CIG Saude | Ferrol | A Coruna | Vigo | Pontevedra | Ourense | Lugo | Santiago | Monforte | Burela | 061 | AgMedica


logocigsaudebarco4


<<  Abril 2020  >>
 Lu  Ma  Me  Xo  Ve  Sa  Do 
    1  2  3  4  5
  6  7  8  9101112
13141516171819
20212223242526
27282930   
Frase pra baixar os modulos en firefox

previsión pendentes ope traslados Imprimir Correo-e
OPE
Venres, 29 Outubro 2010 11:16
Acabamos de pornos en contacto co SERGAS, pola dilatación das publicaciois anunciadas no cronograma, estas de abaixo son as novas previsiois.

OPE
  • Aux enfermaría: madado ó DOG, prevese a súa publicación o mércores 3 de novembro.
  • Enfermeira: está case rematada a baremación; prevese que saia no DOG na semana do 8 ao 12 de novembro.
TRASLADOS

Excepto enfermeiras e TCAE esperase a publicación en breve, falta procesar, non nos deron data exacta.

Enfermeiras e TCAE: aquí hai unha boa noticia, adiantase a publicación para a segunda quincena de novembro.

Esta información foi via telefónica, polo que poidera conter erros, esperamos sexa remitida por escrito dende o SERGAS as centrais sindicais.
 
Escrito sobre os orzamentos dirixido á Directora de RRHH Imprimir Correo-e
Recurtes Sociais e Salariais
Venres, 29 Outubro 2010 10:44
Este de abaixo é o escrito enviado ó SERGAS dende CIG-Saúde para a consolidación de plantillas

Esperanza Fernández Lago.

Directora de RRHH SERGAS

 

Neste momento estase a tramitar a Lei de Orzamentos da C.A para o ano 2011, o orzamento do SERGAS, capítulo I, vén desglosado por centros de xestión e o cadro de persoal de cada un deles.

Como non podería ser doutra maneira, e así o esperabamos, o incremento do cadro de persoal é tan mínimo, que case máis que mínimo é nulo, e o incremento no nº de persoal está motivado pola transferencia do persoal dos hospitais dependentes da deputación de Lugo.

Con este orzamento rómpese definitivamente o acordo de Mesa Sectorial do ano 2006, referente á estabilidade do persoal. O devandito acordo recolle o compromiso da Administración de aflorar en cada exercicio presupostario as vacantes dese ano, para que con posterioridade puidesen ser ofertadas na oferta pública de emprego OPE .

Se non se consolidan as devanditas prazas no orzamento correspondente, estas prazas estarán suxeitas ao xogos da Administración, é dicir, agora existen, agora non existen. Con esta situación non sabemos como a Administración vai defender a continuidade asistencial e a continuidade dos equipos.

Cabe sublimar como feito chamativo, que en este orzamento non se consolide nin unha soa praza do anunciado crecemento do cadro de persoal do hospital Lucus Agusti de Lugo. Condenando ao persoal a unha perpetua situación de precariedade laboral, ou a que nun prazo razoable poida desaparecer o persoal contratado eventualmente.

Consideramos que ante a gravidade destes feitos, a Administración sanitaria e o SERGAS deben de realizar unha política activa na consolidación do cadro de persoal, na eliminación da precariedade laboral e na garantía da calidade asistencial; e non deixar que sexa exclusivamente a Consellaría de Facenda quen decida que persoal hai ou non no SERGAS.

Agardando desta Administración que se corrixan os cadros de persoal que recolle o proxecto de Lei dos Orzamentos 2011, e que nel se recolla a consolidación dos cadros de persoal coa correspondente transformación en praza de cadro orzamentada de toda praza que exista nos centros con carácter estructural, e que se veña desempeñando durante o ano 2010, ao igual que o orzamento do ano 2011 debe recoller como prazas orzamentadas o incremento do cadro de persoal do novo Hospital de Lugo.

Agardando se teñan en consideración as presentes alegacións.

 

Santiago de Compostela, 28 de outubro de 2010.

 

Asdo: Mª Xosé Abuín Álvarez.

Secretaria Nacional de CIG-SAÚDE.

 
acordo comisión de centro xerencia sobre as comisiois de servizo Imprimir Correo-e
HCV
Venres, 29 Outubro 2010 09:30
Onte tivemos comisión de traballo coa dirección do HCV sobre as comisiois de servizo e sobre permisos.
tv
Comisiois de Servizos:

Un pouco de historia: ata o de agora cada Xerencia aplicaba os criterios que tiña en gaña á hora de traer ou non comisiois de servizo para cubrir prazas vacantes. Na dirección anterior o criterio que se aplicaba era o de dar toda vacante  que houbera ás comisiois.
As anteriores direcciois nin iso aplicaron e daban comisiois a dedo ou usaban ás listas de contratación según lles interesara.
Cando entrou esta dirección empezou anulando comisiois que xa estaban concedidas, e nembargantes trouxo outras solicitadas posteriormente, cando lle preguntamos a que era debido díxonos que a súa intención era dar o 50% das prazas a listas e o otro 50% a comisiois de servizo. Pero decatámonos de que isto en varios casos non se correspondía coa realidade, polo que antes de iniciar movidas denunciando esta situación, dende a Comisión de Centro decidimos que era mellor intentar buscar acordo por escrito e darlle unha regulamentación que intentara casar na medida do posible os intereses de comisiois e persoal de listas, posto que de non mediar acordo escrito seguiríamos coa incertidume do persoal de ambos de non saber se teñen opción ou non ser chamados para este ipo de contratos e o que é pior, non habería un documento que os amparara á hora de ir ó xulgado a reclamar.

