facebook     twitter

gripe
eu-galego
INFORMACIÓN DA MESA SECTORIAL CELEBRADA O DÍA 3 DE MAIO DE 2019. Imprimir Correo-e
Inicio
Mércores, 08 Maio 2019 07:13

 

1.- Dotación de prazas no ámbito de atención primaria.


 

2019

2020-2021

TOTAL

MÉDICO/A DE FAMILIA

12

68

80

PEDIATRA DE ATENCIÓN PRIMARIA

 

20

20

FARMACÉUTICO/A DE ATENCIÓN PRIMARIA

 

4

4

ENFERMEIRO/A DE ATENCIÓN PRIMARIA

25

105

130

FISIOTERAPEUTA

8

32

40

MATRÓN/A

 

20

20

TRABALLADOR/A SOCIAL

 

14

14

TOTAL

45

263

308

 

Estas son as prazas que ofreceu o Sergas e que serán aprobadas polo consello da Xunta no mes de maio. Esas vacantes ofertaranse a través da lista de contratacións no mes de xuño.

 

Dende CIG-SAÚDE rexeitamos a proposta porque non podemos verificar que o cadro que se nos presenta é un aumento de persoal na atención primaria. O SERGAS segue a actuar de mala fe negándonos a información que corresponde. Nin sequera quixeron dicirnos en que EOXI se van a cubrir as prazas do ano 2019. Na reunión anterior de mesa sectorial do día 26 de abril, solicitamos que se nos facilitara un censo de traballadores/as de atención primaria para poder comprobar as prazas vacantes producidas desde o ano 2010, as prazas cubertas en OPE e traslados e as prazas cubertas por persoal eventual. Para así poder verificar se existe un incremento real no cadro de persoal, ou se pola contra están a cubrir as prazas vacantes que se amortizaron non últimos anos.

 

Dende CIG-Saúde denunciamos as categorías que faltan e que non van ter incremento de persoal no período 2019-2021.

A meirande parte dos sindicatos aceptaron como positivo este “incremento de prazas”.

 

2.- Contrato de precari@s.


Tal e como se acordou o día 8 de abril, volven a "negociarse" na mesa sectorial as condicións laborais do contrato de precari@s.

 

O día anterior, o SERGAS convocou unha reunión con CSIF, CESM, OMEGA, UGT e SATSE, OOSS asinantes do devandito contrato e que forman parte da comisión de seguimento do mesmo.

 

Nesa reunión non fixeron ningunha interpretación do contrato, só matizaron o xa acordado, e non muda as condicións de precariedade do contrato. O mais grave é que manteñen que as novas prazas que se creen se farán no ámbito deste contrato, iso si, previo paso pola comisión de seguimento.

 

Á Mesa Sectorial traen para "negociar" un documento pechado e acordado o día anterior só para que nos sumaramos. Isto non é negociar.

 

Dende CIG-Saúde rexeitamos ese acordo porque segue a manter, entre outras cousas, a base sétima do nomeamento, que recolle que as próximas prazas se van crear neste ámbito, é dicir, prazas con máis de 1 centro e incluso que poden ser de distrito.

 

3.- Condicións laborais do persoal de PACs.

Desde CIG-SAÚDE manifestamos que estamos a agardar pola decisión do persoal de PACs. O día 8 de maio celébrase a consulta e con posterioridade teremos o resultado.

Preguntámoslle á directora de RRHH se estaría o SERGAS disposto a retirar da súa proposta o punto 4.- Computo de xornada, ao que respondeu que si. Pero que se do documento desaparece o punto 4, o SERGAS vai seguir facendo os cómputos como os fai agora, é dicir, seguirá prexudicando os/as traballadores/as.

 

4.- Outros temas.

O SERGAS comunicou aos centros que soliciten ao persoal de enfermaría que incorporen no FIDES o título de enfermeira especialista en pediatría. Está previsto que na primeira semana de xuño se convoque a comisión técnica de enfermeiras/os especialistas.

 
Mobilidade Interna CHUVI Imprimir Correo-e
Traslados
Martes, 30 Abril 2019 08:03

 

A dirección de Recursos Humanos da EOXI nos informa que sairán publicadas as listaxes provisionais da Mobilidade Interna no CHUVI a semana do 6 ao 10 de maio.

traslados-chuvi

 
Previsións OPE Imprimir Correo-e
OPE
Venres, 26 Abril 2019 11:11

 

Publicación das convocatorias de médico de familia, pediatra de AP, odontólogo de AP, matrona, fisioterapeuta, TCAE e enfermería especialista: de familiar e comunitaria, de pediatría, de traballo, de saúde mental no mes de maio.

Ope

Exames de OPE:

- Finais de novembro- primeiros de decembro: Matrona, fisioterapeuta e enfermería especialista en saúde mental, de pediatría, do traballo e familiar e comunitaria.
- 1° trimestre 2020: médico de familia, pediatra de AP, PSX, TCAE e odontólogo de AP.

Publicacións OPES en curso:

- 1° quincena maio: plantilla definitiva e puntuación provisional na categoría de celador.
- Maio: puntuación provisional da fase de concurso das categorías de médico de familia, enxeñeiro técnico, técnico superior en documentación sanitaria, grupo técnico da función administrativa, grupo xestión da función administrativa.

As tomas de posesión non serán antes do verán.
 
O persoal das Fundacións de Investigación Sanitaria de Galiza demandan un convenio colectivo galego Imprimir Correo-e
Inicio
Venres, 26 Abril 2019 07:54

Denuncia o desleixo da consellaría de Sanidade e da Axencia de Coñecemento en Saúde.


Presidentes dos comités de empresa das Fundacións de Investigación Sanitaria de Galiza compareceron esta mañá en rolda de prensa para denunciar a precariedade laboral que padecen, tanto pola alta temporalidade dos contratos como polas carencias en seguridade e hixiene laboral; a inexistencia dunha carreira investigadora que garanta a continuidade na investigación e os recortes en investimento para investigación. Cuestión que “fan que a situación sexa insostible” para as 440 traballadoras e traballadores afectados. Por iso demandan “un convenio colectivo galego para todas as traballadoras e traballadores destes organismo, tal e como ocorre noutras comunidades autónomas”.

Na rolda de prensa foron Paula Cerezo, presidenta do Comité de Empresa da Fundación Biomédica de Galiza Sur; Alejandro Lamelo, presidente do Comité de Empresa da Fundación Profesor Novoa Santos e Ezequiel Álvarez, presidente do Comité de Empresa da Fundación Instituto de Investigación Sanitaria de Santiago de Compostela quen deron conta da actual situación en representación da Plataforma Galega de Traballadores e traballadoras de Investigación Sanitaria (PLAGTIS), que engloba a gran parte do colectivo investigador e de xestión a nivel hospitalario en Galicia.

Sen convenio laboral específico

Segundo explicaron, as Fundacións Sanitarias de Investigación de Galicia non dispoñen, a día de hoxe, dun convenio laboral específico que rexa as diferentes categorías profesionais e regule os dereitos das traballadoras e traballadores o que provoca que “a maior parte do persoal estea contratado en situación precaria e con contratos temporais, a maioría en fraude de lei”.


Cualificaron esta situación como unha “anomalía insostible no tempo” e aseguraron que, malia isto, até o de agora “non existiu ningún interese por parte da administración en negociar o primeiro convenio proposto tras a creación dos Comités de Empresa asociados aos tres principais centros de investigación biomédica en Galicia: IDIS, INIBIC e IISGS”.


Para demostralo sinalaron que, tanto a Consellaría de Sanidade, como a Axencia de Coñecemento en Saúde (ACIS) “desvinculáronse totalmente do proceso negociador ao desestimar o noso requirimento, feito a través do Consello Galego de Relacións Laborais”. Un “desleixo” que denunciaron porque son un total de 440 as traballadoras e traballadores afectados por esta situación e porque levan demandando esa negociación desde hai máis de 6 meses.


Convenio galego e propostas de negociación


Casualmente onte mesmo, logo da convocatoria de rolda de prensa, as Fundacións da Coruña e Santiago comprometéronse á negociación do convenio, de forma individual, ao que os comités responden que “queremos unha única negociación a nivel galego, coas tres Fundacións ao mesmo tempo, e que se negocie un único convenio a nivel galego”, para o que agardan que proximamente se sume tamén á negociación a Fundación de Vigo.


