CIG Saude | Ferrol | A Coruna | Vigo | Pontevedra | Ourense | Lugo | Santiago | Monforte | Burela | 061 | AgMedica


logocigsaudebarco4


<<  Novembro 2019  >>
 Lu  Ma  Me  Xo  Ve  Sa  Do 
      1  2  3
  4  5  6  7  8  910
11121314151617
18192021222324
252627282930 
Frase pra baixar os modulos en firefox

Un policía ameaza a unha andaluza por usar o galego Imprimir Correo-e
Lingua e Cultura
Luns, 26 Xullo 2010 11:07
Noticia extraída de el pais.

Estaba na Alameda de Compostela e quería chegar á praza de Pescadería Vella. Ao cruzar no semáforo da entrada ao casco histórico na noite do sábado, en plenas festas do Apóstolo, unha xornalista do PAÍS, andaluza, preguntou a unha señora por onde tiña que ir usando o nome oficial do lugar, en galego. Fíxoo á beira dun grupo de independentistas que se concentraban pacíficamente, rodeados por decenas de axentes da Policía Nacional. Un antidisturbio agarrouna do brazo: ""Aquí no hay nada que se llame Pescadería Vella, se llama Pescadería Vieja. Tú, que eres de fuera, deberías saberlo",", reprendeulle. Acto seguido espetoulle: "Corre, no vaya ser que te demos unas hostias". Foi antes de que os antidisturbios comezasen a cargar contra os concentrados.
 
28 de xullo convocatoria de traslados Imprimir Correo-e
Traslados
Luns, 26 Xullo 2010 09:40

 Parece que por fín  o SERGAS saca os traslados; esta é Resolución de convocatoria do concurso de traslados coas prazas ofertadas e as resultas.

Esta enviado a DOG coa previsión de publicarse o vindeiro dia 28 de xullo.

O prazo de presentación de solicitudes queda amplaido ata o 15 de setembro de 2010.

 
para mariñeiros, nós Imprimir Correo-e
Lingua e Cultura
Venres, 23 Xullo 2010 09:57
Un pouco de humor galego non fai dano e axuda a eliminar o stres.


 
Farjas non aclara se se van cubrir as ausencias no verán Imprimir Correo-e
Recurtes Sociais e Salariais
Xoves, 22 Xullo 2010 09:09
Artigo extraido (e traducido) de Xornal.com:

Sanidade garante a asistencia sanitaria durante o período estival. Con todo, a Conselleira Pilar Farjas non aclarou se este verán se cubrirán as baixas e as vacacións dos profesionais do Sergas, tal e como denunciou esta semana a nacionalista Ana Luisa Bouza. Así, desde o departamento autonómico simplemente argumentan que hai unha reorganización do persoal hospitalario similar á doutros anos.
staca
Con todo, a portavoz de Sanidade do BNG e as organizacións sindicais denunciaban esta mesma semana que este verán non hai sustitucións para as vacacións nin as baixas. É máis, poucos días antes, a Comisión do Complexo Hospitalario Universitario de Santiago (CHUS) manifestaba que neste centro non se cubrirá durante o período estival a máis do 50% do persoal.

A actividade do Sergas cae mes a mes, denunciou a nacionalista Ana Luisa Bouza, quen ademais lembra que segundo os últimos datos sobre listas de espera publicados na web do Sergas, as persoas que están á espera por unha operación cirúrxica aumentaron en 12.000 respecto de xuño de 2009. Uns datos que, ademais, a nacionalista achacou ao peche masivo de camas durante este verán.

No entanto, Pilar Farjas volveu defender onte que o seu departamento garante o funcionamento do 92% das prazas nos hospitais galegos. Porén, o peche medio dunhas 580 camas xa fora anunciado anteriormente desde Sanidade, sen chegar a precisar en ningún momento qué hospitais e durante canto tempo levará a cabo.

Así, os datos da Consellería contrastan cos que manexan os sindicatos e que falan dunha perda de até duascentas camas máis das recoñecidas polo departamento autonómico. Neste sentido, Manuel González, da CIG, explicaba que este peche utilizase para recolocar o persoal noutros servizos e rebaixar a actividade.

Nesta liña, Farjas insistiu no funcionamento de todos os servizos de saúde, máis aló de situacións concretas, en alusión da falta de profesionais para a especialidade de pediatría, que atribuíu á inexistencia de pediatras en paro que contratar, que, segundo dixo, compleméntase con médicos de familia e a atención en hospitais.

A deputada nacionalista tamén acusou o pasado luns ao Sergas de comezar a derivar as urxencias a centros concertados. Neste sentido, Ana Luisa Bouza explicaba que desde hai dúas semanas as urxencias do Complexo Hospitalario de Ourense son derivadas a hospitais privados.

Pola contra, Farjas insistiu en que non é certo e recalcou que no CHOU actúase con criterios de rigor.

Non existe ningunha derivación a un centro privado desde Urxencias máis aló de causas concretas, afirmou, en relación á decisión de profesionais que requiran esa decisión para que os pacientes reciban asistencia. Ademais, reiterou que o Sergas está conxelando os concertos con centros privados e lembrou que a contía dos mesmos se ha visto rebaixada nun 5%.

Ademais, a Conselleira, preguntada polos recortes nos orzamentos anunciados pola Xunta para 2011, comentou que traballa coa Consellería de Facenda para ver as posibles políticas de eficiencia e subliñou que o presidente Alberto Núñez Feijóo deixou claro que as políticas sociais seguen sendo a prioridade na definición das partidas para o próximo exercicio.
 
Información da Mesa Sectorial e outras Imprimir Correo-e
Actualidade
Mércores, 21 Xullo 2010 07:57

Nesta reunión abordáronse os temas que estaban incluídos na orde do día e outros temas que plantexamos coma CIG-SAÚDE, entre eles, preguntamos sobre os traslados e sobre a OPE de Psiquiatría.

aagpOrde do día:

1.- Decreto de Xestión Integrada.

2.- Decreto de Ordenación de Recursos Humanos.

3.- 4º grao réxime extraordinario de carreira, pendente de convocar.


1.- Xestión Integrada.

A Administración fíxonos entrega dun novo documento que mantén integramente o modelo de xestión recollido no anterior, as pequenas modificacións son de redacción. Despois do debate e de reiterar as alegacións xa presentadas esta foi a nosa conclusión sobre o Decreto de Xestión Integrada:

 

O debate que hoxe trouxo a Administración a esta Mesa Sectorial sobre o Decreto de Xestión Integrada é a maior farsa sen precedentes. O documento que hoxe se presentou xa foi aprobado e presentado perante a opinión pública o día 6 de xullo no acto que o presidente da Xunta fixo do plano estratéxico do SERGAS 2014. Ademais , as liñas xerais deste decreto están recollidos no devandito documento.

Non imos entrar no xogo da Admón de debater os cambios de redacción. Para a CIG-SAÚDE o debate débese centrar no modelo sanitario que este decreto nos quere impor. Este Decreto pretende criar un marco normativo que supere os límites xeográficos das actuais áreas sanitarias: encubertamente está a mudar o mapa sanitario, xa que pode acoller, baixo unha única Xerencia Integrada, dispositivos integrados territorialmente en áreas diferentes do actual mapa sanitario de Galiza. Este Decreto condiciona de xeito negativo o futuro desenvolvemento da Atención Primaria, de modo que perda autonomía no desenvolvemento dos seus proxectos e vai quedar funcionalmente subordinada ás estratexias de xestión do centro hospitalario de referencia. Isto aféctanos sobremaneira de cara ao novo decreto de xestión integrada da área do Barco, xa nos facemos unha idea de por onde vai ir, na liña do que xa avisábamos e avisaba a Plataforma en Defensa da Sanidade Pública da Área do Barco: imos depender de Ourense.

 

Debemos facer unha mención específica ao modelo que esta Administración sanitaria pretende facer do tratamento dos doentes crónicos , remitindo estes ao plano integramente sociosanitario, sector que esta Administración pretende privatizar na súa totalidade. No tratamento dos doentes crónicos e a súa derivación aos servizos sociosanitarios, o SERGAS recupera o texto da LOSGA (Lei de Ordenación Sanitaria de Galiza, Lei sanitaria do PP).

 

Con estes argumentos e coa totalidade das alegacións que recolle o noso documento, solicitamos a retirada do mesmo e a publicación dun Decreto de Xestión Integrada que apoie a creación dunha xerencia de área sanitaria que favoreza a coordinación asistencial, a integración dos servizos que mellore a implantación de guías e protocolos coa implicación de todas/os as/os profesionais, que mellore a utilización dos RRHH e materiais, e que favoreza a creación dun sistema de información común dos dous niveis.

 

A pesares da nosa insistencia, como isto xa estaba aprobado, o SERGAS dá por finalizada a negociación do Decreto.

 

En síntese, este Decreto é: Un Decreto Marco que deixa aberta todas as portas para que a Admón faga un posterior desenvolvemento do mesmo, adaptándoo á política sanitaria que o PP quer implantar. Iso si, baixo a falacia de que as normas de desenvolvemento deste Decreto serán negociadas en Mesa Sectorial. De que negociación están a falar?

 

2.- Decreto de Ordenación dos Recursos Humanos.

O debate deste Decreto posponse para una mesa sectorial que se celebrará o día 27 de xullo, xa que a Administración enviou onte a última hora da tarde un novo documento , que fai una nova ordenación dos capítulos e só recolle modificacións de redacción. Non varía no substancial con relación ao documento anterior, e, ao igual que o Decreto de Xestión Integrada, as grandes liñas deste documento xa están recollidas no Plan Estratéxico do SERGAS 2014, presentado o día 6 de xullo.

 

As nosa alegacións non se recollen, e como o Decreto anterior, é un Decreto Marco que deixa moitas cousas importantes para un posterior desenvolvemento, adaptando os nomeamentos do persoal á nova estrutura de área.

 

Na reunión do día 27 o noso posicionamento vaise centrar nas nosas alegacións, xa que estas están dirixidas a reducir a temporalidade e crear estabilidade no emprego:

  1. Erradicar o encadeamento de contratos sucesivos que encubran postos de traballo estábeis.

  2. Facer aflorar os postos de traballo estábeis, de maneira que poidan ser regularizados na vindeira Lei de Orzamentos e convocados no próximo concurso de traslados e OPE.

  3. Convocatoria do 100% das prazas.

  4. Convocatoria anual do concurso de traslados.

Sobre estes dous decretos (Xestión Integrada e RR HH, tendes aqui un folleto explicativo da posición de CIG-SAÚDE.

 

3.- 4º grao de Carreira Extraordinaria.

A Administración dá lectura ao informe xurídico que tiñan solicitado para ver se era posíbel convocar o 4º grao e diferir o pagamento e, como era de esperar, o informe conclúe que non é posíbel unha aplicación parcial do acordo, xa que isto suporía unha alteración do mesmo. O acordo e o propio Estatuto Marco recollen que o principal efecto do recoñecemento dun grao de carreira é o recoñecemento económico.

Preguntamos se a Administración tiña unha estimación aproximada de cando se ían recuperar os acordos retributivos , ou si, como no Plano Estratéxico do SERGAS 2014, se fai referencia a unha nova redución do orzamento do Sergas nos próximos anos; este é o horizonte temporal da recuperación dos nosos acordos, o ano 2014.

A resposta da Administración foi que neste momento non se poden comprometer a dar unha data, a crise económica e a baixada de ingresos impiden facer valoracións a medio prazo. A preocupación da Administración é poder facer fronte ao pagamento das nóminas deste ano. Comunícannos que non teñen efectivo para pagar os atrasos das fundacións, pendentes desde o 2007, os trienios dos interinos, a mellora de IT do persoal facultativo…

 

Temas que plantexamos fora da orde do día.


OPE Psiquiatría 2006. A Administración está cabreada connosco por sementar dúbidas na nosa páxina sobre a celeridade do proceso; mostran a carta enviada a todas/os os opositores comunicándolles o calendario do proceso. Recoñecen que non enviaron a comunicación ás organización sindicais, pero  din que isto non é motivo para sementar dúbidas.

 

Concurso de traslados. Comunican que nesta semana enviarán as listaxes coas prazas definitivas, previsibelmente o concurso convocarase a próxima semana.

 

Obxección dos profesionais á Lei de interrupción do embarazo. Como en moitos temas, informámonos pola prensa de que a Consellaría de Sanidade vai entregar un documento ás/aos traballadoras/es para que amosen, ou non, a súa obxección. Amosáronse resistentes a enviarnos o documento dirixido ás/aos profesionais ; non sabemos que lle van preguntar que non poidamos coñecer. Despois de moito insistir en que se nos enviase o documento, xa que o relacionado co persoal é materia de M.S , a directora de RRHH comentou que podería incorporar este tema nunha Mesa Sectorial. Enviaremos por escrito a solicitude de que se nos envíe o documento.

 

Drogodependencias. Amosan a súa negativa a convocar unha M.S para abordar este tema. Como CIG-SAÚDE insistimos que é materia de M.S o tratamento do novo Plan Galego sobre Drogas e o referente ao persoal desta unidades. A directora de RRHH comprometeuse a convocar unha reunión coas organización sindicais que solicitábamos esta reunión e darnos a información demandada. Nós continuamos a insistir no tratamento deste tema na M.S pero se é máis operativo esta primeira reunión aceptámola. Solicitámoslle que ten que ser convocada, como máis tardar, na próxima semana. De non recibir convocatoria da reunión, falaríamos co resto de organizacións e coa asociación de profesionais para iniciar unha campaña de denuncia.

 

Isto non deu para máis, moitas horas de reunión con poucos avances.

 

Documentos para descarga:

 

*Novo documento do Decreto de Xestión Integrada.

*Novo documento do Decreto de RRHH.

*Folleto explicativo posicionamento CIG-SAÚDE.

 
Listas contratación despois dos recursos Imprimir Correo-e
Novas de Contratacións
Luns, 19 Xullo 2010 12:24

Recibiuse esta comunicación do SERGAS que de momento non está sendo certa. Agardemos que ao longo do día sexan publicados os listados que anuncian.

 tou_sinalando_p

Pola presente comunícolles que na xornada do vindeiro luns 19 de xullo, procederase á publicación na web corporativa, das listaxes definitivas derivadas da resolución dos recursos administrativos interpostos contra as listaxes definitivas de vinculacións temporais da convocatoria ordinaria de 1 de abril de 2009 (DOG do 17 de abril) correspondentes ás categorías de Persoal Médico de familia, Puericultor, Persoal médico de urxencias hospitalarias, Pediatra, Odontólogo/a, Matrón/a, Cociñeiro/a.


Polo que respecta ás listaxes de DUE e de TCAE, é previsión deste centro directivo proceder á publicación das mesmas tras os recursos administrativos na data do venres 30 de xullo.

 
Publicacións OPE e traslados Imprimir Correo-e
Traslados
Luns, 19 Xullo 2010 11:10

Publícanse hoxe no DOG as resolucións que se anunciaban sobre traslados e OPE de persoal facultativo: 

* Resolución do 7 de xullo de 2010, da Dirección de Recursos Humanos, pola que se aproba a resolución definitiva do concurso de traslados para a provisión de prazas de licenciados sanitarios do Servizo Galego de Saúde convocado pola Resolución do 21 de xaneiro de 2010.

* Resolución do 8 de xullo de 2010, da Dirección de Recursos Humanos, pola que se declara rematado o proceso selectivo para o ingreso en determinadas categorías de persoal estatutario doservizo Galego de Saúde, se nomean os/as aspirantes seleccionados/as como persoal estatutário fixo e se lles adxudica, con carácter de destino definitivo, a praza correspondente.

Os/as aspirantes nomeados/as disporán do prazo dun mes para incorporarse á praza adxudicada. O cómputo do dito prazo iniciarase o día 16 de setembro de 2010.

O pasado venres foron publicadas na páxina web do SERGAS as puntuacións provisorias do exercicio de galego das categorías de cociñeiro, grupo técnico, de xestión e auxiliar da función administrativa e de PSX.

 
A "rapidez" do SERGAS Imprimir Correo-e
OPE
Xoves, 15 Xullo 2010 09:49
Esta mañá enterámonos a través dun comentario dunha usuaria desta web de que o SERGAS para o que lle parece sí que se dá presa. Xa nos gustaría que fosen tan "áxiles" para todos os temas e non só para algúns.

 

Como sabedes, no calendario enviado polo SERGAS e que publicamos nesta páxina web o pasado día 5 de xullo, un dos anuncios que se facían era sobre a OPE de Psiquiatría 2006 e dicía asi:

 

Respecto a OPE de Psiquiatría do ano 2006 está prevista a publicación das puntuacións provisionais dos distintos exercicios para mediados de xullo.

 

Pois ben, inda que o SERGAS nos tén acostumad@s á súa lentitude, neste caso actuaron cunha total (e sospeitosa) celeridade, posto que as puntuacións provisonais publicáronse, como podedes ver na páxina web do proceso, o pasado día 7 de xullo (2 días despois do cronograma) dando un prazo de reclamacións de 5 días hábiles, que remataba o pasado día 13 de xullo, ou sexa dous días antes da previsión inicial de publicación, e ademais, sen publicitalo nin anuncialo como veñen facendo co resto de procesos.

 

A nós, cando menos, resúltanos bastante estrano, e por iso, esta mañá pediremos explicacións sobre esta cuestión. En canto teñamos resposta, publicarémola aqui mesmo.

 

Agradecémoslle a Katia que nos avisara deste tema.

 
Información OPE Imprimir Correo-e
OPE
Mércores, 14 Xullo 2010 09:45

Recibimos a seguinte información:quirofanop

 

Bos días: está previsto que o vindeiro luns, día 19 de xullo sexan publicadas no DOG as seguintes resolucións:

- Resolución definitiva do concurso de traslados de FEAS. no que se especifica o prazo de toma de posesión, que comenzará o día 13 de setembro, se ben daranse instruccións aos centros para que se proceda ao cese dos facultativos que cambien de destino o último día do prazo, é dicir, o 15 de setembro.


- Resolución definitiva da OPE de licenciados sanitarios no que se especifica o prazo de toma de posesión que comenza o día 16 de setembro.


- Corrección de erros da resolución definitiva de Médicos de Familia, xa que por un erro do programa informático se declarou aspirantes seleccionados a seis aspirantes que non poden aprobar xa que 6 prazas de discapacitados non cubertas por estas persoas deben quedar para a seguinte oferta.

 
Cortexo cívico-reivindicativo Rosalía de Castro Imprimir Correo-e
Lingua e Cultura
Martes, 13 Xullo 2010 12:02
A Asociación de Escritores en Lingua Galega (AELG) coordina e convoca para este xoves 15 de xullo un cortexo cívico e reivindicativo en lembranza do traslado dos restos mortais de Rosalía de Castro, acto que tivo lugar o 25 de maio de 1891, e para que se garanta o acceso ao Panteón dos Galegos Ilustres.

O acto conta co apoio e colaboración de máis de 200 entidades e colectivos culturais de todo o país.

Un tren, identificado como "Follas Novas", partirá da estación da Matanza, a carón da casa de Rosalía, o xoves día 15 de xullo, para facer o traxecto Padrón-Compostela. Previamente, haberá unha concentración na colexiata de Santa María de Iria, no cemiterio de Adina, onde o presidente da AELG, Cesáreo Sánchez Iglesias, informará do sentido dos actos, á vez que se lerá un poema de Rosalía de Castro.

Na estación de Compostela agardará a comitiva restante, actuando a banda municipal de Santiago. Despois, o cortexo sairá pola rúa do Hórreo cara á Praza do Toural, primeira parada da comitiva, onde haberá unha lectura de tres poemas de Cantares Gallegos (“A gaita gallega”, “Castellanos de Castilla” e “Eu cantar, cantar, cantei”), para continuar pola Praza da Universidade e pola Praza de Cervantes, onde se lerán outros poemas de Rosalía.

Finalmente, en San Domingos de Bonaval celebrarase unha audición do Ángelus, de Massenet, e unha lectura de poemas de Follas Novas, intercalando actuacións do diversos grupos musicais e artistas participantes, para rematar o acto coa lectura dun comunicado reivindicativo da figura de Rosalía de Castro, no día en que se fan 125 anos da súa morte acontecida o 15 de xullo de 1885, e para que se garanta o acceso ao Panteón dos Galegos Ilustres, unha vez coñecida a intención do Arcebispado de Santiago de Compostela de pechar as súas portas, despois dun litixio que lle outorga a titularidade do panteón á Igrexa.

 

Podedes obter máis información sobre as actividades na páxina web da Asociación de Escritores en Lingua Galega.

 

Parécenos sumamente importante, neste ano que se conmemora o 125 aniversario da morte de Rosalía, a participación nestes actos lúdicos e á vez de reivindicación, non só da apertura do Panteón de Galegos Ilustres, senón tamén da figura de Rosalía de Castro, deturpada históricamente como esa muller chorona que escribía poemas intimistas, cando na realidade é a nosa poeta nacional, avangarda no seu momento da denuncia da situación da muller e da situación de Galiza.

  

Animámosvos a participar este xoves no cortexo cívico-reivindicativo.

 
O anel radiolóxico Imprimir Correo-e
Actualidade
Luns, 12 Xullo 2010 22:00

Deixamos aqui, para quen queira descargalo e lelo, ademais de difundilo, o documento que recolle a posición de CIG-Saúde ao respecto do Anel Radiolóxico proxectado polo SERGAS, que implica a eliminación de gardas de radioloxía nos hospitais comarcais como primeiro paso do proceso.

 

Desde CIG-Saúde estamos a levar a cabo diversas reunións co persoal de radioloxía e os facultativos afectados nos distintos hospitais, xa levamos varias nos comarcais, e continuaremos a facelas, para explicar cal é a nosa posición e como afecta este anel radiolóxico e a telerradioloxía tal e como está proxectada desde o SERGAS á calidade asistencial e ás condicións laborais do persoal do SERGAS.

 

Podedes descargar o documento desde aqui.

 

O próximo venres día 16 a partir das 13:30 hs terá lugar na Sala de Xuntas do HCV unha reunión informativa sobre o Anel Radiolóxico, na que participarán dous representandes da Agrupación Médica de CIG-Saúde, para explicar a nosa posición, recollida neste documento.

 
sos Courel: o vídeo mais visto Imprimir Correo-e
Lingua e Cultura
Venres, 09 Xullo 2010 10:13
artigo extraído de vieiros

ÉXITO DE DIFUSIÓN

'Axuda urxente para o Courel', o vídeo máis visto no youtube

Á montaxe ideada por Raquel González Gamallo e con música de Luar na Lubre xa superou o millón de visitas na rede.

“Aínda hoxe queda xente que sabe sentir a terra, queda aínda quen comprenda canto pode aprender dela”. Os versos da canción 'Terra' de Luar na Lubre cobran unha nova dimensión logo do éxito de difusión do vídeo 'Axuda urxente para o Courel', que xa sumou máis dun millón de visitas no youtube, a principal páxina de reprodución de vídeos na rede.

Logo de que máis dun millón de persoas picasen no play desta montaxe audiovisual, xa se converteu no primeiro vídeo galego en acadar tal cifra e practicamente duplica as visitas dos seus inmediatos seguidores ('Bailaré sobre tu tumba', de Siniestro Total; 'Me pica un...' tamén de Siniestro; ou 'Canto de andar' de Luar na Lubre').

Montado por Raquel González Gamallo, veciña de Vigo mais con avós da Serra do Courel (no concello de Quiroga), o vídeo acompaña con imaxes do Courel o tema “Terra” de Luar na Lubre, que tamén foi escrito pola propia González Gamallo. Foi subido á rede en maio de 2007 e tiña por obxecto acadar a máxima difusión posíbel, para “dar a coñecer ao Mundo o que no Courel está acontecendo”, en referencia ás continuas agresións que, daquela e agora, sofre o Parque Natural a xeito de canteiras, louseiras, eólicas, hidroeléctricas e demais industrias que pouco respecto amosaron, ao longo dos tempos, por un dos espazos naturais de maior beleza paisaxística de Galiza.

A iniciativa, apoiada por diferentes colectivos como SOS Courel, Verdegaia, Arredemo, Ecotono, Amigos da Terra, Adega ou a Federación Ecoloxista Galega, confirmou así o seu éxito e esta grande difusión e, nas palabras dun dos seus voceiros, Orlando Gregorio Álvarez “fixo inútil o intento de políticos corruptos, infiltrados en todas as administracións, de xustificar ou ocultar o abuso e a destrución ociosa dunha terra de valor incalculábel”.

 
retraso publicaciois OPE Imprimir Correo-e
OPE
Venres, 09 Xullo 2010 08:41

Como xa saberedes hoxe tiñanse que publicar no DOG as puntuacións provisionais da fase de concurso das seguintes categorías:

  • Costureira/o
  • Enfermeira/o especialista saúde mental.
  • Fisioterapeuta.
  • Grupo Administrativo da función administrativa.
  • Perruqueira/o.
  • Técnica/o especialista en anatomía patolóxica e citoloxía.
  • Técnica/o especialista en hixiene bucodental.

 

Pois ben como puidestes comprobar non se publicou nada, postos en contacto co Sergas indican que a publicación será o VINDEIRO LUNS DÍA 12, non nos dixeron os motivos do atraso. Se ao longo da mañá teño algunha explicación máis concreta a publicaremos no blog.

 
Austeridade PaPal Imprimir Correo-e
Actualidade
Xoves, 08 Xullo 2010 11:31

Artigo extraído de vieiros

CATRO MILLÓNS DE EUROS

A oposición cuestiona o gasto da visita de Bieito XVI1-benedictus-xvi


O PSdeG exixe explicacións sobre o procedemento que seguiu a Xunta para a contratación da organización das actividades previstas. O BNG lamenta a falta de austeridade.

O máximo responsábel da Igrexa Católica visitará Galiza en novembro e a Xunta de Galiza xa deseñou un plan de actividades que terá un custe, a cargo dos cartos públicos, de catro millóns de euros. Ante esta confirmación, tanto PSdeG como BNG dirixiron as súas críticas ao Goberno e piden explicacións sobre este gasto.

O portavoz nacional do BNG, Guillerme Vázquez, cuestionou o feito de que se sufrague este gasto con cartos públicos e pediu ao Goberno que “separe os asuntos relixiosos dos políticos”. Non quixo valorar se o gasto de catro millóns é excesivo ou non, mais asegurou que “o que non é de recibo é que se pague con cartos públicos esta cantidade, sobre todo nun momento de crise no que a Xunta aplica a austeridade noutros ámbitos”.

Cal foi o procedemento de contratación?

Pola súa parte, o viceportavoz do Grupo Socialista, Xosé Manuel Lage Tuñas pediu a comparecencia do conselleiro de Presidencia, Afonso Rueda, “para que explique que procedemento se seguiu para a contratación da organización das actividades da Xunta con motivo da visita de Bieito XVI” e se houbo ou non algún concurso público. Lage entende que o conselleiro debe detallar e explicar en que tipo de actividades vai gastar a Xunta os catro millóns de euros e lembrou que as tarefas de seguridade están cubertas polas Forzas e Corpos de Seguridade do Estado.
 