Polo tanto pensamos que o acordo acadado casa os intereses de ambos posto que regula por un lado a qué contratos terán acceso as comisiois, (só vacantes e cobertura de comisiois de servizo de xente con praza no HCV e vaise a outros centros, quedando o resto de contratos para as listas de contratación) e por outro o procedemento de chamamento, 1 para cada colectivo, para establecer a orde que corresponde terase en conta o último contrato dado a cada un, polo que se a última praza cuberta foi por comisión tocaralle á seguinte a listas e viceversa. Acordamos que no propio acordo virían refrexados o último chamamento feito (estamos a falar só de coberturas en vacante e por comisión noutros centros) desglosados por categorías.

Negociación de permisos

Aquí por desgraza non conseguimos demasiado avance, somente tratamos por encima este asunto, debido a que a dirección tiña outra reunión, polo que simplemente demos unhas pinceladas moi por riba á regulamentación das vacaciois, os permisos en noites,  horas por deber inexcusable (aquí chocamos contra un muro), acompañamento a familiares ó médico, aquí xa non deu para mais e quedamos en mandar un documento coas reivindicaciois de comisión de centro.
 
A sociedade de radioloxía oponse á concentración de gardas entre Verín, Monforte e O Barco Imprimir Correo-e
Área Sanitaria
Xoves, 28 Outubro 2010 20:25
Artigo extraido do blog da Plataforma en Defensa da Sanidade Pública da Área do Barco:

A sociedade de radioloxía oponse á concentración de gardas entre Verín e O Barco

Parece que non só as Plataformas pensamos que acumular gardas de radioloxía de tres hospitais nun só é un xeito de aforrar a costa da saúde de certas poboacións. Tamén a Sociedade Galega de Radioloxía se pronunciou recentemente nese senso. Podedes ver a nova na súa páxina web: http://www.radioloxiagalega.es/sgr/index.php

Deixámosvos aqui o comunicado completo:

Carta aberta da SGR en relacion co uso da Telerradioloxia na nosa Comunidade

A Xunta Directiva da Sociedade Galega de Radioloxía, ante a inquietude xerada entre a Comunidade Radioloxica de Galicia pola presentacion da Plataforma Diagnostica do SERGAS considerou oportuno facer publicas as suas liñas de opinión que podan ser utiles tanto para os Radiologos da Sociedade como para as autoridades Sanitarias Galegas en relacion co desenrolo futuro da telerradioloxia na nosa Comunidade. Tras tres reunions o grupo de traballo acadou o consenso nos 8 puntos que se expoñen a continuacion e que tratan de conxugar o coñecemento cientifico ao respecto coa sua aplicacion no entorno da nosa comunidade.
 
Ampliado prazo para a realización do exame celador OPE SACYL Imprimir Correo-e
OPE
Martes, 26 Outubro 2010 19:28

Ampliado prazo para a realización do exame celador OPE SACYL ata o 31 xaneiro do 2011.

Publicada hoxe no BOCYL, a ORDEN SAN/1424/2010, de 15 de octubre, na que acordan: "Modificar la base 7.1. de la Orden SAN/1016/2010, de 5 de julio, en lo referente a la fecha de celebración del ejercicio de la fase de oposición, quedando redactada de la siguiente forma: « La celebración del ejercicio deberá tener lugar antes del día 31 de enero de 2011»."

 
retranca: numero especial do papa: secuestrado Imprimir Correo-e
Actualidade
Martes, 26 Outubro 2010 19:17
A Revista Retranca secuestrada pola imprenta

NOTA DE PRENSA (Galego):

A revista Retranca, especial visita do Papa, secuestrada pola imprenta

O número da revista Retranca que estaba a piques de saír, que tiña como tema central a próxima visita do Papa a Galicia, acaba de ser secuestrado pola imprenta. Os propietarios da empresa Imprenta Jiménez Godoy, radicada en Murcia, néganse a entregar os exemplares da revista para a súa distribución, aducindo o seu desacordo moral co contido da mesma.

Nunha conversa telefónica mantida con Kiko da Silva, director de Retranca, o dono de Imprenta Jiménez Godoy explicou que a revista, aínda que xa estaba impresa e lista para o envío á distribuidora, non se ía entregar porque a empresa que dirixe estaba en total desacordo “co ataque ao Papa e á Igrexa”. É a primeira vez que unha imprenta, cun traballo xa impreso e cun contrato de por medio, decide unilateralmente non entregar a publicación alegando a súa disconformidade cos contidos da mesma. Retranca deixa claro que foi a imprenta a que acudiu á nosa empresa para ofrecerse a imprimir a nosa publicación, sabendo de sobra que se trata dunha revista satírico-política.

Desde Retranca queremos tranquilizar aos nosos lectores anunciando que o número secuestrado estase a imprimir xa noutra imprenta e que chegará aos quioscos en breve.

Tamén queremos facer público que estamos tratando cos nosos avogados para tomar medidas contra os danos e prexuízos causados polo incumprimento de contrato da Imprenta Jiménez Godoy.

