CIG Saude | Ferrol | A Coruna | Vigo | Pontevedra | Ourense | Lugo | Santiago | Monforte | Burela | 061 | AgMedica


logocigsaudebarco4


<<  Novembro 2019  >>
 Lu  Ma  Me  Xo  Ve  Sa  Do 
      1  2  3
  4  5  6  7  8  910
11121314151617
18192021222324
252627282930 
Frase pra baixar os modulos en firefox

Concentracións contra os recortes salariais Imprimir Correo-e
Recurtes Sociais e Salariais
Mércores, 19 Maio 2010 19:06
Concentracións en protesta pola medida do goberno de recortar os salarios ás empregadas e empregados públicos:
punhoestrela2
•    SANTIAGO: PRAZA DO TOURAL ÁS 19 HORAS
•    A CORUÑA: DELEGACIÓN DO GOBERNO ÁS 19 HORAS
•    LUGO: SUBDELEGACIÓN DO GOBERNO ÁS 20 HORAS
•    OURENSE: SUBDELEGACIÓN DO GOBERNO ÁS 19 HORAS
•    VIGO: RÚA DO PRINCIPE ÁS 19 HORAS
•    PONTEVEDRA: SUBDELEGACIÓN DO GOBERNO ÁS 19 HORAS
•    FERROL: EDIFICIO ADTVO DA XUNTA ÁS 19 HORAS

PARTICIPA, NON TE DEIXES ENGANAR
"NON AOS RECORTES SALARIAIS E SOCIAIS,
SI AOS SERVIZOS PÚBLICOS
 
asemblea plataforma da sanidade pública: cheo Imprimir Correo-e
Actualidade
Mércores, 19 Maio 2010 11:11
asmbleaOnte o salón de actos da casa da cultura de O Barco, abarrotouse na asemblea organizada pola plataforma en defensa da sanidade públia da área de O Barco, onde se explicou o risco que corre a nosa área de seguir a conselleria de sanidade coa política de concentración e recortes que está a levar a cabo.
Hoxe repetiremos asemblea no cine avenida de A Rua ás 20 horas.

Ás 11, 30 horas de hoxe o persoal do HCV cortamos de novo o tráfico en protesta pola intención da conselleria de suprimir as gardas de radioloxia e pola perda de servizos. Mañá de novo a mesma hora repetiremos a concentración.

Retraso na información da mesa sectorial de traslados.

Dende a mañá cedo os membros da plataforma desplegámonos no reparto de octavillas explicativas e megafoneando O Barco e os pobos aledaños para que a xente acudira a informase, este foi o motivo polo cal onte apenas poidemos atender o local e a propia web, sabemos que estades moi atentos o que aconteceu onte na reunión da mesa sectorial polo tema dos traslados. Por desgraza aínda non temos a información, esperamos contar con ela esta mesma tarde, sentimos esta tardanza non habitual en nós na publicación do que acontece, pero os múltiples frontes nos que nos atopamos inmersos, tanto nós como os compañeiros e compañeiras da executiva non nos permiten ser tan áxiles como quixéramos, en todo caso confirmáronnos que hoxe a tarde teríamos esa información e unha vez nos chegue a publicaremos sen dilación, pedímosvos disculpas por este retraso.
 
"NON AOS RECORTES SALARIAIS E SOCIAIS, SI AOS SERVIZOS PÚBLICOS" Imprimir Correo-e
Recurtes Sociais e Salariais
Mércores, 19 Maio 2010 10:15

Ante o anuncio feito polo presidente do goberno español,  Sr. Zapatero, de rebaixar nun 5% os salarios das empregadas/os públicos, na CIG confirmamos ,unha vez máis, que esta era unha das medidas que se ían aplicar no sector público para seguir coa campaña iniciada de precarización e desprestixio dos servizos públicos, é a xustificación perfecta para tomar medidas cada día máis regresivas no eido laboral.

Ante a gravidade destes feitos,  desde a  CIG, convocamos a todas as organizacións sindicais para que en pé de igualdade elaborásemos un calendario de mobilizacións co obxectivo de parar as medidas impulsadas polo goberno español. As organizacións sindicais CCOO, UGT e CSIF non responderon  á convocatoria de reunión que a CIG lles fixera chegar, pero a pesares disto a CIG sí acudiu á convocatoria que estas organizacións sindicais nos fixeron chegar.

O día 18 de maio, ás 16,30 hs, iniciase a reunión das organizacións sindicais, desde a CIG, e sendo respectuosas/os co calendario de mobilizacións que eles tiñan convocadas en todo o Estado Español, propoñémoslles ampliar este calendario, dando participación nas mobilizacións as/os traballadoras/es , e que o calendario de mobilizacións non se convertera, unha vez máis, en medidas cara a galería para lavar a súa imaxe.

Despois de transcorridas 3 horas de reunión acadamos un acordo de calendario, onde a CIG en aras á unidade sindical deixamos para unha posterior reunión o resto de mobilizacións, que cremos debemos levar a cabo para parar a medidas do goberno.

O  calendario pactado contiña as seguintes medidas:

- Concentracións o día 20 de maio nas sete cidades galegas chamando á participación das/os traballadoras.

- Anuncio da convocatoria de folga o día 8 de xuño.

-Comunicado conxunto das organizacións sindicais convocantes anunciando as mobilizacións acordadas.

-Manter unha próxima reunión o día 24 de maio, ás 16 hs, xa que o día 20 de maio está convocada a Mesa Xeral da Función Pública en Madrid. Este día coñeceremos o alcance das medidas.

Como CIG insistimos perante as organizacións sindicais que se o día 20 o goberno mantén as medidas anunciadas deberíamos recrudecer as mobilizacións, facendo un calendario conxunto.

 Ás 9  da noite, e transcorridas máis de 4,30 hs de reunión, as organizacións sindicais CCOO, CSIF e UGT, comunícannos que non queren manter a unidade sindical coa CIG, que se desdín do calendario pactado entre todas as organizacións e que eles van  seguir co seu calendario.

 A valoración que facemos disto e:

A CIG é una organización sindical incomoda para CCOO, UGT e CSIF. xa que o único que pretenden é dar una imaxe cara as/os traballadoras/es de que van a convocar mobilizacións para parar as medidas do goberno, mentres os seu dirixentes pactan en Madrid co goberno as devanditas medidas.

Neste momento as/os traballadoras/es públicos somos a moeda de cambio de CCOO, UGT e CSIF para conseguir do goberno medidas que non sabemos a quén van beneficiar.

A CIG seguirá adiante co seu calendario de mobilizacións, informando puntualmente a toas/os das medidas que pretende adoptar o goberno, así mesmo informaremos do que acontece na Mesa Xeral da Función Pública en Madrid. Para que todo o persoal coa información suficiente poida tomar as súas decisións.

Non te deixes enganar por quen, unha vez máis, antepón o seu interese aos intereses das traballadoras e traballadores.  

Que estraños intereses teñen para que a  presenza da CIG lles moleste tanto?

Infórmate e Participa. 

Descarga, imprime e reparte o folleto no teu centro de traballo

 
prazas a traslado Imprimir Correo-e
Traslados
Sábado, 15 Maio 2010 22:52
Por fín nos chegaron as prazas a traslado, o martes revisaremoas, se alguén vei que pode faltar algunha que nolo comunique. Lembrade que o martes temos a reunión co SERGAS.

prazas a traslado en excel coas prazas de A.P. por centros

prazas_traslado_2010.pdf
 
folga xeral contra as medidas adoptadas polo goberno Imprimir Correo-e
Venres, 14 Maio 2010 20:16

A CIG fai un chamamento á unidade sindical de cara a unha convocatoria de folga xeral contra as medidas adoptadas polo goberno

