A CIG presenta o documental "A crise, o sistema e a soberanía"

Martes, 11 Outubro 2011 08:04 Política Sanitaria - Novas sobre Política Sanitaria
Imprimir
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
Forma parte da campaña "Si, existen alternativas" de cara á manifestación nacional do 23 de outubro:


 
A CIG repasa neste documental o actual proceso de reorganización do capitalismo, baixo a coartada da "crise" económica, as nefastas consecuencias que está a ter para a clase traballadora en todo o mundo e as alternativas posíbeis, que pasan por un modelo económico onde traballadoras e traballadores teñamos o poder real. Recolle, así mesmo, a dupla dimensión da crise sistémica, que reviste un carácter de clase mais tamén territorial, agravando a situación no caso das nacións sen soberanía política como é Galiza. Finalmente, formula a necesidade de acumularmos forzas xunto á esquerda nacionalista para facer fronte ao contexto actual.
O capitalismo xerou máis 4.750 millóns de pobres, provocou que máis de 3.000 millóns de persoas pasen fame no planeta e permite que uns 12 millóns de nenos e nenas morran cada ano por desnutrición. Pola contra, a maior parte da riqueza está en mans das 800 empresas multinacionais e dos 2,5 millóns de multimillonarios que se contabilizan no mundo.As grandes fortunas e as grandes empresas españolas teñen contas bancarias e empresas filiais, en paraísos fiscais, para así evitar pagar impostos a Facenda. O fraude fiscal no estado español e de 60.000 millóns de euros, de este fraude o 71% corresponde a Banca e as grandes Empresas (42.600 millóns).

Este modelo económico favorece a concentración da riqueza en poucas mans.

En Galiza, e no conxunto do Estado español, o 19% das persoas acumula o 77% da riqueza en capital e patrimonio, mentres o 81% –a clase traballadora– só dispón do 23% restante. As actuais medidas económicas, así como as sucesivas reformas laborais e socias promovidas polo PSOE e apoiadas polo PP para o que están servindo é para recortar dereitos, incrementar o desemprego e as desigualdades sociais, recortar calidade nos servizos públicos, precarizar máis o mercado laboral, empobrecer e debilitar a clase traballadora.

Fronte a estas políticas e a este modelo económico neo-liberal en Galiza existen organizacións sociais e políticas que facemos propostas alternativaspara unha mellor defensa dos intereses da maioría social, da clase traballadora.

 

Os mercados representan:

- Salarios máis baixos.

- Despedimento máis barato.

- Máis desemprego e máis contratos temporais.

- Aumento da idade de xubilación e pensións máis baixas.

- Recorte do gasto social e privatización servizos públicos.

- Redución dos impostos aos máis ricos.

- Concentración da riqueza e do poder nuns poucos.

- Gobernos ao servizo dos especuladores financeiros.

 

Alternativas:

- Mellora do poder adquisitivo dos salarios.

- Máis estabilidade no emprego.

- Incremento do gasto público produtivo.

- Aumento dos impostos á banca, ás rendas máis altas e ás grandes fortunas.

- Rematar coa fraude fiscal e cos paraísos fiscais.

- Investir na mellora dos servizos públicos.

- Creación dunha banca pública.

- Creación de empresas públicas en sectores estratéxicos da economía.

- Rematar coa economía especulativa.

- Facer un reparto máis igualitario da riqueza.

 
Outro modelo económico e social é posible!

 
Manifestación nacional. 23 de outubro ás 12:30 na Alameda de Compostela.


Podes descargar aquí o panfleto da campaña "Si, hai alternativas"

Artigo de Avantar.

kaz-news.ru | ekhut.ru | omsk-media.ru | samara-press.ru | ufa-press.ru

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto