CIG Saude | Ferrol | A Coruna | Vigo | Pontevedra | Ourense | Lugo | Santiago | Monforte | Burela | 061 | AgMedica


logocigsaudebarco4


<<  Outubro 2019  >>
 Lu  Ma  Me  Xo  Ve  Sa  Do 
   1  2  3  4  5  6
  7  8  910111213
14151617181920
21222324252627
28293031   
Frase pra baixar os modulos en firefox

Reclaman sancións para os policias que ameazaron a unha xornalista de el pais Imprimir Correo-e
Lingua e Cultura
Mércores, 28 Xullo 2010 11:19

fonte Vieiros
A Policía española amosa un ano máis o seu desprezo polo galego durante o Día da Patria

Reclaman sancións para o axente 'antidisturbios' que ameazou a unha xornalista con "darle unas hostias" por usar o nome oficial dunha praza en Compostela
A celebración Día da Patria en Santiago de Compostela deixou un ano máis distintos exemplos do desprezo da Policía española polo idioma galego. Varios xornalistas foron insultados e ameazados por utilizar a lingua e a toponimia propias do país. O BNG e a Mesa pola Normalización Lingüística reclaman que se investiguen estes sucesos e se sancione aos axentes implicados.
Luis Davila amosou a súa particular visión do tema.

Aínda que ano tras ano se tiñan rexistrado incidentes similares, a actitude dos policías españois desprazados á capital galega con motivo da celebración do Día da Patria acadou este ano maior relevancia despois de que un rotativo madrileño con delegación en Galiza recollese unha das denuncias. Nesta ocasión a vítima foi unha xornalista andaluza do propio medio de comunicación. Segundo relata o diario, un axente que se atopaba na noite do 24 instigando unha concentración independentista na porta Faxeira dirixiuse á redactora, que viña de preguntarlle a unha viandante pola praza da Peixería Vella, para espetarlle que “se llama Pescadería Vieja y tú, que eres de fuera, deberías saberlo”. A continuación recomendoulle que correse, “no vaya a ser que te demos unas hostias”.

Outra traballadora dun medio dixital galego tamén foi insultada por un axente 'antidisturbios' cando camiñaba acompañada dunhas amigas. Nesta ocasión preguntoulles se tiñan algún problema porque el non falase galego, para a continuación dicirlles que “a ver si camináis tan lento cuando vayamos de trás de vosotras”. Pero aínda foi máis alá e díxolles rindo: “Tú, con lo gorda que estás, debes de andar cerca de los 90 quilos”.

Reclaman sancións

Diante disto, tanto o BNG como a Mesa pola Normalización Lingüística reclaman que se investiguen os casos e se adopten medidas disciplinarias contra os axentes implicados. A formación nacionalista presentou unha iniciativa parlamentaria no Congreso español e a Mesa solicitou ao Ministerio do Interior que depure responsabilidades por estes novos exemplos de criminalización do idioma.

Tamén vén sendo habitual que ano tras ano os axentes españois veten a entrada a distintas rúas da capital galega a persoas que portan bandeiras da patria ou simboloxía nacionalista. Feitos similares foron denunciados tamén nesta ocasión.

 
Aviso sobre a convocatoria de traslados Imprimir Correo-e
Traslados
Mércores, 28 Xullo 2010 10:38

Onte comentámoslle ao SERGAS que no borrador do concurso de traslados faltaban prazas que si se recollían nos documentos anteriores, hoxe volvimos falar con eles e dixéronnos que están a preparar unha corrección de erros.

 
MESA SECTORIAL 27 DE XULLO DE 2010 Imprimir Correo-e
Actualidade
Mércores, 28 Xullo 2010 10:35

INFORMACIÓN DA REUNIÓN DA MESA SECTORIAL CELEBRADA O DÍA 27 DE XULLO DE 2010.


Previa á reunión de Mesa Sectorial tivemos unha reunión das organizacións sindicais, agora parece que todas as organizacións sindicais coincidimos no diagnóstico do que está a facer o SERGAS coa política sanitaria e moi particularmente coa política de persoal.

Unha vez iniciada a xuntanza de Mesa Sectorial, a Directora de RRHH do SERGAS pretende dar por aprobado o Plan de Ordenación de Recursos Humanos (PORH), limitando o debate do documento á periodicidade coa que se convocarían os concursos de traslados e OPE. O resto do articulado do documento  parece que non ten máis debate, pois a Admón non acepta ningunha das alegacións presentadas e dá por rematada a negociación. A súa intención é publicar o PORH mediante unha Resolución de Orde, para a axilizar a súa entrada en vigor, por iso non o tramitan como Decreto xa que canto antes sexa efectivo seica mellor.