As/os representantes dos comités das fundacións anunciaron que dan 15 días á administración e ás fundacións para que dean unha resposta. Do contrario xa advertiron de que iniciarán mobilización.

As Fundacións Sanitarias teñen encomendada pola Consellería de Sanidade da Xunta de Galiza a xestión integral da investigación e innovación que as/os profesionais sanitarios galegos desenvolven, así como a promoción dos resultados que a actividade investigadora xera. A misión de todas elas é impulsar a investigación, a docencia, a innovación e o desenvolvemento científico-tecnolóxico no ámbito sanitario galego. Traballan para promover a innovación e investigación galega, poñendo a disposición dos investigadores e resto da sociedade os medios e recursos precisos.


Os Comités de Empresa das Fundacións Sanitarias constituíronse hai un ano e fixaron como unha das súas prioridades a negociación dun convenio colectivo único a nivel galego que regule as relacións, dereitos e deberes laborais de todas/os as/os traballadoras/es de investigación sanitaria. Con este obxectivo, un dos primeiros pasos dados polos comités foi a creación dun comité intercentros con representantes dos tres comités de empresa que traballase nas accións necesarias para a negociación do convenio colectivo.


Xuntanzas sen resultados

Desde aquela solicitaron xuntanza coas/cos Xerentes/as das EOXIs implicadas (xa que son Presidentas/es dos padroados das Fundacións) e coas Directoras das Fundacións para informarlles da intención dos comités de negociar un convenio colectivo único autonómico. Cada Comité reuniuse coa súa Directora xa que as/os Presidentas/es delegaron a súa presenza nelas.


Demandaron tamén unha xuntanza co Conselleiro de Sanidade, Jesús Vázquez Almuiña, quen non nos recibiu. Si se reuniron coa Directora de ACIS, en outubro de 2018, Beatriz Allegue Requeijo, na que, segundo explicaron, se lle propuxo ser interlocutora/mediadora no proceso de negociación do convenio. “Desde esa data non volvemos ter noticias a pesar de tentar contactar con ela en numerosas ocasións”, lamentaron.


Mantiveron xuntanza tamén coa Presidenta do Consello Galego de Relacións Laborais, Verónica Martínez, quen aseguran que, tras exporlle a situación, viu como claro interlocutor a ACIS. “Cónstanos que a presidenta do CGRL intentou contactar repetidas veces con Beatriz Allegue por este tema sen éxito”, sinalaron e denunciaron que a resposta da Xerencia de ACIS ao CGRL foi que “eles non son os nosos interlocutores para o convenio autonómico, e nos emprazan á negociación do Convenio con cada unha das Fundacións. Escrito remitido polo CGRL este luns 22 de abril, xunto coa notificación de arquivo, pola súa parte, desde trámite”.


Máis de 26 millóns de euros ao ano


As Fundación Sanitarias naceron na última década do século XX, nos anos 90 – 2000, e foron medrando, pouco a pouco, até chegar, en 2019 a ter un total de 440 traballadores/as e mover máis de 26 millóns de euros ao ano. Por iso os comités consideran que “a Investigación debe ser un piar da nosa sociedade e as condicións de traballo dos investigadores e técnicos que a desenvolven non debería tratarse como un tema menor”.

 
Ninguén pode quedar sen representación sindical Imprimir Correo-e
Inicio
Luns, 22 Abril 2019 19:12

CIG informa representación unitaria

 
Publicación listas definitivas de diversas categorías Imprimir Correo-e
Contratacións
Luns, 15 Abril 2019 08:57

 

O luns 15 de abril de 2019 publícase no DOG a RESOLUCIÓN do 5 de abril de 2019 pola que se publican a orde de prelación e a puntuación definitiva obtidas polas persoas aspirantes admitidas no proceso de actualización das listas de selección temporal de diversas categorías de persoal estatutario.

