O acordo de Montoro cos sindicatos estatais só permitirá
recuperar un 0,48% anual do poder adquisitivo perdido até o
2020.
Recuperar o que nos foi recortado nos últimos 8 anos levaríanos 28 anos
de se manteren os criterios dun acordo, pactado como vén sendo
habitual fóra das mesas de negociación, e que desvincula os salarios do
persoal das administracións públicas do IPC.
Nas formas e no fondo, novamente un acordo entre o Ministerio de Facenda e as
organización sindicais habituais (CC.OO., UGT e CSIF) volve a poñer en claro como se
entende a negociación colectiva e como se xoga cos e coas traballadoras das
administracións públicas. Vendido publicamente como un acordo para recuperación do
poder adquisitivo do persoal, como unha vía para o incremento de postos de traballo no
sector público e como a recuperación do 100% das nosas retribución en casos de baixa
médica, o texto do acordo dista moito de responder a esas premisas, o que levou á CIG
a non apoialo na Mesa Xeral das Administracións convocada para o mércores 14 de marzo en
Madrid.
Na Mesa Xeral das AA.PP. están representadas CC.OO., UGT, CSIF, CIG e ELA. Tanto a
CIG como ELA somos claramente maioritarios no sector público dos nosos respectivos
países, mais é obvio que a maioría a nivel do Estado das organizacións estatais permite
que podan condicionar decisións e debates nesa Mesa, que é o máximo órgano de
representación de todo persoal do Estado que traballa no sector público. Se isto é así,
por qué precisan estas organizacións e o propio Goberno negociar por fóra da Mesa e
presentar nesta un acordo “atado y bien atado”? Cal é o papel que se lle reserva á
negociación colectiva legalmente estabelecida? Desde hai anos, e no que ten a ver cos
salarios e os marcos xerais das condicións de traballo do sector público, ningún.
A CIG non pode asumir como propio un documento do que non foi parte en ningún
momento e que foi negociado polas cúpulas sindicais e gobernamentais sen publicidade
e sen contraste cos traballadores e traballadoras, mantendo vellas prácticas
desgraciadamente consolidadas tanto no bando sindical como no do Goberno.

Acordo_Madrid

Informacion-cartos-formacion-AcordoMadrid-2

 

CIG_Informa_Oferta_Prazas_e_datas_Exames_marzo_2018_Pgina_1

 

CIG_Informa_comisin_tcnica_OPE_21-02-2018

 

Información sobre o documento que nos presentou o SERGAS na primeira reunión de negociación da Carreira Profesional 

Panfleto-carreira-180228

 

ÉXITO DA CONCENTRACIÓN CONVOCADA POLA PATAFORMA SOS SANIDADE PÚBLICA DE OURENSE


No día de onte, 24 de xaneiro, celebrouse unha concentración na Praza Maior, convocada pola Plataforma SOS Sanidade Pública de Ourense. O motivo principal era amosar o rexeite á nova lei de Saúde aprobada  recentemente polo Consello da Xunta de Galiza presidida por Feijóo. Asemade, sumáronse a esta convocatoria a Comisión de Centro do CHUO, a Comisión Delegada de Verín, o persoal de limpeza e mantemento de Ferrovial, ademais doutros colectivos que na actualidade estamos en conflicto coa administración sanitaria.

A convocatoria foi un éxito, cun cheo absoluto da Praza Maior de Ourense. Miles de ourensans mostraron así a sua indignación contra o maltrato que os nosos xestores están a ter coa provincia de Ourense.

A seguinte cita será o 4 de febreiro, coa convocatoria dunha manifestación en Santiago de Compostela por parte de SOS Sanidade pública e para a que pedimos a colaboración de tod@s @s cidadáns.

A SANIDADE PÚBLICA NON SE VENDE !!!  

DEFÉNDESE !!!

Concentracin_Ourense_Praza_Maior_24_xaneiro_2018_1



 

Ante as declaracións de Nuñez Feijoo de que para acabar cos colapsos dos servizos de urxencias hai que aumentar as camas das habitacións dos hospitais (a costa do confort dos pacientes) desde a Asociación Galega para a Defensa dá Sanidade Pública queremos comunicar que:

1.- Reiteramos a nosa denuncia de que o colapso do sistema sanitario público galego é a consecuencia directa da redución de camas e persoal e do abandono da Atención Primaria. A política de recorte e desmantelamento da sanidade pública esta dirixida a potenciar aos grupos hospitalarios privados internacionais que están realizando grandes investimentos na sanidade da nosa Comunidade Autónoma.

2.- A solución dos colapsos sanitarios non pasa por acenar pacientes nas habitacións en lugar de nos corredores,  Parece que se pretende volver ás antigas salas dos hospitais provinciais con múltiples camas atendidas por persoal relixioso, que moita xente maior aínda recorda. Esta decisión non afectará ao noso máximo mandatario que, como outros moitos dirixentes populares, utiliza a sanidade privada para a atención persoal e dos seus familiares.

3.- Ademais de una ocorrencia inxusta, estas declaracións poñen en evidencia a súa radical ignorancia dos problemas sanitarios: unha cama hospitalaria non é un moble a improvisar senón un conxunto de recursos profesionais (persoal medico, de enfermeira e auxiliar) e de aparellos tecnolóxicos que garanten a atención dos pacientes hospitalizados. Sen contar os riscos epidemiolóxicos derivados do acinamento de pacientes con infeccións respiratorias.

4.- A solución do colapso da sanidade pública pasa por recuperar os recursos recortados, unha planificación dos mesmos en función das necesidades de saúde da poboación, a potenciación da Atención Primaria e a dimisión dos responsables do caos, por ocurrencias como esta e pola súa incapacidade manifesta para xestionar a sanidade galega pública como o Conselleiro de Sanidade e o propio Presidente da Xunta.

Asociacion Galega para a Defensa da Sanidade Pública
12/01/2018 
Imágenes integradas 1

 

Cartaz_SOS_Manifestacion_4_FEB_2018

Manifesto_Plataforma_manifestacion_4_febrero_2018_

Máis artigos...

Confederación Intersindical Galega - Federación de Saúde
Miguel F. Caaveiro, 10 - Santiago de Compostela
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info