Na quenda de intervencións das organizacións sindicais demos lectura ao escrito conxunto, por parte da Admón comunicóusenos que o consultarían coas instancias superiores e daríannos a contestación pertinente. A nosa impresión é que por parte do SERGAS onte deron por rematada a negociación.

 

Conclusións de CIG-SAÚDE sobre PORH.

Na rolda de intervención como CIG-SAÚDE, denunciamos unha vez máis a actitude da Admón. É impresentable que unha Admón pretenda sacar adiante dúas normas de tanto calado sen o mínimo consenso sindical.

O documento que pretende aprobar a Admón non é un PORH, senón unha norma que lle permita a Admón xogar coas/os traballadoras/es no seu beneficio e no beneficio das súas políticas privatizadoras.

 

Para a CIG-SAÚDE o PORH debe ser un instrumento vinculado directamente a un proxecto de adecuación de persoal, esixe por tanto a realización previa dun diagnóstico de necesidades actuais e futuras, globais ou para ámbitos determinados, que non aparece por ningures no borrador do SERGAS.

Se non hai diagnóstico de necesidades mal pode haber proposta de solucións ou medidas a adoptar, agás que do que se trate por parte do SERGAS non sexa outra cousa que lexitimar a través dun PORH unha serie de medidas de flexibilidade para logo dispor delas cando e como lle conveña.

Este documento en vez de concretar as medidas, limítase a reiterar que no futuro se deseñarán tales medidas, previo paso ou non pola Mesa Sectorial.

 

CIG-SAÚDE solicitamos, unha vez máis, a retirada deste documento e a presentación por parte do SERGAS dun verdadeiro Plano de Ordenación de RRHH.

 

No mes de setembro teremos unha nova reunión das organizacións sindicais de Mesa Sectorial para analizar as posibilidades de adoptar medidas concretas contra os dous documentos do Sergas: xestión integrada e PORH. Independentemente das actuacións que poidamos facer de futuro co resto das organizacións, nós faremos unha campaña intensiva de explicación dos documentos do SERGAS e das nosas alegacións.

 
OPE: publicación listados Imprimir Correo-e
OPE
Mércores, 28 Xullo 2010 10:24

O SERGAS informa que mañá dia 29 de xullo sairá publicado no DOG:

 

- o listado provisional de baremación da fase de concurso de matronas, logopedas e TERadioterapia

- o listado definitivo da fase de oposición e apertura de prazo de presentación de méritos para a fase de concurso de: PSX, aux. administrativo, grupo A e B da FA e cociñeiros.
 
OPE siquiatria: puntuaciois definitivas Imprimir Correo-e
OPE
Martes, 27 Xullo 2010 09:32

CIG-SAÚDE INFORMA:

Resolución do 16 de xullo de 2010, da Dirección de Recursos Humanos, relativa á publicación de puntuacións definitivas, conclusión da fase de oposición e a apertura do prazo da fase de  oncurso do proceso selectivo para ingreso na especialidade de facultativo/a especialista de área de psiquiatría.

jaiteiroAbrir o prazo dun mes contado desde o día seguinte ao da publicación desta resolución, para que estes aspirantes presenten a documentación acreditativa dos méritos que aleguen nos seguintes lugares:

a) Na Secretaría Xeral da Consellería de Sanidade.

b) Na Dirección de Recursos Humanos do Servizo Galego de Saúde.

c) Nas xefaturas territoriais de Sanidade dos departamentos territoriais da Xunta de Galicia.

d) Nas direccións provinciais do Servizo Galego de Saúde.

e) Nos servizos de persoal dos centros ou complexos hospitalarios do Servizo Galego de Saúde.

f) Nos servizos de persoal das xerencias de Atención Primaria do Servizo Galego de Saúde.

g) A través de calquera dos procedementos do artigo 38 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento

administrativo común.

Os méritos alegados nesta fase de concurso entenderanse referidos como máximo ata o día 28 de xaneiro de 2007.