Retranca é unha revista galega de humor satírico que leva nos quioscos desde o ano 2007 e que o vindeiro sábado día 30 de outubro celebrará o seu terceiro aniversario cun acto no Café Moderno de Pontevedra ás 20.00 horas. Retranca, a primeira revista galega de humor que consegue sobrevivir sen subvencións, recibiu na súa curta existencia o Premio do Público do Salò do Cómic de Barcelona e acaba de recibir o Premio Ourense á Mellor Iniciativa de Banda Deseñada.

O número era un especial sobre a visita do Papa a Galicia, e conta como autores invitados a colaboradores de la revista EL JUEVES (Jordi March, Guillermo, Manuel Bartual , Fer e Bernardo Vergara) ademais dos colaboradores habituais da revista.

http://www.revistaretranca.com/

Contacto Kiko Da Silva

Este enderezo de correo-e está a ser protexido de robots spamers, precisas activar o JavaScript para velo

 
O incerto futuro da sanidade galega Imprimir Correo-e
Actualidade
Martes, 26 Outubro 2010 13:01

O incerto futuro da sanidade galega

Temos en Galicia a mala fortuna de estar gobernados por un grupiño ultraliberal que despreza o público e só acredita nas potencialidades e na eficiencia do sector privado.

Por Pablo Vaamonde | A Coruña | 20/10/2010

Mais, na vez de traballar nunha empresa e labrarse un futuro co seu espírito emprendedor, póñense á fronte dunha Autonomía para xestionar o diñeiro público, achegado por todos os cidadáns. Teñen amosado sobradamente o seu escaso interese polo beneficio colectivo e o benestar común. Tanto na construción de autoestradas como na xestión da educación ou da sanidade a estratexia é outra: xerar espazos de negocio para que grupos empresariais afíns poidan conseguir ganancias económicas á conta dos orzamentos públicos.

Mentres se queixan da mesquindade do goberno central e acusan a ZP de tódolos males da economía mundial, aquí van dando, á caladiña, os pasos precisos para que os orzamentos do Sergas poidan xerar ganancias privadas nas próximas décadas. Na vez de protexer e potenciar a sanidade pública, como é a súa obriga de gobernantes, están a lastrar o futuro da atención sanitaria de tódolos galegos. Esa será a consecuencia dos proxectos de construción dos novos hospitais e centros de saúde a cargo de empresas privadas, que o goberno galego deberá reembolsar durante décadas como se estivese a pagar unha hipoteca. Esta modalidade de construción, que resulta moito máis cara, reduce a dispoñibilidade orzamentaria para outros usos sanitarios e pon en risco a continuidade da sanidade pública. As comunidades de Madrid e Valencia, que optaron por este modelo hai tempo, teñen hoxe unha débeda sanitaria insostible.

O pasado día quince de outubro a Consellería de Sanidade publicou no DOG un decreto polo que regula a "xestión integrada" do Sergas. Deste xeito, as xerencias de Atención Primaria da Coruña e Santiago pasan a estar baixo o mando da xerencia hospitalaria. O enorme esforzo que fixo o goberno bipartito para potenciar e mellorar a Atención Primaria en Galicia vese, deste xeito, truncado, xa que desaparece este nivel asistencial e a súa autonomía de xestión. Os centros de saúde dependerán do hospital como se fosen un servizo máis do mesmo. Esta decisión representa un golpe definitivo contra da Atención Primaria e un serio revés para a sanidade pública. É un novo paso da estratexia ultraliberal: pronto sacarán a concurso a xestión dos centros de saúde, que poderán ser dirixidos por entidades privadas.

 
HCV ou Mesa provincial de contratación? quen é o responsable? Imprimir Correo-e
Novas de Contratacións
Martes, 26 Outubro 2010 11:18
Hoxe quedámonos coa boquiña aberta coas resoluciois que deu a Mesa Provincial de Contratación de Ourense.
Polo que nos comenta o representante da nosa central nela, a maioria dos temas controvertidos foron de O Barco e a Mesa botaba balois contra o HCV e viceversa.
dmo
O caso é que ningún dos 3 casos que se plantexaron dos que temos coñecemento foi para adiante, e os tres constituen vamos a definir como "graves erros" na xestión das listas.

Non temos por costume de publicar o que acontece nas resoluciois normais da mesa, porque ata o de agora as noticias que nos chegaban do seu funcionamento e as súas resoluciois na maioría dos casos era a prevista, a pesares que nalgunha outra ocasión estivemos a punto de denunciar temas concretos e que ó final non o fixemos posto que o persoal afectado así nolo pediu; pero o de hoxe xa colma o vaso.

Por un lado tratouse a reducción da duración de acumulaciois de tarefa ata o tempo que lle permitira facer ó primeiro da lista; este tema xa foi tratado hai tempo, posto que dende CIG-Saúde de O Barco decatámonos que era precisamente o persoal de mais arriba nas listas o mais perxudicado debido ó tope que establece o SERGAS dos 6 meses para este tipo de contratos. Naquela reunión acordouse que se miraría o tempo que lle restaba por facer á persoa que lle correspondera por lista e reducir o contrato ó tempo restante. Pois ben a Mesa di que é o HCV quen o debe mirar e o HCV di que pensaba que era a Mesa quén o debería facer. Resultado que a traballadora que reclama perde o contrato que lle corresponde.

