facebook     twitter

gripe
eu-galego
CIG-Saúde denuncia que a Xunta de Galiza pretende condicionar a asistencia sanitaria á voluntariedade das e dos profesionais Imprimir Correo-e
Inicio
Mércores, 20 Setembro 2017 08:34

CIG-Saúde denuncia que a Xunta de Galiza pretende condicionar a asistencia sanitaria á voluntariedade das e dos profesionais.


DEMANDA QUE SE GARANTA A PRESTACIÓN INDEPENDENTEMENTE DO LUGAR ONDE SE VIVA.


CIG-Saúde vén de denunciar a pretensión da Xunta de facer depender da voluntariedade das/os profesionais a asistencia sanitaria nas áreas que ten intención de suprimir coa aplicación da nova lei de saúde que o Partido Popular pretende impor en Galiza. A secretaria nacional, María Xosé Abuín, considera que esta suposta voluntariedade “non é máis que unha escusa do presidente da Xunta para aplicar a súa política de desmantelamento da sanidade pública”.


O proxecto de Lei de Saúde contempla a desaparición das áreas sanitarias da Mariña, O Barco, Monforte e Salnés. “O PP pretende así centralizar a asistencia sanitaria nos grandes complexos hospitalarios afastando e dificultando o acceso a ela á poboación destas zonas. Deste xeito, aproveitando a Lei de Garantías, afondará no desmantelamento da sanidade pública porque para garantir o cumprimento dos tempos máximos de espera previstos nesa lei concertará un maior número de servizos sanitarios (cirurxía, probas diagnósticas…) coa sanidade privada”, denuncia Abuín.


A secretaria nacional da CIG-Saúde denuncia tamén que se adopta esta medida no canto de dotar dos medios e recursos humanos necesarios estas áreas para poder garantir a mellor e máis completa atención á toda a poboación.


Considera, ademais, que non foi casual que o presidente da Xunta fose convidado de honra na reunión da sanidade privada que se celebrou en Galiza e que “tivo ben coidado de omitir na súa axenda pública”.


Alerta respecto da prestación da atención primaria


Para Abuín é “moi grave” que Feijóo chegara a afirmar –en sede parlamentaria- que a atención nestas áreas dependerá da “vontade” dos/as especialistas. Lembra que desde o ano 1996 todos/as os/as médicos/as fan a súa formación a través do MIR, incluídos/as os/as médicos/as de familia. Por iso pregúntase se tamén no caso de primaria se fará depender a prestación de que haxa profesionais para garantir a atención.


Fronte as modificacións que o PP pretende introducir, a CIG-Saúde demanda a mellora das condicións laborais e salariais, a devolución da carreira profesional e o resto de retribucións “roubadas” desde o ano 2010. Exixe que se remate a precariedade e que se apliquen criterios de igualdade, mérito e capacidade no acceso ao emprego público no persoal especialista, publicando de inmediato o pacto de selección temporal de FEAS.


Demanda ademais a convocatoria do 100% das prazas vacantes nos concursos de traslados anuais e as ofertas de emprego e que se integre ao persoal que traballa nos hospitais comarcais nos proxectos de investigación, formación e outras actividades con alianzas estratéxicas de xestión compartida.


Abuín subliña que no SERGAS hai persoal altamente cualificado e con coñecementos suficientes para deseñar un modelo de prestación sanitaria pública que garanta a igualdade de todas/os no acceso aos servizos sanitarios, independentemente de onde se viva ou da patoloxía que se presente. “As ansias do Presidente da Xunta por incorporar persoal externo, ou con intereses privados na sanidade pública, só vai traer desigualdade no acceso  e maior sufrimento as persoas enfermas”, advirte.

