gracias

MESA SECTORIAL

   O SERGAS acaba de enviarnos a convocatoria dunha Mesa Sectorial para este xoves día 19 ás 11 horas en Santiago co único punto na orde do día:

     Información sobre a situación de acordos.        VAQUEIRO

 

EXAME PSX,PROBLEMAS

Hoxe tivemos constancia dunha incidencia a hora de entregar os exames da categoría de psx.

En concreto, algúns que entraron pola porta 11 e a 40, á hora de ir entregar o examen, atópanse con que non teñen folla autocalcable para levar.

Dínlles, que efectivamente, hai unha partida de examenes que non traen folla autocalcable. Isto supón que non teñen forma de correxir o examen na casa e de saber a nota que teñen.

Si hai alguén que lle aconteceu, que chame ó teléfono do sergas 881 542 802 ou 881 542 803 ou ben tamén podedes mandar un fax co voso nome,dni, categoría, e porta de entrada ó seguinte número de fax 881 542 818.

É importante, que no fax que lle mandedes, poñades un número de fax o que queirades que vola envíen de volta.

.573-30060-a-MOSKEAUPQN
 

NOVA PROPOSTA DO SERGAS

 573-69003-a-BURRO

 

 


LOGO DA NEGATIVA POR PARTE DO SERGAS A MANTER O DIÁLOGO SOCIAL NA MESA SECTORIAL, NO DÍA DE HOXE RETOMOUSE A NEGOCIACIÓN CUNHA NOVA PROPOSTA QUE XA NON SUSPENDE OS ACORDOS, SENÓN QUE OS APRAZA NO TEMPO.

ESTA PROPOSTA NON CONTEMPLA NINGÚN INCREMENTO RETRIBUTIVO PARA O ANO 2010 E CONTEMPLA UN HORIZONTE TEMPORAL  QUE REMATARÍA NO 2014, FORA XA DA LEXISLATURA, FEITO QUE CRITICARON DOS ACORDOS ASINADOS.

 

ESTA É A PROPOSTA PRESENTADA E REXEITADA POLA PLATAFORMA SINDICAL INSTANDO AO SERGAS A QUE PRESENTE UNHA NOVA PROPOSTA DE XEITO INMEDIATO:

 

 

2011

2012

2013

2014

Ingresos

<5%

1/3 mellora 2010

2/3 mellora 2010

100% mellora 2011

100% mellora 2012

Ingresos

>5%

2/3 mellora 2010

1/3 mellora 2010

2/3 mellora 2011

1/3 mellora 2011

1/3 mellora 2012

2/3 mellora 2012

MOBILIZACIÓNS

CONCENTRACIÓN DELEGADOS

MÉRCORES 18 NOVEMBRO

ÁS 11 HORAS NO SERGAS

 

 

IMPUGNACIÓN EXAME DE CELADOR

Os nosos compañeiros do Barco fixeron un modelo de impugnación para quen queira impugnalo por todas as irregularidades que houbo.Tamén colgamos a nota de prensa que dende Cig-saúde enviamos aos medios de comunicación.

Este fin de semana celebrouse en Silleda o exame da oposición para o Sergas da categoría de CELADORES, o mesmo constaba de 2 partes diferenciadas:
1. Unha parte específica, con temario propio.
2. Unha parte común tamén con temario propio.
Unha vez rematado o exame nas suas partes, os opositores constataron que na parte específica había un número de preguntas ( aproximadamente 6 ), que non debían de figurar nese exame en concreto pois pertencian ao temario da parte común.
Por todo isto dende CIG-Saúde pedimoslle ao Sergas que busque unha solución, xa que non parece de recibo realiza-los cambios de temarios entre os distintos exercicios.
Tamén se constatou que o nivel dun grande número de preguntas non correspondía coa titulación esixida para á categoría.

