidade infectada de Ébola.

A nova en Avantar

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto