Partillar no Chuza!Partillar no MenéamePartillar no TuentiPartillar no FacebookPartillar no TwitterPartillar no Cabozo

 COLLAGE:     

Cadáver do tunel de secado+morea de roupa sen procesar+ uniformes do  persoal sen lavar

 

 

         IMGP4322IMGP4321IMGP4319

 
Partillar no Chuza!Partillar no MenéamePartillar no TuentiPartillar no FacebookPartillar no TwitterPartillar no Cabozo

 

A LAVANDERÍA DO H. XERAL: CRÓNICA DUNHA MORTE ANUNCIADA

 

            Dende hai anos o deterioro da lavandería do Xeral é evidente, a decisión tomada de non incluír espazo físico para ela no Hospital Novo fai pensar que esa era a maneira de resolver o problema e que desgraciadamente segue a estar de actualidade.

            Mentres a lavandería se deteriora estruturalmente o persoal sofre o empeoramento constante das súas condicións de traballo.

            Hai máis de un mes que existen problemas co sistema de vapor, este é o que move o túnel de secado e as máquinas de pasar o ferro, todo esto, segundo parece de difícil amaño, dá lugar a que o persoal estea parado unha parte do tempo e noutros momentos teña que traballar a esgalla, para quitar adiante o cúmulo de roupa que motiva o parón anterior.

            Esto causa varios trastornos, parte da roupa mándase lavar fóra do Hospital e non vén nas condicións que se acadan aquí, o persoal séntese abandoado da man de deus, porque o que fan fano a base de pura vontade, sen medio algún, cando paran, é porque non lles queda máis remedio e cando traballan non reciben axuda para sacar adiante o atraso.

            No hospital séntese a merma da calidade do lavado externo, o persoal non conta con roupa de traballo porque se demora na chegada, cando vén non está ao nivel acadado na nosa lavandería (¿ten o  persoal que pasar 15 días co mesmo uniforme que xa lles chegou sucio? ¿ten que traballar en chandal?, xa hai xente que o fixo) . O consello de que os uniformes se laven na casa parécenos pouco hixiénico e alonxado dos protocolos que se promocionan como xeitos seguros de evitar a transmisión de enfermidades.

            O feito de deixar esmorecer este servizo motiva moitos descontentos xerais, fai medrar o sentimento de que a calidade dun traballo non se prima nen se recoñece, a CIG-Saúde faille pensar que o economicismo imperante (un criterio equivocado de aforro que precariza o traballo e non diminúe en absoluto o gasto para o sistema) está por riba da consideración que se lle debe ao traballador/a e por riba tamén de manter un nivel óptimo de servizos.

            Pedimos, por suposto, a busca inmediata de solucións efectivas e que non se deixe esmorecer sen alento a un servizo que funciona ben, incluso no medio das maiores dificultades.

 

 
Partillar no Chuza!Partillar no MenéamePartillar no TuentiPartillar no FacebookPartillar no TwitterPartillar no Cabozo

 

Estimados visitantes da nosa recén estreada páxina, acabamos de ler a edición dixital de "El Progreso" http://elprogreso.galiciae.com/nova/40442.html  na que aparece claro un desmentido do SERGAS no tema da Lavandería do Hospital Xeral, non nos quedou máis remedio que pensar, dada a hora, que "menudos traballos nos dá el Señor".

Tentaremos responderlles dun xeito medido e coherente:

1.- Ás máquinas propias da  lavandería non lles pasa nada, ata onde sabemos, o problema está no tunel de secado e, dende logo, si que hai un tempo que se envía a roupa do Hospital de Calde á lavandería do CHUAC, por que neste hospital, efectivamente, non houbo coidado coa lavandería que temos.

2.-Non houbo rotura de stokcs, claro, os uniformes do persoal non se atopan en stokc, atópanse en uso por parte dos traballadores. Recordamos que os pijamas dos pacientes se están servindo sen planchar, porque non hai onde. Que as máquinas de planchado para as sabas polo de agora funcionan, pero en calquera momentiño.... O propio xerente confirmou ao persoal que non hai cartos para amañar as avarías actuais nin as futuras, así que vén sendo cuestión de tempo....

3.- O SERGAS en si mesmo non pode demostrar que os traballadores foran traballar nalgunha ocasión en chandal, ou o que é peor disfrazados, por falla da roupa adecuada, o SERGAS é un Ente, e non ten poder para velo todo, só ten poder para gobernalo todo, cuestións ben diferenciadas ambas, se a CIG-Saúde di que houbo quen traballou en chandal é porque lle consta que foi así.

4.-O SERGAS di que non pensou en reparar a máquina de lavandería averiada porque nos imos para o hospital novo en 6 ou 7 meses (xa lles gostaría) de todos xeitos, que utilidade argumentaria ten esto se no hospital novo non vai nen sequera edificio para a lavandería.

5.- Temos que dicirlles aos responsables correspondentes, que quen escribe ten constancia de que existen moreas de bolsas de roupa sen lavar, as moreas de uniformes do persoal que dende o luns pasado, a magnífica lavandería do CHUAC, se nega a admitir.

6.- Con respecto a se houbo ou non queixas ou problemas coa roupa lavada fóra, a CIG ten presentados escritos dende hai 2 anos coas queixa do persoal de Calde ao respecto, é cuestión de tirar de arquivo.

7.-Por último responderemos á afirmación de que a carga de traballo é menos e o número de empregadas segue a ser o mesmo, ¡claro señores! a carga é menos porque as máquinas non funcionan, non cremos que a carga sexa menos porque o persoal do hospital non cambie aos paciente, ou porque a ocupación hospitalaria sexa inferior, a carga de traballo distribúese de xeito irregular, esgotando ás traballadoras... Menos mal que a CIG di que o servizo funciona polo voluntarismo de quen traballa, segundo parece a Xerencia pensa que sobran, sorte que non pode despedilas...

8.- Pedímoslle ao Xerente do Hospital que vaia explicarlle ao persoal a verdade do problema, que deixe de pasear polo medio da lavandería, que se achegue atrás, onde se descarga a roupa, que saque as mans dos petos e se agarre ás bolsas. Suxerímos ademais para un maior aforro que nos poñan un pilón, a CIG xa se encargará de instalar as cordas e tender a roupa.

 

 

 
Partillar no Chuza!Partillar no MenéamePartillar no TuentiPartillar no FacebookPartillar no TwitterPartillar no Cabozo

O xoves día 8 refundouse a Plataforma Sindical de CCOO, UGT, CSIF, SAE, CEMS e CIG-Saúde para permanecer en loita contra o sistema de suspensión de acordos seguido por este goberno, xa vos informaremos ao respecto.

 
Partillar no Chuza!Partillar no MenéamePartillar no TuentiPartillar no FacebookPartillar no TwitterPartillar no Cabozo

O VENRES 9 DE OUTUBRO ÁS 12 HS NO SALÓN DE ACTOS DO H. XERAL

 

ASEMBLEA ABERTA DE TRABALLADORES PARA TRATAR SOBOR DE A:

-PROPOSTA DO SERGAS SOBRE O NOVO BAREMO PARA O PACTO DE CONTRATACIÓNS

-VARIOS

O MARTES 13 ÁS 17 HS HABERÁ ASEMBLEA DE AFILIADOS COS SEGUINTES TEMAS

Trátase de informarvos sobor da suspensión dos acordos e máis acadar unha posición da Comarca de Lugo sobre o baremo do Pacto, para poder debatela internamente na CIG e acadar unha posición para trasladar ao SERGAS.

 

 

 

 
Partillar no Chuza!Partillar no MenéamePartillar no TuentiPartillar no FacebookPartillar no TwitterPartillar no Cabozo

Apampados nos teñen estes novos gobernantes do PP. Mira que levamos anos pelexando cos problemas da sanidade, e mira que pasaron gobernos e Conselleiros/a e NADA !!. Todos uns burriños.

 

Tivo que chegar Feijóo e a súa “Consejera”  Farjas para, en dous días, dar coa solución ao vello problema das Listas de Espera:

 

 Foi o presidente quen, nun alarde de domínio das matemáticas, veu dicir que con que soamente se realice unha operación mais por quirófano en xornada ordinária, as listas de espera reducirianse en 45.000 persoas/ano. Sinxelamente XENIAL!!. E se fosen duas intervencións serían 90.000, dicimos nós (que tamén sabemos multiplicar), para que imos quedarnos curtos....