Un saúdo

Xan Ramón Fernández Cid
Executiva CIG-Saúde

mans_arribaDende a sección sindical de O Barco elaboramos un modelo de reclamación para quén queira impugnalo, tamén volo deixamos por se a alguén lle interesa:

DE: O TEU NOME
A: Tribunal OPE SERGAS categoría Celador
Dirección Recursos Humanos SERGAS
Directora Xerente SERGAS


O TEU NOME , con número de carné XXXXX inscrita como aspirante para o proceso de Concurso-oposición do SERGAS convocado por resolución de 18 de febreiro de 2009 da Xerencia do Servizo Galego de Saúde (DOG do 26de febreiro de 2009), modificada pola resolución de 8 de xullo de 2009 da Xerencia do Servizo Galego de Saúde (DOG do 14 de xullo de 2009), na categoría de CELADOR, con domicilio a efectos de notificación en ..... DIRECCIÓN,

EXPÓN: que tendo concorrido ao acto único da fase de oposición do proceso no que me atopo inscrita, celebrado o pasado día 8 de novembro de 2009, e comprobando que o primeiro exercicio non se axusta ao estipulado na convocatoria, posto que as preguntas 5, 9, 22, 23, 24, 31, 32 e 48 versan sobre saúde laboral, que forma parte do temario común e non do temario específico, cando na convocatoria di claramente que o temario común será avaliado no segundo exercicio (non eliminatorio), tal e como se pode comprobar na correspondente documentación (exercicio e convocatoria modificada).

SOLICITA: que sexa anulado tal exercicio por incumprimento da convocatoria.

O Barco, 12 de novembro de 2009.

NOME.

 

PROPOSTA DO SERGAS INCUMPRIMENTO DOS ACORDOS

                   573-72986-a-paos   Borrador. Proposta condicionada as autorizacións e informes preceptivos.

PROPOSTA DE NOVO ESCENARIO TEMPORAL DE CUMPRIMENTO DOS ACORDOS DO SERGAS

O cumprimento dos preceptos da futura Lei de orzamentos xerais da Comunidade Autónoma para o ano 2010, no suposto de que se aprobe coa redacclon incorporada ao actual proxecto de Lei, suporá a suspension durante ese ano, motivada polas actuais circunstancias económicas excepcionais, dos acordos da Mesa Sectorial que suporian incrementos retributivos para o ano 2010.
Con independencia do necesario cumprimento dese previsible mandato do lexislador, a Administracion Sanitaria ten manifestado as organizacións sindicais a sua vontade de garantir o cumprimento dos referidos acordos.
Sobre estas bases, a administración e as organizacións sindicais constatan a necesidade de dotarse dun instrumento que inclua previsións e compromisos sobre a execución temporal futura dos acordos que sexan suspendidos. Tratase así, por unha parte, de recoñecer que o actual contexto económico claramente adverso condiciona a aplicación das melloras salariais acordadas para un colectivo tan relevante como o dos empregados publicos do Servizo Galego de Saude. Por outra, ratifícase a capacidade negociadora da Mesa Sectorial ao establecer no momento presente, incluso antes de que sexa efectiva a suspension legal, as previsions necesarias para ordenar no tempo o futuro cumprimento dos acordos vixentes. Polo demais, estas previsións sobre execución futura dos acordos veñen a resolver en grande medida a incerteza dos colectivos afectados sobre futuro dos seus incrementos retributivos.

Ler máis...

 

ANÁLISE DA ENTRADA DE CAPITAL PRIVADO NA CONSTRUCCIÓN DE HOSPITAIS POLA ASOCIACIÓN GALEGA POLA DEFENSA DA SANIDADE PÚBLICA

money 

Ante as declaracións do Presidente do Colexio de Médicos de Pontevedra, Campos Villarino, nas que asegurou que non lle preocupa o uso de fórmulas privadas para construír os novos hospitais públicos (suponseque os de Vigo, Pontevedra, e o resto de infraestruturas sanitarias que Galicia necesita con urxencia) alegando que en tempos de crises o financiamento público non é suficiente e a súa proposta de acabar co actual sistema sanitario universal e gratuíto para a poboación, a Asociación Galega para a Defensa da Sanidade Pública quere puntualizar:

 

1.- Que recorrer ao financiamento privado a través das Concesións de Obra Pública non supón que as empresas privadas poñan o diñeiro en lugardo sistema público: o único que varía respecto da fórmula tradicional é que a administración sanitaria en lugar de pedir prestado directamente o diñeiro para construír os centros faino a través dunha asociación de empresas construtoras, aseguradoras e bancarias, o que encarece o custo final dos mesmos xa que os intereses son máis elevados para estas ao que hai que sumar os beneficios que deben repartir dividendos cos seusaccionistas. Os hospitais de Valencia, Madrid ou Reino Unido multiplicanpor sete o seu custo real.

Ler máis...

 

PECHE MONFORTE 10-11-2009

10112009_001

Hoxe as oito da mañá rematou o peche no H.C. de Monforte.Decir que houbo unha boa participación por parte de todo o persoal do centrto en apoio dos compañeiros pechados.O traballo empeza a dar os seus froitos xa que se convocou mesas sectorial para mañá día 12.

Onte pola tarde tamén cremos que houbo unha reunión cos Xerentes(polo menos o noso díxonos que ía a Santiago)para falar dos peches.10112009_003

 

PECHES

Continuando coas protestas pola decisión do Partido Popular de suspender os acordos retributivos. Este martes día 10 toca peche de 24 horas nos centros das provincias da Coruña e Lugo.

 

 

FARJASPECHE10

 

 

PARTICIPA NOS PECHES

NON FALTES

XÓGASTE MOITO, XOGÁMONOS MOITO

 

POLO CUMPRIMENTO DOS ACORDOS ASINADOS

RESPECTO AOS ÓRGANOS DE NEGOCIACIÓN

 

CIG-SAUDE

573-54335-a-logo573-64644-a-galego
 

A QUÉN PRETENDEN ENGANAR CON ESTES ORZAMENTOS?

img002
 

SOLIDARIOS....

....UNS MÁIS QUE OUTROS.573-72328-a-farjas20cristiana20copia
 

PECHE DE MONFORTE E CONCENTRACIÓN

03112009_001Hoxe as oito da mañá empezou o peche no Hospital de Monforte.A plataforma sindical formada por CIG,UGT,CCOO,CSIF e SAE estarán pechados no hall ata mañá as oito da mañá.Asimesmo as duas da tarde fíxose unha concentración en apoio a tódolos compañeiros de peche.

Decir que hoxe se produxeron tamén peches nas comarcas de Ferrol,O Barco,A Coruña,Lugo e Burela.

Témoslle que seguir plantando cara o SERGAS ata que cumpran o asinado.

 

CONCENTRACIÓN EN SANTIAGO DA PLATAFORMA EN DEMANDA DO CUMP0RIMENTO DOS ACORDOS

Onte pola mañán tivo lugar unha concentración da plataforma sindical diante da entrada do Pazo de Congresos en Santiago,para exixir a convocatoria,dun xeito inmediato dunha mesa sectorial con capacidade negociadora,para tratar sobre a suspensión dos acordos asinados.

573-72166-a-montaxe

  Recordarvos que esta convocatoria foi como consecuencia da ruptura,por parte do SERGAS,da mesa sectorial,o pasado venres 30 de outubro.

Parece ser que despois das derradeiras movilizacións por parte da plataforma e dos traballadores se vai volver convocar de novo a mesa.Esperremos que esta vez decidan respectar os acordos asinados.

 

MOBILIZACIÓNS DA PLATAFORMA SINDICAL

Concentración o luns 2 de novembro ás 11h no Pazo de Congresos e Exposicións en Santiago de Compostela, onde estará a Conselleira presentando a Escola Galega de Saúde para Cidadáns.