CIG-Saúde denuncia que o SERGAS está a promover a Fundación ‘Red Madre’ desde a súa páxina web e entre o seu cadro de persoal Imprimir Correo-e
Actualidade
Xoves, 08 Xullo 2010 11:12

Pola contra, non informa sobre outras asociacións de mulleres que defendan outras alternativas

10-07-05utero

CIG-Saúde denuncia que a consellaría de Sanidade está facendo uso da web do Sergas, que é un espazo público de información sanitaria e profesional, para adoutrinar á poboación e aos traballadores/as promovendo as posicións defendidas pola Fundación ‘Red Madre’, en contra da Lei de Saúde Sexual e Reprodutiva e da Interrupción Voluntaria do Embarazo.

 

Para CIG-Saúde é inxustificable que a administración pública utilice os espazos profesionais para difundir as súas ideas ou crenzas relixiosas e tratar impoñelas. Máis grave aínda, é que nun correo remitido a todos os traballadores e traballadoras se lles indique o link da páxina de ‘Red Madre’ onde se recolle un chamamento a participar na manifestación convocada para o pasado día 3 de xuño en Madrid en contra da devandita lei.

 

María Xosé Abuín, secretaria nacional de CIG-Saúde manifesta que “é paradoxal que mentres que a Xunta de Galiza ordena a intervención das forzas da orde pública para disuadir as manifestacións pacíficas das plataformas sanitarias, faga un chamamento masivo, aos 35.000 traballadores/as, para participar na manifestación de Madrid”.

CIG-Saúde solicita da conselleira de Sanidade que faga un uso debido da páxina web do SERGAS que se limite a dar información legalmente estabelecida e que non se utilice de forma partidista para impor as súas crenzas.

 

Compostela, 8 de xullo de 2010

 

María Xosé Abuín

 

Secretaria Nacional de CIG-Saúde

 
Non á represión, sí á Sanidade Pública Imprimir Correo-e
Área Sanitaria
Mércores, 07 Xullo 2010 08:47
Artigo extraido da páxina principal de CIG-Saúde.

No acto de onte en Santiago, a policía recibiu ordes de retirar as pancartas da entrada do Palacio de Congresos, protagonizando algúns momentos de tensión ao forcexear con algúns dos manifestantes. A nosa compañeira de CIG-Saúde Susana foi arrastrada pola policia  no acto de protesta. O noso compañeiro de CIG-Sáude Xan Ramón plantouse sentado diante da entrada ao auditorio en sinal de protesta. Está claro que os PPeros non querían ningunha protesta que lle afee os actos de paripé que organizan, teñen nostalxía do pasado preconstitucional  e o autoritarismo parece que lle resulta mais acorde coa súa ideoloxía ultradereitista.

 

 

Carta de protesta envíada á Conselleira

 

A CIG-Saúde quérelle amosar o noso máis enérxico rexeitamento á actitude que tivo no día de onte coas/os  representantes das plataformas sanitarias constituídas nas diversas localidades en defensa da sanidade pública.

 

Non é de recibo que nun “estado democrático” se mande actuar ás forzas de orde pública contra quen, pacificamente, amosa publicamente, nun espazo público “A Praza da Concordia”, o seu rexeitamento á política sanitaria que está a levar a cabo a consellaría que vostede dirixe.

 

É a primeira vez que no eido sanitario se utilizan as forzas de orde pública para intentar calar as voces que queren transmitir as inquedanzas da poboación das súas localidades, que ven con preocupación o futuro da sanidade e o recorte das prestacións que esta consellería pretende acometer.

 

A CIG-Saúde solicita de vostede que en aras a garantir o dereito democrático que ten toda persoa de reivindicar  publicamente e pacificamente unha sanidade pública e de calidade, reprobe a actuación policial, e se desculpe publicamente por estas actuacións.

Agardando de Vde. unha resposta na maior brevidade posíbel.

Un saúdo.

 

Compostela, 7 de xullo de 2010.

 

Asdo: Mª Xosé Abuín Álvarez.

Secretaria Nacional de CIG-SAÚDE.

 

NON A REPRESIÓN, SI Á SANIDADE PÚBLICA


Velaqui o resultado da "actuación" policial de onte ante o delito tan grande de amosar unha pancarta:

DSCN0894

 

NON A REPRESIÓN!!!

SI Á SANIDADE PÚBLICA!!!

 
Velai a democracia deste goberno Imprimir Correo-e
Área Sanitaria
Mércores, 07 Xullo 2010 08:35

Artigo extraido do blog da Plataforma en Defensa da Sanidade Pública da Área do Barco.

Velai a democracia deste goberno





Reproducimos abaixo unha nota de prensa que ven de enviar a Plataforma Galega pola Defensa da Sanidade Pública despois dos feitos acontecidos esta tarde (a tarde do día 6 de xullo) na entrada do Pazo de Congresos de Santiago de Compostela. Mentres algúns representantes das diversas Plataformas que se veñen moblizando en defensa da Sanidade Pública agardabamos pacíficamente, en silencio, sen molestar, simplemente portando as pancartas das plataformas, as "autoridades democráticas" deste goberno deron orde ás forzas antidisturbios de que nos desaloxaran pola forza, chegando a arrastrar literalmente polo chan a algúns compañeiros. Este é o talante democrático deste goberno. Non só privatizan, tamén reprimen coa forza física cando alguén amosa a súa disconformidade. É máis, chegaron a pedir indentificarse a algunha persoa que estaba a facer fotos, mentres a ameazaban se "saia nalgún medio" o que alí aconteceu. Represión e ameazas. Mais non o van conseguir. Aqui tendes un par de fotos do momento en que os antidisturbios nos empurraban e nos botaban dalí á forza.