 

 

 
Partillar no Chuza!Partillar no MenéamePartillar no TuentiPartillar no FacebookPartillar no TwitterPartillar no Cabozo

Aproveitando as Festas de San Froilán, desembarcan en Lugo ano tras ano os habituais carteristas: xente cunha especial habilidade para meterche a man no peto e birlarche a carteira ao menor descuido. Non hai problema, se poñemos un pouco de cuidado evitaremos convertirnos nas súas vítimas. En todo caso, o mais que nos poden facer é arruinarnos un día de festa…

 

Pero andan soltos este ano outra variedade de CARTERISTAS DE GUANTE BRANCO que sí nos deben preocupar, e MOITO.  Estes non pasan por quitarche o solto que leves na carteira, estes meten a man a fondo. FEIJÓO E A SÚA BANDA DO PP, coa decisión unilateral e imposta –INÉDITA NA HISTÓRIA- de deixar en suspenso os Acordos retributivos en vigor, incluída a Carreira profesional (grado IV) pendente de completar para o persoal de Xestión e Servizos e de Formación Profesional (Auxiliares de Enfermería, Persoal Técnico Especialista, Celadores, Auxiliares Administrativos, Persoal de Oficio, etc), veñen de deixar aos rateros de toda a vida no mais absoluto dos ridículos.

 

Porque o señorito FEIJÓO pretende birlarnos diante dos nosos fuciños - co truco da austeridade que andan perfeccionando- cantidades que poden acadar os 3.500€ (caso de Psicólogos Clínicos e outros Licenciados Sanitários), ou perto de 1.000€ para un Celador de quenda fixa ( os de quenda rotatória bastante mais). Se a isto engadimos os perto de 500€ de média que nos custará a reforma fiscal do PSOEpor certo moi criticada polo PP con todo o cinismo-, as cifras acadan valores DE VÉRTIGO. Con escotes así calquera fai a festa…

 

E é que para outros HAI FESTA RACHADA: a decisión anunciada de dar entrada ao capital privado na SANIDADE PÚBLICA, garantíndolle un NEGÓCIO SEN RISCO E A LONGO PRAZO, é un REGALO inestimabel para uns poucos. A paralización do Concurso Eólico, adxudicado por primeira vez conforme a uns baremos previamente coñecidos e publicados, e que tiña entre os seus adxudicatários a sectores productivos claves para o país (sector pesqueiro e gandeiro, por exemplo, ademais das Caixas de Aforro), vai ser andando o tempo outro REGALIÑO para os grandes accionistas de grandes compañías radicadas FÓRA DO PAÍS. E sería o colmo da BURLA que se atrevesen a levar a cabo a EXTENSIÓN DO COMPLEMENTO por ADICACIÓN EXCLUSIVA para o persoal facultativo que traballa na PRIVADA, cousa que andan negociando por fóra da Mesa con algún sindicato corporativo.

 

¡ FRONTE Á CRISE, REPARTO DA RIQUEZA!

 

¡ FÓRA AS VOSAS SUXAS MANS DO PETO DOS TRABALLADORES!

 

 

 

 

 
Partillar no Chuza!Partillar no MenéamePartillar no TuentiPartillar no FacebookPartillar no TwitterPartillar no Cabozo

O SERGAS FAI UNHA NOVA PROPOSTA PARA A NEGOCIACIÓN  DO PACTO DE CONTRATACIÓNS QUE CAMBIA POR COMPLETO O CONCEPTO DE LISTAS DE CONTRATACIÓN, PROPÓN :

- UNHA 1ª LISTA COS APROBADOS SEN PRAZA DA OPE NA QUE SE INCLÚE A PUNTUACIÓN DA FASE DE CONCURSO

-UNHA 2ª LISTA COS PRESENTADOS SUSPENSOS NA QUE SÓ SE TEN EN CONTA A PUNTUACIÓN DOS EXERCICIOS DA OPE

-UNHA 3ª LISTA SUBSIDIARIA DESTAS PARA QUE SE ANOTE O PERSOAL QUE RESTA E O QUE SE VAIA INCORPORANDO

 

COMO VEDES O CAMBIO DE CONCEPTO É SUBSTANCIAL, NO CONSELLO NACIONAL DA CIG-Saúde DECIDIUSE DISCUTIR NAS COMARCAS.

EN BREVE TEREDES CONVOCATORIA DE ASEMBLEA DE AFILIADOS SEN PRAZA, CO FIN DE ACADAR UNHA POSTURA QUE DEFENDER NO GRUPO INTERNO DE TRABALLO CREADO PARA A RENEGOCIACIÓN DO PACTO DE CONTRATACIÓNS. CONTAMOS COA VOSA OPINIÓN.

 

 

 

<< Inicio < Anterior 201 202 203 Seguinte > Final >>