Outro dos casos que se tratou hoxe (este plantexado dende a comisión de centro) foi o contrato dado a unha traballadora que xa tiña esgotado o tempo por acumulación de tarefas, desta vez ofértanselle 6 meses que según as directrices do SERGAS non se lle poderían ofertar. Resolución; está pasado o prazo de cese en 15 dias e segue a mesma traballadora; (haberá que telo en conta para futuras prórrogas).

Por último tratouse a reclamación doutra traballadora que reclamaba un contrato por IT, que debido a movimentos extranos dos dias de baixa a cubrir dentro dun determinado servizo, se lle adxudicou a outra persoa. Desta vez a Dirección do HCV asumiu a súa culpa pero a pesar disto a resolución foi contraria á persoa reclamante.

Señores e señoras da Dirección provincial e da Dirección do HCV, descoñecemos quén é mais ou menos responsable destes despropósitos, o que sí que temos moi clariño é que non son as persoas ás que se está perxudicando unha e outra vez. Ou se toman en serio o seu cometido ou dimitan e deixen os seus postos a xente con mais capacidade que se tomen en serio as cousas.

Agora empezamos a entender o reseu rexeitamento a que se publiquen os chamamentos.

BASTA XA DE TANTO MAMONEO!!!!
 
Historia da Lingua Galega Imprimir Correo-e
Lingua e Cultura
Martes, 26 Outubro 2010 10:41
A lingua dos habitantes dos castros

É curioso, pero en Galicia non se falou semprehistoria_do_galego
galego
. Non, ho, castelán tampouco, nin inglés.

Na altura na que en Galicia non se falaba aínda galego, hai máis de dous mil anos, en Madrid nin sabían que era iso do castelán. Madrid, ademais, aínda non existía. En Londres, que tampouco existía, tamén non sabían nada do inglés.

Que se falaba logo aquí naquela altura? Pois, como os “galegos” de entón non escribían, da lingua que falaban pouco quedou. Só podemos saber algo polos nomes dos lugares, que se foron transmitindo de xeración en xeración, e por algunas palabras que aínda conservamos: Samil, Barallobre, Cambre, toxo, alpendre, burato, touciño...

Así empeza o texto que unha blogueira fíxonos chegar, un PDF que trata da historia da língua galega, con ilustraciois e moi ameno de ler, seu autor é Pepe Carreiro e foi editado por edicións A nosa terra;
podedes descargalo, clicando aquí
 
Orzamentos: porta aberta á privatización Imprimir Correo-e
Actualidade
Venres, 22 Outubro 2010 09:03
Dende CIG-Saúde iniciamos unha campaña contra os orzamentos da Xunta que golpean unha vez no seu persoal e abren as portas á privatización da sanidade

CIG-SAÚDE REXEITA OS PROXECTOS DE LEI DOS ORZAMENTOS DO ESTADO E DA XUNTA DE GALIZA
POR METER DE CHEO A SANIDADE PÚBLICA NA SENDA DA PRIVATIZACIÓN.


ESTES ORZAMENTOS CONFIRMAN A INTENCIÓN DO GOBERNO DO ESTADO E DO GOBERNO DA XUNTA DE PRIVATIZAR A SANIDADE PÚBLICA.


Boletín Oficial das Cortes Xerais. Congreso das/os Deputados. 2 de outubro de 2010. Proxecto de Lei dos Orzamentos Xerais do Estado paro ao ano 2011. Recolle no seu articulado o seguinte:

Artigo 22.
Dous. No ano 2011, as retribucións do persoal ao servizo do sector público non poderán experimentar ningún incremento respecto ás vixentes a 31 de decembro de 2010.


Artigo 22.
PAGAS EXTRAS.

Seis.2. As/os traballadoras/es percibirán en cada unha das pagas extras de xuño e decembro do 2011 en concepto de soldo
base e trienios as seguintes contías:
..............................................................................................................

Artigo 23.
Oferta de Emprego Público.

Un. Durante o ano 2010, o número total de prazas de novo ingreso do persoal do sector público será, como máximo, igual ao 10 por cento da taxa de reposición efectiva e concentrarase nos sectores, funcións e categorías profesionais que se consideren prioritarias…

Dous. Durante o ano 2011 non se procederá á contratación de persoal temporal, nin ao nomeamento de persoal estatutario temporal o de funcionarios salvo en casos excepcionais e para cubrir necesidades urxentes e inaprazables.
A contratación de persoal interino por vacante computará aos efectos de cumprir o límite máximo da taxa de reposición na oferta de emprego público correspondente .


A Xunta de Galiza recollerá integramente estas medidas na Lei de Orzamentos, así nolo comunicou o Director Xeral de Orzamentos, nas reunión da Mesa Xeral da Función Pública celebrada o día 18 de outubro de 2010.

A Xunta de Galiza aplaude estas medidas, xa que forman parte do seu modelo de sistema público. No Consello Interterritorial de Saúde celebrado ese mesmo día (18 de outubro de 2010) a Conselleira de Sanidade non manifestou nada en contra.

A CIG-SAÚDE dirixiuse por escrito ás organización políticas con representación no Parlamento doEstado Español e no Parlamento de Galiza (BNG, Esquerda Unida, PSOE e PP) para que na presentación de emendas rexeiten estas medidas.

En qué condicións imos traballar se só se cubre o 10% das ausencias, e o crecemento do cadro de persoal foi de 0% durante o ano 2010, e no ano 2009 o SERGAS non cubriu as vacantes xa orzamentadas nese ano?
Qué oferta de emprego vai convocar o SERGAS, so o 10% das vacantes que non creou?