Todos/as os/as aspirantes que superaran a fase de oposición deberán achegar obligatoriamente fotocopia compulsada do seu DNI e fotocopia compulsada do título exixido para o ingreso na correspondente categoría. Ademais, os/as que accedan polas quendas de promoción interna e de discapacitados deberán achegar, ademais da documentación anterior, orixinal ou certificación compulsada acreditativa, segundo os requisitos descritos nos puntos 2 e 3 da base segunda da respectiva convocatoria.

puntuación definitiva

 
Un policía ameaza a unha andaluza por usar o galego Imprimir Correo-e
Lingua e Cultura
Luns, 26 Xullo 2010 11:07
Noticia extraída de el pais.

Estaba na Alameda de Compostela e quería chegar á praza de Pescadería Vella. Ao cruzar no semáforo da entrada ao casco histórico na noite do sábado, en plenas festas do Apóstolo, unha xornalista do PAÍS, andaluza, preguntou a unha señora por onde tiña que ir usando o nome oficial do lugar, en galego. Fíxoo á beira dun grupo de independentistas que se concentraban pacíficamente, rodeados por decenas de axentes da Policía Nacional. Un antidisturbio agarrouna do brazo: ""Aquí no hay nada que se llame Pescadería Vella, se llama Pescadería Vieja. Tú, que eres de fuera, deberías saberlo",", reprendeulle. Acto seguido espetoulle: "Corre, no vaya ser que te demos unas hostias". Foi antes de que os antidisturbios comezasen a cargar contra os concentrados.
 
28 de xullo convocatoria de traslados Imprimir Correo-e
Traslados
Luns, 26 Xullo 2010 09:40

 Parece que por fín  o SERGAS saca os traslados; esta é Resolución de convocatoria do concurso de traslados coas prazas ofertadas e as resultas.

Esta enviado a DOG coa previsión de publicarse o vindeiro dia 28 de xullo.

O prazo de presentación de solicitudes queda amplaido ata o 15 de setembro de 2010.

 
para mariñeiros, nós Imprimir Correo-e
Lingua e Cultura
Venres, 23 Xullo 2010 09:57
Un pouco de humor galego non fai dano e axuda a eliminar o stres.


 
Farjas non aclara se se van cubrir as ausencias no verán Imprimir Correo-e
Recurtes Sociais e Salariais
Xoves, 22 Xullo 2010 09:09
Artigo extraido (e traducido) de Xornal.com:

Sanidade garante a asistencia sanitaria durante o período estival. Con todo, a Conselleira Pilar Farjas non aclarou se este verán se cubrirán as baixas e as vacacións dos profesionais do Sergas, tal e como denunciou esta semana a nacionalista Ana Luisa Bouza. Así, desde o departamento autonómico simplemente argumentan que hai unha reorganización do persoal hospitalario similar á doutros anos.
staca
Con todo, a portavoz de Sanidade do BNG e as organizacións sindicais denunciaban esta mesma semana que este verán non hai sustitucións para as vacacións nin as baixas. É máis, poucos días antes, a Comisión do Complexo Hospitalario Universitario de Santiago (CHUS) manifestaba que neste centro non se cubrirá durante o período estival a máis do 50% do persoal.

A actividade do Sergas cae mes a mes, denunciou a nacionalista Ana Luisa Bouza, quen ademais lembra que segundo os últimos datos sobre listas de espera publicados na web do Sergas, as persoas que están á espera por unha operación cirúrxica aumentaron en 12.000 respecto de xuño de 2009. Uns datos que, ademais, a nacionalista achacou ao peche masivo de camas durante este verán.

No entanto, Pilar Farjas volveu defender onte que o seu departamento garante o funcionamento do 92% das prazas nos hospitais galegos. Porén, o peche medio dunhas 580 camas xa fora anunciado anteriormente desde Sanidade, sen chegar a precisar en ningún momento qué hospitais e durante canto tempo levará a cabo.

Así, os datos da Consellería contrastan cos que manexan os sindicatos e que falan dunha perda de até duascentas camas máis das recoñecidas polo departamento autonómico. Neste sentido, Manuel González, da CIG, explicaba que este peche utilizase para recolocar o persoal noutros servizos e rebaixar a actividade.

Nesta liña, Farjas insistiu no funcionamento de todos os servizos de saúde, máis aló de situacións concretas, en alusión da falta de profesionais para a especialidade de pediatría, que atribuíu á inexistencia de pediatras en paro que contratar, que, segundo dixo, compleméntase con médicos de familia e a atención en hospitais.

A deputada nacionalista tamén acusou o pasado luns ao Sergas de comezar a derivar as urxencias a centros concertados. Neste sentido, Ana Luisa Bouza explicaba que desde hai dúas semanas as urxencias do Complexo Hospitalario de Ourense son derivadas a hospitais privados.