Exactamente, cal era o problema de que estiveramos alí? Non estabamos impedindo o paso a ninguén, non estabamos nin sequera berrando. Simplemente estabamos alí. Pero claro, facíamos fea a foto da señora Conselleira e do señor Feijoo. E como quedabamos feos, había que botarnos.

Que saiban que non nos arredamos. Defenderemos a Sanidade Pública e as nosas áreas pese a quen pese e traian os antidisturbios que traian.

Representantes das Plataforma para a Defensa da Sanidade Pública de Ferrol, A Mariña, Pontevedra, O Barco de Valdeorras, Monforte, e Vigo, así como dos sindicatos CIG, CCOO e da Confederación de Asociacións de Vecinos de Galicia (COGAVE), realizaron unha concentración á entrada do acto de propaganda institucional da Consellería de Sanidade no que se presentou o Plan Estratéxico de Sanidade, que pretende consolidar a estratexia de deterioración e privatización do Sistema Sanitario de Galicia .
Os representantes das Plataformas, en nome dos miles de persoas que se manifestaron en toda Galicia convocadas polas mesmas, mostraron o seu malestar á Xerente do SERGAS Rocio Mosquera, á Conselleira de Sanidade Pilar Farjas e ao Presidente da Xunta Núñez Feijoo, que deberon acceder ao acto entre as pancartas de rexeitamento á política de deterioración e privatización do sistema sanitario levada adiante por eles.

Como aspecto negativo cabería resaltar que, a pesar do carácter pacífico e plenamente democrático do acto de protesta, a policía recibiu ordes de retirar ás pancartas da entrada do Palacio de Congresos, protagonizando algúns momentos de tensión ao forcexear con algúns dos manifestantes.

A Plataforma Galega Para a Defensa da Sanidade Pública quere facer saber á poboación que manterá as convocatorias de mobilizacións ata que cese esta política de deterioración do sistema sanitario que leva a cabo a administración en Galicia.

 
comunicado de prensa coberturas en atención primaria Imprimir Correo-e
Novas de Contratacións
Martes, 06 Xullo 2010 12:43

Este de abaixo é o comunicado de prensa íntegro que mandamos ós medios de comunicación, sobre a falla de contratación en atención primaria, veremos mañá como se recolle a noticia nos medios.
concentracion_ap_
A sección sindical de CIG-Saúde O Barco queremos denunciar a política de contratación dos responsables de Atención primaria de Ourense están levando nos centros de Saúde de O Barco e A Rúa, de momento o persoal mais afectado é o da área administrativa, pero a partires do 16 de xullo prevemos que se vai extender ó persoal sanitario e facultativo, posto que é ahí onde hai mais persoal de vacacións.

En O Barco a dia de hoxe das catro persoas da área administrativa que atenden habitualmente o centro na quenda da mañá, somente están dúas, posto que está sen cubrir a persoa que está de vacacións e a xente que solicita LDs ou outro tipo de permisos.

En A Rúa a situación é aínda pior se cabe, posto que este Centro o atenden dous PSX e está un de vacacións polo que o que queda ten que asumir o traballo de dúas persoas nunhos meses (xullo e agosto) en que A Rua incrementa a súa poboación considerablemente non sólo polos retornados, senon tamén porque nesta vila os campamentos infantís e xuvenís incrementan a poboación de nenos e nas en 300 persoas.

En ocasión estanse formando colas neste centro  que chegan moitos metros fora do recinto.

CIG-Saúde plantexámoslle a dirección de primaria esta situación co obxecto que se correxira pero a resposta destes foi que non hai presuposto. Pois que curioso, para contratar xente non hai presuposto, pero para facer unha campaña de márquetin sobre a “modernización da sanidade” gástanse un millón de euros, (DOG do xoves 10 de xuño de 2010).

Con ese diñeiro adicado a lavar a cara da señora conselleira  e todo o seu equipo poderíanse facer moitas contratacións polo que a poboación non vería dañada a calidade asistencial que recibe e o persoal do SERGAS non sofriría o estrés que padece  pola saturación de traballo, nun mes ademáis que viron como as súas nóminas baixaban un 5% ( menos cartos mais traballo, “unha boa forma de incentivar ó persoal”), lembramos ademáis que este persoal e o resto do SERGAS quedou sen os incrementos pactados ata de o 2010- 2012, polo que o SERGAS tería ahí unha fonte onde botar man para facerse cargo das sustitucións do persoal, e aínda así sería o propio persoal quén o asumiría .

Esiximos da Dirección de Atención Primaria do SERGAS de Ourense que proceda a cubrir de forma inmediata as ausenzas que do persoal, ben sexa por permisos, baixas, vacacións, etc. E deixe de presionar ó persoal para que collan días poñéndose de acordo cos compañeiros ou compañeiras, posto que son eles ( a dirección) os que teñen que cubrir estes días con persoal de listas e sen sobrecargar o traballo dos traballadores e traballadoras.

De non ser así, esta sección sindical iniciará unha serie de accións encamiñadas a que se atendan os dereitos de persoal dos centros, das listas de contratación e sobre todo non se dañe a calidade asistencial ofrecida ós usuarios. 