 
A administración galega en estado de sitio Imprimir Correo-e
Actualidade
Venres, 22 Outubro 2010 08:58

A ADMINISTRACIÓN GALEGA EN ESTADO DE SITIO


O anteproxecto de Lei de Organización e Funcionamento da Administración Xeral e o Sector Público Autonómico de Galiza consagra os chiringuitos, incrementa o número de altos cargos, substitúe direccións xerais por axencias, confirma as contratacións de persoal por parte desas entidades e permite retribucións dos seus cargos por riba das do Presidente da Xunta.


1. CRECEMENTO DESMESURADO DO NÚMERO DE ALTOS CARGOS
Esta lei establece un aumento considerable do número de órganos superiores e directivos da Xunta de Galiza. Crea novos órganos e da cobertura legal a outros xa existentes.

 peidop

· O antigo Secretario Xeral recupera a denominación de Secretario Xeral Técnico.
· Aparece un novo tipo de Secretario Xeral que se configura como Viceconselleiro ou como figura homóloga dos Secretarios de Estado do goberno español. Na práctica xa se viña utilizando esta figura.
· Dan carta de natureza a unha nova figura, o Vicesecretario Xeral, que na práctica xa introduciu Feijoo en todas as consellarías.

 

Así, a estructura de órganos superiores e directivos da Xunta, excluíndo aos conselleiros, quedaría do seguinte xeito:

 

cadro

 

Todos estes cargos crearanse segundo o principio de discrecionalidade do goberno, o cal vai xerar unha hipertrofia da estructura superior da Xunta de Galiza. Os Secretarios Xerais, como viceconselleiros de facto vanse ocupar de áreas funcionais da Administración e polo tanto poderá haber máis de un por consellaría.

2. EXTENSIÓN DA DISCRECIONALIDADE NOS NOMEAMENTOS ATA AS XEFATURAS DE SERVIZO
Con este anteproxecto pérdese a oportunidade de definir as xefaturas de servizo como postos de traballo. Se ben as xefaturas de servizo non teñen rango de órgano directivo, esta lei mantén a situación actual de equiparalas ás subdireccións xerais no tocante á súa creación.
O resto de unidades administrativas se crearán a través de RPT, excepto as xefaturas de servizo e as subdireccións xerais. As xefaturas de servizo son tratados por tanto como órganos e non como postos, o cal pode levar a restituír o criterio de libre designación para o seu nomeamento, como puidemos comprobar recentemente coa resistencia da Administración a sacalos a concurso de traslados e a modificar o tipo de cobertura nas RPT.

 
a crise en 5 minutos Imprimir Correo-e
Actualidade
Xoves, 21 Outubro 2010 10:04
 
ACCESO EXCEPCIONAL Ó TITULO DE ENFERMEIRO@ ESPECIALISTA Imprimir Correo-e
Formación
Martes, 19 Outubro 2010 10:47

DIPLOMADOS SANITARIOS

¡Atención! Finalización prazo presentación solicitude acceso excepcional ao título de Enfermeira/o especialista en Enfermaría Familiar e Comunitaria, Enfermaría Pediátrica e Enfermaría Xeriátrica: 22 marzo de 2011 (6 meses despois da publicación da oferta EIR)

Real Decreto 450/2005, do 22 de abril, sobre especialidades de Enfermaría (B.O.E. do 6 de maio): Acceso excepcional ao título de especialista en enfermaría
A Disposición transitoria segunda do Real Decreto 450/2005, do 22 de abril, sobre especialidades de Enfermaría, en relación ao acceso excepcional ao titulo de especialista, contempla a posibilidade de acceso ao título de Enfermeira/o especialista a todas/os as/os tituladas/os que acrediten o exercicio profesional e suquirofanoperen unha proba de avaliación da competencia, nos termos e polo procedemento previstos

.

Poderase solicitar máis dun título de enfermeira/o especialista para o cal é indispensable presentar para cada unha das especialidades pedidas unha solicitude cumplimentada e firmada, acompañada de toda a documentación necesaria. Pero de ter aprobadas a probas de máis dunha habería que escoller, xa que só se pode obter unha delas por esta vía excepcional.

Requisitos para solicitar o acceso ao título de especialista
As/os aspirantes deberán atoparse nalgunha das seguintes situacións:
a)    Ter exercido coma enfermeira/o as actividades propias da especialidade polo menos 4 anos
b)    2 anos de exercicio profesional + formación: 40 créditos de Formación Continua  acreditada de polo menos 40 créditos (obtidos polo sistema de acreditación establecido na Comisión Nacional de Formación Continuada do Sistema Nacional de Saúde) no  campo da respectiva especialidade ou título de postgrado universitario de 20 créditos ou 200 horas no campo da especialidade
c)    1 ano de exercicio profesional + 3 anos como profesor/a de EUE en áreas relacionadas coa especialidade
► Estes requisitos deberase dispor deles a data 22 de setembro do 2010; data da publicación da convocatoria da proba anual na que, por primera vez, se ofertaron prazas de formación destas especialidades.
► A formación complementaria pódese facer durante o prazo da presentación das solicitudes establecido, 22 de marzo do 2011.
Documentación a presentar para a admisión á proba obxetiva
* Solicitude asinada (existe un modelo na páxina Web do Ministerio de Educación para a xestión on-line deste proceso ou pasa por algunha das nosas sede sindicais para obter o modelo de solicitude)
* Fotocopia compulsada do Documento de Identidade ou Pasaporte en vixencia
* Fotocopia compulsada do Título de ATS/DUE recoñecido ou homologado no Estado Español
* Fotocopia compulsada da Formación complementaria (só se fora preciso)
* Fotocopia compulsada do certificado/s do exercicio profesional, firmado polo xerente ou responsable legal da Institución, ou polo Director de Enfermaría ou máximo responsable de  Enfermaría, ou polo Director de Recursos Humans/Xestión no que consten os seguintes datos:
Categoría profesional
As características xerais dos postos/unidade onde se desenvolveu a actividade dentro do campo da especialidade solicitada.
Características das persoas/doentes atendidas
As actividades máis relevantes levadas a cabo coma enfermeira/o no campo específico da especialidade solicitada, durante o desempeño do posto.
As datas de inicio e fin do periodo exercido neste campo.
A firma do responsable que  emitiu o certificado
O selo corporativo da Institución.