Peches nas Comarcas coa participación do persoal en Asembleas Permanentes durante 24 horas nas seguines datas:
•Días 3 e 10 de novembro nas provincias de Lugo e A Coruña.
•Días 5 e 12 de novembro nas provincias de Ourense e Pontevedra.

Concentración diante do Parlamento coincidindo co inicio do debate dos orzamentos.

                             573-69410-a-tousP

 

MANIFESTACIÓN EN SANTIAGO 28-10-09

Éxito de participación na manifestación de hoxe en Santiago. Máis de 5.000 traballadores e trababalladoras secundaron a convocatoria da Plataforma Sindical Unitaria. Agardamos que a Xunta e o SERGAS tomaran boa nota.


As mobilizacións non remataron aquí. Estade atentos ás novas convocatorias de mobilizacións.

PARTICIPA NAS MOBILIZACIÓNS

XÓGASTE MOITO, XOGÁMONOS MOITO

POLO CUMPRIMENTO DOS ACORDOS ASINADOS 

RESPETO AOS ÓRGANOS DE NEGOCIACIÓN 

  .
cig

 

NOTA DE PRENSA DE CIG-SAUDE

 

 

                                    AOS  MEDIOS  DE  COMUNICACION

 

         A  Sección Sindical de C.I.G.-Saúde no Hospital Comarcal de Monforte quere denunciar o desmantelamento que se está a producir no Hospital.

          Dende que o PP chegou á Xunta estase a rexistrar unha diminución nos servizos xa que hai cinco especialistas menos:

-         dous pediatras                       

-         unha farmacéutica

-         un xinecólogo

-         unha traumatóloga                                        

     cabreadisimo_cos_dentes_afiados Tamén no mes de marzo había cinco anestesistas e agora só hai tres, o que produce un incremento considerable nas listas de espera e un trastorno constante á poboación, xa que teñen que desprazarse a Lugo para recibir tratamentos que deberiamos estar en condicións de ofertar aquí.    A estes especialistas ou ben non se lle renovou o contrato ou ben se lles permitiu marchar sen buscarlles substitutos. É evidente que non se garante a estabilidade no emprego e se facilita a partida de facultativos necesarios no noso hospital,  perpetuando os incrementos nas listas de espera e minguando a carteira de servizos progresivamente.

          Tamén hai que falar do desmantelamento da aparataxe propia, xa que levaron un respirador para o Hospital de Lugo, no servizo de raios hai un ecógrafo que leva case dous meses avariado e non se amaña, no mes de marzo ían a comprar un aparato para facer colonoscopias, coa chegada da nova Dirección paralizouse a compra e estase usando un prestado e vello. Din que non teñen cartos pero nomean un Director Médico, cargo que nunca houbo  neste Hospital, e despois non substitúen ó persoal que está disfrutando os seus días libres.

         Todo esto parece estar enmarcado na campaña realizada estes días na nosa área, pola Directora Xeral de Asistencia Sanitaria, Nieves Domínguez, que veu vendernos  que a área sanitaria de Monforte non ía desaparecer, pero mentres tanto estes antecedentes fan  crer que esta xente  o único que fai e desmantelar o Hospital para facer a área única en Lugo e centralizar alí todos os servizos, os concertos e derivacións á privada, etc. Xa están desviando un número importante de pacientes cirúrxicos a Lugo, isto é só un anticipo do que nos espera xa que os doentes da área de Monforte terán que ir o especialista a Lugo, deixando o noso hospital como un mero Centro de Especialidades.

         A centralización non está xustificada en nada obxectivo, fai que os recursos sexan consumidos por un só centro en detrimento dunha área que conta con cerca de 60000 hab que ven como merman as prestacións e a calidade das mesmas.

         A CIG-Saúde demanda que traballadores e usuarios non sexan os que paguen os desaguisados desta nova política privatizadora e reclama modelos sanitarios PÚBLICOS e coherentes.