 
Pola recuperación dos nosos dereitos Imprimir Correo-e
Inicio
Mércores, 20 Setembro 2017 08:32

Recuperacion-dereitos-plataforma

 
Convocatoria MIR - FIR- BIR- QUIR - EIR Imprimir Correo-e
Formación
Sábado, 16 Setembro 2017 07:14

 

Publícase o venres 16 de setembro no BOE  a Orde SSI/876/2017, de 12 de setembro, pola que se aproba a oferta de prazas e a convocatoria de probas selectivas 2017 para o acceso no ano 2018, a prazas de formación sanitaria especializada para Médicos, Farmacéuticos, Enfermeiros e outros graduados/licenciados universitarios do ámbito da Psicoloxía, a Química, a Bioloxía e a Física.


Calendario das probas selectivas 2017/2018:
  • Prazo de presentación de solicitudes: Do día 19 ao 28 de setembro de 2017.
  • Exhibición das relacións provisionais de admitidos: A partir do día 14 de novembro de 2017.
  • Exhibición das relacións definitivas de admitidos: A partir do 9 de xaneiro de 2018.
  • Data do exercicio: Sábado, día 10 de febreiro de 2018.
  • Exhibición das plantillas de respostas correctas: A partir do día 13 de febreiro de 2018.
  • Prazo de reclamacións ás plantillas de respostas correctas: Días 14, 15 e 16 de febreiro de 2018.
  • Reunión das Comisións Calificadoras para resolver as reclamacións presentadas: Día 28 de febreiro de 2018.
  • Exhibición das relacións provisionais de resultados: A partir do día 6 de marzo de 2018.
  • Exhibición das relacións definitivas de resultados: A partir do día 3 de abril de 2018.
  • Actos de asignación de prazas: A partir do día 17 de abril de 2018. Conforme ao calendario que aprobará a Dirección Xeral de Ordenación Profesional.
  • Prazo posesorio para incorporación: 24 e 25 de maio de 2018, ambos inclusive.
 
Publicación listas definitivas de diversas categorías Imprimir Correo-e
Contratacións
Sábado, 16 Setembro 2017 07:08

 

Publícanse o mércores 13 de setembro no DOG a RESOLUCIÓN do 5 de setembro de 2017, da Dirección Xeral de Recursos Humanos, pola que se publica a orde de prelación e a puntuación definitiva obtidas polas persoas aspirantes admitidas no proceso de actualización das listas de selección temporal de diversas categorías de persoal estatutario.

Contratacion

  • facultativo/a especialista de área de medicina do traballo
  • facultativo/a especialista de área de psicoloxía clínica
  •  farmacéutico/a de atención primaria
  • fisioterapeuta
  • logopeda
  • médico/a asistencial do 061
  • médico/a coordinador/a do 061
  • odontólogo/a de AP
  • terapeuta ocupacional
  • traballador/a social.

 

As listas entrarán en vigor con efectos do día seguinte ao da publicación desta resolución no Diario Oficial de Galicia.

 
Curso Operador de Instalacións Radiactivas Imprimir Correo-e
Formación
Mércores, 13 Setembro 2017 09:37

 

Vaise realizar un curso formativo de Operador de Instalacións Radiactivas que foi proposto e exixido no seu día por CIG-Saúde. 

 

Segundo información facilitada pola Axencia de Coñecemento en Saúde (ACIS) que ata o próximo 13 de outubro estará aberto o prazo de inscrición no curso de Operador de Instalacións Radiactivas, que se celebrará na EOXI de Santiago de Compostela, en execución dos compromisos contidos na acta de sinatura do vixente Pacto de selección de persoal estatutario temporal.

 

Para máis información prema aquí

Solicitude-curso-operador

 

Lugar de celebración: Hospital Clínico Universitario de Santiago de Compostela

 

Datas: días 6,7,8,9,10,13,14,15,16,17 e 20 de novembro de 2017;

 

38 horas (24 teóricas + 16 prácticas).

 

Exame final 24 de novembro de 2017 (2 horas)

 

Horario: Tardes 16:30 - 20:30 horas

 

Prazas: 20

 

Destinatarios: enfermeiro/a e técnicos superiores en imaxe para o diagnóstico clínico. Resérvanse o 50% das prazas ofertadas para persoal da listaxe de selección temporal.