Proba de avaliación
Haberá tres datas de convocatoria para a realización da proba obxetiva correspondente a cada unha das especialidades. Cada enfermeiro/a que fora admitido/a á proba poderá presentarse a un máximo de dúas convocatorias. O exame consta dunha 1ª parte de 100 preguntas test (negativos 0,35) cun valor total de 100 puntos e una segunda parte de 5 casos con 5 preguntas test cada un, que tamén valerá 100 puntos.
A avaliación da proba obxetiva da/o aspirante, sobre unha escala de 0 a 200 puntos, estará integrada pola suma das puntuacións que obteña a/o aspirante en cada unha das dúas partes que a compoñen. A calificación final de cada aspirante será de "apto" ou "non apto". Para ser considerado "apto", a puntuación mínima que a/o aspirante deberá ter é a de 40 puntos en cada una das partes, sendo preciso que queden completados con cando menos 100 puntos na suma de ambas; en caso contrario, será considerado "non apto".
O obxetivo da proba é “Constatar que os aspirantes dispoñen de coñecementos, habilidades e actitudes necesarias para o adecuado exercicio da especialidade”. O exame versará sobre as materias determinadas no programa da especialidade. Cada profesional poderá presentarse ao examen de cantas especialidades teña dereito pero finalmente só poderá obter un título por esta vía.

Presentación de solicitudes
A presentación da documentación debe realizarse nalgún dos lugares indicados a continuación:
1.No rexistro da Secretaría Xeral de Universidades do Ministerio de Educación , C/Albacete, nº5, 28071, Madrid.
2.Nos rexistros centrais ou periféricos do Ministerio de Educación.
3.Nos rexistros da Administración Xeral do Estado.
4.Nos rexistros das Subdelegacións do Goberno.
5.Nos Consulados de España no extranxeiro.
6.Naqueles Concellos que suscribiron o convenio de Ventanilla Única coa Administración Xeral do Estado.
7.Nos rexistros das Administracións das CC.AA.
8.Por correo certificado (selando en correos a solicitude e tamén a fotocopia da solicitude que unha vez selada sirve de resgardo)
9.Nos restantes lugares previstos no artigo 38.4 da Ley 30/1992 do 26 de novembro do Réxime Xurídico das Administracións Públicas e do Procedemento Administrativo Común.

 
prazas non cubertas discapacitados Imprimir Correo-e
Traslados
Martes, 19 Outubro 2010 10:00
Xa expuxemos nun post anterior que a resolución da convocatoria da OPE marca unhas prazas mínimas a cubrir polo persoal en quenda de discapacitados.

............................ No suposto de que as prazas cubertas por persoas con discapacidade acade unha taxa do tres por cento do total das prazas convocadas na correspondente categoría, as prazas non cubertas acumularanse ás restantes do acceso libre.

No suposto de que as prazas cubertas por persoas con discapacidade non acadase a taxa do tres por cento do total das prazas convocadas na correspondente categoría, as prazas non cubertas acumularanse á cota do sete por cento da oferta seguinte, cun límite dun doce por cento.

Pois ben, na OPE 2006 a solución que deu o SERGAS foi a de deixar todas estas prazas non cubertas (deuse solo en persoal facultativo) para a OPE do 2008. Desta vez nembargantes o que se fixo cos facultativos foi reservar sólo ata  3%  das prazas, pasando entre este 3% ata ó 7%  para a quenda libre.

A información que demos no post anterior (xa correxida), estaba errada, posto que interpretamos que o SERGAS iba a facer o mesmo que na anterior OPE, pero non, na presente OPE cambiou o criterio da forma que explicamos.

Polo tanto as prazas  da quenda de discapacitados que se reservarían para a seguinte OPE serían  ata o 3% excluindo os aprobados que en PSX serían 8,97 restando 3 que acadaron praza deixaría en 5-6 as prazas a reservar para a OPE seguinte e o resto sumarianse a quenda de libre nesta OPE (11-12).

En aux administrativo o resto é de 3,51 prazas que terían que reservar para a seguinte OPE polo que sengadirían as listas de libre 5-6 prazas mais.

Xa sabemos que é complicado de entender, polo que pedimos ó SERGAS,(todo isto nolo comunicou sólo de palabra), que nolo enviara por escrito.

Cecais cumpra decir que varias persoas con discapacidade teñen impugnada esta incorporación de prazas que fixo o SERGAS na OPE de facultativos, solicitando que se reservaran todas para a convocatoria vindeira.