        

 

 

                                                                                Monforte, a 29 de Outubro de 2009  

 

ORZAMENTOS 2010:O PP AMOSA A SUA VERDADEIRA CARA

Aqui vai unha síntese que nos envían da Central de Santiago onde se amosa a verdadeira cara do PP en materia orzamentaria, depois de encherse, e enchernos, a boca de austeridade, esta redúcena os traballadores 'rasos', iles segen o mesmo.

Artigo 13.3. Tres.- Para efectos do disposto na alínea anterior as retribucións que percibirá o persoal funcionario que ata a Lei de orzamentos xerais da Comunidade Autónoma de Galicia para o ano 2007 viñan referenciadas aos grupos de titulación previstos na lexislación da función pública galega, e que se corresponden nos mesmos termos cos grupos recollidos no texto refundido da Lei da función pública de Galicia aprobado polo Decreto lexislativo 1/2008, do 13 de marzo, pasan a estar referenciadas aos grupos e subgrupos de clasificación profesional establecidos no artigo 76 e na Disposición transitoria terceira da Lei 7/2007, do 12 de abril, pola que se aproba o Estatuto básico do empregado público, sen experimentar outras variacións que as derivadas dos incrementos previstos nesta lei. As equivalencias entre ambos os sistemas de clasificación son as seguintes:

Ler máis...

 

CAMBIO DE HORARIO PARA PSX E COCIÑEIROS

OPE - Non facultativo e de Xestión e Servizos

Desde o SERGAS achégase a seguinte información:

Bos días: nas datas de realización dos exercicios da OPE 2009 publicadas no DOG do día 16-10-09, por cuestións organizativas alterouse a hora de realización dos exercicios de P.S.X e cociñeiros, respecto ás datas que como previsión estaban colgadas na páxina web como anticipo informativo.

É importante que difundades que  a categoría de P.S.X examinarase o día 15-11-09 ás 17:00 horas, e a de cociñeiro o día 15-11-09 ás 13:00 horas. Gracias

 

ÁREA ÚNICA

Esto da área única estase a converter no misterio máis grande desde a Santísima trinidade.Agora parece que xa da hasta medo nomeala así e hoxe pola mañán tivemos no Hospital de Monforte una Xornada sobre Xestión Integrada.

Os obxectivos desta xornada eran dar a coñecer o modelo de xestión integrada.A primeira en intervir foi Dna.Nieves Domínguez,Directora xeral de asistencia.´

Nos como Cig-saúde dixémoslle si nos podía explicar qué sinifica xestión integrada? si é que Primaria se vai integrar en Hospitalaria ou si os hospitais comarcais se van integrar nos hospitais de referencia e vai ser todo unha única área(palabras tabú).

Ainda a estas horas da tarde non sei o que me trapelexou.Mareou a perediz de tal forma que non respostou.Volta para aquí,volta para alá e nada.

 

Despois folou Ramón Morera Ex-Xerente Territorial Camp Tarragona.

Ler máis...

 

ASAMBLEA INFORMATIVA DO BLOQUE SOBRE A AREA UNICA

O venres 16 as 8 da tarde o BNG vai ter unha asamblea informativa para falar sobre a área única.Cig-saúde únese a tódolos actos a levar a cabo e propoñemos a creación dunha plataforma en defensa da área sanitaria con tódalas competencias que ten actualmente a área sanitaria.

Dita asamblea terá lugar nos locais da Fraternal.

 

NON O NOVO PACTO DE CONTRATACIÓNS

Na reunión que Cig-saúde de Monforte mantivo cos seus afiliados acordouse decir non ao novo pacto de contratacións de forma unánime.

Estamos totalmente dacordo en vincular as listas de contratación á OPE,pero nunha sola lista onde se teña en conta a nota do exame,a experiencia,e a formación.

 

feed-image
Confederación Intersindical Galega - Federación de Saúde
Miguel F. Caaveiro, 10 - Santiago de Compostela
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info