A central sindical entende que dada a súa gravidade e o seu carácter antisocial, a resposta non se pode limitar á área pública
A Confederación Intersindical Galega vén de anunciar en rolda de prensa -na que alén do Secretario Xeral, Suso Seixo, estaban as secretarias nacionais das federacións de Administración Pública, María do Carme López Santamariña, e Saúde, María Xosé Abuín, xunto co secretario nacional da CIG-Ensino, Anxo Louzao- que ten convocado para o vindeiro martes día 18 de maio, ás 11:00 horas a todas as centrais sindicais, para abordar unha resposta conxunta e contundente ás medidas que vén de facer públicas o goberno. A CIG entende que é necesaria a mobilización e a unidade sindical para frear a imposición destas medidas e que se debe camiñar cara unha folga xeral que ten que facerse extensiva a todos os sectores, dado o seu carácter regresivo e antisocial, e non limitarse á área pública.
De esquerda á dereita: María Xosé Abuí, Secretaria Nacional de CIG-Saúde, María Carme López Santamariña, Secretaria Nacinoal de CIG-Administración Pública, Xesús Seixo, Secretario Confederal da CIG, e Anxo Louzao, Secretario Nacional de CIG-Ensino.

garrulopAlén da xuntanza prevista para o vindeiro martes, a CIG anuncia a convocatoria de concentracións nas sete cidades para o vindeiro día 20 de maio, coincidindo co debate, no Congreso dos deputados, das medidas presentadas polo presidente do goberno español, José Luís Rodríguez Zapatero.

Xunto a iso e como organización sindical maioritaria no ámbito da administración, anuncia a convocatoria de folga para o día 2 de xuño, na área pública (Administración, Saúde e Ensino), e unha manifestación nacional, ese mesmo día, en Compostela.

A rolda de prensa producíase logo dunha xuntanza das executivas das federacións de Administración Pública, Saúde e Ensino, convocada para analizar as repercusións que as medidas presentadas o pasado mércores terán para os empregados e empregadas da área pública, pero tamén para o conxunto da clase traballadora.

Na súa comparecencia, Suso Seixo salientou a gravidade da situación e lembrou que a CIG xa manifestara as súas críticas por considerar que desde o goberno non se estaban a adoptar medidas dirixidas a frear a crise económica e que esta se saldara de forma positiva para a clase traballadora.

María do Carme López Santamariña, secretaria nacional da Federación de Administración Pública, salientou a necesidade de que se dea a “máis contundente contestación” a estas medidas e fixo un chamamento á unidade sindical para que isto sexa posíbel.

A este respecto, Seixo subliñou que “queremos unidade sindical para que desde Galiza se dea unha resposta conxunta a estas políticas” e fixo un chamamento á reflexión a CCOO e UGT para que esa resposta non se cinxa á función pública, porque tamén supón unha redución nas prestacións sociais, nomeadamente nas pensións.

O secretario xeral da CIG alertou ademais de que a estas medidas vaise sumar a reforma laboral anunciada que terá, segundo explicou, características similares no ámbito privado porque se vai tomar a redución salarial no sector público como referente, ademais de incluír medidas como o abaratamento do despedimento ou unha maior flexibilidade do mercado laboral, entre outras.

Suso Seixo denunciou tamén que, en troques de aplicar políticas encamiñadas a incrementar o investimento público de carácter produtivo e o gasto social para contribuír a reactivar a economía; a controlar a  economía especulativa e o capital financeiro; encetar unha reforma fiscal incrementando os impostos directos sobre as rendas máis altas e sobre o capital; recuperar o imposto de patrimonio; eliminar os paraísos fiscais ou combater a fraude fiscal, o goberno apostou por medidas antisociais facendo recaer o custo da crise sobre a clase traballadora.

En contraste con isto, salientou os elevados beneficios da banca europea durante o ano 2009, que ascenderon a 50.000 millóns de euros de euros e mesmo denunciou que en plena crise as grandes empresas españolas chegaron a repartir 32.000 millóns de euros de dividendos, grazas aos beneficios acumulados durante ese mesmo período.

Por iso, afirmou que quen está a dirixir a política económica nos estados é o capital especulativo e denunciou a covardía dos estados, incapaces de abordar políticas que camiñen cara un cambio de modelo.

 
Mobilizacións pola Sanidade Pública Imprimir Correo-e
Actualidade
Venres, 14 Maio 2010 08:01
Onte levaronse a cabo dúas mobilizacións máis en defensa da sanidade pública. A primeira delas, pola mañá, diante do Hospital Comarcal Valdeorras, unha concentración de traballadores que protestaba polo intento de implantar un proxecto piloto de gardas de radioloxía "mancomunadas" entre os centros de O Barco, Verín e Monforte, o que deixaría a estes centros en certos días sen radiólog@ de presenza. Este proxecto, xunto coas deficiencias que non se subsanan en outros servizos sanitarios, enmárcanse na tentativa da Consellería de Sanidade de suprimir as competencias das actuais áreas sanitarias, para facer unha entidade de xestión sanitaria provincial, coas consecuencias negativas que traería consigo para a poboación das áreas periféricas.

A noticia na Región.

De similar cariz eran as reivindicacións da grande manifestación que se levou a cabo onte en Monforte. Miles de persoas sairon ás rúas para reivindicar unha área sanitaria forte, con plenas competencias e sen dependencia orgánica de Lugo. O rotundo éxito da mobilización debería facer pensar ás "cabezas pensantes" da Consellería e do PP de que a poboación destas áreas non vai permitir que se xogue coa súa saúde.

Noticia no Xornal.

Noticia na Voz.

Noticia no Progreso.

monforte

 

Sanidade Pública Digna e de Calidade! Non ao negocio coa saúde!
 
O galego, o noso existir Imprimir Correo-e
Lingua e Cultura
Xoves, 13 Maio 2010 10:33

A Plataforma QUEREMOS GALEGO! Valdeorras convida a toda a poboacion a que festexe connosco o dia 17 de maio, nunha celebracion que e, ao mesmo 17_de_maio_cartaztempo, ludica e reivindicativa, de amor e de denuncia.

O idioma galego e, para a inmensa maioria dos galegos e galegas, un patrimonio propio, unico, e insustituibel. Sentimos o galego como algo noso,  independentemente da lingua que empreguemos no noso dia a dia. E a nosa creacion mais valiosa e pertencenos.

Poucas dubidas hai de que se Galiza ten hoxe un certo grao de autogoberno cunhas institucions propias e, nunha parte fundamental, debido a termos unha lingua e unha cultura propias.

Lamentabelmente, desde hai un ano, temos un presidente e un goberno da Xunta que parecen non decatarse de que se estan ai e grazas a termos un idioma de noso. Incumpren de forma incivica o mandato estatutario de promover o galego e andan as patadas con el. O mellor exemplo desta politica tan lesiva e o decretazo contra o galego, que, por exemplo, varre a nosa lingua da educacion infantil nas cidades e prohibe ao profesorado o seu uso nas materias do ambito  cientificotecnico.

A sociedade galega esta a responder mobilizandose contra a extincion da nosa lingua e reclamando as institucions que cumpran coa sua obriga de promovela, para garantir a igualdade de conecemento, a igualdade de dereitos e a igualdade de oportunidades.

A Plataforma QUEREMOS GALEGO! chama con ese obxectivo a mobilizacion social o vindeiro 17 de maio, Dia das Letras, nunha manifestacion que partira as 12 hs da Alameda de Santiago de Compostela e se fechara na Praza do Obradoiro.

Ademais, QUEREMOS GALEGO! anima ao conxunto da cidadania a que apoie coa sua sinatura unha proposicion de lei de garantia dos dereitos linguisticos, para o que anuncia en Valdeorras a colocacion dunha mesa de recollida de sinaturas o pŕoximo sábado, día 15 de maio, a partir das 19 hs, no Paseo do Malecón do Barco (zona parques infantis).

Asemade, e para facilitar a participacion na manifestacion do luns dia 17, QUEREMOS GALEGO! Valdeorras pon a disposicion de quen o precisar, un autobús que partira o propio dia 17 de maio ás 8:30 hs desde a Praza do Concello do Barco, facendo paradas onde for preciso. Para reservar praza no autobus so hai que chamar ao telefono 690 76 82 95.

Animamos a todo o mundo a participar, festexando e defendendo a lingua, porque O GALEGO, é O NOSO EXISTIR.

 
O tempo danos a razón Imprimir Correo-e
Actualidade
Xoves, 13 Maio 2010 09:01
O TEMPO DANOS A RAZÓN

No 2009 a Consellería de Sanidade suspende acordos con melloras retributivas para os vindeiros anos, e presenta uns orzamentos para o 2010 que entre outras mermas conteñen unha reducción respeto dos cartos destinados no 2009 para sustitución de personal. Ademáis desta drástica reducción de orzamentos neste senso, elimina prazas de profesionais xa consolidadas, conxelando tamén calquer posibilidade de medre a nivel de recursos humanos tanto no ámbito de atención primaria cómo a nivel de atención especializada. 

CIG-SAÚDE convocou folga xeral no SERGAS o dia 16 de decembro, para denunciar estes orzamentos e as súas repercusións.

COMPORTAMENTOS SERGAS

CONSECUENCIAS

  • Dificultade disfrute dias libre designación.
  • Denegación permisos por necesidades servizo.
  • Incremento cargas traballo nos compañeiros
  • Ausencia sustitucións.
  • Reducción das contratacións hasta nun 50%.
  • Cambios arbitrarios de quenda e libranzas.
  • Contratación en precário.
  • Mingua dos cadros de persoal nos hospitais comarcais.
  • Sobrecarga do persoal.

  • Atención sanitária de peor calidade.

  • Cambios de quenda forzosos.

  • Incremento das horas extraordinárias.

  • Menor número de contratos.

 A escravitude voltou ao SERGAS

Máis carga de traballo = Peor calidade asistencial 

A flexibilidade na contratación a potenciación da mobilidade forzosa son obxetivos a acadar polo SERGAS, as traballadoras/es non podemos darlle  folgos para avanzar no camiño da precariedade e da perda de dereitos.
  • Contra a reducción das contratacións
  • Contra os contratos lixo
  • Contra a  precariedade laboral
  • Contra a desaparición do persoal non sanitario
  •  
    Farjas di que os técnicos decidirán se se unen ás gardas de radioloxía Imprimir Correo-e
    Actualidade
    Xoves, 13 Maio 2010 08:17
    Deixámosvos aqui un artigo da Voz de hoxe sobre o acontecido onte en Monforte, na visita da Farjas aos alcaldes. A muller esta non se corta un pelo en dicir que os que decidirán se aceptan as gardas "mancomunadas" serán @s radiólog@s. O que non dí é qué pasará se dicen que non. A algúns xa llo dixeron: privatizar o servizo. Así de claro. Hoxe, tod@s a Monforte!

    Aqui podedes ver a noticia da  Voz:

    Farjas di que os técnicos decidirán se se unen ás gardas de radioloxía

    A conselleira de Sanidade evitou dar prazos para a centralización do servizo no Barco, Monforte e Verín.

     
    concentración HCV Imprimir Correo-e
    HCV
    Mércores, 12 Maio 2010 16:48

    contracion


    hoxe tivemos unha nova concentraciçon contra a intención do SERGAS de unificar as gardas dos servizos de radioloxia de Verin, Monforte e O Barco. Mañá ás 11,30 mais.
     
    CIG manifesta o seu máis contundente rexeitamento ás medidas propostas polo goberno para afrontar a crise Imprimir Correo-e
    Mércores, 12 Maio 2010 14:21

    As federación da área pública (Administración, Sanidade e Ensino) chaman aos traballadores/as a mobilizarse e non desbotan ningún tipo de medida, incluída a folga

    strampaopqnoA CIG manifesta o seu máis contundente rexeitamento ás medidas propostas polo goberno para afrontar a crise 

    A Confederación Intersindical Galega manifesta o seu máis contundente rexeitamento ás regresivas medidas que vén de propor goberno español e denuncia a pretensión do executivo de facer que sexa a clase traballadora quen pague a crise, mentres que quen nos levou a esta situación, o sistema capitalista neoliberal, que baseou o seu crecemento nun modelo de economía especulativa, mantén intactos os seus beneficios. Estas medidas denotan que quen dirixe a política económica dos estados é, precisamente, ese capital financeiro e poñen de manifesto a covardía e incapacidade do goberno para afrontar reformas estruturais imprescindíbeis non só para frear a crise, senón mesmo para evitar que se reproduza, se cadra con máis crueza. 