 
Filtraciois: exclusión da OPE Imprimir Correo-e
OPE
Martes, 19 Outubro 2010 08:51

artigo extraido de La Voz de Galicia

NEPOTISMO A familiar da relevada subdirectora xeral do Sergas, excluída das 2 oposicións

O marido de Rosario García Villadangos, empregado na área de Procesos Selectivos, a piques de lograr praza

A familiar da subdirectora xeral de Recursos Humanos do Servizo Galego de Saúde recentemente relevada, Rosario García Villadangos, foi excluída das dúas oposicións do Sergas a que se presentou: auxiliar administrativo e persoal de servizos xerais. En ambas obtivera altas cualificacións e figuraba nos primeiros postos de entre miles de aspirantes. É máis, foi número un no exame temático das dúas (antes dos de informática e galego). Onte publicáronse os resultados do proceso de baremación de méritos -última fase puntuable antes de gañar praza ou non como funcionario- e esta muller, cuñada do marido de García Villadangos, aparece como excluída do concurso-oposición de auxiliares administrativos por non achegar a documentación requirida (acreditación do graduado escolar, ciclo medio de xestión administrativa ou equivalente, e dos méritos de formación que o tribunal debe valorar) e tamén do de persoal de servizos xerais, por non cumprir requisitos da convocatoria.

En canto ao marido da xa ex subdirectora xeral do Sergas -de garda de seguridade na Dirección Xeral de Recursos Humanos pasou a realizar unha asistencia técnica de auxiliar administrativo e finalmente a traballar como laboral indefinido no departamento de Procesos Selectivos do Sergas-, aparece nas listaxes provisionais de ambas as oposicións con cualificacións que o sitúan en postos bastante destacados (17 de 145 e 60 de 295).

A Xunta desvincúlase da exclusión da cuñada do marido de Rosario García Villadangos. Fuentes do Sergas consultadas onte recordaron que se trata dun concurso-oposición e que, como tal, «non só hai que superar un exame senón tamén acreditar documentalmente en tempo e forma os méritos alegados». Neste sentido, esgrimen que a decisión se corresponde con «unha valoración técnica que realiza o tribunal conforme á convocatoria». A iso estas fontes engaden que «a exclusión non é algo extraordinario, sucede outras veces e con outros opositores». Dos 145 que chegaron a esta última fase da oposición de auxiliar só outro aspirante máis foi excluído; dos 295 que o fixeron na de persoal de servizos xerais, unicamente caeu a devandita familiar de Rosario García.

O Sergas rexeita realizar calquera outra valoración do asunto que poida relacionalo co escándalo xerado ao redor destas oposicións cando sindicatos, partidos da oposición parlamentaria e ata persoal do Sergas denunciaron «un claro caso de nepotismo». Namentres, Rosario García Villadangos foi relevada e o Valedor do Pobo acaba de constatar que houbo «incumprimentos e irregularidades» nas probas.

 
Artigo de el pais sobre as filtraciois Imprimir Correo-e
OPE
Luns, 18 Outubro 2010 18:13

artigo extraido de "el pais"

CARLOS MARTÍNEZ BUJÁN

Oposiciones en el Sergas

enxufeEl informe que acaba de hacer público el Valedor do Pobo, en relación con las irregularidades existentes en dos pruebas selectivas convocadas por el Sergas, pone al descubierto indiciariamente una forma de corrupción de extraordinaria gravedad: varias personas que trabajaban en el mismo departamento en el que se elaboraba el proceso de selección obtuvieron las puntuaciones más altas entre más de 7.500 aspirantes. Sin embargo, la respuesta de la Consellería de Sanidade (avalada por el presidente Núñez Feijóo) ha ido dirigida a minimizar la trascendencia de los hechos y a ofrecer una versión del contenido del informe del Valedor que no se corresponde con la realidad y que puede inducir a error a los ciudadanos.

El equívoco fundamental que introduce la consellería es mezclar indebidamente dos cuestiones que deben ser deslindadas: una cosa es llegar a la conclusión de que no se han podido encontrar "pruebas fehacientes de filtraciones" (algo que reconoce el Valedor, si bien con importantes matices), y otra cosa, muy distinta, es negar que hayan existido muy graves irregularidades en el proceso selectivo, las cuales, en cambio, quedan claramente demostradas.

Empezando por lo segundo, en el informe del Valedor se destaca, ante todo, el hecho de que deberían haberse abstenido tres miembros de los tribunales (miembros que pertenecían a la Subdirección Xeral de Recursos Humanos), porque algunos de los opositores trabajaban a su servicio y uno, en particular, era el esposo de la propia subdirectora general.

Se resalta además que tres de los opositores realizaron previamente labores de colaboración en la preparación de las pruebas a las órdenes de los citados miembros de los tribunales, e incluso uno de ellos participó después en el proceso de corrección de los exámenes en la categoría a la que él se presentó, llegando al extremo de efectuar la corrección mecánica de su propio examen. Los organizadores de las pruebas admitieron que "no había un control exhaustivo" y que, de hecho, las tareas relativas a la confección de las pruebas "eran realizadas muchas veces por compañeros directos de los opositores, compartiendo oficina en horario laboral habitual de mañana".

También se detectaron irregularidades en el proceso de custodia e impresión de los contenidos de los exámenes, dado que de ello se encargó una compañera de algunos de los opositores, la cual realizó su labor en un ordenador de la oficina, coincidiendo con el horario laboral de sus compañeros, y sin que existiese un registro de entradas y salidas de personas en la sala de impresión.