Pola contra, Farjas insistiu en que non é certo e recalcou que no CHOU actúase con criterios de rigor.

Non existe ningunha derivación a un centro privado desde Urxencias máis aló de causas concretas, afirmou, en relación á decisión de profesionais que requiran esa decisión para que os pacientes reciban asistencia. Ademais, reiterou que o Sergas está conxelando os concertos con centros privados e lembrou que a contía dos mesmos se ha visto rebaixada nun 5%.

Ademais, a Conselleira, preguntada polos recortes nos orzamentos anunciados pola Xunta para 2011, comentou que traballa coa Consellería de Facenda para ver as posibles políticas de eficiencia e subliñou que o presidente Alberto Núñez Feijóo deixou claro que as políticas sociais seguen sendo a prioridade na definición das partidas para o próximo exercicio.
 
Información da Mesa Sectorial e outras Imprimir Correo-e
Actualidade
Mércores, 21 Xullo 2010 07:57

Nesta reunión abordáronse os temas que estaban incluídos na orde do día e outros temas que plantexamos coma CIG-SAÚDE, entre eles, preguntamos sobre os traslados e sobre a OPE de Psiquiatría.

aagpOrde do día:

1.- Decreto de Xestión Integrada.

2.- Decreto de Ordenación de Recursos Humanos.

3.- 4º grao réxime extraordinario de carreira, pendente de convocar.


1.- Xestión Integrada.

A Administración fíxonos entrega dun novo documento que mantén integramente o modelo de xestión recollido no anterior, as pequenas modificacións son de redacción. Despois do debate e de reiterar as alegacións xa presentadas esta foi a nosa conclusión sobre o Decreto de Xestión Integrada:

 

O debate que hoxe trouxo a Administración a esta Mesa Sectorial sobre o Decreto de Xestión Integrada é a maior farsa sen precedentes. O documento que hoxe se presentou xa foi aprobado e presentado perante a opinión pública o día 6 de xullo no acto que o presidente da Xunta fixo do plano estratéxico do SERGAS 2014. Ademais , as liñas xerais deste decreto están recollidos no devandito documento.

Non imos entrar no xogo da Admón de debater os cambios de redacción. Para a CIG-SAÚDE o debate débese centrar no modelo sanitario que este decreto nos quere impor. Este Decreto pretende criar un marco normativo que supere os límites xeográficos das actuais áreas sanitarias: encubertamente está a mudar o mapa sanitario, xa que pode acoller, baixo unha única Xerencia Integrada, dispositivos integrados territorialmente en áreas diferentes do actual mapa sanitario de Galiza. Este Decreto condiciona de xeito negativo o futuro desenvolvemento da Atención Primaria, de modo que perda autonomía no desenvolvemento dos seus proxectos e vai quedar funcionalmente subordinada ás estratexias de xestión do centro hospitalario de referencia. Isto aféctanos sobremaneira de cara ao novo decreto de xestión integrada da área do Barco, xa nos facemos unha idea de por onde vai ir, na liña do que xa avisábamos e avisaba a Plataforma en Defensa da Sanidade Pública da Área do Barco: imos depender de Ourense.

 

Debemos facer unha mención específica ao modelo que esta Administración sanitaria pretende facer do tratamento dos doentes crónicos , remitindo estes ao plano integramente sociosanitario, sector que esta Administración pretende privatizar na súa totalidade. No tratamento dos doentes crónicos e a súa derivación aos servizos sociosanitarios, o SERGAS recupera o texto da LOSGA (Lei de Ordenación Sanitaria de Galiza, Lei sanitaria do PP).

 

Con estes argumentos e coa totalidade das alegacións que recolle o noso documento, solicitamos a retirada do mesmo e a publicación dun Decreto de Xestión Integrada que apoie a creación dunha xerencia de área sanitaria que favoreza a coordinación asistencial, a integración dos servizos que mellore a implantación de guías e protocolos coa implicación de todas/os as/os profesionais, que mellore a utilización dos RRHH e materiais, e que favoreza a creación dun sistema de información común dos dous niveis.

 

A pesares da nosa insistencia, como isto xa estaba aprobado, o SERGAS dá por finalizada a negociación do Decreto.

 

En síntese, este Decreto é: Un Decreto Marco que deixa aberta todas as portas para que a Admón faga un posterior desenvolvemento do mesmo, adaptándoo á política sanitaria que o PP quer implantar. Iso si, baixo a falacia de que as normas de desenvolvemento deste Decreto serán negociadas en Mesa Sectorial. De que negociación están a falar?