    A CIG manifestou, desde o primeiro momento, que a vía para reducir o déficit público non era nin o incremento dos impostos indirectos nin o recorte do gasto público, porque isto levaría a deteriorar aínda máis as condicións de vida, reducir dereitos e mesmo paralizar en grande parte a actividade económica, dado o retraemento do capital privado, por mor da crise. En troques diso, a CIG afirmou a necesidade de incrementar o investimento público de carácter produtivo e o gasto social para contribuír a reactivar a economía, a xerar emprego e loxicamente a mellorar a calidade de vida dos cidadáns. 

    Suso Seixo, secretario Xeral da CIG explica que para corrixir o déficit público, a CIG aposta por incrementar os ingresos modificando as políticas fiscais, incrementando os impostos directos sobre as rendas máis altas e sobre o capital, recuperando o imposto de patrimonio, eliminando os paraísos fiscais, combatendo a fraude fiscal centrada fundamentalmente no empresariado e nas profesións liberais. “Hai moitas cousas que facer vía ingresos para controlar o déficit público sen recorrer ao recorte do gasto público, fundamentalmente de caracter social”. 

    Seixo sinala en todo caso a posibilidade de recortar gasto público na administración eliminando a súa duplicidade e mantendo só a administración autonómica naquelas materias nas que estean transferidas as competencias e eliminando gastos superfluo que hai no ámbito dos ministerios e das consellarías, en materia de propaganda, entre outras. 

    Porén, a CIG denuncia que as medidas que se están a adoptar son xustamente as contratrias, redución dos salarios dos empregados/as públicos ou conxelando as pensións, cando o propio goberno ten recoñecido que son moi baixas e cando no caso galego son as máis baixas do estado. “É redundar no recorte de dereitos precisamente naqueles sectores que xa de por si son os que están pagando as consecuencias máis duras da crise económica”. 

     
    suma de notas Imprimir Correo-e
    OPE
    Mércores, 12 Maio 2010 12:09
    Listas en excel de aprobados PSX e aux. adm elaborada por A. L., graciñas por compartir o teu traballo

    aprobados.xls
     
    traslados 100% Imprimir Correo-e
    Traslados
    Mércores, 12 Maio 2010 11:58

    traslados100

     
    recorte do 5%? a crise que a pague o capital Imprimir Correo-e
    Recurtes Sociais e Salariais
    Mércores, 12 Maio 2010 09:21
    A noticia xa se extendeu polos centros como un regueiro de pólvora.

    Despois de que o governo do PP fulminase os acordos acadados dun plumazo, incluida a carreira profesional.
    Agora é o  goberno central do PSOE, quén anuncia que pretende recortar os "grandes salarios" que temos (en moitos casos non chega ós 1000€) nun 5%.

    É curioso que a crise provocada polo capital a teñamos que pagar os sectores con menos recursos.

    Deixamos aquí a noticia en "la voz de galicia".

    Medidas de axuste en Ezpcspaña
     O Goberno baixa un 5% o soldo dos funcionarios e conxela as pensións

    Dentro do plan de austeridade para reducir o déficit público, Zapatero tamén anunciou a supresión do cheque bebé.

    O Goberno vai rebaixar os soldos dos empregados públicos este ano e conxelaraos o que vén, vai retirar o cheque-bebé a partir de 2011 e tamén o próximo exercicio deixará de subir as pensións contributivas.

    Éstas son as tres principais medidas anunciadas polo presidente do Goberno, José Luis Rodríguez Zapatero , na súa comparecencia extraordinaria no Congreso, na que xustificou estas actuacións para acelerar a redución do déficit.

    Este esforzo, dixo, é «especial, singular e extraordinario» e debe facerse «precisamente agora», cando se están vendo «signos» que poñen de manifesto o inicio da recuperación económica.

    Funcionarios

    A primeira gran medida anunciada por Zapatero é a da rebaixa media do 5% no soldo dos empregados públicos, que se conxelarán o ano que vén.

    Con este anuncio, o Executivo rompe co acordo que alcanzou en setembro do ano pasado cos sindicatos para elevar os soldos dos empregados públicos un 0,3% este ano cunha cláusula de revisión salarial ao final do exercicio.