En O Barco a 6 de xullo de 2010

 
regulamentación próximas OPEs-traslados Imprimir Correo-e
OPE
Martes, 06 Xullo 2010 12:22

Esta de abaixo é a documentación remitida polo Sergas para traballar sobre ela ao respecto dos próximos procesos de Selección e Provisión, na Comisión que se creou nesta materia. A regulación debe ser para todas as categorias, decimos isto porque pola redacción que se fai poidera entenderse que sólo é para facultativos, polo menos en CIG-Saúde insistiremos en que a negociación abarque todas as existententes.


OPE E CONCURSO DE TRASLADOS 2010 tou_pensando1

 

Ante a vindeira oferta de emprego público para persoal licenciado sanitario do Servizo Galego de Saúde, a Dirección de Recursos Humanos ten prevista a creación dun grupo de traballo no que estean representadas tanto as súas Subdireccións, como a Dirección de Asistencia Sanitaria e a Subdirección xeral de investigación, docencia e innovación, así como un membro de cada unha das organizacións sindicais presentes na Mesa Sectorial de Negociación.

A misión deste grupo de traballo será a de analizar, adaptar e perfeccionar todas as cuestións relacionadas con estas materias. Entre as cales, cómpre destacar:

 

 

CONCURSO DE TRASLADOS:

O obxectivo fundamental nesta materia será o de establecer baremos estables nesta materia.

 

      OPE:

 

-       CONVOCATORIA: Revisión dos termos da convocatoria, realizando unha análise da normativa comparada dos servizos de saúde das diferentes comunidades autónomas nesta materia. Neste eido realizarase, igualmente, unha actualización dos baremos de méritos das distintas categorías/especialidades.

Resulta imprescindible abordar neste punto o tratamento que debe darse as persoas con discapacidade, cómpre establecer criterios obxectivos que permitan determinar a compatibilidade desta situación co desenvolvemento da correspondente profesión, de xeito que se teña en conta a capacidade funcional para o desempeño das labores propias da categoría.

 

-       TEMARIOS: Co galo da OPE 2006 realizáronse uns perfís de temarios baseados nos programas formativos das distintas especialidades. Partindo destes temarios, estudarase a necesidade de actualizalos.

 

-       TRIBUNAIS: Tendo en conta as Instrucións de Función Pública do 11 de abril de 2007 relativas ao funcionamento e actuación dos tribunais de selección, así como o acordo do Consello da Xunta de Galicia de 8 de abril de 2010, realizarase unha guía para a designación dos membros de tribunais así como para regulamentar o seu funcionamento interno. Aos membros dos tribunais facilitaráselle unha formación inicial sobre o conxunto do procedemento e unha asistencia constante sobre todas as cuestións técnicas e procedimentais que xurdan.

 

-       PROCEDEMENTO: Un dos obxectivos prioritarios do grupo de traballo será o de redactar unha circular que desenvolva e regulamente cada unha das diferentes fases do procedemento, dende a publicación da convocatoria ata a toma de posesión dos aspirantes definitivamente seleccionados. Neste sentido, ten especial relevancia a elaboración e copiado dos exercicios da fase de oposición, polo que estableceranse instrucións concretas de actuación nesta materia que redunden na transparencia do proceso, analizando novos métodos para a elaboración dos exercicios. Analizarase a posibilidade de elaborar unha ampla batería de preguntas e o posterior sorteo para a  configuración final dos exercicios da fase de oposición. Por outra banda propondrase a incrementación das medidas de seguridade na custodia deste material ou a presenza permanente dos tribunais no copiado e corrección dos exercicios.

Así mesmo, como ven sendo habitual, realizarase unha guía de criterios técnicos como apoio á baremación de méritos da fase de concurso.

 

-       TOMA DE POSESIÓN: Como culminación do proceso selectivo elaborarase unha circular para a súa difusión entre todos os centros de xestión na que se regulen os ceses e tomas de posesión derivadas do proceso selectivo. Especial relevancia nesta materia adquiren as distintas situacións administrativas que poden derivarse das tomas de posesión, polo que resulta imprescindible a redacción dun documento que recolla a casuística nesta materia e a forma de afrontar as distintas situación de acordo coa normativa.

 

-       PLANS DE ACOLLIDA: A incorporación de novos profesionais aos centros de xestión carece ata o de agora de regulación específica, polo que debe ser abordado para acadar un tratamento homoxéneo.

 

 

 

SOPORTE INFORMÁTICO: Traballarase na validación do novo aplicativo do organismo para facilitar as distintas fases do concurso de traslados e do proceso selectivo, de xeito que a xestión de ambos procesos teña un forte apoio nesta ferramenta.

 

OUTRAS CUESTIÓNS: Por suposto, o grupo de traballo esta aberto a calquera cuestión que redunde no obxectivo de acadar a maior perfección neste eido.

 
<< Inicio < Anterior 61 62 63 64 65 66 67 68 69 70 Seguinte > Final >>

20100407_hospitalvigo_04
573-81933-a-carrabxo
573-82097-a-pedra
573-82150-a-berro
573-82153-a-dixo
573-82384-a-manifa
573-82578-a-SERVIZOS20PUBLICOS-1
573-82696-a-qg
573-82703-a-DESPIDO20BARATO
573-82728-a-pontevedra
573-82843-a-queremos
573-83156-a-dspi2
573-83252-a-pon
573-83361-a-qgconcerto
573-83720-a-santiago
I1133
www.cig-saude.info | O Barco | Ferrol | A Coruna | Vigo | Pontevedra | Ourense | Lugo | Santiago | Monforte | Burela | Cee | 061 | AgMedica

Confederación Intersindical Galega - Federación de Saúde
Miguel F. Caaveiro, 10 - Santiago de Compostela
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info