facebook     twitter

gripe
eu-galego
EOXI
CIG-SAÚDE denuncia a confirmación por parte da Xerencia da EOXI de Vigo da paralización das vacantes que estaba previsto cubrir con persoal estable a partires do mes de setembro. Imprimir
EOXI - Xeral
Venres, 09 Setembro 2016 11:56

A Xerencia da EOXI veuse obrigada a adaptar o cadro de persoal ás necesidades xeradas polas diferentes actividades e organización funcional trala posta en marcha do Novo Hospital.

 

A falta de consolidación do persoal necesario para realizar as actividades normais no Novo Hospital obriga a este persoal a permanecer nunha situación da mais absoluta precariedade sen poder manter estabilidade nun servizo, perdendo dereitos de descansos (incluso os obrigatorios entre xornadas do persoal que fai contratos por días durante o verán) e vacacións, e perpetuándonos nunha situación de inestabilidade que afecta ao funcionamento dos Servizos, onde o persoal estable ten que formar persoal novo cada pouco tempo, e cando está formado finaliza o contrato e o cambian de lugar.

 

Este problema trasladase a moitos dos servizos da Área sanitaria que manteñen o traballo en base a contratos precarios mediante acúmulos de tarefas ou substitucións por días soltos de prazas estruturais xerando grandes problemas na organización e no traballo das plantas afectadas.

 

O feito de cubrir necesidades estruturais (prazas que son necesarias para o funcionamento ordinario) con contratos precarios non fai máis que confirmar a falta de planificación e de previsión por parte das autoridades sanitarias das necesidades do H. Álvaro Cunqueiro.

 

Desde CIG-Saúde demandamos que se transformen en vacantes ás prazas necesarias para o funcionamento dos Hospitais do CHUVI e que esas prazas sexan cubertas por persoal interino mentres non poidan ser ofertadas a concurso de traslados e Oferta Pública de Emprego posterior.

 
Manifestación - Romaría Imprimir
EOXI - Xeral
Mércores, 24 Agosto 2016 09:57

Panfleto-3S-2016-1

 
Concentración pola liberdade de expresión na EOXI de Vigo Imprimir
EOXI - Xeral
Luns, 07 Marzo 2016 09:02

O pasado venres 4 de de marzo a dirección da EOXI de Vigo enviou unha nota interna ameazante sobre a colocación de carteis nos centros sanitarios públicos para advertir que se sancionará a quen coloque carteis e divulguen por por Internet comentarios sobre as deficiencias do funcionamento nos hospitais.


Nota da dirección

 

Dende CIG-Saúde denunciamos esta ameaza á liberdade de expresión por manifestar a nefasta xestión do funcionamentos dos hospitais públicos de Vigo debido á insuficiente dotación de persoal para realizar unha asistencia minimamente digna e a falta de medios axeitados e infraestruturas deficientes froito da especulación e recortes que sofreu o proxecto inicial do novo hospital de Vigo.

 

A cooperación público-privado está dando mostras dende o seu principio que é daniño e prexudicial para a sanidade pública.

 

Por todo elo animamos ao persoal e usuarias/os a concentrarse o mércores 9 de marzo ás 11 horas no hospital Álvaro Cunqueiro diante da dirección (planta 0 vela E) e ás 13 horas no Hospital do Meixoeiro na entrada principal.


Cartaz-censura

 
Problemática nas substitucións no Nadal Imprimir
EOXI - Xeral
Mércores, 16 Decembro 2015 12:51

Segundo nos informa a dirección da EOXI de Vigo en xuntanza coa Xunta de Persoal, en Vigo hai unha listaxe de 1500 DUEs nas listas de contratación e que están en suspensión de chamamentos 907. Recórrese a 90 das incorporadas nas listas en xuño das cales so están dispoñibles 50, tamén levantáronse as sancións nas listas.

 cig-saude-vigo4

As listaxes limítrofes están esgotadas.

 

Ampliouse o prazo para Lds ata o 31 de xaneiro.

