facebook     twitter

gripe
eu-galego
Publicación listas provisionais contratacións Imprimir Correo-e
Contratacións
Martes, 25 Xuño 2019 08:06

 

Hoxe publícase no DOG a RESOLUCIÓN do 17 de xuño de 2019, da Dirección Xeral de Recursos Humanos, pola que se publican a relación provisional de admitidos/as e excluídos/as e os resultados provisionais de baremación no proceso de actualización das listas de selección temporal de diversas categorías de persoal estatutario.

Contratacion

 

Categorías:

  • facultativo/a especialista de área de Medicina do Traballo,
  • facultativo/a especialista de área de Psicoloxía Clínica,
  • farmacéutico/a de atención primaria,
  • fisioterapeuta,
  • logopeda,
  • médico/a asistencial do 061,
  • médico/a coordinador/a do 061,
  • odontólogo/a de atención primaria,
  • terapeuta ocupacional 
  • traballador/a social


Prazo reclamacións: DEZ días hábiles ( do 26 de xuño ao 9 de xullo de 2019)

 
Convocatoria prazas encargada/o de quenda de celadoras/es na EOXI de Vigo Imprimir Correo-e
EOXI
Mércores, 19 Xuño 2019 07:25

 

RESOLUCIÓN do 29 de maio de 2019, da Xerencia de Xestión Integrada de Vigo, pola que se anuncia a Resolución CM 14/2019 da mesma data, de convocatoria pública para a provisión, polo sistema de concurso de méritos, de varios postos de encargado de quenda de celadores.

Denominación dos postos:

Encargado de quenda de celadores-urxencias.

Encargado de quenda de celadores-servizos xerais (2 postos).

Procedemento de provisión: concurso de méritos.

Nº de vacantes totais: 3.


RESOLUCIÓN

 
Puntuación definitiva concurso Mobilidade Interna provisional en Atención Primaria Imprimir Correo-e
Atención Primaria
Xoves, 13 Xuño 2019 06:17

Resolución

 
Propostas de CIG-Saúde para o Consello Técnico de Atención Primaria Imprimir Correo-e
Atención Primaria
Xoves, 13 Xuño 2019 06:33

 

 

En cumprimento do acordo de mesa sectorial de 8 de maio, o proxecto de Plan de atención primaria que a Consellaría presenta, ten que ser a guía inicial de traballo para este consello, non pode ser un documento pechado.

 

Por iso, desde CIG-SAÚDE enviamos  as seguintes propostas, que desenvolven liñas de traballo para conseguir que ese Plan de atención primaria dea respostas ás necesidades asistenciais e laborais, e cunha execución inmediata.

 

1ª liña. Dotación de RRHH.


Proposta CIG-SAÚDE:

a.- Negociar, no último trimestre do 2019, un Plano de Ordenación de RRHH (PORRHH) no ámbito da mesa sectorial. Este plano identificará as necesidades de persoal a curto e medio prazo, e incorporará as propostas de solución.

b.- Para recuperar o equipo básico de atención primaria, as/os profesionais deberán prestar servizo na mesma quenda de traballo. Ampliando o concepto de equipo básico.


2º liña. Coordinación e comunicación entre niveis de asistencia: Atención Primaria-Atención Hospitalaria-061.


Proposta CIG-SAÚDE:

O consello acordará crear unha comisión de traballo, en principio, de persoal facultativo, para abordar este tema. No prazo máximo de 7 días as organizacións que forman parte do consello designarán a/o seu representante.

Dita comisión terá a primeira reunión de constitución antes do remate do mes de xuño de 2019.


3º liña. Creación de Equipos de Atención primaria e mapa de competencias.

Proposta CIG-SAÚDE.

a.- Creación de grupos de traballo:

  • Enfermaría: carteira de servizos, protocolos e formación.
  • Matronas: carteira de servizos.
  • Fisioterapeutas: carteira de Servizos.
  • PSX: definición do traballo administrativo.
  • Traballo social.
  • Grupo multidisciplinar para acordar a carteira de servizos.

 

No prazo máximo de 7 días as organizacións presentes no consello designarán as/os súas/seus representantes nos diferentes grupos de traballo.

Os devanditos grupos terán a 1ª reunión de constitución antes de finalizar o mes de xuño de 2019.

 

4º Liña. Orientar a demanda.


Proposta CIG-SAÚDE


O grupo multidisciplinar creado para acordar a carteira de servizos, terá tamén como competencia, facer unha proposta de como xestionar a demanda na atención primaria.


5º Liña. Formación, docencia e investigación.


Proposta CIG-SAÚDE.


No último trimestre do ano 2019, negociarase na mesa sectorial do SERGAS o estatuto da/o titora/or e colaborador docente.

Todos os grupos de traballo terán que presentar as súas conclusións ao consello técnico antes do 31 de outubro de 2019.