En fin, a juicio del Valedor quedan sobradamente "acreditadas" las "numerosas y considerables irregularidades" que afectaron al proceso selectivo, las cuales "refuerzan la sospecha fundada de que pudo darse una situación de ventaja" de determinados opositores y originan "la correspondiente responsabilidad de sus protagonistas, que deberá sustanciarse adecuadamente".

Pues bien, esta conclusión es de la máxima trascendencia para entender la otra afirmación del Valedor, a la que se aferra la Consellería de Sanidade para interpretar incorrecta y equívocamente su informe, esto es, la de que "con los elementos obrantes no se pudo probar la filtración de las pruebas". Y es que hay que aclarar que el Valedor no llevó a cabo en este asunto una "investigación con sus propios medios" (algo que solo realiza en casos muy excepcionales), sino que sus conclusiones se basaron exclusivamente en la investigación realizada por la Consellería de Sanidade y por la Dirección Xeral de Avaliación y Reforma Administrativa, un órgano que depende de la Consellería de Presidencia. Por tanto, el Valedor se limitó a interpretar los datos que se le suministraron y a efectuar una serie de recomendaciones. Ahora bien, pese a todo, apuntó (lo que no es poco) que de tales irregularidades se deriva una "responsabilidad para sus protagonistas" y una "sospecha fundada" de que pudo haber filtraciones.

Por mi parte, me limito a añadir algo a la prudencia del Valedor: la sospecha fundada de filtraciones equivale a sospecha de graves delitos de violación de secretos, tanto del funcionario que los revela o que permite que otros accedan a documentos secretos como del particular que se aprovecha de ellos. Y se trata de indicios tan poderosos que deberían ser puestos en conocimiento del juez penal para que los investigue con sus propios medios, que son muchos, mientras que los sospechosos tampoco son tantos.


 
Baremación provisional concurso OPE Imprimir Correo-e
OPE
Luns, 18 Outubro 2010 15:26

Publícase no DOG do 18 de outubro de 2010 a resolución do 11 de outubro de 2010, da Dirección de Recursos Humanos, pola que se fan públicos os acordos dos tribunais que xulgan o proceso selectivo para o ingreso en determinadas categorías de persoal estatuario do Servizo Galego de Saúde, relativos á baremación provisional da fase de concurso.

Publícanse as puntuacións obtidas polos aspirantes das categorías:

Abrirase o prazo de dez días hábiles, contados a partir do día seguinte ao da publicación desta resolución no Diario Oficial de Galicia, para que os interesados poidan presentar, de ser o caso, reclamación contra a puntuación outorgada nesta baremación, dirixida expresamente á Dirección de Recursos Humanos do Servizo Galego de Saúde.

Intentaremos organizar e ordear as listas con mais persoal a medida que nolo permita o traballo, colgamos de momentoas listas que nos enviou Alberto que desinteresadamente quere compartir con tod@s as listas do grupo da función administrativa.

 

aux administr orden por puntos

PSX ordeado por puntos

 

OLLO!!


O punto 3 das normas xerais da convocatoria dí o seguinte:

 

.............................. No suposto de que as prazas cubertas por persoas con discapacidade acade unha taxa do tres por cento do total das prazas convocadas na correspondente categoría, as prazas non cubertas acumularanse ás restantes do acceso libre.

 No suposto de que as prazas cubertas por persoas con discapacidade non acadase a taxa do tres por cento do total das prazas convocadas na correspondente categoría, as prazas non cubertas acumularanse á cota do sete por cento da oferta seguinte, cun límite dun doce por cento.

O SERGAS di que vai dar a solución que deu para o persoal facultativo. Que expoñemos nun post mais arriba.
 
borrador novo pacto de contrataciois Imprimir Correo-e
Novas de Contratacións
Domingo, 17 Outubro 2010 20:50
Á espera de recibir información detallada do acontecido na reunión do venres do Pacto de contrataciois que probablemente teñamos mañá, pero como non estaremos no local pola mañá posto que imos Ourense a amosar o noso apoio a un compañeiro de CIG-Administración por "incidentes cos axentes do desorden público", deixamos o último borrador entregado polo SERGAS na mentada reunión.
Déusenos prazo de dez días para facer as alegacións ao texto, nese prazo teranse que reunir o noso grupo de traballo para facelas.
Seguiremos informando

15102010_borrador_pacto2.doc
 
<< Inicio < Anterior 61 62 63 64 65 66 67 68 69 70 Seguinte > Final >>

20100407_hospitalvigo_04
573-81933-a-carrabxo
573-82097-a-pedra
573-82150-a-berro
573-82153-a-dixo
573-82384-a-manifa
573-82578-a-SERVIZOS20PUBLICOS-1
573-82696-a-qg
573-82703-a-DESPIDO20BARATO
573-82728-a-pontevedra
573-82843-a-queremos
573-83156-a-dspi2
573-83252-a-pon
573-83361-a-qgconcerto
573-83720-a-santiago
I1133
www.cig-saude.info | O Barco | Ferrol | A Coruna | Vigo | Pontevedra | Ourense | Lugo | Santiago | Monforte | Burela | Cee | 061 | AgMedica

Confederación Intersindical Galega - Federación de Saúde
Miguel F. Caaveiro, 10 - Santiago de Compostela
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info