    O pasado 24 de febreiro, o secretario de Estado de Facenda, Carlos Ocaña, apuntou que se estaba estudando a posibilidade de revisar devandito pacto, aínda que un día despois a vicepresidenta segunda, Elena Salgado, corrixiulle e asegurou que se respectaría ao «cento por cento» este acordo hoxe roto.

    Zapatero asegurou que a rebaixa salarial será proporcional aos ingresos, é dicir, afectará máis aos salarios máis altos, e tamén ha adiantou que os soldos do Goberno vanse a rebaixar o 15%.

    Cheque-bebé

    O presidente do Goberno anunciou despois que se suprimirá a partir do 1 de xaneiro de 2011 o denominado cheque-bebé, a prestación de 2.500 euros por nacemento ou adopción dun fillo.

    Esta prestación, unha das medidas «estrela» da política social do Goberno socialista, foi anunciada tamén por Zapatero no pleno do Congreso en xullo de 2007, durante o Debate do estado da Nación, e entrou en vigor de xeito inmediato.

    Pensións

    Doutra banda, o Goberno suspenderá en 2011 a revalorización das pensións, excepto as non contributivas e as mínimas, o que significa que as contributivas non se actualizarán o próximo ano de acordo co IPC. Así mesmo, prevese a eliminación do réxime transitorio para a xubilación parcial previsto na Lei 40/2007. Isto implica que só poderán acceder a esa modalidade de retiro os maiores de 61 anos, que teñan un mínimo 30 anos cotizados á Seguridade Social e polo menos 6 anos de antigüidade na empresa, en tanto que só se poderá reducir a xornada laboral un 75% como máximo.

    Sanidade

    Por iso é polo que anuncie a adecuación dos envases de medicamentos a esas necesidades de acordo coas indicacións da comunidade científica. A posibilidade de dispensar unidosis farase mediante o fraccionamiento dos envases.

    Segundo o Goberno, o paciente poderá comprar así a cantidade exacta de unidades (comprimidos, cápsulas, etcétera) que necesite para o tratamento prescrito polo seu médico.

     
    prestaciois fill@ a cargo Imprimir Correo-e
    Actualidade
    Martes, 11 Maio 2010 20:19

    Prestación anual filla/o menor a cargo. 2010

    neno_osinhoPersoas beneficiarias:

    Persoas que teñan ao seu cargo crianzas menores de 3 anos na data de 1 de xaneiro de 2010 (con data de nacemento entre o 2-1-2007 e o 1-1-2010, inclusivos) e que, por razón dos ingresos obtidos durante o ano 2008 nin elas nin ningún dos/as membros da unidade familiar estivesen obrigadas a presenta-la declaración do IRPF.
    • No caso de crianzas adoptadas ou acollidas entre o 31 de decembro de 2008 e o 31 de decembro de 2009, a prestación poderase conceder durante os tres anos posteriores á data da inscrición no Rexistro Civil ou, cando esta non sexa necesaria, a partir da data da resolución xudicial ou administrativa que a declare.
    • Nos supostos de nulidade, separación ou divorcio, o pai/nai que teña a custodia dos fillos.
    • Persoas estranxeiras que residan na Galiza, sempre que cumpran as condicións da lei  sobre dereitos e liberdades dos estranxeiros e a súa integración social e os requisitos establecidos na presente norma, e tiveran a condición de contribuíntes.

     
    CELADORES: a cualificación é necesaria Imprimir Correo-e
    Actualidade
    Martes, 11 Maio 2010 15:55
    corresillaCELADORES A CUALIFICACIÓN É NECESARIA A CATEGORIA IMPRESCINDIBLE


    Os últimos acontecementos que se están a producir como son a negativa do Ministerio de Sanidade á aceptar o NIVEL 2 e a ubicación na FAMILIA SANITARIA, xunto coa negativa do SERGAS á dotar de CELADORES as antigas fundacións ( CEE e Barbanza ) obrigan a CIG-Saúde a ter que realizar unha aposta por esta categoría. 