Outra proposta CIG-SAÚDE.

O consello técnico convocará unha reunión no mes de xullo de 2019 para abordar os seguintes temas:

ü  Xerencia de Atención Primaria.

ü  Orzamento específico de Atención Primaria.

Así mesmo remitimos alegacións á Acta do Consello técnico de atención primaria do pasado 14 de maio, nos seguintes termos:

 

"Recibimos con sorpresa a acta da devandita reunión, un documento de 12 páxinas, nas que se reproducen textualmente as intervencións da Administración, e non as intervencións do resto dos asistentes.

Non pretendemos que as actas sexan testamentos, máis si que de xeito breve se recollan as intervencións de todo o persoal, co correspondente nome da persoa que intervén e a organización á que corresponde.

Por todo isto, solicitamos que se incorporen na acta do día 14 de maio as seguintes manifestacións realizadas pola CIG-SAÚDE.

1.- Constitución do Consello. Reiteramos a nosa petición de incorporar no consello técnico os seguintes colectivos:


• Psicólogas/os clínicos.
• PSX
• Terapeutas ocupacionais
• Logopedia.

 

2.- Información mesa sectorial celebrada o día 26 de abril. Esiximos o censo de profesionais para poder comprobar o verdadeiro incremento, ou non. Rexeitamos o contrato de estabilidade, coñecido como contrato precario, esiximos a retirada da base 7º do contrato.


3.- Dar conta das actuacións previstas no plano de atención primaria a curto, medio e longo prazo.
Como CIG-SAÚDE manifestamos que non recoñeciamos ese documento como o plano de atención primaria, que o obxecto do consello era crear ese novo plano, con representación e participación de todos os colectivos. O documento que se nos presenta pode ser unha guía, mais non imos aceptar que esas sexan as medidas que se teñen que aplicar a curto, medio e longo prazo. E que o novo modelo será o resultado das comisións que se cren e do traballo deste consello.

 

Cando mínimo estas manifestacións realizadas na reunión deben ser incorporadas a acta".

 
Publicación convocatorias OPE diversas categorías Imprimir Correo-e
OPE
Luns, 03 Xuño 2019 08:23

 

 

O luns 3 de xuño publícase no DOG as Resolucións da Dirección Xeral de Recursos Humanos, polas que se convoca concurso-oposición para o ingreso nas categorías de:

 

 

Captura MF

 

Captura ped e odont

 

 

 

Captura TCAE

 


SISTEMAS DE ACCESO: acceso libre, acceso de persoas con discapacidade ou promoción interna.

 

PRAZO DE PRESENTACIÓN DE SOLICITUDES: do 4 de xuño ao 3 de xullo de 2019.


As solicitudes de participación no concurso-oposición dirixiranse a unha unidade de validación das relacionadas no propio formulario electrónico de inscrición.

Poderán presentarse:

 

  • por rexistro electrónico (requirirase un certificado dixital válido: FNMT,DNI electrónico ou Camerfirma),
  • de forma presencial no rexistro xeral dos servizos centrais e periféricos da Consellería de Sanidade e do Servizo Galego de Saúde,
  • ou a través de calquera dos procedementos do artigo 16.4 da Lei 39/2015, do 1 de outubro, do procedemento administrativo común das administracións públicas.

Valoraranse os méritos ata o día inmediatamente anterior ao da publicación da convocatoria no DOG.

 

No formulario de inscrición, inclúese a verificación automática de determinados requisitos, sen necesidade de ter que aportalos en papel. Tal é o caso de:

- DNI ou NIE.

- Certificado de discapacidade emitido na Comunidade Autónoma.

- Desempregados/as de máis de 6 meses a nivel estatal.

- Condición de familia numerosa recoñecida na Comunidade Autónoma.

No caso de que non se queira autorizar dita verificación terase que marcar esa opción na inscrición, e daquela presentará en papel toda a documentación.

O resto de requisitos teranse que aportar fisicamente (título, pasaporte...).

 

PAGO DE TAXAS: 

  • 42,24 euros, as categorías de licenciados/as sanitarios/as
  • 25,81 euros, a categoría de TCAE

 

Salvo, exencións totais por discapacidade igual ou superior ao 33%, e membros de familias numerosas da categoría especial; e exencións parciais do 50% dos membros de familias numerosas de categoría xeral, e dos demandantes de emprego desde, polo menos, os 6 meses anteriores e que non estean a percibir ningunha prestación ou subsidio por desemprego.

 
CIG-SAÚDE esixe o cumprimento dos acordos asinados Imprimir Correo-e
Atención Primaria
Martes, 28 Maio 2019 12:20

20190528 CIG informa  consello tecnico conselleiro

 
<< Inicio < Anterior 1 2 3 4 5 6 7 8 9 10 Seguinte > Final >>