 

2.- Decreto de Ordenación dos Recursos Humanos.

O debate deste Decreto posponse para una mesa sectorial que se celebrará o día 27 de xullo, xa que a Administración enviou onte a última hora da tarde un novo documento , que fai una nova ordenación dos capítulos e só recolle modificacións de redacción. Non varía no substancial con relación ao documento anterior, e, ao igual que o Decreto de Xestión Integrada, as grandes liñas deste documento xa están recollidas no Plan Estratéxico do SERGAS 2014, presentado o día 6 de xullo.

 

As nosa alegacións non se recollen, e como o Decreto anterior, é un Decreto Marco que deixa moitas cousas importantes para un posterior desenvolvemento, adaptando os nomeamentos do persoal á nova estrutura de área.

 

Na reunión do día 27 o noso posicionamento vaise centrar nas nosas alegacións, xa que estas están dirixidas a reducir a temporalidade e crear estabilidade no emprego:

  1. Erradicar o encadeamento de contratos sucesivos que encubran postos de traballo estábeis.

  2. Facer aflorar os postos de traballo estábeis, de maneira que poidan ser regularizados na vindeira Lei de Orzamentos e convocados no próximo concurso de traslados e OPE.

  3. Convocatoria do 100% das prazas.

  4. Convocatoria anual do concurso de traslados.

Sobre estes dous decretos (Xestión Integrada e RR HH, tendes aqui un folleto explicativo da posición de CIG-SAÚDE.

 

3.- 4º grao de Carreira Extraordinaria.

A Administración dá lectura ao informe xurídico que tiñan solicitado para ver se era posíbel convocar o 4º grao e diferir o pagamento e, como era de esperar, o informe conclúe que non é posíbel unha aplicación parcial do acordo, xa que isto suporía unha alteración do mesmo. O acordo e o propio Estatuto Marco recollen que o principal efecto do recoñecemento dun grao de carreira é o recoñecemento económico.

Preguntamos se a Administración tiña unha estimación aproximada de cando se ían recuperar os acordos retributivos , ou si, como no Plano Estratéxico do SERGAS 2014, se fai referencia a unha nova redución do orzamento do Sergas nos próximos anos; este é o horizonte temporal da recuperación dos nosos acordos, o ano 2014.

A resposta da Administración foi que neste momento non se poden comprometer a dar unha data, a crise económica e a baixada de ingresos impiden facer valoracións a medio prazo. A preocupación da Administración é poder facer fronte ao pagamento das nóminas deste ano. Comunícannos que non teñen efectivo para pagar os atrasos das fundacións, pendentes desde o 2007, os trienios dos interinos, a mellora de IT do persoal facultativo…

 

Temas que plantexamos fora da orde do día.


OPE Psiquiatría 2006. A Administración está cabreada connosco por sementar dúbidas na nosa páxina sobre a celeridade do proceso; mostran a carta enviada a todas/os os opositores comunicándolles o calendario do proceso. Recoñecen que non enviaron a comunicación ás organización sindicais, pero  din que isto non é motivo para sementar dúbidas.

 

Concurso de traslados. Comunican que nesta semana enviarán as listaxes coas prazas definitivas, previsibelmente o concurso convocarase a próxima semana.

 

Obxección dos profesionais á Lei de interrupción do embarazo. Como en moitos temas, informámonos pola prensa de que a Consellaría de Sanidade vai entregar un documento ás/aos traballadoras/es para que amosen, ou non, a súa obxección. Amosáronse resistentes a enviarnos o documento dirixido ás/aos profesionais ; non sabemos que lle van preguntar que non poidamos coñecer. Despois de moito insistir en que se nos enviase o documento, xa que o relacionado co persoal é materia de M.S , a directora de RRHH comentou que podería incorporar este tema nunha Mesa Sectorial. Enviaremos por escrito a solicitude de que se nos envíe o documento.

 

Drogodependencias. Amosan a súa negativa a convocar unha M.S para abordar este tema. Como CIG-SAÚDE insistimos que é materia de M.S o tratamento do novo Plan Galego sobre Drogas e o referente ao persoal desta unidades. A directora de RRHH comprometeuse a convocar unha reunión coas organización sindicais que solicitábamos esta reunión e darnos a información demandada. Nós continuamos a insistir no tratamento deste tema na M.S pero se é máis operativo esta primeira reunión aceptámola. Solicitámoslle que ten que ser convocada, como máis tardar, na próxima semana. De non recibir convocatoria da reunión, falaríamos co resto de organizacións e coa asociación de profesionais para iniciar unha campaña de denuncia.