 

Programador/a Docente: Miguel Pombar Cameán. Xefe de Servizo de Radiofísica e Protección Radiolóxica da EOXI Santiago de Compostela


 

 

Programa do curso

 
Publicacións definitivas listaxes Mobilidade Interna Extraordinaria de celadoras/es e aux.adtvos Imprimir Correo-e
Traslados
Luns, 04 Setembro 2017 07:45

 

Públicase na intranet da EOXI de Vigo as resolucións definitivas dos postos adxudicados nas categorías de Celadores/as e Auxiliares administrativos/as.

 traslados-chuvi

 Resolución

 

Listaxe Aux. adtvos


Listaxe Celadores/as 


Criterios de saída

 

 

 

 
Sobre o aparcadoiro no hospital Álvaro Cunqueiro Imprimir Correo-e
EOXI
Luns, 14 Agosto 2017 08:40

Ante a noticia sobre as obras do aparcadoiro municipal no Hospital Álvaro Cunqueiro.


CIG-SAÚDE da comarca de Vigo solicitou o pasado 6 de febreiro ante a EOXI de Vigo información sobre os terreos anexos ao hospital e que na actualidade están sen urbanizar e algún incluso permanece valado. Na solicitude se incluía a posibilidade de utilizar eses terreos para ampliar as prazas de aparcamento existentes, creando unha alternativa gratuíta ao aparcadoiro, privado e de pago, que na actualidade ofrece en exclusiva a empresa propietaria do Hospital Álvaro Cunqueiro co consentimento da Consellería de Sanidade.


Ante esta solicitude, esta xerencia respóndenos alegando que isto non está contemplado nos usos atribuídos no PSIS (Proxecto Sectorial de Incidencia Supramunicipal) do Novo Hospital de Vigo, e por outra banda consideran que o número actual de prazas son suficientes polo que non está xustificado o uso destes terreos, sen precisar que as prazas actuais son todas de pago.


O Concello de Vigo, diante da falta de alternativa, decide unilateralmente a construcción dun parking municipal “gratuíto para os vigueses”. Dita actuación precisou dun “cambio de uso” dunha parcela anexa ao hospital, e está previsto un orzamento próximo aos 600.000 euros.


CIG-SAÚDE da comarca de Vigo considera que, sendo precisa unha alternativa gratuíta para a totalidade das usuarias e usuarios do Hospital Álvaro Cunqueiro, non debería ser o Concello de Vigo o que se vexa obrigado a dar esta alternativa investindo uns cartos da cidadanía de Vigo, incluso coa posibilidade de ser só gratuíta para estes, por ser esta innecesaria.


CIG-SAÚDE da comarca de Vigo considera que, para ter un aparcamento gratuíto para a totalidade das usuarias e usuarios do Hospital Álvaro Cunqueiro, o máis lóxico sería converter en gratuíto o aparcamento xa construído, que tería capacidade suficiente para dar resposta ás necesidades das usuarias e usuarios. Esta medida choca frontalmente co modelo de hospital-negocio co que se construí o Novo Hospital de Vigo por decisión do Partido Popular.


CIG-SAÚDE da comarca de Vigo entende que ten que ser a Xunta quen facilite a esta poboación a alternativa gratuíta ao aparcadoiro de pago, e para facelo xa dispón de terreos da súa propiedade anexos ao Novo Hospital.


Por todo isto esiximos, unha vez máis dende CIG-SAÚDE, que se habiliten os terreos xa en propiedade do SERGAS para unha alternativa gratuíta ao actual aparcamento privado e de pago

 
información da Mesa Sectorial do 2 de agosto de 2017 Imprimir Correo-e
Xoves, 03 Agosto 2017 12:08

CIG-Mesa-Sectorial-2-Agosto-2017

 
<< Inicio < Anterior 1 2 3 4 5 6 7 8 9 10 Seguinte > Final >>