  • técnico/a superior en anatomía patolóxica e citoloxía,
  • técnico/a superior en dietética e nutrición,
  • técnico/a superior en documentación sanitaria,
  • técnico/a superior en hixiene bucodental,
  • técnico/a superior en imaxe para o diagnóstico,
  • técnico/a superior en laboratorio de diagnóstico clínico,
  • técnico/a superior en radioterapia,
  • técnico/a en coidados auxiliares de enfermaría
  • técnico/a en farmacia.

 

As listas entrarán en vigor ao día seguinte da publicación no DOG.

 
CIG-Saúde denuncia que a “soberbia” do PP e de Feijóo impide solucionar a problemática de Atención Primaria Imprimir Correo-e
Atención Primaria
Luns, 15 Abril 2019 09:00

Considera que "fixeron saltar polos aires" o acordo asinado o pasado 10 de abril.


O pasado luns 8 de abril asinábase o acordo de negociación de todos os temas que se viñan denunciando, desde hai anos, referidos o deterioro de Atención Primaria. Un acordo polo que o SERGAS se comprometía, a través da Directora de Recursos Humanos -designada por eles-, a negociar en dúas mesas as demandas presentadas polo comité de folga. "Transcorridas menos de 24 horas xa fixeron saltar todo polos aires", denuncia a secretaria nacional de CIG-SaúdeMaría Xosé Abuín.

 

Abuín explica que tan só un día despois da sinatura deste acordo desde o Presidente da Xunta, até o Xerente do SERGAS, pasando polo portavoz de Sanidade no Parlamento e mesmo o propio conselleiro de Sanidade, en comparecencia parlamentaria, retiraron publicamente o apoio ao acordo asinado no ámbito de negociación. "O PP non só desautoriza así á Directora de Recursos Humanos, senón que constata a súa indecencia política e o escaso, por non dicir nulo valor dos seus compromisos, que xa non se sustentan sequera en campaña electoral", denuncia a secretaria nacional de CIG-Saúde.

 

María Xosé Abuín lembra as manifestacións públicas de uns e outros e denuncia que mesmo chegaran a cualificar a plataforma de Primaria como un "chiringuito"; que manifestaran que xa tiñan asinado todo cos Colexios Profesionais e outros colectivos; que o conselleiro chegara a afirmar que o modelo de Primaria do PP xa era un modelo de éxito que non precisaba máis orzamento e que só ía dedicar 17,3 millóns de euros en dous anos; que a solución pasaba por facer campañas de información á cidadanía e por aumentar máis tecnoloxía na Atención Primaria. "Isto quere dicir, nin máis nin menos, que o que pretenden é ampliar o negocio, que agora está nos hospitais, tamén á primaria, e que o único que farán, en todo caso, será redefinir algúns temas".

 

A secretaria Nacional de CIG-Saúde considera "inadmisible" que xa antes de iniciarse a negociación do estudo de necesidades de persoal na atención primaria, que é un dos compromiso recollidos na acta, xa o conselleiro adiante en sede parlamentaria que non teñen a máis mínima intención de dotar o servizo de máis medios humanos, nin materiais, nin máis orzamento. Nin sequera de dotar á Primaria de capacidade resolutiva ou a creación dunha Xerencia. "Antes de cuantificar as necesidades reais xa anuncian o ridículo orzamento que van investir, o que é a proba máis evidente de que a súa intención era e é non facer nada", denuncia Abuín.

 

Desde CIG-Saúde "lamentamos o erro cometido ao confiar en que a consellaría de Sanidade e Feijóo ían cumprir o que a Directora de Recursos Humanos, que adoita respectar os compromisos que adquire e que dela dependen, nos estaba a transmitir. Estaba sendo utilizada e eles non tiveron sequera a decencia de asistir a ningunha reunión coa Plataforma".


CIG-Saúde lamenta, xa que logo, ter desconvocado a folga e terlle dado ese voto de confianza ao goberno do PP, que "sabemos que non é digno de tal", afirma Abuín, quen anuncia que "imos convocar unha reunión da plataforma en breve para propor retomar a folga no mes de maio se o día 26 o SERGAS non trae á mesa sectorial as propostas para desenvolver os acordos acadados o 10 de abril. Estamos dispostas a incrementar a mobilización a todos os niveis".

 
<< Inicio < Anterior 1 2 3 4 5 6 7 8 9 10 Seguinte > Final >>