 

Isto non deu para máis, moitas horas de reunión con poucos avances.

 

Documentos para descarga:

 

*Novo documento do Decreto de Xestión Integrada.

*Novo documento do Decreto de RRHH.

*Folleto explicativo posicionamento CIG-SAÚDE.

 
Listas contratación despois dos recursos Imprimir Correo-e
Novas de Contratacións
Luns, 19 Xullo 2010 12:24

Recibiuse esta comunicación do SERGAS que de momento non está sendo certa. Agardemos que ao longo do día sexan publicados os listados que anuncian.

 tou_sinalando_p

Pola presente comunícolles que na xornada do vindeiro luns 19 de xullo, procederase á publicación na web corporativa, das listaxes definitivas derivadas da resolución dos recursos administrativos interpostos contra as listaxes definitivas de vinculacións temporais da convocatoria ordinaria de 1 de abril de 2009 (DOG do 17 de abril) correspondentes ás categorías de Persoal Médico de familia, Puericultor, Persoal médico de urxencias hospitalarias, Pediatra, Odontólogo/a, Matrón/a, Cociñeiro/a.


Polo que respecta ás listaxes de DUE e de TCAE, é previsión deste centro directivo proceder á publicación das mesmas tras os recursos administrativos na data do venres 30 de xullo.

 
Publicacións OPE e traslados Imprimir Correo-e
Traslados
Luns, 19 Xullo 2010 11:10

Publícanse hoxe no DOG as resolucións que se anunciaban sobre traslados e OPE de persoal facultativo: 

* Resolución do 7 de xullo de 2010, da Dirección de Recursos Humanos, pola que se aproba a resolución definitiva do concurso de traslados para a provisión de prazas de licenciados sanitarios do Servizo Galego de Saúde convocado pola Resolución do 21 de xaneiro de 2010.

* Resolución do 8 de xullo de 2010, da Dirección de Recursos Humanos, pola que se declara rematado o proceso selectivo para o ingreso en determinadas categorías de persoal estatutario doservizo Galego de Saúde, se nomean os/as aspirantes seleccionados/as como persoal estatutário fixo e se lles adxudica, con carácter de destino definitivo, a praza correspondente.

Os/as aspirantes nomeados/as disporán do prazo dun mes para incorporarse á praza adxudicada. O cómputo do dito prazo iniciarase o día 16 de setembro de 2010.

O pasado venres foron publicadas na páxina web do SERGAS as puntuacións provisorias do exercicio de galego das categorías de cociñeiro, grupo técnico, de xestión e auxiliar da función administrativa e de PSX.

 
A "rapidez" do SERGAS Imprimir Correo-e
OPE
Xoves, 15 Xullo 2010 09:49
Esta mañá enterámonos a través dun comentario dunha usuaria desta web de que o SERGAS para o que lle parece sí que se dá presa. Xa nos gustaría que fosen tan "áxiles" para todos os temas e non só para algúns.

 

Como sabedes, no calendario enviado polo SERGAS e que publicamos nesta páxina web o pasado día 5 de xullo, un dos anuncios que se facían era sobre a OPE de Psiquiatría 2006 e dicía asi:

 

Respecto a OPE de Psiquiatría do ano 2006 está prevista a publicación das puntuacións provisionais dos distintos exercicios para mediados de xullo.

 

Pois ben, inda que o SERGAS nos tén acostumad@s á súa lentitude, neste caso actuaron cunha total (e sospeitosa) celeridade, posto que as puntuacións provisonais publicáronse, como podedes ver na páxina web do proceso, o pasado día 7 de xullo (2 días despois do cronograma) dando un prazo de reclamacións de 5 días hábiles, que remataba o pasado día 13 de xullo, ou sexa dous días antes da previsión inicial de publicación, e ademais, sen publicitalo nin anuncialo como veñen facendo co resto de procesos.

 

A nós, cando menos, resúltanos bastante estrano, e por iso, esta mañá pediremos explicacións sobre esta cuestión. En canto teñamos resposta, publicarémola aqui mesmo.

 

Agradecémoslle a Katia que nos avisara deste tema.