 

Ante todas estas limitacións hai que engadir, que polo traslado ao novo hospital, se atrasaron as vacacións dalgún persoal que agora as pediu en decembro e xaneiro.

Tamén hai un repunte das IT (baixas)

 

Van garantir que o 30% do persoal sexa veterano e limitar a 4 días os días de permisos nestas datas para que a maior parte posible do persoal poda gozar dunha semana no Nadal.

 

Aínda así creen que non vai ser suficiente para subsanar a situación e que entón terán que tomar medidas extraordinarias, van atrasar todos os permisos ata o 30 de abril, incluídas as vacación pendentes.

 

O 23 de xaneiro (día da OPE) non se van conceder días.

 

En caso de que con estas medidas non foxen suficientes anularíanse os permisos en base a uns criterios, embarazadas, con fillos ou persoal a cargo, vacacións.

 

Onde haxa actividade programada, concretamente no Meixoeiro, poden suspendela para recorrer a ese persoal.

 

Sobre a nota que esta circulando por aí de que ían pagar 117 € por xornada, desmenten rotundamente que iso non saíu de dirección e é un bulo.


PRIMARIA:

A dirección di que o que está autoorgañizado en primaria non se vai tocar.

 

Van fomentar a voluntariedade.

 

En primaria hai dous colectivos afectados, pediatras e médicos de familia. En pediatría as listaxes son case nulas, mirarán medidas organizativas como contrato continuado (acúmulos) limitando a 4 días máximo.

 

Médicos de familia hai 10 substitutos dispoñibles e teñen 10 bloques definidos. Hai PAC de 1 presenza e PAC DE 2. En ordinaria 1 único médico, falta Goian por resolver, no resto pensan que van encaixar todo.

 

Nos PAC de Vigo hai pouca petición de días, van estudar alternativas ocorrentes do persoal que poden valer.

 

DUEs de primaria faltan 4 centros por solucionar (Cangas, Moaña, Cañiza e N. Peña) o resto está encauzado.

 

Dende CIG-Saúde fixémoslle a dirección unha crítica sobre todo este proceso, que o SERGAS actuou con gran irresponsabilidade neste asunto por convocar a OPE nestas datas, cunha falta de previsión e cun alto grao de incompetencia. Dende logo non se recorda unha situación semellante. Todo un reto para o persoal, que terá que traballar baixo mínimos.

 
Problemática nas substitucións de enfermeiras Imprimir
EOXI - Xeral
Xoves, 10 Decembro 2015 16:43

Dada a problemática pola falta de persoal de enfermería nas listas de contratación na Área sanitaria de Vigo durante o mes de decembro e  xaneiro, CIG-Saúde manifestoulle á directora de Recursos Humanos da  EOXI de Vigo a falta de previsión para intentar paliar a situación que  agora estase a vivir, por un lado criticamos ao SERGAS por convocar os  exames da OPE nestas datas  (23 xaneiro) onde hai tanta oferta de  contratación para cubrir os permisos do persoal e dado que moita xente  ía solicitar suspensión de chamamentos para preparar o exame, a isto  súmase os permisos polas eleccións do día 20 de decembro e os permisos por vacacións, LDs e demais nestas datas.


Ante esta falta de previsión lle propuxemos á dirección que ampliase o  prazo para solicitar os LDs ata o 31 de xaneiro en vez do 15 para paliar  no que sexa posible ese efecto de falta de persoal.


En caso de falta de persoal e para garantir a asistencia sanitaria básica, a dirección vai reconducir o tema dos permisos concedidos para dar prioridade aos permisos segundo criterios de preferencia, vacacións, LD  e resto de permisos (por trienios e adicionais de vacacións), estes  últimos correspondentes ao 2015 poderanse gozar ata o 30 de abril.


Unha vez mais a improvisación e a falta de visión de futuro a corto e  medio prazo ocasiona que se poidan tomar medidas restritivas prexudiciais para o persoal.


Esperemos que non se chegue a producir esta situación restritiva e todo o persoal poda gozar dos días que solicitou nestas datas.

 
<< Inicio < Anterior 1 2 3 4 5 6 Seguinte > Final >>