    CUALIFICACIÓN

    CIG-SAÚDE solicitará á CONSELLERÍA DE TRABALLO que aposte por esta categoría, presentándolle un informe de cualificación que contén dous aspectos fundamentais:

    1. NIVEL 2
    2. FAMILIA SANITARIA

    QUÉ NECESITAMOS

    • Unha celadora ou celador con competencia en actividades concretas, con autonomía propia, capacidade para usar instrumentos e técnicas propias e con coñecementos técnicos e científicos inherentes á sua actividade.
    • Que Galicia asuma ás suas responsabilidades e avance na Cualificación Profesional que CIG-Saúde lle propón.

    CATEGORÍA

    No tocante á este aspecto, para CIG-Saúde a categoría de celadora/celador resulta insustituible no sistema sanitario e eseixímoslle ao Sergas a cobertura inmediata das vacantes de CEE e Barbanza xunto coa consolidación como emprego fixo das prazas do Salnés, hoxe ocupadas por persoal temporal.

    Alertamos do peligro que a día de hoxe hai para a eliminación de prazas desta cetegoría en todo o Sistema Nacional de Saúde, en función dos distintos modelos de creación de hospitais que se están levando a cabo ( financiación privada ) que levan aparellada a desaparición da categoría, co empeoramento de todo o sistema en xeral.

    QUÉ NECESITAMOS

    Que o Sergas oferte as prazas necesarias desta categoría naqueles centros onde hoxe non existen, para que cumpran coa sua competencia xeral de: “Realizar a mobilización e traslado dos usuarios/as e/ou pacientes dun centro sanitario, e a ordenación e traslado de documentos e materiais do mesmo, utilizando as técnicas, equipos e materiais accesorios, baixo a supervisión do persoal correspondente, para garantir a integridade e seguridade dos usuarios/as e/ou pacientes, cumprindo cos protocolos e/ou normativa aplicable nos centros sanitairos.”

    Se isto non é asumido por esta categoría o hospital estará en peores condicións para ofrecer unha asistencia sanitaria digna.

    Na semana que ven teremos unha asemblea de celadores para explicar este asunto e captar as opiniois do persoal desta categoria.

    ESTAR CUALIFICADO É GARANTÍA DOS POSTOS DE TRABALLO

    PARTICIPA  NAS ASEMBLEAS CONVOCADAS POR CIG-SAÚDE E MOBILÍZATE APOIANDO AS SUAS DEMANDAS

     

     
    Manifestación contra a Represión Sindical Imprimir Correo-e
    Actualidade
    Martes, 11 Maio 2010 14:56

    A manifestación que anunciábamos neste artigo en apoio á compañeira Chelo queda aprazada á espera de integrala nunha campaña informativa e de solidariedade mais complexa.
    reivindicando 

     

    Contra a represión sindical, en apoio a Chelo Martínez.

     
    Convocatorias do SERGAS Imprimir Correo-e
    Actualidade
    Martes, 11 Maio 2010 14:54

    O SERGAS vén de remitir dúas convocatorias para os próximos días:

    * Convocatoria de Mesa Sectorial para o próximo xoves, día 27 de maio.

    * Convocatoria do Grupo de Traballo do Novo Pacto de Contratacións para o próximo mércores, día 2 de xuño.

    Daremos cumprida conta do que aconteza nestas reunións.

     
    << Inicio < Anterior 61 62 63 64 65 66 67 68 69 70 Seguinte > Final >>

    20100407_hospitalvigo_04
    573-81933-a-carrabxo
    573-82097-a-pedra
    573-82150-a-berro
    573-82153-a-dixo
    573-82384-a-manifa
    573-82578-a-SERVIZOS20PUBLICOS-1
    573-82696-a-qg
    573-82703-a-DESPIDO20BARATO
    573-82728-a-pontevedra
    573-82843-a-queremos
    573-83156-a-dspi2
    573-83252-a-pon
    573-83361-a-qgconcerto
    573-83720-a-santiago
    I1133
    www.cig-saude.info | O Barco | Ferrol | A Coruna | Vigo | Pontevedra | Ourense | Lugo | Santiago | Monforte | Burela | Cee | 061 | AgMedica

    Confederación Intersindical Galega - Federación de Saúde
    Miguel F. Caaveiro, 10 - Santiago de Compostela
    Telf 981 55 28 26 - Fax 981 57 10 82
    executiva@cig-saude.info - secretarianacional@cig-saude.info