 
Información OPE Imprimir Correo-e
OPE
Mércores, 14 Xullo 2010 09:45

Recibimos a seguinte información:quirofanop

 

Bos días: está previsto que o vindeiro luns, día 19 de xullo sexan publicadas no DOG as seguintes resolucións:

- Resolución definitiva do concurso de traslados de FEAS. no que se especifica o prazo de toma de posesión, que comenzará o día 13 de setembro, se ben daranse instruccións aos centros para que se proceda ao cese dos facultativos que cambien de destino o último día do prazo, é dicir, o 15 de setembro.


- Resolución definitiva da OPE de licenciados sanitarios no que se especifica o prazo de toma de posesión que comenza o día 16 de setembro.


- Corrección de erros da resolución definitiva de Médicos de Familia, xa que por un erro do programa informático se declarou aspirantes seleccionados a seis aspirantes que non poden aprobar xa que 6 prazas de discapacitados non cubertas por estas persoas deben quedar para a seguinte oferta.

 
Cortexo cívico-reivindicativo Rosalía de Castro Imprimir Correo-e
Lingua e Cultura
Martes, 13 Xullo 2010 12:02
A Asociación de Escritores en Lingua Galega (AELG) coordina e convoca para este xoves 15 de xullo un cortexo cívico e reivindicativo en lembranza do traslado dos restos mortais de Rosalía de Castro, acto que tivo lugar o 25 de maio de 1891, e para que se garanta o acceso ao Panteón dos Galegos Ilustres.

O acto conta co apoio e colaboración de máis de 200 entidades e colectivos culturais de todo o país.

Un tren, identificado como "Follas Novas", partirá da estación da Matanza, a carón da casa de Rosalía, o xoves día 15 de xullo, para facer o traxecto Padrón-Compostela. Previamente, haberá unha concentración na colexiata de Santa María de Iria, no cemiterio de Adina, onde o presidente da AELG, Cesáreo Sánchez Iglesias, informará do sentido dos actos, á vez que se lerá un poema de Rosalía de Castro.

Na estación de Compostela agardará a comitiva restante, actuando a banda municipal de Santiago. Despois, o cortexo sairá pola rúa do Hórreo cara á Praza do Toural, primeira parada da comitiva, onde haberá unha lectura de tres poemas de Cantares Gallegos (“A gaita gallega”, “Castellanos de Castilla” e “Eu cantar, cantar, cantei”), para continuar pola Praza da Universidade e pola Praza de Cervantes, onde se lerán outros poemas de Rosalía.

Finalmente, en San Domingos de Bonaval celebrarase unha audición do Ángelus, de Massenet, e unha lectura de poemas de Follas Novas, intercalando actuacións do diversos grupos musicais e artistas participantes, para rematar o acto coa lectura dun comunicado reivindicativo da figura de Rosalía de Castro, no día en que se fan 125 anos da súa morte acontecida o 15 de xullo de 1885, e para que se garanta o acceso ao Panteón dos Galegos Ilustres, unha vez coñecida a intención do Arcebispado de Santiago de Compostela de pechar as súas portas, despois dun litixio que lle outorga a titularidade do panteón á Igrexa.

 

Podedes obter máis información sobre as actividades na páxina web da Asociación de Escritores en Lingua Galega.

 

Parécenos sumamente importante, neste ano que se conmemora o 125 aniversario da morte de Rosalía, a participación nestes actos lúdicos e á vez de reivindicación, non só da apertura do Panteón de Galegos Ilustres, senón tamén da figura de Rosalía de Castro, deturpada históricamente como esa muller chorona que escribía poemas intimistas, cando na realidade é a nosa poeta nacional, avangarda no seu momento da denuncia da situación da muller e da situación de Galiza.

  

Animámosvos a participar este xoves no cortexo cívico-reivindicativo.

 
O anel radiolóxico Imprimir Correo-e
Actualidade
Luns, 12 Xullo 2010 22:00

Deixamos aqui, para quen queira descargalo e lelo, ademais de difundilo, o documento que recolle a posición de CIG-Saúde ao respecto do Anel Radiolóxico proxectado polo SERGAS, que implica a eliminación de gardas de radioloxía nos hospitais comarcais como primeiro paso do proceso.

 

Desde CIG-Saúde estamos a levar a cabo diversas reunións co persoal de radioloxía e os facultativos afectados nos distintos hospitais, xa levamos varias nos comarcais, e continuaremos a facelas, para explicar cal é a nosa posición e como afecta este anel radiolóxico e a telerradioloxía tal e como está proxectada desde o SERGAS á calidade asistencial e ás condicións laborais do persoal do SERGAS.

 

Podedes descargar o documento desde aqui.

 

O próximo venres día 16 a partir das 13:30 hs terá lugar na Sala de Xuntas do HCV unha reunión informativa sobre o Anel Radiolóxico, na que participarán dous representandes da Agrupación Médica de CIG-Saúde, para explicar a nosa posición, recollida neste documento.

 
sos Courel: o vídeo mais visto Imprimir Correo-e
Lingua e Cultura
Venres, 09 Xullo 2010 10:13
artigo extraído de vieiros

ÉXITO DE DIFUSIÓN

'Axuda urxente para o Courel', o vídeo máis visto no youtube

Á montaxe ideada por Raquel González Gamallo e con música de Luar na Lubre xa superou o millón de visitas na rede.

“Aínda hoxe queda xente que sabe sentir a terra, queda aínda quen comprenda canto pode aprender dela”. Os versos da canción 'Terra' de Luar na Lubre cobran unha nova dimensión logo do éxito de difusión do vídeo 'Axuda urxente para o Courel', que xa sumou máis dun millón de visitas no youtube, a principal páxina de reprodución de vídeos na rede.

Logo de que máis dun millón de persoas picasen no play desta montaxe audiovisual, xa se converteu no primeiro vídeo galego en acadar tal cifra e practicamente duplica as visitas dos seus inmediatos seguidores ('Bailaré sobre tu tumba', de Siniestro Total; 'Me pica un...' tamén de Siniestro; ou 'Canto de andar' de Luar na Lubre').

Montado por Raquel González Gamallo, veciña de Vigo mais con avós da Serra do Courel (no concello de Quiroga), o vídeo acompaña con imaxes do Courel o tema “Terra” de Luar na Lubre, que tamén foi escrito pola propia González Gamallo. Foi subido á rede en maio de 2007 e tiña por obxecto acadar a máxima difusión posíbel, para “dar a coñecer ao Mundo o que no Courel está acontecendo”, en referencia ás continuas agresións que, daquela e agora, sofre o Parque Natural a xeito de canteiras, louseiras, eólicas, hidroeléctricas e demais industrias que pouco respecto amosaron, ao longo dos tempos, por un dos espazos naturais de maior beleza paisaxística de Galiza.

A iniciativa, apoiada por diferentes colectivos como SOS Courel, Verdegaia, Arredemo, Ecotono, Amigos da Terra, Adega ou a Federación Ecoloxista Galega, confirmou así o seu éxito e esta grande difusión e, nas palabras dun dos seus voceiros, Orlando Gregorio Álvarez “fixo inútil o intento de políticos corruptos, infiltrados en todas as administracións, de xustificar ou ocultar o abuso e a destrución ociosa dunha terra de valor incalculábel”.

 
retraso publicaciois OPE Imprimir Correo-e
OPE
Venres, 09 Xullo 2010 08:41

Como xa saberedes hoxe tiñanse que publicar no DOG as puntuacións provisionais da fase de concurso das seguintes categorías:

  • Costureira/o
  • Enfermeira/o especialista saúde mental.
  • Fisioterapeuta.
  • Grupo Administrativo da función administrativa.
  • Perruqueira/o.
  • Técnica/o especialista en anatomía patolóxica e citoloxía.
  • Técnica/o especialista en hixiene bucodental.

 

Pois ben como puidestes comprobar non se publicou nada, postos en contacto co Sergas indican que a publicación será o VINDEIRO LUNS DÍA 12, non nos dixeron os motivos do atraso. Se ao longo da mañá teño algunha explicación máis concreta a publicaremos no blog.

 
<< Inicio < Anterior 61 62 63 64 65 66 67 68 69 70 Seguinte > Final >>

20100407_hospitalvigo_04
573-81933-a-carrabxo
573-82097-a-pedra
573-82150-a-berro
573-82153-a-dixo
573-82384-a-manifa
573-82578-a-SERVIZOS20PUBLICOS-1
573-82696-a-qg
573-82703-a-DESPIDO20BARATO
573-82728-a-pontevedra
573-82843-a-queremos
573-83156-a-dspi2
573-83252-a-pon
573-83361-a-qgconcerto
573-83720-a-santiago
I1133
www.cig-saude.info | O Barco | Ferrol | A Coruna | Vigo | Pontevedra | Ourense | Lugo | Santiago | Monforte | Burela | Cee | 061 | AgMedica

Confederación Intersindical Galega - Federación de Saúde
Miguel F. Caaveiro, 10 - Santiago de Compostela
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info